滿堂樂滬京風味 (已搬遷) 新店位置

早前2022年《香港澳門米芝蓮指南》正式 宣布了，其中「必比登推介」中有間開業25年的紅磡小店「滿堂樂」係我已經光顧過不少次，真係估唔到呢個小店會榮獲此名。滿堂樂老闆說受晚市禁堂食困擾，加上不少公司推在家工作，生意受挫，希望「米芝連」可以幫到佢撐過疫情。滿堂樂的招牌粢飯屬即叫即做，酸辣湯與鹹豆漿亦都大受歡迎。好食嘅粢飯真係買少見少，呢度仲要$23就有大過拳頭嘅粢飯；鹹豆漿因為口味問題我就無試過；酸辣湯係經老闆改良，帶蕃茄味道，因為我上次拔到食1/3個蕃茄，所以越食越開胃。日前喺《米芝蓮》推出後，再次經過店舖外，人龍經常排到長長，老闆包粢飯真係無停過手😆😆

去到紅磡唔知食乜，見到呢間上海店冇乜人就入去食，叫咗兩個餃子麵同埋一個粢飯。個湯冇味精。啲餃子直頭係住家風味。講緊係自己都包唔到嘅住家風味，我哋食到舔舔脷。我哋一路食一路好陶醉之際，見到前面嗰個阿伯不停不停不停咁樣包粢飯，先至醒覺原來出邊好長龍，仲要好多人喺度等外賣。心裏面直頭覺得好好彩，誤打誤撞入咗嚟一間咁好味嘅上海譜嗰度食麵，仲要唔係自己覺得好味咁簡單，見到咁長條龍就知道唔少嘢！

上海式小店, 咸豆漿,現場即包粢飯大件夾用料豐富,放滿大量肉鬆,糯米飯，油條與菜脯一啖咬落去口感豐富 蒸糯米飯仍帶點煙韌口感,味道一流咸豆漿，這裡是正宗做法咸豆漿介乎豆漿與豆腐花既中間 有點碎碎豆花 有油條脆片蔥等唔同配料食落同係台灣上海既味道一樣,原來老闆係正港上海人!消費$40紅磡明安街4號

知道呢間舖頭好耐，一直都未有時間食。環境方面，話到明係老店，對環境當然唔可以有太大期望。現場見到員工即場手包餃子，保證係新鮮即煮。食物方面，今天嗌左一個雙拼餃子，韭菜餃拼津白餃。數量比想像中多，每一隻味有五隻，一共十隻。而且佢個湯底都好清甜好好味，仲有幾條白菜仔同冬菜碎。餃子都好入味，有肉汁，好juicy。價錢方面，一碗雙拼餃子都只係$36，真心超級抵食。聽講佢之前上新聞，好多人喺門口排隊食佢個粢飯，下次買來試吓先。

經過幾次間上海嘢都冇試過～睇個名就知道有D歷史～開咗好耐嘅老店～裏面嘅環境就知係老字號～次次經過都見佢有D熟客幫襯～款式都算多～有雲吞、炸水餃、排骨麵、粢飯、豆漿、油條、酸辣湯、雪菜麵、炸豬扒之類～今次試下佢個酸辣湯先酸辣湯睇落顏色比較紅～不過都幾多料～有：木耳絲、筍絲、豆腐、蕃茄、豬肚～仲有好多辣椒粒同核添～食落去夠酸夠辣又唔會太杰身～最驚係有D鋪頭加咗好多味精～食完要飲好多水～依間食完又唔會喎堂食外賣同價

从外面看，这是一家很平凡的家庭式小店，里面只有三张枱，而且有点乱。但看到份店外不少人在等外卖，就进去吃晚餐。其实店内真的很一般，地方有点小，不是太整洁，感觉有点乱。餐牌就在墙上，简简单单的多种汤面，属街坊价格。猪扒汤面是分开上，汤面只是一般。猪扒是即炸的，上桌时还是热的。香脆的外层再加上软滑的肉质，肉汁还是保留着，口感相当不错。炸水饺是即点即煎，要略等点时间。馅料是津白和猪肉，味道清甜，水准不差。这里的食物水准不错，猪扒更是食不厌。

紅磡真係好多老店, 呢間滿樂堂都係紅磡街坊既心水之選。就算過左午飯時間, 都總有街坊/ 學生/ 附近返工既人黎排隊。我叫左個豬扒麵+冬菇 ($35 + $7) 冬菇好厚肉, 啖啖肉, 而且帶有濃郁既香菇味。 炸豬扒係分開上, 仲好細心已經全部切件, 方便食用。 豬扒炸得好香脆, 醃得好入味, 肉質鬆軟而且帶有肉香, 果然係招牌菜。麵條採用幼身既麵條, 仲有少量白菜, 配上清湯一齊食剛好中和左炸豬扒既油膩感。凍豆漿 $7豆漿有少少甜, 帶有淡淡既黃豆香味, 唔錯。店舖雖然裝修老舊, 但人流依然絡繹不絕, 靠既就係食物原味道。紅磡明安街4號港鐵黃埔站 B 出口, 步行約5分鐘

