滔滔甜品

同朋友喺元朗食完飯，天氣有啲悶熱，行過見到間糖水鋪，決定入去滋潤吓！揀咗腐竹馬蹄清心丸，一上枱已經聞到淡淡腐竹香。腐竹煮到半溶狀態，入口滑溜，馬蹄粒粒爽脆清甜，清心丸煙煙韌韌，成碗糖水甜度適中，食完成個人舒服晒！另一碗試咗桃膠腐竹馬蹄露，腐竹湯底同樣香滑，桃膠分量十足，煮得軟滑有膠質，配埋馬蹄碎增加口感，滋潤得嚟唔會太溜，好適合飯後解膩。兩碗糖水都做得有心思，材料足又唔會太甜，價錢合理。如果喺元朗想食碗傳統得嚟有少少新意嘅糖水，呢度唔錯㗎！…查看更多

見天氣凍 一心想食湯圓去到見到有杏仁茶又好似幾吸引所以最後叫咗杏仁茶湯圓外賣點知返到屋企一打開碗嘢發現竟然一粒湯圓都冇重要俾貴咗$9 想搵個電話號碼打返去又冇下次食返四季甜品算…查看更多

小編今日來到元朗一間懷舊甜品店「滔滔甜品」，甜品店於2017年開業，店鋪裝修以懷舊香港為主題💈 招牌甜品包括叁元豆花、椰子糊、芝麻糊、紫花園等，牆上掛上舊式綠色鐵郵箱，綠色磁磚和水泥地更顯出香港情懷，必到訪的甜品店👏🏼「冰茶龍珠」以蜂蜜綠茶製作的茶凍，以紅豆製作的爆珠「龍珠」🫘 龍珠口感有嚼勁，外層帶黏糯感，裡面是香甜的大粒紅豆，非常有驚喜的爆珠🙌🏻 橙紅和粉紫的蕃薯圓和芋圓，煙韌Q彈💜🧡 懷舊冰菠蘿冰凍酸甜又解膩🍍甜品加入用花奶份外香滑，值得推介的特色創意甜品🙌🏻「叁元豆腐」以豆腐花、芋圓、地瓜圓、黑糖珍珠及紫薯西米作基底，可選配雲尼拿雪糕、愛玉、紅豆或芒果🙌🏻 今次選了雲尼拿雪糕🍨 豆腐花香滑，珍珠有嚼勁，帶有淡淡黑糖味，雲尼拿雪糕跟配料混合在一起，味道層次更豐富🧡🍽 ：冰茶龍珠；叁元豆腐👅好味指數：8.25/10；8.0/10💰消費：HK$37；HK$36📍 地址：滔滔甜品 (元朗) 元朗康樂路8號康樂廣場地下9號舖…查看更多

呢間糖水舖有多種台式芋圓可以選擇，仲有養生桃膠，桑寄生蓮子蛋茶，木瓜燉雪耳同埋多款中式糖水，芋圓唔錯，大大粒煙煙韌韌好食😋✨叁元豆花（豆花，芋圓，黑糖珍珠，紫薯西米配香草雪糕）✨木瓜雪耳海底椰✨桑寄生蓮子蛋茶✨桃膠腐竹馬蹄露…查看更多

見到評論話呢度滔滔甜品嘅椰子糊好好食，於是就去咗跟住叫真係好好食唔會太甜。不過我哋仲嗌咗另一款糖水入邊有清心丸，清心丸比較硬，唔係想像中嗰種煙靭，就唔太喜歡，不過其他都可以一試，因為價錢都比較平…查看更多

當天是黃昏時間到店，這是第一次來品嘗甜品這次是經朋友介紹到此店，一行有5人入內甜品幾特別，看餐牌的款式是台式甜品，因為看到地瓜圓和愛玉等我想食特別少少既甜品，冰烤紫薯雪糕系列配蜜桃、黑糖水晶、紫玉園愛玉，食完都幾飽成個甜品好甜。…查看更多

一路間唔時都買外賣食點知一段時間冇買   份量少左勁多  以前另加係另外上    份量有差唔多一半今次去買    另加佢竟然放埋入原本個碗糖水度以前碗糖水已經係滿哂依家糖水再加埋另加既野入去    仲同我講份量係一樣冇少你覺得有冇人信錢就識加   份量就少左   態度仲要咁真係唔好怪香港人番哂大陸消費質素又差   態度又差   …查看更多

