滇二哥雲南米線

營業中

休息中

見星期六中午都唔滿坐，便入去一試。點知得到唔好體驗衛生方面：差，筷子有污跡，米線個碗又痴粒粒食物方面：叫左豬紅，白蘿蔔，豬軟骨小鍋米線 小辣。除左豬軟骨正常，其它都唔好味，米線過淋，豬紅腥，白蘿蔔有陣好似浸左糖水既甜，甜得好奇怪，食咁多間麵鋪都係第一次，個湯底眼見幾清，以為無咩味增，返到屋企要飲好多水先解渴。服務態度：差，見到menu有set好既配搭圖，但無價錢，好奇一問幾錢，其它餐廳配搭款多數實惠一點，點知呀姐就答自己加，同前面一樣，圖係比你睇渣。邊答邊走，之後聽到另轉面話有字都唔識睇。本身諗住問完唔岩價錢，心中都知食咩好，點知一問就佢就走左，等多一秒，問多一句都無。價錢方面一般，可接受。其實真係想支持小店，但小店質素參差，很難遇到一間食得愉快的餐廳。

本來打算去mikiki食個快餐，點知最近好多商場餐廳都神咁早就閂門，所以就亂入左來滇二哥雲南米線 ：ｐ（就係正mikiki正門對面haha) 佢有米線/ 公仔麵/ 薯粉/ 烏冬底選擇，又有清湯/ 蕃茄湯底/ 麻辣/ 酸辣.....struggle左好耐要蕃茄定麻辣....最後揀左麻辣薯粉 $36 配一個配菜，另外再加肥牛同coke zero  (+8) 埋單都係 around $50  第一次食唔敢叫太辣，所以要左微辣佢個辣好香ahhh，下次再食可以叫小辣....我本身都怕怕地辣，微辣對我來講只有辣香，唔辣，大家可以衡量下哈哈！本身跟餐的韭菜花生芽菜都大大份！肥牛另外叫(+9) 份量都唔細  超抵！重有薯粉煙煙unun，咁既價錢係超值：）大家行過值得一試^_^ 

曾經係土瓜灣做過一段時間野 習慣帶飯既我 無帶飯既日子除左會同同事飲茶之外呢間米線都係我經常會食既小店午飯時間係要排隊的 所以我通常會早啲食今日再次番到黎！假日都坐左九成滿我叫左菜肉雲吞酸辣薯粉 呢到既菜肉雲吞係自家制 菜既份量偏多肉有用胡椒調味 食落好惹味👍👍薯粉煮得偏淋 我自己好鐘意另外湯底我叫左少辣 其實都已經好辣 晤食辣既要再叫少啲 （平時譚仔我食二小辣）唯一晤好係叫一餸薯粉 菜肉雲吞只有兩粒同行朋友叫菜肉雲吞麵 竟然有四粒 而價錢只係貴我一蚊😂 晤合理喎

午餐時間到，最近天氣又濕又悶又熱。。。最好的選擇應該係冷氣底下吃碗麻辣粉開開胃，消消暑。。。～ 秘制豬軟骨麻辣紅薯粉（小辣走青）先呷一口靈魂嘅湯底，同預計一樣、夠麻夠辣又夠熱、師傅（味精）十足，多喝就會覺得有點咸。。。另外個人覺得所謂的秘制豬軟骨入口有點柴同嚡口。配料嘅炸醬就做得唔錯、有咬口同淡淡的油脂香，反而紅薯粉有小小糊（應該係煮得過咗火），成碗粉整體份量唔算多，中規中矩、不過不失。～ 肥牛貢丸麻辣紅薯粉（小辣）湯底味道係一樣就唔重復了，不過多咗蔥花同芫荽令到味道層次提升咗，肥牛同貢丸用料都可以，合格。～ 跟餐咸檸7合格綜合係一間小店形式努力經營、支持！

Mikiki 對面有一堆食店，有 cafe、韓國餐廳、茶餐廳等等，在此搵食沒難度！這間米線沒嘗過，就等我這個米線怪來會一會佢！叫了個麻辣紅薯粉(小辣)加豬紅，大大碗，份量不少！喜歡的芫荽蔥也有一堆，太好了！試一口紅薯粉，麻辣味很正，紅薯粉煙韌！只是比較重口味，吃了一會就覺得有點咸😅，要叫杯野飲才解到渴。想叫多個小吃，見到這個黃金皮蛋是招牌就點了一份，蛋白是透明的，質吃起來質感比普通皮蛋爽口，頗特別，加上辣油調味，不錯吃。

滇二哥雲為米線，光顧多年，質素穩定的米線店，餐廳丫姐永遠都係半咸淡廣東話，但感親切，成日都好好人，有卡位親會叫你轉過去坐。餐牌方面，選擇以米線及薯粉為主，另有小食可供選擇。每次過黎，都係例牌叫麻辣小鍋米線(小辣)($34)，米線有基本肉碎、酸菜、芽菜及韮菜，而我會加$7有兩隻大雲吞，雖然皮唔係好簿身，但勝在餡料夠多。屋企人唔食得辣，所以叫在蕃茄湯米線($33)，配有鮮蕃茄及椰菜，另加兩款雲吞(加$7)及芝士腸(加$6)。雖然餐廳外表或食物水準未必同市面高，但勝在滇二哥可以賣到人情味，而米線質素不差與集式，希望大家支持小店！

