滿記甜品 (已結業)

近排見到商場開始做優惠活動，今日放假約朋友出街去shopping 啦！行到累商場City Super 裡面有地方給人休息同食嘢。見到有滿記啱晒可以吃少少食物，充完電又可以再shopping 。新出了很多口味，台灣九份芋圓，又有鮮奶麻薯等。凍飲又有幾款新的水果果茶西瓜汁，清清甜甜非常解膩，原本想喝水果果茶，不過太大杯驚喝不完。薑汁桃膠圓又圓新口味天氣開始凍吃薑汁甜品就至啱呀！芝麻湯圓夠香濃幼滑而芋圓幾煙煙韌韌。桃膠煲得軟軟，吃下很滋潤。…查看更多

一行4個人，食完飯揾個地方坐下，傾下計，黎左滿記食糖水...叫左個熱芝麻糊杏仁茶（$29），阿姐勁問加唔加湯丸🙄3粒加多$12蚊... 最後當然無加啦！埋到位食，碗野勁稀，平時芝麻糊唔會咁，加左杏仁茶會變左水？仲叫左芒果豆腐花（$33）海底椰涼粉加芋丸（$30），個海底椰涼粉👌🏼，芒果豆腐花就好一般。總結唔係貪方便唔會㨂，又細碗又貴又唔係好食…查看更多

由於老闆萬歲，所以作為秘書的我要安排甜品給全個部門，共25個甜品，幸好我選擇了滿記，因為佢地有送貨服務，仲要我叫佢地3:30pm前送貨，佢地真係做到。而且甜品到後，熱點仍是夠熱，凍點仍是夠凍，最最最重要係佢地無做錯我個 order. 很愉快的一次消費。…查看更多

滿記甜品觀塘觀塘道418號創紀之城五期(apm)2樓新美食廣場B號舖今晚同朋友食完飯，見時間仲早想食下甜品吹下水，大家第一時間都係唸起滿記呢間滿記APM 2樓cookedDeil foodcourt入面每次黎都係食呢個，永遠都咁好味不過愈食愈貴朋友點左呢個，望落都好吸引食飽捧住個肚走…查看更多

去觀塘海濱公園野完餐到晚餐時間又唔肚餓，不如食返個甜品！去左APM food court度左睇右睇，最後喺滿記揀左個芒果窩夫～有窩夫食咁就唔驚晏啲會餓啦🤣2層高外脆內軟既窩夫，除左面頭有球芒果雪糕外，中間都夾住左一球芒果雪糕，側邊仲有甜甜既粒粒芒果肉粒😍 一啖窩夫一啖雪糕一啖芒果，為呢日劃上完美句號💕…查看更多

滿記推出咗芋圓系列啊 芋圓有口感，食到有少少芋頭同番薯味 芋頭蓉也做得不錯 可惜薏米有少少乾，令到整體食落嘅口感有少少奇怪 味道：👍🏻👍🏻 服務：👍🏻👍🏻👍🏻 環境：👍🏻👍🏻👍🏻 價錢：👍🏻👍🏻👍🏻 …查看更多

獵狗好久無食過滿記不好食的除左個雪糕🥺Side$$四十幾嫁都要🥺成個甜品嘅白色我以為係重點超級淡好似水一樣剩係得個兩球雪糕非常之好食因為綠茶雪糕士多啤梨都好食我本身還想白色嘅係充滿着牛奶煉奶嘅感覺點知淡淡如流水一樣無味下次都係食返榴槤班cake啊芒果班cake啊可能會好啲又或者食飯熱嘅紫米露#不了 #伏 #fat #snack #hkig #hkfood #like4likes #likeforfollow #foodiecoupletour #香港情侶日常 #hkblogger #hk #health #yogis #hkfoodblogger #hkfoodlover #couplethings #foodie #hongkongfoodie #hkfoodies #hkcouple #instafood #hklifestyle #tasty…查看更多

同朋友喺apm food court食滿記甜品，我叫左個芒果西米露，最初見到成碗蕃薯糖水咁既樣，芒果又咁淡色，仲諗住會好酸，但竟然出奇地甜，不過唔太夠凍，呢點係扣分位！朋友叫左個榴槤甜品，我聞落又唔多覺有榴槤味（但我平時對榴槤味好敏感）整體黎講，中規中矩…查看更多

每次同阿女出街食晚飯之後，總會心思思去搵飯後甜品，食埋先覺得大滿足，今日都唔例外，係觀塘附近食完晚飯，就去左APM滿記搵野食，可能冇去一排，見倒新出左白雪仙草芋圓，同埋綠豆仙草芋圓，我地就一人試一款。先講綠豆仙草芋圓，堆得滿滿一碗，中間有一球芋味雪糕，側面係紅豆，涼粉，薏米，芋味同蕃薯味芋圓，最底就係綠豆蓉。芋頭味嘅芋圓味道比較突出，而所有材料撈埋一齊食，涼浸浸，味道剛好，唔會太甜，芋圓有咬口。相比之下，白雪仙草就較遜色，黎到見到白色雲利拿沙冰已經溶溶地，見阿女一路食，成碗野起晒泡咁🤣有d核突，不過阿女話味道都還可以嘅😅。…查看更多

