漁匡寿司

營業中

休息中

洪水橋既日式餐廳都比較少，所以我就入左去食整體水平唔錯，壽司個樣幾靚，味道都OK既 環境整潔，就係間鋪比較細，等位都比較耐 但係算唔上擁擠 價格係正常既，因為壽司本來就比較貴，我覺得呢個價格可以接受

夜晚諗住去食飯，店鋪要等位，等左5-10分鐘就入去了。入到去得一張檯執好位，所以店員就嗌我地坐低。後面有一張，但係未執好位。諗好嗌咩嘢食之後，就叫店員埋黎。我地揀見到好多檯都嗌左火鍋，所以就嗌火鍋+鰻魚炒飯。點知店員就話：呢個位大風，開唔到爐，呢度食唔到打邊爐啊，你地揀其他嗌啦。我當堂呆左呆，隔離5張有4張都食緊打邊爐，之後我就話入座嘅時候，點解你唔講嘅？店員就繼續話係啊食唔到嗌其他啦。我問有冇位可以轉到？（因為我見後面個檯都係岩岩入座，其實佢可以去問問個檯係咪食火鍋…）之後店員就一句話：你一眼睇曬啦🙂‍↔️你都見到冇位咖啦🤯🤯🤯🤯🤯🤯🤯🤯🤯其實唔識同客溝通可以做後台……係咁講嘢真係趕客…….最後比佢講嘅嘢辣慶左，走人無食如果餐廳見到麻煩處理下個staff…如果個個位唔可以火鍋，其實係咪一開始入座就講明，等客可以知道/等其他檯。而唔係嗌個客唔好食呢個食其他😓

相信唔係住呢頭嘅你都好少會特登去嗰邊食嘢呢間隱世壽司🍣🍤店嘅午市套餐價錢大約$51-$100日本嘢食嚟講算係平嘅價位溫泉玉子牛肉石鍋 🍲$58燒汁同個飯，溫泉玉子🥚都好夾 值得一試火炙三重丼🍱$98入面有三文魚，北海道帶子，比目魚 全部刺身都厚切 而且份量都唔少對得住佢嘅價錢呢間舖頭都仲有做壽司拼盤 價錢都唔算貴值得一試 而且舖頭闊落坐得都舒服 店舖都乾淨企理衛生環境唔錯 呢個價錢可以再戰

漁匡寿司 📍元朗洪水橋盈福街8號翠珊園1-9座 👉🏻深海鯛魚牛肉鍋$88，白飯和湯可以任添啲配菜有冬菇、豆腐、獅子狗、金菇、生菜、娃娃菜、魚肉、大葱魚味非常新鮮， 一共裝左三杯白飯黎食 ， 非常抵食🤣仲有沙津食Tim 甘岩去左朋友度所以先會去到甘偏僻都係街坊食多 美味指數：⭐️⭐️⭐️⭐️環境指數：⭐️⭐️⭐⭐️⭐️服務態度：⭐️⭐️⭐️.5翻兜指數：⭐️⭐️⭐️⭐️（滿分為 5⭐）#全力食｜#密密食｜#情侶檔搵食｜#小店推介｜#餐廳推介

見洪水橋附近暫時得呢間日式餐廳，所以決定試下佢。除左基本壽司小食類，仲有十幾款丼飯選擇，同埋有幾款日式火鍋，所以以一間小店黎講都幾多元化~因為天氣好熱，火鍋就暫時未吸引到我所以叫左兩款丼飯試下，一款火灸丼，一款刺身丼。見到丼飯上面既刺身都係厚切，色澤新鮮仲排得好靚。而火灸丼飯入面個左口魚邊好好食！ 直情入口即溶，滿嘴魚脂香味。我即刻望下有冇淨火灸左魚丼 不過好可惜係冇既另外叫左明太子雞翼，正常發揮。試埋件中拖羅壽司，如果再肥啲就好啦~因為餐廳都有幾多選擇，可以間唔時黎試下唔同既丼飯

