滬上園

營業中

休息中

小籠包好味😋 湯汁豐富，個皮厚度啱啱好，唔會太厚難食但又唔會太薄易穿🤣上海粗炒好食，好多萊，唔會過咸👍🏼酸辣湯都正，好足料，酸酸辣辣好開胃👍🏼👍🏼韮菜鍋貼麻麻哋，個皮煎得唔夠香……雞絲蔴醬拌麵，又係麻麻，雞絲好鞋，蔴醬唔香……最後個凍荳漿，味道OK嘅，但完全唔凍，係室溫嘅🥹

6.4當日，揾食肥華在青山道遇伏，食咗餐知所謂嘅上海食品餐，其後肥華在FB向網友吐苦水，獲網友推介此店，叫我去一試6月15日下午茶餐時段肥華就和靚媽到此店品嚐美食，是日我倆合共點了嫩鷄煨麵，四川擔擔麵，煎韮菜鍋貼，小籠包及酸辣雲吞合共五款食品，最先上枱係兩碗湯麵，靚媽食咗第一啖佢個碗嫩鷄煨麵，就開口話好食過青山道個間好多倍，跟住再試埋其他食物都係有水準之作，但肥華卻認為個碗酸辣雲吞個湯底就強差人意，雖不致於像青山道個間酸辣湯咁難飲但仍未符合肥華要求味道，肥華飲過最啱口味嘅酸辣湯就係當年在彌敦道設舖的滿庭芳上海菜館，可惜呢碗美食巳成回憶😔😔

周圍行的時候八卦望下，發現太子區蠻多小店都有一兩款素食選擇。最近有朋友介紹這間滬上園，近近地就過去食下，素雲吞大隻又好食，仲有滿滿紫菜素湯，絕對值得一吃再吃。平時行荔枝角道都會經過，無特別留意都唔知有素食呢。入面都係簡單上海麵鋪裝修，座位唔算非常多。午市精選有四種價位的餐點，可用優惠價加飲品，當中都有好幾款素食選項。下午茶就更抵食了。起初仲驚得八隻雲吞唔夠飽，點知原來咁大隻，粒粒飽滿啖湯又好飲，食完非常滿足。松草花素雲吞 HK$38/8粒 (外賣加HK$1)落單的時候記得話講要轉素湯，阿姨就會在電腦揀『轉素食』果個掣，素食者都食得放心，vegan的話就要走埋上蛋絲啦。素雲吞超級大粒，餡料飽滿各種蔬菜菇粒，連帶個雲吞皮都好好食。湯入面有大堆紫菜和蛋絲，味道濃郁，這個價錢如此水準都抵食。喜歡吃上海菜的素食朋友，記得收藏這間小店啦。

❤️豆漿有豆味，唔會甜死，應該真自家製❤️一上枱就聞到好香，味有d似m記紅豆批😂，紅豆餘韻有d酸😲，同等左好耐先上❤️得一個獅子頭，味似餃子餡，好淋，唔札實，一條菜，蛋硬同實，唔入味同凍，湯幾清，好飲，上海麵普通正常❤️鍋貼滴汁， 韭菜有d苦，就咁食好寡，唔推薦❤️小籠包普通，最頂有d厚❤️茶有茶味，唔收茶錢，幾好，口水雞翼好食推薦😍，但今日賣哂🙃，下午茶有優惠，抵食😀👍🏻

當天在深水埗工作, 約了家人中午食飯，家人話要試下這間因看似有傳統上海風味，入到店內裝修都有傳統特式，我們坐下來點了以下傳統菜式：-上海粗炒： 食到傳統味道上海小生籠包：皮薄含靚😋上海少年糕：好味😋上海炸春卷：新鮮炸都脆口，餡料係椰菜絲+蘿蔔絲酸辣湯雲吞 ：酸辣調教足夠味道，雲吞都好好味鮮肉韭菜鍋貼：皮薄煎得好香脆