7點半食完晚飯 到處搵下飯後甜點 見到滔滔門口好多人排隊...都係周圍行下 晏D再食，10點時人潮散左 易搵位好多，鋪外放置左多set枱凳 可以自由揀室內or外室內裝潢幾玩味 不過坐位狹窄 好彩冷氣夠叁元豆花 $38基本底有:豆腐花+芋圓+地瓜圓+黑糖珍珠+紫薯西米另外可以4選1: 香草雪糕 / 愛玉 / 紅豆 / 芒果我就揀左雪糕 覺得溶溶地時 成個糖水底會更加creamy奶底好重黑糖味 如果鐘意黑糖既話會大愛 不過唔係我杯茶幾款配料味道都出到 只是芋圓味道偏淡豆腐花唔夠滑 微微酸不過唔係壞嗰種腐竹馬蹄清心丸 (凍) $32平時好少食馬蹄既我 初嚐呢款糖水，原來清心丸好好食 半透明立方體 約2x2x2cm一粒，口感煙韌煙韌 又唔會太QQ 是清甜的味道，佢個蛋花都做得好滑，天氣熱熱時食 清熱消暑的感覺糖不甩 $22有餡款的糰子，粉糰為主而內有少少花生蓉餡料，外面舖滿花生椰絲糖碎 花生磨得有粗有幼 口感層次豐富左，味道上更偏向似糖蔥餅，是我喜歡的口味*暫時傳統糖水較出色，如果再入元朗，會試多幾款中式糖水…查看更多

星期四夜晚8點未夠就去買糖水，堂食得一兩枱客，外賣都有一兩個，可能太早都未到糖水時間。買左兩碗糖水，加埋$55。最鐘意呢度既綠豆沙係有臭草！可能唔係太大眾口味，所以通常都係淨海帶綠豆，但滔滔可能傳統d，所以經常都會掛住佢d 綠豆沙。唔想咁寡，所以兩溝，都係$22 (外賣再加$1)，大大碗又勁多豆，非常抵食。（但我上一次買就水多，冇咩豆，我諗都睇彩數）愛玉西米露 ($26)+仙草（$5)一樣裝到滿滿，同埋幾鐘意滔滔糖水既甜度，覺得岩岩好。雖然有時想懶叫外賣app，但淨係紅綠豆就已經貴$6，仲要有最低消費同運費，咁我都係零願遠少少都行去買自取最抵食。…查看更多

不論男女，只有一個胃。但是每當食飽了，總會有另一個胃食到甜品。食芋圓必定會去滔滔甜品，剛巧晚飯時間，店鋪內沒有人。甜品店環境空間比較細，座位數目有限，枱與枱之間的距離相對比較貼，甜品店外面都會有枱凳。甜品店提供多種款式的甜品及中式糖水。每次去必點叁元豆花。✱ 叁元豆花：有豆腐花、芋圜、地瓜圓、黑糖珍珠及紫薯西米。 還可以四選一添加香草雪糕、愛玉、紅豆或芒果。另外還點了冰烤紫薯雪糕系列 ： ✱ 仙草紫草圜：有仙草、黑糖水晶、蜜紅豆、芋圓、地瓜圓及紫薯雪榚兩款甜品都有豐富材料，芋圓及地瓜圓Q彈的感覺，香甜芋香及地瓜香。仙草紫草圓中的黑糖水晶、蜜紅豆感覺甜膩。紫薯雪榚香濃紫薯味。…查看更多

飯後諗住食個甜品，依間食物質素中規中矩，但樓面有四個女仔，玩電話嘅玩電話，態度真係好麻麻！問多一句都嫌個客麻煩…而且樓面衛生情況好一般，超級多蚊，係有食客嘅情況之下，仲噴緊殺蟲水…仲話「唔怕啦，又唔係咬我」…唔會再有第二次幫襯！真係唔知係啲客食甜品，定係啲蚊食返啲客？唔怪得之而家香港人都唔願意留喺香港消費，店員質素太差了！………………………………………………………………………………..…查看更多

