滬小館

walk in 買雞絲粉皮 $36+$2 外賣盒&外賣袋收到時 目測外賣小圓盒size 仲細過一般買糖水份量的盒 已經覺得唔係好對路返到屋企用尺度一下 4.5x11cm 仲要只得半兜 唔滿嘅 完全唔可以接受 真係離哂譜 唔會再幫襯 …查看更多

星期六晚同班Friend撐枱腳，專登去咗太子呢間「滬小館」！嘩，未到七點已經排長龍，我哋五個人等足半個鐘先有得入，為咗食，等！冷盤醒胃打頭陣◂糖醋排骨 - 未食香先到！排骨唔係得個骨，係啖啖肉，個汁酸甜度啱啱好，邪惡到震，忍唔住連夾幾舊！◂四喜烤麩 - 凍食涼浸浸，個烤麩索晒ｄ醬汁味，仲有冬菇吊味，送啤酒真係冇得頂！◂雞絲粉皮 - 麻醬多到滿瀉，撈勻晒ｄ滑捋捋粉皮同雞絲，食落好舒服，個開局唔錯！熱葷鑊氣小宇宙◂京酱肉絲配餅 - 哇，呢個真係必叫！ｄ肉絲炒得好香，個京醬濃得嚟唔會死咸，用塊薄餅包住，大口咬落去，好滿足呀！全枱一致讚好！◂京蔥爆牛肉 - 牛肉係幾嫩滑嘅，不過我覺得ｄ蔥多到有ｲ的誇張，當係食蔥送飯啦，哈哈！點心湯品埋尾◂鲜肉小笼包 - 皮薄餡靚有湯汁，夾起上嚟唔穿底，點少少醋食，係嗰種傳統嘅好味。◂酸辣湯 - 料多到瀉，飲落去個喉嚨暖笠笠，酸酸辣辣好開胃，飲完成個鼻哥窿都通晒！…查看更多

今晚嚟依間店，諗住食個酸辣湯食個牛肉餅，點知個服務員姐姐態度好差咁話冇牛肉煎餅，嗰樣酸辣湯出嚟鹹到揦脷，同佢投訴，佢話冇可能，佢哋的湯絕對唔會鹹。態度差到一個點。今時今日香港嘅飲食行業咁差唔係冇原因，呢啲姐姐該嘅1一功。…查看更多

平時行過見到呢間舖頭好多人都冇咩位座，所以都冇入去試過，今次行街又經過見到有位就即刻入去試吓啦!😋我叫咗排骨年糕、小籠包、豆漿，呢度排骨年糕呢啲汁好濃好好味，排骨炸到外脆內軟同埋肉質有Juicy，年糕又軟腍腍好好食。豆漿有好濃郁嘅豆味好飲，同埋飲落去好滑，樓面姐姐講豆漿係佢哋每日新鮮製造嘅！真係好飲！他們的小籠包皮薄不粘牙，餡有好多個湯好鮮甜，下次會帶埋媽咪過嚟試其它嘢👍👍👍…查看更多

夜晚九點左右喺旺角附近求其搵間餐廳食 入咗呢間 睇落正路 上海野 入去叫咗海蜇青瓜 蟹粉小籠包 紅油抄手 紅燒牛肉麵 花雕醉雞拌麵 豆漿兩杯 首先嚟咗杯豆漿 飲落幾特別 腐竹糖水嘅味道 以為係自己親手煲 然後上咗碟海蜇青瓜 海蜇硬到 好似大陸買一包包嗰啲即食海蜇 然後花雕醉雞 首先好淡嘅花雕味 喺雞肉裏便有一Pat整極都唔走黃色固體雞油 十分之難食 碗紅燒牛肉麵算係正路 但係個湯底完全似係一包包即食麵沖出嚟 之後嚟疊紅油抄手 睇落賣相唔錯 點知食落完全冇鹹味 得紅油味 食過咁多紅油抄手嚟講 真係最難食 都好難整到咁難食 最後蟹粉小籠包唔識講 唔好expect太多 總之都係難食 最後最後個廚房阿姐最後攞袋對住豆漿嘅膠袋出嚟 話倒比客人飲多啲 見到嗰下驚左一驚 完全似係大陸買一袋一袋唔知裏面咩成份嘅嘢 見到即刻放低個杯 唔敢再飲 啲阿姐服務良好既 但不過唔會再嚟食！…查看更多