滬揚川上海料理

營業中

休息中

今日約左朋友去銅鑼灣見面，諗住12點就不如早啲食午餐，可以避開無咁多人，滬揚川地方唔太大，見有坐位就試吓啦，我地叫左：酸辣雲吞排骨麵雪菜毛豆百葉上菜好快手，菜式味道都唔錯，岩我口味呀，下次再經過都會再試其他菜式。

行過幾次都無留意到，原來有間上海小店，今日口乾乾想食碗有湯嘅嘢，於是入去試一試，叫左碗⋯薰魚煨麵🐟🍜薰魚太甜（個人口味而已）太濕、太淋煨麵個麵質唔夠淋 湯底味道還可以叫完煨麵先見到有酸辣湯⋯所以第二日再嚟食多次今次叫左碗⋯酸辣湯雲吞足料足料！！仲有8粒雲吞酸辣湯有驚喜，

今日去咗銅鑼灣, 想搵間素食餐廳, 不過原來唔容易, 最後見到呢間 ❥⧽滬揚川 ❥⧽ 就入去試吓啦。餐廳裝修比較中式, 枱與枱之間有足夠距離, 唔會坐得太近。𓊈賽螃蟹𓊉同平時嘅賽螃蟹有d 唔同, 多咗 d 磨菇, 我覺得個味道唔算太夾😅, 不過份量好多, 用嚟餸飯係好好食嘅。𓊈陽春麵𓊉有一種懷舊嘅感覺, 陽春麵嘅湯底望落濃郁不過味道卻比較淡, 而麵質偏軟, 整體一般。𓊈炸饅頭𓊉呢度嘅炸饅頭送到時已經蘸咗煉奶, 無得自己狂蘸煉奶係有少少失望嘅, 而且亦令到個饅頭唔夠酥脆。✧✧ 整體食物一般, 不過價錢真係幾相宜, 個人嚟講未必會再去。

成日都食大型連鎖餐廳, 今日帶大家嚟試吓呢間食上海菜嘅小店滬揚川雖然位於銅鑼灣, 但係門面其貌不揚, 唔留意真係會錯過<酸辣湯>而家已經好少食到咁足料嘅酸辣湯茨汁打得唔錯, 湯底濃稠度尚可, 又酸又辣好開胃<海蜇皮>估唔到作為冷盤嘅海蜇皮都咁大份, 口感爽身, 充滿麻油香氣<蒸小籠包>食上海菜點都一定要嗌份小籠包滬揚川嘅小籠包好正宗, 外皮比較厚身, 裏面嘅豬肉亦都比較紮實<排骨炒粗面>最後嘅主食嗌咗經典嘅排骨炒粗面, 口味比較家常, 口感偏濕, 排骨帶有絲絲甜味

身為上海菜塔利班每次出銅鑼灣都會買外賣返屋企做晚餐，好食又好抵😀 -🥟 生煎鍋貼 6隻 $52一咬落去即刻爆汁，唔會overcooked，好大隻，食咗三隻已經等於一碗飯，好味抵食。🍜 排骨麵 $52彈牙麵條唔知手打定機打。排骨冇太多粉嘅問題，每一舊排骨都有肉。但係如果碗麵有啲蔥就好喇…其實我都食過佢嘅回鍋肉，韭黃鱔糊同埋小籠包，不過冇影相。韭黃鱔糊唔使過$100，仲要份量多，真係好抵，唯一要吐槽嘅就係呢間餐廳冇乜菜食😅

每次去銅鑼灣想食上海野既時候, 都會第一時間諗起滬揚川, 呢間小店應該幫襯左 8-10年, 每次去都會見到老闆仔坐係門口既收銀位, 玻璃門未推開時, 都會好習慣樹起手指向老闆仔示意幾位, 雖然佢唔會太熱情咁笑住, 但會完全 feel 到佢果種親切感, 可能去得多, 佢係認到人但無太大既表示 ! 有位的話佢就會叫我地坐邊張, 如果無就會好禮貌咁話等等, 一陣就有位, 因為係小店既關係, 客人通常都係食完就起身, 唔會好似一般食肆咁, D 人會坐係度傾計玩手機 ! 食物方面, 每次來都一定會叫既三樣就係醉雞 - 大大碟, 花雕味岩岩好, 而且係雪得好夠凍好入味 ! 第二樣一定叫既就係酸辣湯, 講真酸辣湯好多地方都有飲過, 但個人口味就覺得佢呢度既味道岩岩好, 唔會過酸過辣, 而且入面既材料非常足, 另外就係好夠熱 ! 食上海野當然唔少得既就係小籠包, 而呢樣亦係我必叫既一樣, 皮薄之餘, 入面既湯好好味, 完全係肉汁既精華, 但食果時真係要小心唔好淥親, 入面既湯係非常熱 ! 今次另外再加左個鱔糊粗炒, 好耐無食鱔糊, 佢呢度完全係洗得好乾淨, 而且係爆個黃鱔好香, 再加埋個汁, 上海粗麵

