滿屋甜品 (已結業)

熱食：焗芝麻西米布甸，項呱呱，好多西米，口感一流，芝麻又香，至愛甜品之一凍食：芒果豆腐花布甸好正，我久唔久都會去食下

食完彭慶記同兩個朋友決定再來這裡食甜品。呢度地方幾細，檯亦set得幾密，星期日晚係幾多人食的。唔單止堂食，仲有好多人係等緊外賣的，可見都幾受歡迎。三個人等左一陣至坐低，叫了幾樣甜品一齊吃，有焗西米芝麻布甸、焗西米芋蓉布甸、芝麻皮芒果班戟同榴槤班戟。焗西米布甸份量不大，一倨人食都係剛好，所以最後都叫多了一個芋蓉的。唔係太甜，味道不錯，比較起來芋蓉比芝麻出色，但兩款都已經比坊間的一般蓮蓉餡底好食。唯獨是要19蚊一個，價錢是有點貴；芝麻牛皮芒果班戟可分六舊，幾個人食都得。裡面忌廉多過芒果，芒果亦不算香甜，可幸個芝麻皮真係幾香芝麻味，為這個班戟挽回些少分數。23蚊一客，又係幾貴；榴槤班戟都幾好味，個人覺得比芒果班戟還好，20蚊一件，都唔平。班阿姐服務都OK，但就真係幾迫，佢地成日在背脊經過都會有身體接觸，坐得幾唔舒服，唔怪得咁多人買外賣。埋單一百元正，係有特色但唔算平。

與朋友吃夜宵，想找些有特別的。看到餐牌有"黑芝麻皮芒果班戟"，於是要了一客。班戟皮真的黑漆漆的，芒果都算清甜，值得一試。不過很多人，吃完想多坐一陣子，侍應就問我們可以結帳沒有，有點像"趕客"。

上次我就去百德新街o個間試. 叫左兩款甜品.每款20蚊左右.細細兜.黑芝麻豆花布甸花布甸:上層豆花布甸.下層黑芝麻布甸.好香黑芝麻味.黑白有格調.另試焗西米芋蓉布甸,甜度剛好.芋頭蓉好滑.好味~不過真係好多人等位.坐得好迫.

尋日同同事黎左食晏，見到一大班學生，原來學生餐只係$18，係用個砵仔焗飯，好似唔錯，仲有七八款揀，做學生真好呢﹗但係我地唔係學生，唯有捱貴飯，佢午餐選擇都算多，有米線、焗飯、煲仔飯等…我地叫左一個豉油王雞翼煲仔飯同焗豬扒意兩份，個煲仔飯得三隻雞翼，d飯完全無味，都係傳統煲仔飯好味好多﹗而個焗豬扒意就唔錯，好多豬扒，味道都ok。最後仲跟兩個甜品，我地揀左豆腐花，又幾滑喎，跟佢黎計都算大碗架喇。

11月23日去九龍灣德福廣場O個間滿屋。2個人叫1. 椒鹽雞軟骨︰味道不俗，又大粒又夠脆，唔似和民咁細細舊，似食麵粉。2. 蒜香椰菜︰味道一般，蒜蓉味不夠。3. 咸蛋肉餅竹筒飯︰跟茶樓食的盅頭飯沒分別，亦嗅不出竹筒香味。4. XO醬炒腸粉︰腸粉很爽滑，但XO醬不夠辣。5. 芝麻糊︰哈哈，只搯了一匙，苦苦澀澀，有味，不過肯定唔係石磨，因為不夠滑。真奇怪，我在甜品店覺得最好吃的竟然不是甜品。

銅鑼灣百德新街都有間，每晚都好多人等。其實我就唔覺得好食。今次除我之外，其他朋友都係食楊枝甘露，無一個人話好食，佢o地仲話好淡tim，我就食綠豆沙清心丸，綠豆沙叫OK啦，清心丸一D都唔煙韌。仲有兩個pancake，一個芒果、一個綠茶紅豆香蕉，兩個d皮都好硬。芒果反而好d。綠茶一d都無綠茶味，紅豆又只得一兩粒。都唔知點解晚晚都咁旺場。

一坐低就猛咁叫我地食燉豐水梨,老板娘無幾耐之後又叫我地"ai"呢個甜品, 有d煩...五個人去叫左焗西米布甸(芝麻&芋茸),芝麻糊加西米,合桃糊焗西米布甸(芝麻&芋茸)唔夠熱, 芝麻都無以前咁香芝麻糊加西米, d西米痴埋左一舊舊, 芝麻糊而且好稀下合桃糊,同樣問題---->稀,大良八記果d好味d lor...p.s.d位真係好逼,同埋個冷氣開得好勁

同Ｄ朋友去試吓。一去到已經有好多人等緊位。等咗都唔算好耐就有位喇。叫咗個楊枝金露，味道就冇咩特別，但係收廿幾蚊都幾唔抵。地方好細，坐得唔係好舒服。其實Ｄ糖水嘅味道就只屬一般。而且糖水的款式又唔多，但係就勝在比滿記方便。真係唔係好明白點解有咁多人去食！

除0左個榴槤pancake 係唔錯之外,其他貨色極為普通. D service 十分十分差, 總之催你快d order, 快d 食完, 快d 埋單, 趕客!今時今日呢D 服務態度, 絕對唔得就算D 野有幾好食, 都唔會再去

呢間咁既甜品屋,甜品係唔錯,由其係焗西米芝麻布甸和焗西米芋茸布甸是最出名,不過成日就趕客走,由其個老板經常鬧到D 員工冇晒士氣,搞到對d客差,希望可以改善一下服務態度,既然有錢賺,點解唔係同區擴充下呢?

銅鑼灣店長期門庭若市....座位十分擠逼...有一種叫人食完好走的感覺...明明是一間甜品店...卻又兼賣粉麵飯...竹筒飯雖有特色...但味道一般...吸引人的始終都是甜品...只有招牌貨焗西米布甸可稱鎮店之寶....其他如楊枝甘露, 芒果西米露等...我就寧願去第二間...而且價錢比一般甜品店貴多好多....唔抵食

我都唔明點解仲咁多人去?!!一來地方好窄(銅鑼灣), 兩來甜品細件又唔抵..仲要坐得唔舒服..果次食咩豆腐花芝麻糊,d豆花好似落左魚膠粉咁...勁奇怪...!!個出焗布甸太細啦..我就覺得唔抵食!

我不嬲都只係【滿記】fans,對於滿屋唔係太鍾意一來我覺得有少少抄襲成份la, 二來坐得好唔舒服之不過自從遇上左《焗芋茸西米布甸》之後,我會經常光顧佢呢個甜品.

食左佢個好出名既「焗芋茸西米布甸」喇,我本身都係好鍾意食焗西米布丁既人,呢次可能對佢期望太大,有少少失望。布丁唔夠熱,只係暖暖地,而且好細個,只係用個高身少少既蛋撻兜焗,食到到喉唔到肺。芋茸夠滑但唔夠香。用黎頂下癮都得既,但係唔算好好食。其他仲試左黑芝麻豆花,榴槤pancake,芒果pancake,紅豆膏等等。不過不失,唔太突出,下下30幾蚊一個甜品,唔係咁抵。座位好迫,岩岩食完最後一啖就問"d野齊未佢仲有無野想叫佢",雖知我唔係要係樹談心到天光,但你比我食完回下氣都好掛,話晒都食左150蚊甜品架!