喜歡吃上海菜的我，在朋友介紹下來到她的飯堂，何謂飯堂之，經濟實惠也！食物種類繁多，份量足夠，價錢平民化，所以這間餐廳的性價比十分高，已袋入了我的回頭餐廳名單上。酸辣湯 (S Size) $18 對於我來說，一碗好的酸辣湯最重要材料多，必需木耳絲和筍絲增加口感。酸度和辣度要均等，不能偏酸或偏辣。雖然這款酸辣湯並不是我最喜歡的那種，味道偏酸，整體尚算合格。雪菜肉絲炒年糕 $56這裡沒有薺菜，於是就試試雪菜肉絲。縴汁比較多，吃到最後會比較水，掛汁亦比較多，年糕則是幼身款。整體尚可。因為年糕很難炒得乾身。黑醋排骨擔擔麵 $56這個罵醋排骨有驚喜，排骨炆得十分鬆軟，骨肉可分離，十分入味，黑醋甜酸味最適合用來送飯。至於那款擔擔麵，則不過不失，湯底比較清，少了一點花生醬味。麵底則有一些淋身，不夠爽口。涼拌海帶 $28雖然是涼拌，但上枱時則有微溫。假如能夠冰涼一點會更好。味道配搭得宜，有蒜味和四川酸辣味。海帶絲爽口，拌菜送飯一流！鮮肉韮菜鍋貼 X6 $36這個鍋貼性價比極高，餡料韮菜極多，醃得很入味，鍋貼皮薄，香煎脆口。個人覺得這款鍋貼本身味道足夠，不用沾豆瓣醬亦可。下次來必點的菜式。小籠包 x4 $

早幾日突然超想食陳醋/黑醋排骨，就專登lunch time 由九龍灣搭車出太子食 (順便買埋我至愛既無添加麵包🙊)，食完又再搭返去九龍灣繼續返工🙈呢間家庭式上海菜係好耐之前又係突然好想食咕嚕魚柳好辛苦地發掘出黎既🙈水準ok，仲幾抵食黑醋排骨菜飯 (午市💰4️⃣3️⃣)叫左少飯因為一定食唔晒🙈排骨份量非常大方，酸味好微，個人認為偏甜左啲，排骨肥瘦均勻，肉質有啲淋啲有啲乾身啲(如圖)，不過乾身果啲都唔會話柴口，食完解左癮好滿足🤗茄蛋湯 午市叫飯餐送既，仲有酸辣湯可以揀～都幾大碗幾足料 (啲蛋絲沉左落底)味道幾清淡家常，唔似有落味精，但個人黎講除左夾係🍔裡面食之外，我係比較中意淋啲既🍅，呢度偏生😅午市係太子呢啲地區黎講真係幾經濟實惠，店員姐姐服務都ok，性價比高！👍

平時好少嚟開呢頭，今日飯點時間經過見到，見無乜人就入去試下，都唸住填下個肚就算，估唔到有驚喜！豬軟骨好淋，好入味，d肉一D都唔痴牙手撕雞湯麵好大份，最重要係d雞肉好正，有鷄味，但就少左d，因為太好食了所以覺得唔夠哈哈哈鍋貼都係第一次食咁樣嘅款，都算ok了最驚喜嘅嚟了，噔噔噔噔，就係小籠包喇，真係超水準呀！皮薄餡多，最緊要係多汁，筷子點夾都唔穿架，趁熱食好滿足！兩個人食都好飽，最後埋單156，真係抵食又開心！

＜醉雞＞味道的平衡比一些連鎖上海菜館還要好，但份量徧少，感覺上不足夠兩人品嚐的份量＜涼伴雲耳＞有淡淡的芥末的味道，味道十分清新＜話梅糖醋骨＞亦是有水準的小菜，伴飯一流＜上海炒年糕＞跟＜酸辣湯＞亦是水準的菜式比較可惜的是今次這一餐前菜的價錢已經佔了最後帳單的一半，但前菜份量真的感覺上徧少，會令人覺得沒有小菜般化算。還有她跟一般小鋪有著同樣的問題，就是坐位會比較窄，枱與枱之間會有著比較近的距離在這段疫情期間，這可能會令人比較擔心

