滾得棧

營業中

休息中

有否試過在準備掛八號風球之際，在遠離屋企的地方吃飯嗎？相信不少朋友都會試過。雖然有消息指今晚會掛更高風球，可是在下和兩位朋友商量過後，一於少理，到深井吃飯去。滾得棧有兩間店舖，一間位於天后，在下於剛剛開始寫食文的時候，就到天后店，今晚則到深井總店，吃一個火鍋吧。當進入餐廳的時候，除了座位吸引在下目光外，還有一個魚缸，魚缸裡面有不少海鮮，仍然在游水呢！餐廳除了有下層外，還有二樓，可惜咱們沒有上到二樓簂看呢！餐牌中有不少火鍋配料，有海鮮類，丸類，肉類和蔬菜，當中丸類有手打和大路丸類。除此之外，還有小菜可供選擇，於是咱們除了點來火鍋和配料外，還點來兩個小菜，要試試廚師的手藝如何。調味料只有四款選擇，有紅辣椒，蒽花，蒜茸等，似乎少了一點，如果一點的話例如麻醬等就好。然而醬料可以按個人喜愛而增減，悉隨尊便。蕃茄蟹湯底打邊爐點可以少得火鍋湯底，也是靈魂的所在地，一鍋湯底在還未放下配料之前，必然是清淡無疑，而且是最原始和最原味的，喝一口湯頭，固然會有蕃茄鮮甜的味道，當配料越是放得多滾得多，就會把配料的味道帶入湯底，使湯頭變得更濃。話明是蟹煲，當然有蟹呢！以往在下打邊爐吃火鍋，甚少點來蟹的，但今晚卻點

跟朋友約左好幾次，終於在颱風來前趕去食個火鍋餐 這裡品質都很不錯喲!用料很新鮮，無論天熱天冷吃火鍋都是一種享受不過我很少從來這邊，所以都沒有注意到這裡有一間火鍋店 今天就是衝著它的食材而來的 本來覺得價格還蠻高的 不過吃完一輪之後覺得食材對的起這個價格喲~~右上角有個橙色小角仔的食材，都可以選擇雙併方便兩三個人，又想多試幾樣的寬敞的用餐空間我的藥膳雞鍋跟朋友的沙嗲鍋組合藥材醉雞湯底 $119，秘製沙嗲湯底 $59藥膳鍋的味道比較重.但它也不是可怕的中藥味.是蠻溫和順口的口味!藥材醉雞湯底，另外會有一碟醉雞很夠味呢蝦膠釀油條 $79熟食來的，蝦膠釀在油條上再拿去炸我覺得沾點湯也非常好食招牌牛眼根 $139(例)手切牛頸脊 $179(例)送上來的肉都是現點現切牛眼根要滾個十分鐘，然後才拿出來吃，食起來很有嚼勁，口感非常好牛頸脊而我的方式也是標準流程，放進鍋中，1..2..3..4..5..6..7..8！好了！口感很幼嫩多汁蘇格蘭竹筒蚌 $38隻新鮮度自然不在話下，鮮甜的滋味，很好吃台灣貢丸及芝士腸，芝士丸友人點的，味道上都有符合期待，不錯黃油雞腸 $53新鮮雞腸我已經好久沒吃囉，很多火鍋

「滾到晚晚都好夜，好夜晚晚都去滾」這是火鍋店「滾得棧」的名言，相當有趣。是晚颱風「海鷗」迫近香港，稍晚更會掛上八號風球，與友人仍不失興致，在滂沱大雨下來到位於深井的「滾得棧」打邊爐。對於小妹來說「滾得棧」的地理位置還滿方便的，起碼要出荃灣/葵芳/青衣，走前幾步便有車坐。小妹還記得也曾來過這間火鍋店，印象中還頗不錯。而天后分店午市更有供應各款點心和炒粉麵飯。(不說不知原來旺角的老點點心與滾得棧是同一個老闆呢。).走進店內，環境雖然沒有華麗美觀的裝潢，卻呈現了簡約隨意的感覺，坐位滿多的，最前方的玻璃缸看到內裡的生猛海鮮；側邊位置更看到掛著Hot in a Pot的紅色字樣，果真醉心火鍋。.牆上有例明某些食物或材料的是日價錢，像沙巴躉、法國麵包蟹和蘇格蘭竹筒蚌。.想不到這裡的點菜紙，老闆把它設計得像報紙般，除了點菜外，後頁更有一些「滾知識」介紹每日一粟米的好處，頗有趣的。這裡提供各款汽水、啤酒、蔗水、酸梅湯及日本清酒等，價錢由$12~$69不等。小妹最欣賞在這裡打邊爐，四位以下某些食材可選擇雙拼 (雙拼每碟會收多$0.5)，這樣便可以試多幾款了。餐牌上淺橙色的為店方推介，沒有標上橙色角仔的，

