影片
電話號碼
23433395
營業時間
今日營業
11:30 - 15:30
18:00 - 22:30
星期一
11:30 - 15:30
18:00 - 22:30
星期二
全日休息
星期三至日
11:30 - 15:30
18:00 - 22:30
以上資料只供參考, 請與餐廳確認詳情
洪水橋既日式餐廳都比較少，所以我就入左去食整體水平唔錯，壽司個樣幾靚，味道都OK既 環境整潔，就係間鋪比較細，等位都比較耐 但係算唔上擁擠 價格係正常既，因為壽司本來就比較貴，我覺得呢個價格可以接受
繼續閱讀
夜晚諗住去食飯，店鋪要等位，等左5-10分鐘就入去了。入到去得一張檯執好位，所以店員就嗌我地坐低。後面有一張，但係未執好位。諗好嗌咩嘢食之後，就叫店員埋黎。我地揀見到好多檯都嗌左火鍋，所以就嗌火鍋+鰻魚炒飯。點知店員就話：呢個位大風，開唔到爐，呢度食唔到打邊爐啊，你地揀其他嗌啦。我當堂呆左呆，隔離5張有4張都食緊打邊爐，之後我就話入座嘅時候，點解你唔講嘅？店員就繼續話係啊食唔到嗌其他啦。我問有冇位可以轉到？（因為我見後面個檯都係岩岩入座，其實佢可以去問問個檯係咪食火鍋…）之後店員就一句話：你一眼睇曬啦🙂↔️你都見到冇位咖啦🤯🤯🤯🤯🤯🤯🤯🤯🤯其實唔識同客溝通可以做後台……係咁講嘢真係趕客…….最後比佢講嘅嘢辣慶左，走人無食如果餐廳見到麻煩處理下個staff…如果個個位唔可以火鍋，其實係咪一開始入座就講明，等客可以知道/等其他檯。而唔係嗌個客唔好食呢個食其他😓
繼續閱讀
相信唔係住呢頭嘅你都好少會特登去嗰邊食嘢呢間隱世壽司🍣🍤店嘅午市套餐價錢大約$51-$100日本嘢食嚟講算係平嘅價位溫泉玉子牛肉石鍋 🍲$58燒汁同個飯，溫泉玉子🥚都好夾 值得一試火炙三重丼🍱$98入面有三文魚，北海道帶子，比目魚 全部刺身都厚切 而且份量都唔少對得住佢嘅價錢呢間舖頭都仲有做壽司拼盤 價錢都唔算貴值得一試 而且舖頭闊落坐得都舒服 店舖都乾淨企理衛生環境唔錯 呢個價錢可以再戰
繼續閱讀
漁匡寿司 📍元朗洪水橋盈福街8號翠珊園1-9座 👉🏻深海鯛魚牛肉鍋$88，白飯和湯可以任添啲配菜有冬菇、豆腐、獅子狗、金菇、生菜、娃娃菜、魚肉、大葱魚味非常新鮮， 一共裝左三杯白飯黎食 ， 非常抵食🤣仲有沙津食Tim 甘岩去左朋友度所以先會去到甘偏僻都係街坊食多 美味指數：⭐️⭐️⭐️⭐️環境指數：⭐️⭐️⭐⭐️⭐️服務態度：⭐️⭐️⭐️.5翻兜指數：⭐️⭐️⭐️⭐️（滿分為 5⭐）#全力食｜#密密食｜#情侶檔搵食｜#小店推介｜#餐廳推介
繼續閱讀
見洪水橋附近暫時得呢間日式餐廳，所以決定試下佢。除左基本壽司小食類，仲有十幾款丼飯選擇，同埋有幾款日式火鍋，所以以一間小店黎講都幾多元化~因為天氣好熱，火鍋就暫時未吸引到我所以叫左兩款丼飯試下，一款火灸丼，一款刺身丼。見到丼飯上面既刺身都係厚切，色澤新鮮仲排得好靚。而火灸丼飯入面個左口魚邊好好食！ 直情入口即溶，滿嘴魚脂香味。我即刻望下有冇淨火灸左魚丼 不過好可惜係冇既另外叫左明太子雞翼，正常發揮。試埋件中拖羅壽司，如果再肥啲就好啦~因為餐廳都有幾多選擇，可以間唔時黎試下唔同既丼飯
繼續閱讀