漁樂 (黃大仙中心南館)

營業中

休息中

這天早上在黃大仙覓食，很多餐廳都還沒開門。因為超級肚餓，所以試試這間不用排隊的漁樂～早餐的餐牌不多，只有4頁。最後選了意式蕃茄濃湯肉碎野菌通粉（$30）加凍檸茶（$3）意式蕃茄濃湯肉碎野菌通粉，湯底味道真的有點濃，比較偏鹹一點。野菌腍得來有點爽口，肉碎偏少帶點香草味，但是整體感覺還不錯～如果蕃茄味再重一點會更好。通粉是有坑的那種，入口比較軟腍凍檸茶少甜少冰，味道是OK的，但是冰真的很多。點了少冰都有半杯是冰。

黃大仙中心店，食物質素和價錢都合理！但服務態度勁差，店内有一位年青部長，他的服務態度簡直是我從末見過的差，老闆請著呢種員工，確實會把招牌弄臭！事源我和年近90歲的媽媽一行三人進入店内用餐，有一位男待應帶我們坐在一張4人圓枱，坐下之後，我媽媽覺得被冷氣吹正頭部，感到有些不適，由於店內沒有太多客人，所以要求轉一張卡位枱，但該名部長說要有4位才可以轉，但我發現隔離左右同一樣size的枱都係坐著二人或者三人，所以我跟他理論，佢竟然好囂張話，如果我哋唔滿意可以去第二間食店，我表示要找經理，佢就好寸咁話全店最大的就是他，如果不滿意可以投訴，重畀埋個人名牌我睇， 這樣的服務態度簡直少見 ，以後都不會再幫襯這間食店! 就算食店有幾好食，有呢種超差的伙計，都只會是 趕客！

皆因是平日，所以不用等位直接就可以進去了。侍應安排了卡位給我們，座位很舒服，不會覺得擁擠。左邊是熱奶茶，右邊是熱咖啡。兩杯的味道都是不過不失。熱度是夠的，甜度可以自己控制。（茶）輕量扎肉拼肉丸湯河 $23這個是特別的菜單，只可以堂食。而且星期六、日和公眾假期是沒有的。下午茶的份量還算夠的。但如果抱著當午餐來吃就可能不太足夠。男生的話可能要吃兩碗才行。畢竟這河粉只售$23，還包一杯熱咖啡或熱奶茶。省錢之選！（茶）越香魚片扎肉湯河（轉金邊粉） $35這個金邊粉價錢和上圖那湯河價錢相差$12，不同之處就是魚片和肉丸，還有魚片扎肉的粉的份量多一點點。如果是平日的話，個人是比較推薦輕量扎肉拼肉丸湯河，因為價錢實在太吸引了。性價比很高。

夜晚六點幾去呢間食，因為住附近，所以呢到都算係飯堂，唔使等位，兩個人有大枱坐。下午茶menu過左時間 ，叫下午茶海南雞真係好抵！仲配埋野飲添。我同屋企人叫左兩個海南雞飯😍每次黎親都係叫海南雞。因爲海南雞既品質長期都高，雞肉好滑而唔油，份量夠多！😎而油雞飯都好襯啲雞，啲醬油都好有新加坡feel, 仲有醃蘿白絲配飯好開胃。加左一碟飛天通菜， 少少辣，但辣得黎陣香味又好好送飯😍又唔會太油，都係必叫之選！

I went to Wong Tai Sin over the weekend and explored the South side of the Temple mall. I found this neat looking restaurant and thought to try their food out. It looks like a good place to hang out, eat with family, chill with friends and relax.Their menu is offered in both English and in Chinese. The staff were very polite and patient.It seems like pho is their #1 dish as almost all of the diners were having that. I instead chose my all-time favorite comfort food - Curry and fish all packed in

漁樂下午茶餐真係好抵食，今期轉左新餐牌，係貢丸加扎肉粉，湯底非常唔錯，不過粉嘅份量少啲，就返價錢差唔多啦提提大家如果唔鍾意食河粉可以轉金邊粉，金邊粉仲好食另外嗌咗個下午茶薯條餐有雞肉串燒同熱辣辣薯條🍟，都幾好味，個沙嗲醬都唔錯最後加錢叫咗個甜品，焦糖燉蛋，分量少少但好味