好鐘意米線既我專登去左新蒲崗試朋友成日話好好食既米線 就係mikiki後邊 都幾方便酸辣湯底酸味夠但辣味可以再重d就好豬軟骨夠淋 麻吉燒入面係年糕之類少少煙韌既幾好食不過今次個重點落左去個豬耳到!! 粗切既豬耳好有咬口 加上佢個麻麻地辣辣地既汁 好野味🤤

下午茶時段口痕痕，想食少少嘢又唔要咁熱氣，於是我同老婆就決定去食米線。呢間店喺正mikiki對面，星期日下晝去冇乜人。下午茶餐由2點半供應到6點，每人都要碗腩肉米線（$30）（酸辣小辣），我果碗加$2轉薯粉，可以配豆漿或熱飲，我地揀左豆漿。腩肉辣辣地好惹味，米線本身已經有肉碎、酸菜、芽菜、韭菜、蔥同芫茜，所以好香；而且酸辣湯底夠濃味，叫左小辣都幾辣，辣味慢慢滲出黎，好在呢度夠冷氣，如果唔係實食到成身汗呢。$30腩肉米線茶餐，算係抵食。

員工態度極差，外賣經常性俾漏餸，辣度從來沒有標準，非常看當天員工的心情，有時中辣完全唔辣，有時小辣辣過大辣，員工態度仲大聲夾惡！無禮貌之極！做錯又唔認，仲話小辣係咁辣，當人未食過！

今日午餐去咗呢一間新蒲崗嘅滇二哥食米線。叫咗一個腩肉小辣酸辣米線。湯底好香好足料，有好多酸菜肉碎芽菜。腩肉同x仔嘅腩肉好唔同。佢呢間啲腩肉係預先調味左嘅，有少少辣好香好惹味，同埋個湯底係同X仔嘅酸辣湯底啊好大分別，係酸辣米線零一個非常好嘅選擇。見到佢今日有個松花蛋橙橙地色咁，好想試，下次要來呢度試吓。

超難食！啲肉係熱連手啲蒜蓉醬都係熱豬潤未熟！食過咁多間呢間都系最難食！一d都吾系雲南菜！我以後都吾會再黎食！蒜泥白肉仲要33$ 講真！真系貴！..........

個人認為米線主要分為麻辣同酸辣湯底兩個派別，呢度係屬於酸辣湯底果邊～米線方面，米線都算彈牙，不過不失咁啦～湯底方面，個人覺得湯底係米線嘅靈魂，而佢哋都做得唔錯～因為我哋叫了湯底冇辣，都有啲驚會唔夠味，好彩都幾香濃配料方面，都係Standard嗰啲，試咗腩肉，豬紅同雞翼，全部都幾好味可惜嗰日涷奶茶賣晒，唔係就非常圓滿了！

其實今天放假，漫無目的咁行，行行下，睇錯呢間係譚仔米線，到望餐牌先知，不過都試下了。在外員工都好似得幾個，估計樓面一個阿姐，入面聽聲一個阿姐洗碗，兩個哥哥廚房等等吧？ 都幾冷淡，望到張枱仲濕，阿姐經過叫佢抹一下，真抹一下。。。我望住餐牌正想緊食乜，岩岩轉下午茶，，個哥哥放低個牌，我就望到，最後揀左魚蛋米唔辣。右邊豆漿是下午茶包埋，幾好飲的。目測魚蛋係得三粒，結果配料還比主打多。。。但個湯可能落酸菜，幾好食，米線夠彈牙，價錢係扺既，不過我望見d筷子好似起塵咁，但好似無乜人理我，就揾張紙巾索d湯汁抹一下對筷子食。。。總結講，個餐牌夠詳細會寫有咩配料。野食係幾好。不過人比較冷淡同埋抹枱個d可能自己黎？2點半下午茶會送豆漿。

鍾意食雲南米線既我，只要有新開既米線店，我都唔會放過，今次就去左食滇二哥米線。價錢就同區內其他米線鋪差不多，也算大碗，配料如芽菜等也落得甚足，但吃落湯底和餸的味道，總是差了其他米線鋪一層，可以吃出做得很粗糙.在同區有更好選擇的情況下，相信不會輕易再來這裡吃.

忽然想食酸辣粉見到滇二哥有得食而且價錢合理就入左去食之後係惡夢嘅開始成碗野簡直不知所謂無任何可取之處話明係重慶酸辣粉可以完全唔辣完全唔酸湯底清晰如水但係可以勁咸勁鮮味除左味精我諗唔到佢個湯仲有啲咩個薯粉煮到過曬龍稔到糊仔咁樣口感似食緊鼻涕至於豬紅無味一夾就散仲要係凍嘅想問有無煮過？成碗都係垃圾以後都唔會再黎