最近呢間粢飯好出名下，專登行去買返公司當早餐食，落單一分鐘唔洗就有，係即叫即包既，份量比我想像中大。十分鐘唔洗返到公司，仲熱。下面這圖，是我食左幾啖覺得唔對路，料足不足，是不是粢飯應有的少飯多餡，大家可以看到。飯，夠熱，但硬而散，絕對不是煙韌粘軟的糯米飯，食食下會成舊甩出黎，完全不結實，仲有D生飯感覺。餡料，我期待的是脆卜卜，而不是兩大條硬繃繃、基本就黎咬不開、硬、乾、超熱氣，同飯一點都融合不來的油炸鬼。再者，是一舊舊的硬飯。硬飯Ｘ超硬油炸鬼飯跟肉鬆炸菜和油炸鬼的比例，配合得好差。食左好多飯先見到中間的餡，然後就散開哂，見圖。糯米飯我真的要講十次，不是煙韌粘軟，是硬。味道方面，鹹味和素肉鬆的酥香是合格的，不是特別的鹹。有很多賣粢飯的地方，並不是即叫即包的，但即刻包又點呢，咪又係難食。不吐不快，這家店是不是一直都係咁樣的水準？價錢係22蚊一個，加豆漿27，早餐來講，有大把更好的選擇。此時此刻同一日下午3:33，我係咪要多謝你幫我慳返餐午餐錢呢，因為我飽到未食到午餐，但同時，我個喉嚨乾左成日，佢個油炸鬼真係熱氣到不得了，就黎喉嚨痛咁濟。好了，以後都唔會再幫襯。

過譽了~ 很想吃粢飯，但現在即叫即包的已經買少見少，網上看過文章，說這裏有，就決定來試一試。星期六下午五點去到那裏，發現長長的人龍。不論堂食還是外賣也是排同一條隊，我覺得這樣的安排比較混亂。排了大約35分鐘，終於排到，取到了最後的堂食位置。叫了一個「粢飯加豆漿」$27 同埋一碗炸豬扒麵$35豆漿正常，但唔算太熱。最想吃的就是粢飯，但我覺得只係一般，雖然是即叫即包，但包得比較鬆散，而且油炸鬼唔脆! 期望越大失望也越大，個人認為絕對唔值得為咗呢一個咁嘅質素嘅粢飯，排35分鐘。豬扒麵，豬扒跟面是分開上的。面不過不失，沒有什麼味道。豬扒反而做得不錯，很乾身，沒有很多油，味道亦調得很好。總括而言，路過可以一試，要排隊就不用了！

星期六，最近享受一個人的晚餐，去到蕪湖街，記掛着老店老味道，不知不覺地走進了上海麵老餐廳。還記得去年冬天，同今天一樣照舊叫了一麵一漿。1. 酸辣水餃幼麵湯底：保持豐富（豆腐、黑木耳、筍、蕃茄、少量豬腸、白菜仔），酸辣湯底淡淡滋味。還記得去年冬天，這碗麵辣得我滿頭額汗。但今碗味道令我意外，湯底調得完全不辣，難道是因為天氣緣故，免得客人一邊吃一邊辣得七孔像瀑布般嗎？哈哈，我不太辣的酸辣湯麵，蕃茄味較重， 酸酸甜甜挺開胃。幼麵：普通上海幼麵，不會太腍有少許口感。水餃有4大粒：有津白及韭菜餃選擇，我選了津白。水餃皮頗厚，但餃皮尚算有口感。餃料：菜與肉料各半，津白味頗濃郁。水餃份量頗大，平均要兩大口才吃完一隻。其實這裏的食物份量都頗大，普通食客的確吃不完。2. +$5 清漿清漿=走甜豆漿，只有熱的選擇本人較喜歡完全不甜的熱豆漿，剛好這間餐廳有這選擇，我也是為這杯香熱清漿而來的。豆味濃香，只是當豆腐待涼後會凝固，豆皮浮面影響豆漿口感，但對我而言無阻我的喜愛程度。這裡的舊式服務員默默耕耘，沒有其他老店的粗獷服務態度，最深刻的是，大概是老闆仍然用雙手找續。總括而言：這些舊式上海店已經少之又少，雖然店舖