今日專登出左太子買D野，買完就係附近食埋野先返公司～突然覺得好耐無食過上海菜，所以就係openrice搵下太子有咩選擇～搵左呢間比較家庭式經營既小店，１２點鬆Ｄ去到唔算多人～午市都好抵食下，＄３３—＄４３就有交易👍我叫左個糖醋魚片菜飯少飯配茄蛋湯，等左大約１５分鐘～茄蛋湯清清地唔覺有味精都幾好飲👍魚片新鮮整起黎到熱辣辣，裡面幾滑，不過外皮厚左Ｄ糖醋幾好味，酸甜適中，不過個汁亦稍為太稠菠蘿太酸，酸到好似有Ｄ變壞左既感覺。。。配菜洋蔥青紅椒就正常既～菜飯就算叫左少飯都唔少😅　唔係Ｄ咩靚米不過都可接受，裡面既菜爽口，個菜飯都算係咁～整體黎講水準ＯＫ價錢唔貴，我覺得都可以一試～

唔應該對上海小籠包太高期望🤡😂​真係不是特別好食~ 皮太厚啦😌​其他野食都正正常常～​性價比高🆙🆙🆙​​特別推介：鮮肉韭菜鍋貼❤️​出奇地好食❗️味道好夠，個底煎得脆脆地​好有口感💗​​

之前有食評有post話呢間餐廳啲嘢食又平又抵食，於是就同朋友嚟試試上海菜。因為太多大型中菜連鎖店，價錢又貴，得閒支持下本地小店都好。🙌🏻.我哋叫咗好幾樣嘢食，包括小籠包、上海粗炒同埋韭菜餃配酸辣湯。其實大部份味道都好正常，價錢都好相宜，價錢大概幾十蚊左右一碟。上海粗炒略嫌少少油膩，份量亦都好大碟，食唔晒。酸辣湯有啲淡同落得太重調味料。舖頭好似大部份都係做區內居民生意為主，好少街外客。.💰💰人均消費：$50-100

瘟疫蔓延下，對我們這等無飯家庭來說；叫外賣的比數自然大幅增加，這家上海小館也是就近的選擇。韭菜餃拼芹菜清湯餃(10隻) ～ 湯底清淡，餃子皮厚而肉嫩，然兩者相比是芹菜較優；皆因韭菜的卻是沒什麼韭菜味。上海粗炒 ～ 頗對我的胃口，是兒時的味道，椰菜、小棠菜、豬肉、冬菇，粗粗的炒成一碟；滿口是椰菜混和了豬肉的濃油赤醬香。四喜烤麩 ～ 鬆綿香甜；嚼起來卻不失彈性，咸中帶甜的醬汁從窿窿裡滲中來，滋味無竆！滬上園地址: 太子荔枝角道74號地舖電話: 28805300

路過太子附近有點餓，見到有間上海菜，於是心思思入去試下。上素蟲草花雲吞（$40）8粒個湯都幾清新，雲吞可口又有幾種唔同既材料，蟲草花味道幾濃。小籠包 4隻（$32）奧爾加最喜歡食小籠湯包，所以特意點一個黎試下呢間店既水準，果然無失望，咬一口小籠湯包既汁就會流出黎，用新鮮豬肉制作，鮮味十足！

值得一試的上海菜。另加的豆漿較淡，一般。糖醋排骨配菜飯十分入味，雖然食到最後略嫌太甜！但整體而言非常推薦！會令人想再試的味道！菜飯也不會過於油膩～附送的番茄湯酸甜開胃✊🏽✊🏽會再次光顧