夜晚出開街食完飯想食糖水就會想起佢，間店位於APM food count樓層，晚上9點打後去最好，避開繁忙時段無咁嘈和多座位。每次來都會食 白雪仙草芋圓 ($42)，這碗甜品無論色彩、味道和口感都好豐富，大堆頭賣相好吸引，完全滿足食甜品癮。中間一球軟綿綿的芋頭雪糕，側邊有三色芋圓、紅豆、薏米和仙草圍住，用左雲呢拿沙冰打底，雲呢拿和紅豆味好夾，好似食緊紅豆味冰，紅豆好軟身好吸味，芋圓口感煙韌，仙草彈牙，薏米軟腍不爛，雪糕淡淡的芋頭味好香，不甜膩且清新，雪糕溶了和雲呢拿沙冰味好夾芋香味擴散至整碗。整體食起夠凍夠爽，食完有種涼透心的感覺，夏天食好正~…查看更多

今日好熱，唔想飲咖啡，想飲水果茶。經過滿記，發現新推出左水果茶，有杯桃膠紅柚茶好吸引～我叫左小甜少冰，小姐提示我少甜有可能會苦，都幾細心～姐姐好快手準備完杯飲品，一飲好解渴，可以吃得到柚子果肉，有一粒粒桃膠。少甜剛剛好，冇點錯！…查看更多

同朋友係apm食完晚餐意猶未盡想繼續聊天食糖水所以去商場內的滿記因為最近最就腳而且搵位方便坐幾耐都得分別選了芝麻紅豆沙同杏汁蓮子雪耳前者沒什麼芝麻味紅豆沙又太稀反而後者的杏仁味不錯另外亦點了芒果班戟芒果肉不多，滿滿都是忌廉相比之下許XX的芒果班戟足料好多…查看更多

在觀塘食完晚飯之後仲想食糖水， 看看openrice原來觀塘區都唔係好多選擇， 可能太夜的關係很多甜品鋪頭都已經關門了， 唯有到apm的滿記吧！ 點了椰汁鮮雜果西米露$44， 杏仁茶配黑糯米$34， 白雪仙草芋圓$39。椰汁鮮雜果西米露～ 鮮雜果好新鮮， 椰汁味香濃。杏仁茶配黑糯米～ 杏仁茶滋潤美味， 加黑糯米又煙韌有咬口。白雪仙草芋圓～ 份量十足，芋圓煙韌彈牙。本身對滿記甜品情有獨鍾，因為這裏有傳統糖水和新式糖水，間中亦會出一些時令糖水， 令到客人可以有不同的選擇。…查看更多

和友人相約到觀塘吃下午茶，豈料今天是年三十，到埗中才得知餐廳已收爐了。方寸大亂之下，唯有隨意選了一家甜品店坐下歇一會吧。餐目上的甜品名稱林林總總，看得筆者眼花撩亂。眼見要點餐了但腦海還未有任何想法，唯有隨口點了一客芒果涼粉。芒果、芒果汁和涼粉都是預早備好的，只需好像從百子櫃執藥材般，每樣放入，毋須一分鐘已完成這碗甜品。筆者本身就已鍾愛吃涼粉，愛其爽涼的獨有口感。配上香甜的芒果汁後，令到淡味的涼粉入口更滋味。芒果份量也蠻多的，總算是對得起價格。芒果味道略酸，但這個季節中找到帶甜的芒果都算可以了。…查看更多

跟朋友吃過晚飯但又意猶未盡 打算找間甜品店坐下聊天 在觀塘附近都只想到apm的food court 記憶中有一間滿記甜品 應該是入夜後的一個好選擇 十點半的商場內foodcourt人仍然很多 找到位置後 如常地點了楊枝金露 朋友點了宇治金時窩夫 女生對甜品就是有第二個胃 明明剛才才吃得很飽 現在半份窩夫加雪糕仍然吃得下窩夫的賣相漂亮 充滿厚度 也是即叫即做的熱度 上面放了一球綠茶雪糕 旁邊也精心地鋪滿了紅豆 朋友覺得非常美味 我的楊枝甘露則是一般 沒有吃到西柚的味道 西米之中又加入了一些硬脆的西米 整體上很有口感apm food court的燈光實在很差 所有相片都變得偏藍聊天可以聊到很晚 也是舒適的p.s.旁邊的咖哩豬扒超級香…查看更多