影片
港鐵觀塘站 B2 出口, 步行約8分鐘
繼續閱讀
電話號碼
54099902
附加資料
譽滿十年【滋味靚湯】工場由香港仔搬遷到觀塘, 但不變的是我們對健康湯水的執著與堅持, 為港人提供一碗【原汁原味的滋味靚湯】。工埸按照ISO22000標準運作, 安全可靠, 湯品絕無味精、無添加, 為你送上家的味道。
營業時間
今日營業
11:00 - 15:00
星期一至日
11:00 - 15:00
以上資料只供參考, 請與餐廳確認詳情
呢度每個星期都會有唔同款式既湯水俾大家揀☺️ 可以直接將啲湯倒落煲度翻熱又得, 想懶啲既可以直接將成包擺落熱水煲10分鐘又得, 攤凍一陣可以直接用個包裝飲碗都可以唔洗超方便🤓杏汁螺頭豬肺湯($43)呢款湯清熱解毒,解酒潤肺好啱而家乾燥同成日挨夜既人飲😋 奶白色既湯頭飲落有陣陣既杏仁香, 加埋螺頭同豬肺既味道, 飲落好鮮甜同有滋潤既感覺☺️雪梨雪耳川貝杏仁無花果鱷魚肉響螺唐排($43)另外呢款就係滋陰養顏,化痰定喘好啱氣管冇咁好既人飲, 湯係深啡色飲落有好香既響螺味, 成個湯頭都幾甜, 飲落有幾分似平日呀媽煲既老火湯👍🏽呢間湯飲店真係好適合一眾好似我咁又想飲湯又懶既人, 雖然只係翻熱就飲得, 但係味道絕對唔會輸比自己煲既老火湯嫁🤩
繼續閱讀
疫情下外賣變成大家既日常疫情下更加好多方便餸包既推出勞蘇食就轉轉個外賣mode做個 ，疫市之中搵下生活快樂點子滋味靚湯，專做靚湯、餸包，加熱即食，超級方便，更加係「香港品牌、香港製造」包裝好光鮮亮麗，款式都有特色外賣更加會幫你包好保溫紙，讚杏汁響螺豬肺湯，好正既包裝，滾水加熱10分鐘就可以倒出嚟飲超白滑既感覺，倒出黎，杏味好香，超大碗既份量，一定夠兩個人飲好濃既湯，可能因為有響螺，比一般豬肺湯濃同好味花膠瑤柱螺片鮑魚紅棗雞湯，加熱倒出，香到一個點係超香既鮑魚湯味，加埋花膠既膠質同雞既濃味，口感一流，好好味好濃紅棗係特色既重點，調返個味，令到成個湯唔止豪，仲夠特別，超級足料係我飲過最正既湯之一惹味黑椒雞中翼，好香既黑椒，一份都幾多隻，非常入味，黑椒香濃所以真係幾惹味肉質無因為係餸包而霉左，仍然嫩滑，幾好味，汁都好多可以撈飯食添正宗馬拉肉骨茶，好正當餸包有東南亞風味，份量仍然好多，好足料，好入味，藥材味超濃，愈飲愈想飲夏天唔想食飯可以飲湯食骨都又飽又補所有野我只可以話係「超足料」不愧為滋味靚湯，啲湯真係又濃又正又好味又有特色歎住支持香港製造#食下食下開始覺得餸包仲方便過外賣#可能要買個冰櫃
繼續閱讀
屋企得我同我老公兩個人住，平時都好少煮飯，又要返工，放工通常都出街食，食完返屋企沖涼瞓覺😴啦，之前同同事傾開，佢有時會買呢啲急凍湯包同餸包返屋企做晚餐，我就經佢推介來左觀塘呢間～滋味靚湯～睇吓，呢到啲湯包款式超多😬同埋呢到啲湯包最大賣點係原汁原味，絕冇味精，真係好適合煩忙嘅香港人👍🏻佢每日都有唔同嘅湯款，買湯卷重抵，同埋佢有做公司團體及機購訂購添，我今次買左花膠鮑魚烏雞湯，餸包買左惹味黑椒雞中翼同地道五香蘿蔔炆牛筋腩來試，全部放晒落隻獲到煮滾10分鐘就食得，個湯真係堅掂👍🏻一倒出嚟勁香鮑魚雞湯味🤤重要個味超好，我好肯定唔係味精水，飲完一啲都唔口乾👍🏻👍🏻推介，雞翼大大隻，總共6件，整得好入味～蘿蔔炆牛腩我直頭覺得出色來形容，首先呢樣餸整係比較麻煩，一剪開袋，個陣五香牛腩味香到不得了，牛腩炆得勁淋又軟熟，一啲都冇痴牙👍🏻好食過啲餐廳整😬誠意推介比大家👍🏻成日出街食都食到悶，轉下食呢啲急凍包，又方便又便重好健康添👍🏻
繼續閱讀
之前朋友已經有介紹過我呢間鋪頭專賣靚湯同埋即食餸包，驚今晚得我自己一個人食飯，決定上去睇吓有咩好嘢食。🤪〈杏汁響螺豬肺湯〉🐷🫁🥣呢款似乎係舖頭嘅招牌湯包，返熱嘅方法超方便，水滾後放入去滾10分鐘就飲得，倒出來都有一大碗，味道非常濃郁，健康又有益。〈惹味黑椒雞中翼〉🍖自己一個人食飯又點會想大費功夫煮餸呢，而家水煮10分鐘，就即刻食到醃製咗嘅雞翼，雞翼好大隻啖啖肉，黑椒味有少少辣。〈正宗馬拉肉骨茶〉🐷🦴🍲呢款餸包都幾唔錯，係藥膳湯底嗰款肉骨茶，豬肋條煮得好入味，啲肉唔鞋而且仲有軟骨位可以咬，份量都唔少，估唔到自己一個人食都可以食得咁豐富。舖頭喺觀塘都算幾方便，下次自己一個人食飯都可以上去睇吓有咩好湯好餸。👍🏻
繼續閱讀
喺觀塘行街，見到呢間賣已經pack好咗嘅湯同餸，買咗兩包湯同一包餸返去試下。放工返到屋企將啲湯同餸加熱，自己煮個飯，炒個菜，咁就搞掂。買咗一包鱷魚肉煲唐排，一包藥材響螺煲雞湯，幾好味，藥材味唔會太重，最緊要係完全冇味精，好似自己屋企煲嘅咁。如果自己煲響螺煲雞，起碼煲幾個鐘，而家買一包湯加熱幾分鐘就飲得，好爽。另外都買咗一包四川麻辣雞翼，夠曬麻，夠曬辣，鍾意辣嘅朋友真係可以試下，唔食得辣嘅就可能會覺得太辣，但係因為我同老公都食得辣所以覺得辣得好過癮。
繼續閱讀
您可能會有興趣的...