這天大家在銅鑼灣都饑腸轆轆，見到前方有間上海食店沒有多想便內進。入座之後我們每人點一客食物，沒有午市套餐及飲品，再加多一籠上海菜必食的小籠包分享。我點了一客排骨擔擔麵($52)，炸過的排骨分開上菜。擔擔麵的湯底看樣子濃郁，但其實味道不算很濃，而讓人有點失望的是碗了還有一大堆完整、剛剛放下去的花生醬，即使我嘗試拌均也不太成功，以致花生味跟湯底分開了，味道總差一點。不過麵做的算是爽口，食起來不會太膩，要是麵煮得太淋配上跟花生醬拌不均的湯底就會變成一pat pat的了。排骨的件數有不少，肉質都是淋的，但全部排骨都沒有骨只有肉，再加上是炸的，食完都有點飽膩。即蒸的小籠包($48)要等一會才上菜。小籠包的外皮比較厚，吃下去有點粉的感覺，而肉餡正正常常，有少許肉汁流出。倘若要在這裡付$8食一粒小籠包我覺得不值，因為價錢相若、皮薄、多肉汁的小籠包也可以在其他餐廳找到。若你經過附近想找中菜餐廳或者快快用餐，都可以內進快食，但特意到來則免了。

I heard from a friend that this place was manned by actual Shanghainese so decided to give it a try.  They served a very well balanced sweet sour soup - I didn't actually need to add any more vinegar to balance the sour out.I personally prefer the thin-skinned xiao lung bao more typically of the Taiwanese variety - but as it is a Shanghai place they did stick to their cuisine and server more traditional xiao lung bao with thicker skin - which was still tasty! I much prefer their pan-fried dumpli

今日返工食飯心思思想食上海菜 返工就喺銅鑼灣附近，平時經過都會對呢間有啲歷史嘅上海菜。環境係舊式中式餐廳風格。咁今日就試吓啦肥蛋食上海菜一定會食小籠包！❤️鮮肉小籠包 💰$45以呢個價錢來講，以銅鑼灣來講$45有六隻小籠包已經非常抵。但係圖片已經睇到皮係比較厚甚至比急凍嘅更厚，湯汁比較少。豬肉中規中矩，但冇咗小籠包皮薄餡靚嘅感覺，令人有啲失望❤️春卷💰$45春卷同樣跟小籠包一樣一碟有六件，趁熱食會脆卜卜，餡料食到有冬菇同埋粉絲，都係啲正常春卷有嘅嘢。甚至仲好食過小籠包算全餐最好食！點着喼汁嚟食，十分開胃估唔到有驚喜！❤️ 排骨擔擔麵💰$48銅鑼灣中心地帶一碗麵索價$50都唔洗，算係幾抵食。份量比較大，可能一位女仔未必食得晒不過味道就比較遜色，成碗野重點擔擔面湯底比較淡而無味，比較似鹽水湯底，肥蛋就唔太識欣賞排骨都炸得唔夠香口，一般。唯一可取嘅係上海麵質都幾彈牙。🔺仲有一樣挑剔係注意到有啲廚房員工竟然係第四波疫情爆發初期竟然冇佩戴口罩為客人準備食品！希望貴店可以注意一下衛生意識！

滬揚川呢一間上海式小店地舖，能夠在旺區銅鑼灣屹立左咁多年確實唔容易，經過好多年食品質素改變都唔太大，而且我喜歡佢夠正宗。今次叫咗個排骨擔擔麵（走榨菜）。服務生都有問我要唔要辣，我話要，但想到你碗野係冇辣嘅... 🤷🏻‍♀️。咁佢枱面有辣醬我自己落都冇所謂嘅。我最喜歡上海食擔擔麵係佢個花生醬。炸排骨都做得好好。不過風頭火勢之下佢嘅防疫措施做得明顯不足。客人入嚟冇探熱，枱同枱之間亦冇足夠嘅位，而且容許搭枱之餘亦冇做隔板，呢方面真係最好改善一下。不過我又咁講，見到佢冇做防疫措施我都自己行咗入去嘅話，中招自己都要附上責任。