元朗呢間滔滔甜品喺大西北呢頭一直都頗有名氣，除咗有傳統中式糖水，亦有好多唔同種類嘅配料可以加配，而且價錢又夠哂親民，真係一個食飯後甜品嘅好地方～熱 石磨芝麻糊湯丸💰HK$32芝麻糊質地比較流質，充滿芝麻嘅香味，湯丸皮薄得來又煙韌，裡面都係芝麻餡，整體味道亦唔會太甜～凍 仙草黑珍珠 + 清心丸💰HK$35椰汁做糖水底，仙草好嫩滑，另外黑珍珠同清心丸都好有咬口！呢個糖水組合又幾特別喎～熱 椰香西米紫米露 + 芋圓💰HK$31淡淡嘅椰汁味配上香甜軟糯嘅紫米，再加埋口感煙韌嘅芋圓！成碗都係滿滿嘅碳水化合物，好飽肚～熱 腐竹馬蹄清心丸💰HK$32爽口嘅馬蹄切成一粒粒，腐竹整到好似蛋花咁嫩滑，味道中規中矩！清心丸味道偏甜，感覺都係同凍嘅糖水比較夾，熱食會顯得味道較甜～…查看更多

少見清甜椰子糊，大份好食仲夠抵，冬日平價暖胃甜品之選😋！・・・・・・・・・・・・・・・・・・・・🥥 鮮製椰子糊 HK$23・味道：一入口係椰子嘅清甜，比起平時嘅椰奶甜更清新，after taste帶甘香，正喎👍🏻！・口感：白膠漿質地XD，比想像中流質輕盈，唔會好杰好膩。💜 椰香西米紫米露 HK$23・味道：椰汁加紫米露，加埋都唔會好甜。紫米同椰汁兩者好夾，暖胃舒服嘅一款～・口感：同上，幾輕盈，唔會好杰好膩。・・・・・・・・・・・・・・・・・・・・🤰性價比：高～🤰9衝度：9衝～🤰結論：接近湯碗size好大份XD，好抵食而且好味，微甜波讚好！出面好少見嘅椰子糊，值得一試！・・・・・・・・・・・・・・・・・・・・…查看更多

🪻豆花紫花園 $39 有紫薯雪糕、黑糖水晶、芋圓地瓜圓、豆腐花、紫米同花奶 坐低嗌左5分鐘都冇就黎左😹啱啱到嘅時候紫薯雪糕有d冰碎係面 觀感即刻扣左小小分 不過入口的確有紫薯味 唔會太甜 仲有d桂花係面 頗為用心👍🏻黑糖水晶同紫米令口感更豐富 味道就正常發揮 係想像到嘅味；芋圓同地瓜圓唔錯 大大粒煙煙韌韌 食得出各自嘅味；豆腐花就好明顯係超市d盒裝豆腐花 好hea😂死甜冇豆味 抔一抔就碎曬 btw舖頭員工幾nice 而且唔會趕客 因為店鋪內位置較少今日好凍唔想係出面食所以就等位 等左一陣佢有主動問要唔要坐低等🤡見舖頭有其他糖水價錢實惠 評價都唔錯 不過我1015左右坐低都有部分糖水售罄 想食嘅話可能就要早d黎～味道：3/5口感：3.5/5CP值：3.5/5…查看更多

難得來元朗, 晚餐雖然已經吃了一小件甜品, 但仍然要再來碗糖水 ☺️ 抵達時人山人海, 一大堆人正在排隊, 就算店外有座位還是滿座, 實在太誇張!! 🤯 店鋪內比較狹窄, 如果不嫌棄的坐在外面會更自在, 不過我在想現在把桌開到門外不怕被捉嗎? 🤔薑茶湯丸 $21薑茶帶微微薑味, 本人愛薑的味道, 所以覺得可以再濃再刺激一點 😆 湯丸餡是我愛的麻蓉味, 咬一口有流心形態, 湯丸皮尚算薄, 而且煙韌有口感 😋椰香西米紫米露 $23加了椰漿呈螺旋形, 蠻有賣相! 內含大量西米和紫米, 非常豐富, 份量十足! 😁 紫米有糙米口感, 煙韌軟糯, 味道濃郁香甜。鮮製椰子糊 $23非常稀有的糖水, 可能我孤陋寡聞, 第一次遇見 😅 一上碟已經嗅到濃濃的椰子味, 非常杰身, 未夠滑溜, 有點漿糊的感覺 🙃 味道的確是香濃椰子味, 味道不錯但不是我喜歡的口感。木瓜雪耳海底椰 $32相當滋潤的糖水, 補氣化痰, 木瓜清甜, 海底椰彈滑, 燥底人士最佳甜品之一, 味道正常不錯👍🏻四碗甜品竟然$100也不用, 太便宜了!! 看到大部份差評都是點一些比較新潮甜品, 大概吃這些守舊甜品比較穩陣 🤭 甜品不錯且便宜, 但員工態度一般, 沒有半點微笑 😐…查看更多