#中意嘅請分享請點讚🍻----------😋粢飯 $21😋粢飯+豆漿 $26粢飯係即叫即包，入面有油炸鬼、肉鬆、炸菜粒。因為係即整，所以油炸鬼仲好脆，外層嘅飯夠黏又做到粒粒分明，好有咬口。雖然材料簡單但夠好味。可以叫佢剪一半，咁就食得方便又可以同人share 。豆漿可以揀甜豆漿/咸豆漿，咸豆漿唔係好多地方有得試。----------😎支持小店系列😎呢間鋪頭係紅磡已經開左好耐，好多街坊都會去幫襯。除左粢飯仲有好出名嘅酸辣湯系列/上海麵/手工津白水餃。小編好支持小店，如果你地都有小店推薦，可以inbox我架。----------🔎滿堂樂滬京風味🚩紅磡明安街4號

其實上海飽餃店隔壁的滿堂樂滬京風味的雲吞，餃子同樣深受街坊喜愛，不論是外賣還是堂食都是絡繹不絕。我和朋友為了嚐齊餃子和雲吞，我吃酸辣雲吞，她就吃津白餃中麵，然後互相交換吃。朋友傻傻的以為雲吞內餡有蝦肉，我說京滬雲吞不會用蝦肉，廣東雲吞才用蝦仁的，她恍然大悟，京滬雲吞都是菜肉餡的。雲吞皮挺薄，圓滾滾的很飽滿，菜肉餡料十分鮮美，讓我愛不釋口。酸辣雲吞頗為驚喜，它的酸辣並非一般的酸辣，非常溫和。原來酸辣湯底用蕃茄熬煮，加入少許辣椒提味，相當順口，朋友亦能接受這酸辣程度，下次她來要吃酸辣雲吞。朋友的津白餃中麵也不錯的，她覺得津白餃餃皮略厚，不過津白內餡鮮甜細嫩，配上清甜的湯頭吃，增添津白餃的鮮度，中麵不會過於軟腍，甚有嚼勁。

沒有華麗的裝潢都可贏得街坊支持，全因邊食邊感受到真正的用心製作。點解咁講？因為我食緊麵嘅旁邊，就係位姐姐係到包緊餃子，人手製作，熟能生巧，好住家嘅感覺。而且當時七點令鐘，店舖細小已經坐滿哂人，佢邊做傳菜，邊包餃，好忙呢～同時發現叫外賣嘅人好多，而且粢飯好受歡迎，即叫即包，下次我都要試下。講返食物，睇食評啲人話豬扒好味，我就喜歡雞多啲，叫左個雞扒上海幼麵（$32），另加韭菜水餃。（$8/3隻）好耐冇食上海麵，質地黏黏地，配普通清湯，都唔錯。有另外款式係酸辣湯，見隔尼枱果碗都幾吸引。雞扒煎得好脆，本身唔食雞皮同忍唔住咬左少少。就算唔食雞皮，啲肉都好有味，煎得好香，而且好大塊。韭菜水餃果然家家手工水餃各有特色，呢款清清地，啲肉唔會好多調味，咁先食到真正豬肉同韭菜嘅味，而且一咬好多汁，加$8有3件好抵。的確，用外賣餐具做堂食用具係好唔環保，但面對除左人工以外嘅價位上漲，能夠理解。所以我選擇下次自攜餐具，咁就可以環保得來又比到支持，同時食到平而美味嘅大碗麵～

今日晏晝經過紅磡，就回味一下滿堂樂嘅味道啦。之前都食過，呢度嘅炸豬扒係幾好味。呢度有分粗面幼面，個人喜好中意食粗面多啲。另外，啲雪菜加係個面度好好味，仲有白菜仔做配料。我仲叫左杯凍豆漿，飲落去可能會覺得有少許甜，但都會飲到淡淡既豆香味。雖然今次冇叫到雞翼，但我記憶依度既雞翼都係幾好味。粢飯同埋酸辣湯都係客人成日叫既食物。唯一唔好既地方就係呢度用好多即棄餐具，唔夠環保，之前都唔係咁。總結：紅磡重建，小鋪將會愈黎愈少，有機會的話，不如試下小店，可能會有意外收穫。

唔算好肚餓，但午飯時間已到，始終食少少野好，所以嗌淨雲吞，但怕味道過於清淡，於是要酸辣湯底，大大碗都只係33蚊，已經算抵到笑。淨雲吞都好大粒，皮薄滑，餡料多，質素幾好。而酸辣湯味道就一般般，普普通通，唯獨材料豐富，有豬肚絲、木耳絲、豆腐絲等，都算值得一食。可能為節省水資源加人力物力，餐具就唔太環保，使用即用即棄餐具，所以都有啲無奈... 不過小店嚟，所以都喺百物騰貴下逼使出嚟，只求生存，仲點可能考慮咁多。或者下次自己帶餐具去啦 👍🏻