滿香燒鵝皇

叉燒並唔係最傳統嘅叉燒做法呢間舖應該用自己嘅醬料去醃叉燒玫瑰露重手 但冇蜜糖燒焦嘅味道除咗醃料食唔到啲肉味切雞正常，但都係無咩味份量都唔少，送個例湯唔錯68蚊一個雙併飯，老實講好食嘅燒味飯有更多好既選擇…查看更多

難得今天下午放假，去深水埗黃金電腦商場買下電腦用品，當然要滿足吓自己個胃啦。燒鵝髀油雞髀飯，肥美油香，真是超級大滿足。老闆耐心炮製的蓮藕老火湯，令我聯想起嫲嫲的味道家的感覺。…查看更多

第一次嚟呢間燒味餐廳，叫咗碟叉燒燒肉飯，加杯凍檸茶。叉燒- 又乾又柴，仲要有骨，大概有六件叉燒，但有一半都係連埋一齊冇斬斷，調味還可以，但整體難食程度令人印象深刻。燒肉-同樣，肉質極乾，但燒肉皮皮脆，勉強可以接受，但勉強可以接受可能是因為先食完叉燒的關係。白飯正常附送的例湯正常凍檸茶正常共$70環境方面，店舖衛生，但建議佩戴太陽眼鏡光顧，店舖內的射燈極度光猛。…查看更多

今天中午去黃金商場買電腦，經過見無乜人，就行入去叫了個62元餐，先講食物，本人一向支持小店，有好多餐廳味好過佢，亦都有差過佢，不過不失一個午飯，本來都唔想比個差評佢！食完起身就人，見到張單寫63元，就多口問阿姐：個餐唔係62元？一個疑似老闆，就指一指牆上海報，我見海報大大個紅字寫住都係62元，我以為眼花，時運低，見到邋遢野，就在困惑期間，老闆再指一指海報下面有行唔知係啡色定灰色細字仔寫住：價格如有更改，恕不另行通知！個疑似老闆就出聲：1蚊啫！(態度極差)重大大聲同阿姐講：「以後有客問起，就話價錢有改；恕不另後通知！加1蚊我邊度咁得閒改餐牌海報！」我聽到真係O晒咀，「1蚊啫！」你可以唔加價啫！你唔得閒改餐牌海報，咪唔好加住，等你得閒，改完餐牌先加囉！今日你加1蚊就好多客人費時出聲(出聲又比你寸)，下次你加20元；30元；又恕不另行通知呀？香港商品條例；免責條款：唔係你寫行细字就大哂！免哂責任！唔識就打去海關熱線問吓！…查看更多

以前出深水埗為咗金翠D肥叉，點知佢轉曬做兩餸飯冇再做燒臘，咁四圍行睇吓有乜嘢食，就經過呢間主推鵝嘅燒臘店。首先環境乾淨，坐得算舒服，見過年食豪D就叫個叉鵝脾飯試吓。隻鵝脾出奇地好食，皮脆肉嫩多汁，完全滿足我口味。D叉燒就偏瘦咗D，下次試吓有冇得叫剩係要肥叉。價錢方面其實同一般市場比較又唔係貴，成隻鵝都係$450咁出面大部份都係差唔多，半斤叉燒$65，以佢嘅質素反而比我平時買開同級平。呢間絕對係我食燒臘嘅選擇。…查看更多