👨🏻‍🎓住喺大西北嘅P仔間唔中會想食下啲唔太貴但係又高質少少嘅壽司，好似壽司郎之類。雖然壽司郎最近喺屯門開咗分店，不過多人到勁誇張，好彩屋企附近都有間小店，佢哋啲壽司都幾高質幾好食！🥢P仔暫時就淨係食過呢間壽司店2次，一次就係外賣lunch，另一次就係外賣佢哋嘅壽司拼盤返屋企食！今次就講下佢哋嗰lunch set先。🐼P仔上一次就係喺Food🐼叫咗佢哋嘅五重丼set，入面有一個五重丼，一個蟹籽沙律，一個味噌湯同一杯嘢飲。🥗首先講下個沙律，嗰沙律size就唔算大，係一個碗仔嘅size，入面有普通嘅沙律菜、粟米粒同蟹籽，上面嘅胡麻醬就係一盤嘅胡麻醬，味道上就普普通通咁，不過都幾新鮮幾fresh幾開胃嘅感覺。🥘至於嗰味噌湯嘅味道就啱啱好嘅適中，唔會太淡，好驚啲味噌湯會好淡，入面仲有啲海帶、蔥花、少少豆腐同一隻蜆，跟餐嘅湯嚟講都算幾唔錯。🍱至於成個set嘅重點五重丼就好新鮮好豐富，入面有海膽、三文魚籽、松葉蟹肉、京蔥拖羅蓉、三文魚同蟹籽，全部鋪滿咗成個醋飯，份量勁十足勁新鮮。🍣上面嘅海鮮全部都勁新鮮勁鮮甜，海膽唔會好腥好苦澀，而係有少少鮮甜味；至於蟹肉同拖羅蓉都幾鮮甜；

除左pizza雞翼，同一大班朋友慶祝生日，仲可以有咩選擇？冇錯！就係可以叫壽司拉！多人就緊係叫個大拼盤，咩都有少少拉！-三文魚切得幾厚幾大塊，油脂分佈平均，易入口魷魚同北寄貝咬落都爽口彈牙帶子好滑，有豐富既蛋白質炸蝦反卷既炸蝦比較細條，而且炸粉比較厚好難品味到蝦肉既質感花之戀既沙律醬好彭拜，食落好清新-另外仲叫左雞泡魚乾，份量唔多好入味，但略嫌燒耐左少少，比較乾身雞軟骨勝在仲熱辣辣，炸得好香脆，洒上辣粉調味，加分！三文魚炒飯好香口，炒既時候魚油滲晒落米飯度，好好味！

之前洪福邨街市有瀛壽司，貪方便都會去食，但自從佢結業，洪水橋附近就只剩返漁匡一間壽司店，雖然唔近，但心癮起時，都係要行過去。一家三口其實都食過幾次，今次唔想食鍋物，因太大鍋喇，食唔到其他嘢，所以就分開叫，都係基本嗰啲壽司，三文魚腩刺身啦，大小姐就一定要食烏冬，我就叫咗個三文魚海膽魚生飯。落完單店員同我哋講無三文魚腩刺身，咁轉普通啦，都無，唯有放棄。但佢話夠整魚生飯，所以都仲有得食。三文魚略瘦，但新鮮，我將成朵花奉獻咗出嚟，因為兩父女都好鍾意食，做阿媽嘅就係咁，最緊要個女有得食！海膽好甜，份量唔多，忍唔住要追加一板啊！近期疫情嚴重，兩位店員好勸力做清潔，希望客人食得安心。

小妹聽聞元朗洪水橋有間精美抵食既日本餐廳，魚生飯、鰻魚飯出名大大件和好味。可是小妹不太吃生冷的食物，今次就試左佢既咖哩吉列蝦定食，一上餐，未食就覺得好靚啦！梗係要相機食先啦！這個咖哩是帶有微辛辣的，不是一般日式的甜咖哩。炸蝦仲有4條咁多，脆卜卜，食到好滿足。最令我喜出望外是那碗麵鼓湯，裡面很足料，有海帶、豆腐......還有蜆呢！定食附送一杯熱飲，我選了熱檸水，我很喜歡檸檬很多呢！這間店舖很細小，連枱椅都比較細張....小妹即使身型比較瘦也坐得不太舒服，.不過環境是很乾淨企理，也有很多中學生來吃飯呢！

好耐之前食過一次，今日再食，keep到水準。餐廳環境唔大，但坐得舒服。午餐同晚餐價錢相約，不過午餐又有湯好有沙津又有野飲，扺食好多。除左魚生之外，都有好多唔同選擇，岩哂唔食生野ge 朋友。刺生黎講，我淨係鐘意食三文魚，所以叫左個三文魚丼（＄68）睇相都知道d三文魚係好大塊好厚切，所以真係好正。個味噌湯都好足料，有隻蜆添！其實套餐有寫，湯同飯都係可以無限添飲添食的。不過個套餐真係好足料，根本飽到唔需要添la！正呀！

難得在洪水橋找到優質壽司小店，雖然午餐沒有特價，但是水準是高的。有湯有飲品，60至85元免加一，我認為合理。試過鰻魚飯，剌身丼和壽司定食，很新鮮。壽司飯的軟硬適中，調味也很好。特別喜歡那片紫蘇葉和較優質的wasabi。由於同區價位中上，午餐時不用和學生哥迫。這區沒有粉麵和粥店，所以想吃少油少鹽的時候，我都會選這。留意一點，千萬不要叫奶茶，冷熱都不行的。假如有日式綠茶或玄米茶可選為餐飲就perfect啦！