一天來到銅鑼灣，下著滂沱大雨，想到了吃上海菜，這間地點非常方便，就在時代廣場旁邊，過條馬路就到了。估不到9點多，加上疫情嚴重，店內仍然坐滿客人，幸好有一張枱給我們享用。看看餐牌，食物款式多既，在港島區咁貴既租金黎講，食物價格不算太貴，可接受的。我們點了4款食物：上海小籠包——吃上海野必點既野，佢肉係多既，但皮算厚，湯汁唔多夠，中規中矩。炸饅頭——又稱炸銀絲卷，炸得鬆脆香口既，唯一可惜冇煉奶配搭。酸辣面——好味既，大大碗都係$48，2人份量，再辣點再酸點更佳。腿蓉津白——價錢有點貴，但味道不差，少過咸，賣相就嘛嘛。另叫左杯豆漿解渴。2人吃了$216，超飽，有機會再吃其他食物，如嫩雞湯面，擔擔面，炸排骨..

服務方面，唔知點評價，讚賞服務員快速秒速攞走餐牌，點完即攞走，但與此同時想睇吓再加單都冇。我叫既嫩雞煨麵嚟咗，個湯好濃郁，冇味精，菜好爽口，雞肉切得大小適中，但就冇乜鮮味，但口感不錯，不太硬不太軟。 疫情期間，一張細枱坐滿四人，其實有啲危險，但佢個地下係出奇地乾淨，係好事。

今日有少少趕時間, 所以諗住係Time square附近求其搵間餐廳醫肚, 拿拿林食完就番公司繼續搏殺。行行下見到呢間門面有少少舊的餐廳, 估計應該係食上海菜, 諗都唔諗就入去了。坐低睇Menu 先發覺呢度食野一D都唔貴, 都會區50-$70左右, 以銅鑼灣黎計真係好親民!我叫左燻魚煨麵, 另外因為餐廳提供茶水, 所以無叫野飲。不過煨麵需要等既時間比較耐, 我見隔離枱遲過我落單, 佢地D菜都比我的煨麵更早上枱… 趕時間的話叫其他湯麵類既食物, 會比較快上枱。燻魚煨麵 ($50)煨麵同燻魚係分開碟上的, 都明白燻魚的汁如果撈埋落湯入面, 應該會令個湯變到好酸! 先講燻魚, 佢既份量真係好多! 有5大舊燻魚! 仲要舊舊都係魚肉, 絕無呃秤! 燻魚的汁係酸醋的味道, 但質地又唔稀, 而且帶有些微的甜味, 應該係落左糖去調和, 食落好開胃。燻魚的外皮較實, 內裡則較軟身, 我個人比較喜歡食口感教實的燻魚, 如果可以加長個處理時間, 應該會更好。不過美中不足既係D魚好多骨, 而且D骨好硬, 食既時候要好小心。至於煨麵方面, 有好多菜, 我估計麵同菜既比例大概係1:1, 而且D菜係切到細細舊, 好

突然想食炸饅頭，在cwb搵到一間，近近地就入左黎。但好失望，炸到一半係金黃，另一半係白色，而且無煉奶，真係未見過。問staff有無煉奶，個態度好差，「無架，你食啦！」夾起個饅頭，油到不得了，食到喉嚨都唔太舒服。。。雖然係油炸，但之前喺其他地方食都無油到咁成個饅頭得朕油味。仲有叫左個上海年糕，年糕幾軟綿綿，但味道得個咸字，無乜其他味道，食完要飲返d茶先舒服d。環境還可以，但食物質素同服務態度咁樣，唔會再幫襯！

呢間餐廳開係橫街，唔算好顯眼。平日夜晚唔算多人，唔駛等位。酸辣湯好大碗，大約係二至三人份量。酸酸辣辣幾開胃，但太大碗飲唔哂。鱔糊炒粗面，一次過滿足想食鱔糊同想食粗面嘅兩個願望。鱔嘅份量幾多，幾足料。味道濃左少少，但老派上海菜好多時都係偏濃味。生煎鍋貼有六大隻，皮很脆而且厚薄適宜。啱啱煎起好熱，入面係有少少肉汁。凍豆漿係自家製，飲得出好香嘅豆味，冇渣。而家好多餐廳都係賣枝裝豆漿，自家製嘅真係賣少見少。有時我會覺得好多上海菜連鎖店價錢偏貴，菜式又稍為過於精緻。呢間餐廳平實得黎做得返記憶中老上海嘅味道，值得推薦。