一直留意Openrice深井區為食情報，發現“滾得棧”既食評一致好評，所以咁難得有朋友揸車，梗係要試下啦，最方便既地方就係附近有免費代客泊車湯底方面，我地揀左秘製沙嗲湯底+胡椒豬肚湯底，味道都幾好，個沙嗲湯底真係好香，不過豬肚湯底比較淡手切牛頸脊肉：味道一流，一定要試手打蝦滑：肉料足，仲見到一粒粒蝦肉，好爽口手打墨魚滑：好正~~~~~鮮蝦雲吞：用料好足，接近有成隻蝦既饀三秒腐皮：必食之選，唔似出面食個d有陣油膩味蘿蔔：好鮮甜，無渣皇帝菜：ok豬肉青：ok 聖子：大隻及爽口，剛好做promote,買三隻送一隻，要$130左右，貴左少少整體黎講，滾得棧以深井區黎講交通都算方便，材料都好新鮮，環境都算坐得舒服，價錢都算Ok,不過如此豬肚湯濃番少少就更好

深井一向都以燒鵝聞名，但其實深井村當中亦開設了大大小小、中西各國等等不同食肆，吸引鄰近地區不少人來「覓食」，滾得棧就是其中一間，雖然位於深井村較偏離位置，但人 跡不絕很多人都專程來吃一頓火鍋。滾得棧的人氣之處在於有多款特別的湯底供選擇，其中有潮洲湯底、海底椰豬骨、花膠響螺雞及胡椒豬肚湯湯底等。潮洲湯底中有潮洲四寶丸及紫菜；椒鹽豬肚湯胡椒味十足！是次點了有名的牛頸脊肉，香滑有嚼勁，富牛味但不會過多脂肪，是火鍋必備佐料！鮮蝦滑有大量鮮蝦在肉，熟後是啖啖爽口蝦肉。新鮮炸起的響鈴帶著微溫，浸泡後亦香口美味。其他配料如墨魚咀、牛栢葉、凍豆腐、水魷魚等用料都很新鮮！想試特色火鍋的你們可以來一試喔！

今天一行五人到深井的滾得棧打邊爐，這處人真多啊，還不過7點，全店都爆滿了。湯底是滋潤款式，內有紅蘿白、雪耳、雲耳、粟米和馬蹄等，十分足料，而且很清甜。桶蠔大隻得驚人，咬下有爆漿的感覺。手打虾丸和象拔蚌丸都是不錯的選擇，虾丸還吃得出一粒粒的虾，爽口彈牙又鮮味。潮式三宝有魚皮餃、魚卷和魚旦，很有水準，最愛魚卷。牛頸肉夠淰夠肉味，連掃兩碟。 

星期日大約七點到，六人桌也不用等位，點菜紙設計很有特色，但卻沒有價錢，要用菜單對照價錢很煩。湯底可以選兩款，不過我們不吃辣，選了胡椒豬肚和潮州湯底，潮州湯底較好，似潮州四寶丸，有紫菜、肉碎等。胡椒豬肚就好一般，味道好淡，像清湯。普遍的食物也較貴，而且味道一般，肥牛似佳寶的肥牛，象拔蚌丸就較好，韭菜餃也可以，其餘也一般，讚歧烏冬和蔗水更不值得叫，蔗水如水一般。每人(3男3女)埋單每位$180左右，但男生一點也不飽，之後要去附近食糖水。

又是星期天, 又到一家人找好野吃的family day.細佬話想打邊爐, daddy 就提議入深井,佢話上次d 朋友入黎外賣幾碟牛肉用黎打邊爐, d 牛令佢好心掛掛!!黎到, 果然係滿座, 仲有人等緊位,不過好好彩咁, 等左幾個字就安排入座.唔駛講野, 黎呢到就當然係食牛啦!!!!wowow! 個牛真係好味到無野講,入口有好香的油份, d 肉味係滲入味蕾, 喉嚨, 落到個胃到係會令到你大叫, 好肚餓!!!!其他配料都唔錯, 不過生意真係太好, 好多配料八點幾已經買哂嚕,菜都係得返一款揀.D牛好味到我地仲打包左兩碟添, 真離譜!!哈哈