見天氣凍凍地就好想食啲熱野暖下身，記得依間餐廳有鍋物，決定再黎幫襯喇！店員見我地有小朋友，安排左最入面既座位比我地，個位上面有好幾盞射燈照住，野食未黎已經出哂汗😵前菜我地點左一個日式蟹籽沙律($48)，沙律好大碗且青瓜絲好多，二至三人份量，係略嫌青瓜有啲苦。仲有海鮮鍋($108)配飯或烏冬，佢有四個湯底可以揀，分別係蕃茄濃湯、豬骨濃湯、牛肉濃湯、海鮮湯，我就選擇左海鮮湯。個鍋物都幾足料，每款餸平均都有兩三件，係啲蜆同青口就好細粒，而且每粒蜆都有沙，仲有蝦的肉質都不太新鮮☹️ 如果覺得唔夠食仲可以追加其他配料如海鮮類、肉類及蔬菜類，但以一人份量黎講食埋個烏冬就真係剛剛好，唔洗加配料都已經夠飽👍🏻另外仲叫左個蒲燒饅魚飯($82)。總括而言，款式都算多，味道亦不過不失(如果海鮮去沙去得好啲更佳)，會再黎幫襯👍🏻

打風前夕👦🏻男友本身想去洪水橋個間社企食飯但無開咁就搵下個頭有咩試睇左幾間都無位唯有入哩間試下叫左個精選2人餐蟹籽三文魚炒飯比想像中大碟開頭都幾好味但愈食愈鹹👦🏻食食下仲話食到有一大舊味精開頭我都唔信架點知...居然食到尾比我見到中間白色個粒到底食左幾多落肚蟹籽沙律多蟹籽既但青瓜絲勁多食到唔想食牛油果軟殼蟹卷一般，無特別唔太脆口壽司拼盤同上，無特別刺身薄切可能炒飯先到味太濃之後食咩都無嘜味三文魚頭就黎食晒檯面既野都未到又覺得好飽索性叫佢轉外賣拎走👦🏻拎左番屋企無影相佢話都ok 既西瓜食完店員自己拎過黎我地都唔知有生果都好既食左咁多鹹野，清清個口。整體黎講食過就算位又唔好坐當時只得一張2人檯旁邊有排痴滿塵既風扇教把風扇唔轉，就好熱轉呢就食塵飯好鹹其他野食普普通通職員都係叫先會斟水就算其他舖頭無位都唔會再食

新開張時都抱有期望，由於地區選擇不多，附近亦沒有日本嘢食，所以唯一選擇呢間，可惜實在太令人失望，壽司質素偏低，可能飯團落得太多醋，食到有酸嘅味道，而且啲飯好似一劈野咁，近似爛飯，刺身亦一般，基本上來講都係唔合格，而且選擇不多，價錢完全不值，最離譜嘅係員工態度非常差，完全毫無服務質素，唔知係咪想同老細倒米，近乎係想趕客，另外，座位同枱亦都太細，坐得唔舒服，試過兩次，完全冇改善，絕對唔會比第三次機會佢，失望😞失望。

原本諗住開開心心去食日本野, 第一次去這間餐廳，我和朋友站在門口看入去餐廳睇吓有無位，都稍為滿坐的，諗住入去坐，但唔知佢地係要拿票先定係等佢帶位，等左一陣，第一位店員見到我們的，都唔理我，不會出來問我幾多位，到第二位店員同佢傾完計後見到我們在門口等緊，我舉起2隻手指示意2位，佢又唔出來門口, 只係打眼式，仍然站在店內最入面，企係度唔出來招待及帶位，我都唔知佢打個眼式係乜意思....根住我自己開門入去問佢有無位? 佢先唔耐煩咁話有位, 係側邊, 自己入去坐.... 好似示意我做乜唔明佢打個眼式咁~!!! 其實我唔識佢個喎，点會明佢打個眼式係乜意思呢?? 又唔知店內側邊原來有張好鬼細既枱。都算啦, 入去坐，一坐底店員立即放底餐牌同紙筆, 原全無禮貌語咁話: 要食乜, 自己寫低~! 根住就走左去......~!!!  根住成餐飯全情兩個店員都係' 鞋口鞋面' 對客人的.... 真係趕客...~!! 搞到我和朋友都無晒心情食, 本來想食魚生同 sushi, 見佢地咁樣，都無乜信心啦，隨便叫左2個叉燒拉麵，食完就走了, 以後都唔想再來這間店了。叉燒拉麵味道普通，不是難食。