漁匡 (良德街)

營業中

休息中

朋友話呢間火鍋店幾抵食, 所以趁午市嚟試下我哋叫咗美國肩胛牛肉(原價$198, 於17:00pm 前每位減$40)再加$48任食刺身和海鮮全日免收加一呢個放題包各種汽水、刺身、雪糕甜品等, 而且食物質素都幾好,同朋友慢慢坐慢慢食都好回本首先來個刺身拼盤,有帶子、鮑片、甜蝦、劍魚腩、油甘魚、榮螺、三文魚、北寄貝等,所有刺身都好新鮮, 其中甜蝦、北寄貝、三文魚最正湯底方面有七款,我就揀咗蕃茄湯底, 蕃茄味濃,健康又美味,至於火鍋配料有丸子、餃子、蔬菜等牛肉方面充滿香濃牛味,雪花平均, 肥瘦適中,質素都唔錯海鮮方面有幾款貝殼類海產,隻珍寶帶子和海蝦,超級大隻,肉質彈牙。白沙蜆又滑又爽甜炸物方面各有特色,外脆內軟,非常滋味最後食埋杯雪糕好滿足

屯門漁匡壽司🍣🍱.依間係康德花園嘅小店都幾受區內人歡迎當日lunch 時間去 爆晒場我比較早到先有位.三色魚生丼 $75丼飯有帆立貝 油甘魚同三文魚Lunch 會配湯 沙律同飲品油甘魚同三文魚好厚切 好滿足食落都好新鮮 魚味唔算超濃郁但都合格有餘帆立貝比較細粒 但好鮮甜醋飯份量好多 比較黏口食咗一半已經飽😅.個人覺得依間小店好抵食味道唔錯 店面乾淨選擇非常多 定食 魚生丼 火鍋 壽司都有午餐價錢$5x起 佢ig 有post menu 有興趣可以睇下

今日再去屯門良德街「漁匡 (良德街)」食放題，上一次去係9月份，今次再去食，已經加左價🙈，某些刺身及海鮮🦐也沒有之前的那麼好，最終我們揀咗： 1️⃣ 美國肩胛牛肉 $158 x 2 (原價$198，17:00前每位減$40) 2️⃣ 追加刺身及海鮮任食 $48 (每位) x 2🥢 刺身 的確唔錯，樣樣都好新鮮🥢 海鮮 都OK，都算新鮮3️⃣ 炸物 有芝士年糕，我個人覺得幾好食4️⃣ 火鍋配料🥢 有多款火鍋配料選擇整體來講：食物質素OK，但某些食材就比之前差咗，如「油甘魚」好快就售罄、「虎蝦」細隻咗，同埋唔太新鮮價格💰：$412 ($206 x 2)

之前食過一次，今次再去，同樣地，加錢有刺身食，但今次嘅刺身。。竟然係冇冰墊底，刺身真係唔好慳嗰小小冰底，尤其係放在火煱隔離，炸物ok尤其係炸蠔，但沙律醬極小，幸好檯面有麻醬不用勞煩侍應，肥牛／豚肉／雞肉／蝦／都可以，對得起個價錢，讚嘅係，真係點幾多舊，就俾你幾多，絕無冇俾小！我只係不滿個刺身冇冰底。。明明刺身好食都搞到勁難食

我選擇了美國胛肩牛肉放題再加刺身任食放題，午市時間仲減$40，埋單都係$206，我最欣賞嘅就係刺身非常新鮮，可能本身元朗同大興花園附近都有分店，佢地主打都係壽司，所以佢地嘅刺身有返咁上下嘅水準，至於牛肉就都可以喇，我可能食最平果隻所以覺得一般，不過佢嘅配菜都好多種類，除了有蔬菜丸類同出面一般放題差吾多之外，海鮮種類都好多，有蠔有帶子有青口有蜆有海蝦，仲有我鍾意食嘅墨魚滑，仲有炸物⋯有炸蝦炸蠔炸紫薯等等，這個價錢真係抵食，食物又新鮮真係值得推介，雪糕方面就牛奶公司，飲品係盒裝或罐裝，其實每次去都人客吾多，可能附近街坊都吾知有哩間餐廳，不過真係吾錯嘅放題餐廳，最後就要讚一讚佢地嘅服務員，佢哋嘅態度非常有善效率又高。

係屯門良德街發現一間小店既日式火鍋放題，我哋揀左食90分鐘放題，$198美國肩胛牛肉😋一人一鍋，湯有七款，我揀左養生白雞湯，湯底有約3-4件雞。$198美國肩胛牛肉，脂肪分佈平均，肉質嫩。而且肉質新鮮。😋每位加$48追加刺身和海鮮任食。刺身叫左三文魚、甜、北海道帶子、油甘魚。刺身厚度適中，鮮甜肥美。海鮮款式不太多，也有人氣海鮮，有蠔、虎蝦墨魚滑。推介食芝士年糕，炸粉適中，濃濃的芝士配上煉奶，簡直係絕配。喜歡食甜和芝士既你，一定要食。我一次過食左三件🤣推介食紫芋餅，香濃既紫薯味道，內有栗子粒。