今日又係無訂位既情況下walk in食飯，好彩都唔使等好耐講打邊爐，暫時黎講，滾得棧係我既首選，連我阿媽麻麻地打邊爐，上次臨返加拿大前都要要求去多次，因爲呢度既牛頸脊真係一試難忘 (試過其他餐廳同一款牛頸脊都無甘好味)今日我地得兩公婆＋細女，我地叫左:1)牛頸脊(大）- 必食！因爲今晚我地人少，本來我想叫例牌，但老公話一場黎到，情願食少d其他野都唔要少左牛頸脊甘話....2)生炒糯米飯 - 呢個又係必食，每次明知食唔曬打包都要叫3)韭菜較 - 好味，好香4)生根 - 無咩特別，應該外邊買返黎5)皇帝菜6)烏冬-原本比阿女，但阿女掛住食糯米飯，最後都無食過**之前我地成日都叫1 jar酸梅湯但次次都差少少，飲唔曬，所以今次我地每人叫一杯算(我要酸梅湯，老公要竹蔗水),加埋阿女都OK~

第一次來“滾得棧”，之前聽朋友話D牛超好味，所以早已訂枱，不用等便有位了。2人叫了6碟火煱料＋1“渣”竹庶水，已好飽了。這裡有枱上自助蘸料，有炸，乾蒜，紅椒絲，䓤，豉油供選擇．1．湯料我地叫左鴛鴦鍋：沙爹＋胡椒豬肚湯，約＄58 （4人以下可揀2款＄58以下的湯底） 用湯十足，沙爹湯有豆卜；胡椒豬肚湯有白果，馬蹄，支足，咸菜，豬肚，都幾多料的2．招牌牛頸脊（大）約＄230 幾 （例牌＄160幾） 牛肉肉脂均勻，有質感但唔韌，帶有香濃嘅牛肉香味，必食之一。我試過滾了十分鐘食落都唔韌！！！3．四寶丸有牛肉丸，墨丸，蝦丸，鯪魚，因我地不食鯪魚，問店員話可改魚丸， 約＄60幾 牛，墨，蝦丸全是手打的，真材實料，尤其墨丸，蝦丸，食落彈牙 （必食之二），你仲可以見到蝦肉和墨魚肉係丸入面4．韮菜餃併雲吞 約＄50幾 雲吞共6隻，韮菜餃共5隻，幾新鮮，味道OK，餃類是可雙併的（4人以下）4．鱔片 約60幾 分量都幾多約7﹣8片，鱔片肉質略“淋”，但都OK 5．响玲 必食之三 滾3秒就要撈上黎食，唔太油膩，好味，約7件．6．西洋菜 約40幾 有許多菜

男友突然想食麻辣鍋, 即興既野真係好難搵, 本身搵個間又要八點鐘交檯, 個半鐘邊會盡興.. 再搵到呢間"滾得棧" 難得話可以任打, 就即刻放工飛車去,見門口有得代客泊車, 不過最後唔放心都係泊返對面停車場。時間尚早, 只見到兩檯人打緊, 我地一坐底就即叫個麻辣鍋, 而我要個清湯, 因為怕太刺激麻。食物價錢都中上價, 唔算平, 不過某D食物有得雙併, 岩晒我地兩個人, 湯底算OK, 唔太辣, 但唔夠濃, 反而我唔小心食到一粒野麻到成條脷都痺晒。清湯真係好清, 食物方面都算新鮮, 正常份量, 唯一菜既份量都幾多。最欣賞係蝦膠, 因為拎到黎我仲望到一隻隻蝦, 心諗以為連蝦都未打成膠就上碟, 但食落就知原因喇 原來未打成膠既蝦係咁爽口彈牙架, 真係必食。

