滿庭芳 國宴 (已結業)

呢間餐廳川菜整得都幾好食的，今日拉埋朋友過來食第二次啦，而且每道菜都可以揀自己可以接受辣的程度，前菜就揀咗尖椒皮蛋和雞絲粉皮，小辣都幾開胃的，酸菜有機桂花魚，桂花魚新鮮彈牙夠嫩滑好食，微辣啱啱好，個湯好濃好鮮，裡面仲會搭配埋薯粉先，最後食兩碗四川擔擔麵就夠飽了，擔擔麵係香辣的，面彈牙爽口，加埋裡面配料食落好夾。…查看更多

今日朋友帶我黎呢間位於mid levels 既呢間滿庭芳川菜，雖然話係半山，但其實都算易搵，去到金鐘山頂纜車站 上一陣斜路就會搵到。呢間餐廳一入到去都係好似酒樓咁既格局，但裝修係幾古典，有啲貴氣。坐低既時候會問你飲咩茶，除左一般既普洱 香片之外 仲多左菊花、烏龍呢類，呢度茶類既選擇算係比較多。點菜既時候，餐廳職員都問左一句食唔食得辣。可以因應食辣程度同番職員講，唔洗食得太辣，要辛苦頂硬上。呢點我覺得幾貼心，好似我雖然鐘意食川菜，但其實唔算食得太辣。未開始食既時候職員擺低左茶同一細碟涼伴土豆絲，味道都算唔錯，簡簡單單，唔會有多餘既調味。飲啖茶，食少少等上菜非常適合。第一道菜好多人都唔陌生，就係蒜泥白肉。一片搭住一片既豬肉，上面擺住份量唔細既蒜泥 ，應該會令愛蒜人士食指大動。而碗入面更加有青瓜，夾埋一齊食可以中和番比較油膩既口感。值得一提係佢個醬汁，濃得黎帶有少少酒香，配埋白飯食一流 。而呢道菜只係好輕微既辣度，唔食辣既人士都可以食到。當口入面仲係濃既醬汁味同埋蒜香，今晚既主角就到左，就係水煮魚！見到上面鋪滿哂大大小小既辣椒就知道係足本製作同埋夠哂正宗。撥開上面層辣油，就見到當中除左有魚，仲有萵筍同薯粉，秀珍菇同雞脾菇，吸左麻辣味之後真係好正好刺激！作為成個菜既主角，呢個魚非常新鮮。肉質好，鮮味之餘大細都係剛剛好。起左骨唔洗要好小心咁樣慢慢食，亦唔會一夾就散。講到個辣度，我自己會俾呢個辣度為少至中辣程度。食得辣既朋友會享受 ，食少少辣既朋友都可以挑戰下。下一個菜式係有機雜菜粉絲煲，份量都相當十足。當食完咁刺激咁有衝擊性既水魚，唔辣既菜絕對起到平衡既作用！湯頭除左清之外仲吸收左菜同埋其他菇類既鮮味，我覺得佢個湯同嫩雞煨麵好似，所以好正。入面仲有粉絲，吸收哂成個煲入面所有食材既鮮味。食辣同唔食辣既朋友我都推薦呢一個。因為唔夠飽，所以我地另外再點左一個四川坦坦面。份量適中，辣就唔係好辣，對比起水煮魚，完全唔算係d乜。面條有自家製既感覺，上面有花生碎，簡單直接，調味亦算正宗。埋單2個人600左右，呢間川菜絕對見得大場面。如果傾生意同招呼朋友絕對係一流。…查看更多

悶熱夏天，突然想反差地食辣，於是去咗屋企附近嘅川菜餐館—滿庭芳國宴。午市有點心、小菜及套餐。我同男朋友揀咗2人餐：點心2款、小菜或前菜2款，蔥油拌麵及擔擔麵各一碗及奉送湯及甜點。茶十分出色: 人蔘烏龍滑口及尾調帶甘，飲落清甜解渴。前菜一輕一重: 蒜味青瓜及蔴辣豬耳。青瓜爽口，豬耳香辣惹味。點心：蝦餃有水準，蝦肉鮮嫩彈牙，澄粉皮厚度適中。叉燒包軟身不太厚，叉燒肉半肥瘦。主菜：宮保雞丁及香辣牛腩。宮保雞丁尤其出色，有薑粒蒜頭香蔥切得細緻，雞粒嫩滑，腰果及乾辣椒份量適中，醬亦香帶辣而不過火。香辣牛腩有點似五香肉做法，份量十足，牛腩炆得腍，更有牛筋及薯仔，均炆得剛好不溶爛。湯：什有驚喜，是日湯水為椰子雞豬肉湯，味道清香不肥膩，也沒有味精，喝完不口乾。擔擔麵：麵條幼細爽滑不太粉，令湯汁掛麵。湯汁平衡，花生醬比例剛好。蔥油拌麵: 味道較淡，要多落蔥油醬油才食出精髄。最後甜點為椰汁芋頭西米露，香甜清喉。最後要一讚服務態度好，質素一流，同客食飯及喜慶適合不過。同集團三樓素菜餐廳30日試業，可以一試。…查看更多