今日行完菠蘿山，就去咗漁匡開飯，聽朋友講話呢度放題的材料好新鮮，所以就來試下。我同朋友叫咗🥢安格斯肩胛牛肉放題($188) - 包括🥢肩胛牛肉，🥢美國殼飼牛，🥢豚肉都要任叫，肉既質素好好，我食咗10碟牛肉，哈哈🥢追加刺身及海鮮任食 $48 (每位) - 可以叫刺身 (🥢三文魚、🥢三文魚腩、🥢油甘魚、🥢鯛魚、🥢北海道帶子等等) 及 海鮮 (🥢廣島蠔、🥢帶子、🥢虎蝦等等) 刺身非常新鮮，同壽司店的魚生質素一樣，清甜好味🥢還有各款蔬菜可以選擇🥢炸物 (吉列蝦、吉列蠔、芝士年糕、餃子等等)🥢火鍋湯底 (一人一鍋) - 蕃茄湯, 昆布海鮮湯甜品菜單

今日係朋友屋企附近 (屯門良德街) 一間餐廳「漁匡」食日式放題，餐廳有4個不同價錢嘅牛肉類，我們揀咗1️⃣ 安格斯肩胛牛肉 $188 - 肩胛牛肉 脂肪分佈均勻，肉質軟嫩- 美國殼飼牛 油花較多，有牛肉味- 豚肉2️⃣ 追加刺身及海鮮任食 $48 (每位)- 刺身 (三文魚、三文魚腩、油甘魚、鯛魚、北海道帶子…等) 鮮甜肥美- 海鮮 (廣島蠔、帶子、虎蝦…等) 非常新鮮3️⃣ 炸物- 吉列蝦、吉列蠔、芝士年糕、餃子4️⃣ 火鍋湯底 (一人一鍋)- 蕃茄湯- 昆布海鮮湯

又係食放題既時間啦👅今次黎到呢間位於屯門新開既全日放題一坐低就留意到舖頭入面係播住Mirror既歌😍WoHoo～講番正題 主要係日式打邊爐 另外可以追加魚生同海鮮🦐以牛肉分為4️⃣個等級🐮一人一鍋 可以揀自己鍾意既湯底冇辣不歡既🐻就揀左血池地獄湯 .血池地獄湯雖然見到有两大隻辣椒係鍋入面🌶但辣度不足 要食菜掛哂湯先有少少感覺到辣-安格斯肩胛牛肉 HKD188第2️⃣個等級既牛肉脂肪分佈均匀 肉質鮮嫩性價比非常高🌟#美國榖飼牛肉 第1️⃣個等級既牛其實質素都唔太差但食左安格斯之後就有比較🤣-豚肉冇乜特別 正常發揮-追加魚生及海鮮 ➕HKD48魚生都新鮮既但款式唔算太多叫三文魚腩都只係黎普通既三文魚🤔海鮮款式唔多但質素都不錯-炸物 全場最抵讚就係炸物平時食放題炸物永遠係室溫甚至係凍既但呢間既炸物係熱辣辣‼️脆卜卜‼️-Haagen-Dazs一雪櫃既雪糕 多款味道任你選擇

係屋企附近終於開咗一間日式火鍋放題啦，從此以後唔使再去市中心同人迫啦今日試$168穀飼牛再加$48任食刺身加海鮮（記得要加呀刺身超正）三文魚腩油甘魚赤貝甜蝦呢度仲有炸物食我個人覺得好食過好多地方炸蝦炸蠔芝士年糕忌廉薯餅好啦講返火鍋啦⋯⋯$168穀飼牛正常水準，下次試$188安格斯肩胛牛肉應該會再好啲海蝦扇貝廣島蠔花膠湯底放面係每人一鍋、有幾款口味可以選擇，今次揀咗壽喜燒同地獄辣湯底啱晒啲想試唔同口味嘅朋友仔，仲有呢度嘅甜品係Häagen-Dazs雪糕，可以任食的，鍾意食嘅可以食返唔夠本

呢間餐廳淨做放題，可以揀火鍋或者火鍋和加刺身任食。我揀咗次高級嘅牛小排餐。首先，湯底嗰度係一人一鍋，可以揀自己喜歡嘅湯底，整嘢食方便又衛生。來的食物嘅質素幾穩定優質，牛小排呢個性價比符合，其他火鍋料亦唔錯、新鮮。有驚喜係個炸物，新鮮即炸，熱辣辣好脆。雪糕有Häagen-Dazs，甜筒等。飲品都係平時想飲果啲。職員服務殷勤、有禮貌。今次揀咗午餐火鍋任食，90分鐘其實已經好飽好多嘢食，但見隔離枱啲刺身除咗有基本平時食嗰啲，仲有吞拿魚腩 、劍魚腩、蠔等都係我鍾意食嘅。好正好想試吓！呢個質素有下次。下次叫埋刺身