近日聽到友人家庭出左D事,亦勾起我少少既回憶及令我更加明白世事無常, 今日唔知聽日事, 好好咁活每一天.唔開心都要生活, 咁不如開開心心咁過.無咩目的之下2個人專登走入深井打邊爐, 6點已經入到店內, 當然咁早只得我地一枱客.專登來此店都係見到食評話此店既牛頸脊非常好味, 為食既二人組又點會放過.2個人貪心地叫左個牛魔王(內有牛柏葉, 牛頸脊, 牛肉粒, 肥牛等), 鱔片, 魚腐, 皇帝菜及三秒腐皮; 我地仲用左OR既COUPON用一蚊換左個潮州湯底.所謂既潮州湯底就有D方魚, 紫菜, 蝦米及肉碎, 有點似方魚肉碎粥走米版, 味道都幾清甜.此店用料真係好新鮮, 鱔片灼後好彈牙爽口鮮甜又夠肥美魚腐既魚及豆腐比例好平均, 食時有陣陣既魚肉味道就算經炸過後既魚腐都唔會有咩油味, 証明此店製作用心.除左期待牛肉之外, 三秒腐皮亦係我想試既食物.好多店舖都有這個配料, 但好多事都令我失望一般都係好重油味, 此店既三秒腐皮真係灼了三秒後外吸收湯底但內裡仍帶少少脆口十分好味.最後主角既牛魔王認真出色, 真係每款牛肉都好新鮮充滿肉味, 牛肉粒有點肥膏食時口裡充滿牛香; 出名既牛頸脊放下湯後灼一回食時夠

在今日唔知聽日事的環境下，個個都是愁眉苦臉咁返工，那些親切可愛的笑面消失得無影無蹤，實在不是好事。身為康樂大使(非官方)的我，又要做點事，就是組織大家去吃喝玩樂一番，讓各位可以鬆一鬆。各自有家庭，又要加班趕死線，這樣那樣，要集齊人馬在工餘時候出來玩一天半天，其實幾困難的，大家放工後食餐飯，反而比較恰當。除了自助餐外，火鍋就最能迎合大家口味，於是便安排了「邊爐宴」。大家安頓好，點好湯底後，便柴娃娃的在「混醬」，這位幫那個放辣椒粒，他又跟她下蒜茸，好不開心。而我的簡單選擇，仍然是蒜加豉油。十人坐的張檯，必須要開兩個鍋，分別挑了甘筍粟米湯底以及四川麻辣湯底，愛辣和不吃辣的自行分組。走了去不辣的那邊，個湯底清淡得如白水；反而麻辣那邊，幾位四川同事也沒有投訴。來這個地方，自然不能放過招牌牛頸脊，看其的雪花分佈以及色澤，已經知道唔會有問題。牛肉起雙飛，輕輕的拖幾下便可吃，質感軟滑，帶點甘香，肉味濃郁，不消一會便被籤滅。咁多人，一碟牛肯定就不夠了，再來另一碟牛眼根，侍者強調要燙八至十分鐘才可吃，那我們又乖乖聽話照做。牛肉連根位又帶點肥，再加上爽脆的口感，甘香的味道，也不俗。兩款牛都咁有水準，對牛脷托

這餐打邊爐應在半年前，價錢資料不太記得，但總對這兒的牛頸脊念念不忘。這兒的食物價錢偏貴，牛肉要$200多元一碟，但晚飯時間依然全爆，總有其原因﹗頂級牛頸脊，味濃，厚切，是新鮮手切的，真的沒嚐過這麼軟熟而味濃的牛肉，油脂豐腴味美，好貨色，貴也值得﹗友人點了很多其他生料，但這晚我的目的只有一個，就是不停吃這美妙的牛肉，我懷疑點了兩碟我吃了一整碟呢﹗埋單每人要三百多，是貴價邊爐，但為了牛肉，值得豪一次﹗

今日好朋友介紹我們一齊到深井呢間【滾得棧】打邊爐,門面望落去有點殘舊, 冇乜裝修咁, 不過入到去都唔錯, 因為坐位唔會太迫,坐得舒舒服服, 而且服務員態度不錯呢 店子提供幾種打邊爐必要點的醬料和配料食物是續碟散叫的, 而且份量都唔少, 除order了一些大路食品外, 還點了店子出名的手打蝦丸, 魚麵等等~魚麵我地唔識點吱..老闆娘仲特登幫我地吱..廢時我地吱爆個膠袋 XD魚麵是挺好味的, 最重要是夠彈牙呢, 不過即包的雲吞就麻麻地, 食落陣味似終爭咁D~~但整體是滿意的~ 呢間已列入為我的出外打邊爐之選, 以後又多了打邊爐的一個落腳點,這裡坐得舒服, 食物種類多, 質素亦不錯