今日住半山既朋友帶我去佢平時食開既中菜館，入面裝潢相當傳統，從牆身、椅子同地板都係木製。另外屏風更只係傳統中菜館先見得到。見到裝潢心諗：死啦，應該好貴。點知轉頭望一望餐牌：嘩！$260二人套餐。套餐包括點心，小食同小菜。尖椒皮蛋既賣相好似孔雀開屏，皮蛋上面放滿青辣椒，辣勁相富凌厲。點心揀左晶瑩蝦餃皇，皮薄而且柔軟，入面既蝦亦彈牙。小菜揀左宮保雞丁同麻婆豆腐，兩者佐飯一流。宮保雞丁既雞肉份量算多，辣辣地之餘亦有微酸，花生仍然脆口。至於麻婆豆腐屬於小辣，豆腐吸收曬辣汁一絕。平時中菜套餐只會送飯，但滿庭芳可以俾客人選擇擔擔麵或蔥油拌麵，麵條都係幼身彈牙，兩者同樣出色，尤其係蔥油拌麵，焦脆、蔥香集於一身。最後仲有湯同甜品，甜品係南瓜西米露。雖然位置較僻，但套餐咁多食物都係$300內，認真抵食。…查看更多

由於要搬屋嘅關係要走到上嚟半山拎傢俬 所以諗住同全家人一齊搵一間環境幽靜嘅中菜廳休息一下 於是搵到呢一間滿庭芳國宴 其實淨係個名都已經氣勢磅礡 😂發現原來係主打川菜點心嘅一間中菜廳😍落單之後餐廳立刻遞上一份前菜 麻油芽菜蘿蔔絲🥗有好香嘅芝麻味 加上爽口嘅芽菜蘿蔔絲 有一種好清新嘅感覺青椒糖心皮蛋 ($58)🥚 (🌶️🌶️) 青椒糖心皮蛋同一般嘅皮蛋好唔同 最特別之處就係用上糖心嘅方式製造皮蛋 同以往嘅不同 皮蛋黃唔係固體嘅 而係流心嘅蛋黃而上面就灑上 特製麻辣青椒 同皮蛋嘅味道好夾Xo醬炒蘿蔔糕($42)🥕🍮 (🌶️🌶️) 性價比極高最為驚喜嘅一道菜式 外觀好靚蘿蔔糕用上脆炸花盆上碟 由於蘿蔔糕係配上辣醬同xo醬一齊炒 所以味道方面非常出色水煮有機魚 小 ($368)🍲🐟 (🌶️🌶️🌶️🌶️🌶️) 呢度在係標榜住有機魚的水煮魚 水煮魚嘅上方審滿住花椒同埋辣椒等等嘅配料 係水煮魚嘅正宗做法 個辣味做得非常出色 又麻又香用上特別嘅有機魚 魚肉方面就非常嫩滑 卻又不會一夾就散 保持住魚肉嘅彈性芋蓉天鵝酥($48)🦢一家大細友小朋友嘅話就記住嗌呢一個點心 因為外觀真係滿分 一隻又一隻嘅小天鵝😙係酥脆嘅外層入面就係 美味嘅芋蓉 相映成趣 唔錯唔錯😋四川擔擔麵($48)🍜呢餐飯簡直係麻得過癮 但就差咁少少主食 所以我哋就另外嗌多咗碗四川擔擔面 滿足今日嘅麻辣興致 四川擔擔麵嘅辣同埋水煮魚嘅辣 係唔同 擔擔麵就偏向酸辣 即使一啲唔太食得辣嘅人都可以選擇😋總括而言 形容 呢間餐廳 可以用有辣有唔辣任君選擇 不論辣嘅點心 同 唔辣嘅菜式都做得 好出色…查看更多