由於今日掛黃雨嘅關係，所以揀咗呢間喺商場入面嘅東南亞餐廳食tea。店內裝修好有特色，卡位充足，令食客坐得舒服，無壓逼感及有私人空間。食物嘅價錢好大眾化，下午茶餐三十幾蚊起包飲品，食物的質素很不錯。最终我選擇冬蔭功豬頸肉炒烏冬和星洲炒金邊粉。前者有驚喜，豬頸肉份量唔少，夠薄而且醃料很入味；由於用冬蔭功炒嘅關係，所以好惹味，適合嗜味濃一族，值得一試。後者卻有點失色，星州炒法一般用咖喱，但整體味道偏淡，毫無咖喱香味，更枉論如大排檔星洲炒米般嘅鑊氣。另外，肉絲配料少得可憐，整碟也只有三條左右的肉絲碎，差點以為光顧“功德林”吧！雖然如此，下次再掛黃雨或红雨時，我仍會再試一次，因為目測鄰座的海南雞飯也命不該绝，所以會有下次……

💰小資福音🤩 ❣️$19碗❣️ 呢間漁樂餐廳主要食東南亞風味，一坐低見到$19碗牛肉湯河！嘩！真係好耐冇見過1字頭嘅粉麵😭原來為亞洲國際餐飲集團11周年！呢碗麵$19仲要送熱飲，仲要免+1，應該係我食過最平嘅lunch !! 佢寫輕量級，我都驚唔飽，送上枱嘅時候都預佢份量唔多，雖然係$19但係都唔會Hea！牛肉有兩塊，河粉分量正常，同埋最緊要食完係飽嘅😂😂 記住係逢星期一至五先有，禮拜六日公眾假期除外！希望其他餐廳都出下良心套餐😆😆 📍全港有八間分店

今日去咗黃大仙廣場，試食星、泰、越嘅漁樂。佢哋人手一定非常之短缺啦，我1230入坐，到1240都未有人執枱，我叫咗三位不同侍應，她們都係話好快就嚟啦😥先點菜，泰式金不換炒金邊粉，越南魚頭片扎肉湯河，朋友本來推介炒菜，話幾好味，但怕辣，所以最後冇叫到，希望食物有水準啦。河粉不過不失，冇乜特別，而魚頭辣片未有預期咁香口，整體還可以啦。至於炒金邊粉，就炒得幾香，味道帶有少少甜，少少酸，有趣嘅係我發現佢將辣椒碎放喺金邊粉嘅左邊，有小執白砂糖放喺金邊粉右邊，唔知係咪要自己撈勻佢哩辣椒粉，要撈勻唔出奇，可能是乎你喜歡嘅辣度，但係白砂糖究竟要撈勻定係佢跌咗一執落去呢🤔我都唔敢肯定🙄 蝦亦都I爽口，整體嘅配搭幾好，幾開胃，而且份量好足，可以再叫。餐廳設計雖然唔能夠分清楚究竟屬於星、泰、越邊個式，但整體都算可以啦，平均每人50幾蚊，間中去食飯都無妨。

食過沙田禾輋個間漁樂，午餐好抵食，地方又好坐，知佢質素好，今晚經過黃大仙知道有分店，唔使諗一定食佢。😋 叫左個牛丸肉丸越式湯河（掛住食無影相🙈）。個牛骨湯好鮮，肉丸又夠味，睇得出佢用心係，配菜既芽菜係又短有漲卜卜既品種，同係馬來西亞食既芽菜雞河粉既芽菜係一樣品種，唔係香港街市常見奀支支個種芽菜，連芽菜都有揀過證明好用心 仲有，要係度讚下個後生仔侍應，星期日晚市好full，佢一個人睇晒大半個場差不多20張枱，其他都係傳菜姐姐。我見佢做到無停手，依然好有禮貌，有d客等得耐態度麻麻，佢都好認真有禮咁幫人落單跟單，我見佢不停同客人講「唔好意思」「多謝」「麻煩等等，我開埋個位再黎幫你」。咁忙都咁好態度又快手既好員工係邊度搵？

