滋味食堂 (全輝中心)

營業中

休息中

呢間小店出乎意料之外地好食，尤其是冬菇雞軟骨餃同西洋菜餃，由2018年12月至今日，一個月已經食左四次，每次必叫，攪到仲未有機會試其他餃，湯飯湯都亦好有誠意，。炒米粉就油膩左少少，最值得一讚係跟餐嘅菜，竟然用豆苗，雖然份量唔係好多，但大家知豆苗同生菜、芥蘭同菜芯價錢差幾多架啦。不過有樣野真係要鬧，我每次都係經叫外賣，湯飯同湯麵都係用一個碗，湯同飯/麵一齊，未知於稔晒，但永遠個蓋穿晒，湯漏晒不在話下，好難處理，感覺好唔衛生囉，點解唔分碗，同個客講收多一個碗錢，個客唔肯咪佢自己受囉，一係唔好做外賣，費事影響質素。我希望店主睇到呢篇食評，唔好因為一個環節，浪費好食物同心思。

是夜7點幾嚟到，無人。老婆想食餃子就試下。我地响門口睇幾都兩分鐘，職員無諗過叫我地入去。要我地行埋門口先埋嚟開閘門。呢喥環境好細，唔可以容納好多人。我同老婆各叫咗50蚊既餃子套餐，1個要香菇雞脆骨餃配涼拌小吃，1個要三鮮餃配泡椒小吃。媽媽叫咗個炸菜肉絲銀魚仔蒸飯。餃子嚟到，兩隻餃都好味，皮薄餡多，皮無煮穿，肉味無流失。香菇雞脆骨餃有雞軟骨，有咬感既餃子真係好特別。醋味唔係強烈我錯意，唔會搶喉，無搶去餃子既鮮味。涼拌小吃係雲耳果個，都麻辣。泡椒係鳳爪果個，好辣下。媽媽話個蒸飯都好食。早排去太子近花虛既一間餃子店食，唔覺好食，但呢喥有驚喜。

滋味食堂细细间，座位不多，但是饺子却出乎意料地好吃，皮薄馅多。老板话每日新鲜包，全人手切馅料。保证新鲜猪肉，粒粒都非常饱满，配上独特的辣椒醋，真系好美味啊！原本点左30蚊10粒，但是太好吃了，最后再来一份10粒。下次一定要试下饺子套餐，有青菜有凉拌。一次过多重体会。