   黃大仙中心翻新之後，多左好多食肆，每間都有下午茶提供，所以要試的話，都真是要食好多次先試得曬。可能因為市場競爭激烈，每間的下午茶套餐都可以KEEP在$40以下，今次食既都係$40有找的，包熱飲一杯的套餐。   這是主打東南亞食品的餐廳，所以都有做泰式越式的食物，今次早早食個晚餐，就點左扎肉湯河試下。配菜都好多，而且有片青檸，所以個湯底都好香，不過就都係咸左DD。   湯河粉既份量唔係好多，印象中午餐的量好似多D，所以收得平的時候個量又會減D吧，扎肉有四片，所以食完碗粉，都唔算好飽，我覺得似乎是一個輕量既下午茶。飲埋杯熱飲，都好飽足。當日所見，下午茶時間都幾多人食，附近幾枱都坐滿左人，大家食既食物都幾唔同下，不過我一心想食湯粉，所以都冇留意到其他。見到旁邊既人食炸雞，又有咖哩飯，好似都幾好咁，或者下次可以再食。

呢間餐廳每逢放假基本上都會幫襯主要係價錢得宜之外又可以食到星馬泰既食物好欣賞佢呢度的凍飲係大大杯啱哂我呢啲中意飲野多過食野既人另外推介之一係辣肉碎炒金邊粉辣得黎非常甘香，中意食辣的朋友一定要試

因為住係黃大仙附近 經常會去黃大仙 呢間餐廳倒是第一次去餐單上都好多選擇 東南亞野食都有 包括泰國🇹🇭 越南🇻🇳馬來西亞🇲🇾 等等等等我叫左一碗冬陰公香茅豬扒金邊粉 （around HKD60) 睇樣都尚算吸引 食落真係出事 完全無冬陰公味 只係酸味 可以用難食去形容 唯一可取之處係豬扒好食 同埋份量夠我太太叫左碗生牛肉河 （無影到相） 正常水準 接下來叫左個牛油雞翼拼春卷 （食左一隻雞翼先影相）牛油雞翼無牛油味 只得蒜蓉味 春卷無特別全餐飯我認為係小伏 因為碗冬陰公金邊粉實在太難食

今天經過黃大仙中心一帶，想在附近吃過有特色的下午茶，發現這間餐廳。一看餐牌，就被裡面的食物吸引著了。餐廳的裝修有西部牛仔小鎮的風格在內，別具特色。我點了餐牌上必食推介的冬蔭公豬頸肉炒烏冬，最主要原因是其他必食推介的食物都能在大XX等連鎖快餐店找到類似的，想叫一些特別的。 以下午茶份量來說都適中，但是我略嫌小碗。食物味道是濃厚的，但我認為油分太多，希望這點可改善。 豬頸肉，烏冬十很小辣但十分惹味。 但是我認為烏冬的口感可改善。下午茶餐廳並不多人，容易有位。 整體而言，餐廳質素和性價比都不錯，喜歡東南亞菜的朋友可以一試。

今日又唔知食咩好,想食越南野,算近既就係呢間,就入去啦,入去前店員不斷介紹佢既介紹十分有趣,有好多位同好多分店,作為賣點,如此可愛,又怎能錯過呢😂入到去如有格調既裝潢,我地叫左ㄧ個金邊粉同ㄧ個咖喱飯,各配ㄧ杯熱奶茶,上菜啦,我見擺盆是挺不錯的😍,他用的碗,我自己買個放家裡看,咖喱飯有點偏向,馬來西亞風味,椰汁味重,但唔辣,還行但卻實很大份,那金邊粉呢,就料挺多的,但炒得有點濕,乾ㄧ點比較好,老實說我不太合我胃口,但無事來吃吃也可的🙈