滄浪亭

營業中

休息中

滄浪亭一路係我覺得非常正宗既上海菜 無論係小食同麵食 係外面都搵唔到呢個味道。雖然店舖只有清一色麵食，但都有林林總總既配搭。今次就簡左必點既嫩雞煨麵。份量大，用料非常充足，湯底充滿住奶油香，食到停唔到口，好獨特既煮法，出面真係食唔到。👍🏻友人就想食清d,選左油豆腐粉絲湯，聽落好清淡既菜色，但係絕對唔簡單。湯頭係清甜既中式醬油味，豆卜畫龍點睛吸收曬湯既清甜，腐皮卷亦都好滑好厚實，唔係平時食到既煮法。😋雖然好飽，但都忍唔住叫左一碟小食炆青菜，上海既煮法，食落唔係爽口，而係忟到入曬味既小唐菜，可能會有少少油，但味道一流，平時食炒菜食到悶，忟菜確係別有一番風味價錢合理，份量大，全場只有4張枱，十零個座位，建議大家早少少黎避開人潮

以前曾經去過紅磡店算滿意嘅，呢間美孚店似乎係本店。 店內每張枱都坐滿人, 沒有什麼只坐一半或者⅔ 之類嘅限制。差不多每張枱都叫同一款嘅奶白色" 嫩雞煨麵" 唔算平易不過菜同雞扒肉都算多嘅。奶白色湯底其實係一個開到好稀嘅"麵撈"隱約重嘗到薄薄牛油氣味。原來換一個樣即刻會大受到歡迎。另一個食咗菜肉餃子麵。 肉係機絞肉。沒什麼咬口。湯底係豉油雞湯。無論食物同環境並唔算太吸引。再來機會不大了。

尋日同朋友一齊去左美孚按完腳，就去左呢間舖頭細細但開左好多年而味道同質素都保持到嘅餐廳，佢叫「滄浪亭」😉店舖雖然細店內嘅枱亦都唔多，得幾張枱，但最主要都係果份做街坊生意嘅情懷！淨係呢份情懷都值門票價👍味道咁多年都一樣咁好味😋份量亦一樣咁多，價錢亦冇相差太大😊嫩雞煨麵$50奶白色嘅濃味湯底，啲雞又夠哂嫩滑！啲麵亦好彈牙！大大碗一個人未必食得哂🤪香酥大排麵$50豬扒份量夠哂多，麵亦好彈牙唔冧！亦係好好味😋

附近最好吃的店，這家可算是數一數二，簡單飽肚又美味的上海菜。這家最出名的是嫩雞煨面，我朋友住大埔也會專程來吃，可想而知真是十分好吃吧! 我也沒有吃過比這家好的雞煨面，濃濃牛奶般的湯底加上嫩滑的雞肉，感覺有點像奶油津白的味道，不知道上海吃會是什麼味道呢。這次點了獅子頭面，外面餐廳不是經常吃得到的菜式。印象中自己沒有吃過獅子頭，只知道是像肉丸，自己也很喜歡吃肉類，所以點了。吃起來很嫩而且入味，嫩的原因，我覺得因為是用比較肥的肉做吧，我是喜歡的，不要看這個面只有一個獅子頭，其實也頗膩，所以一個剛剛好了。面是自家製的，我覺得要襯熱吃否則會太過軟身，外賣的話最好可以分湯。

滄浪亭係我口袋名單其中一間成日encore嘅餐廳質素同個價錢完全唔成正比🤣 因為$100唔洗就食到好滿足好開心今次係第N次放工黎食 依舊要排隊食物必點就梗係嫩雞煨麵啦都唔洗多介紹 因為真係一定要叫🤭佢雪白湯底有淡淡奶香 再加麵軟度剛好(出面好多餐廳煨到好似入口即溶甘 我麻麻地)$50蚊就食到真係日日食我都ok🤣另一個我每次都會點嘅係烤麩老實地佢有少少偏油 但烤麩真係唔係太多舖頭整得好食 呢度幾啱我口味 唔太鹹尤其個冬菇仲keep到菇味唔會好似食豉油甘 今次朋友suggest蔥油開洋拌麵 加 單點糖醋排骨個麵上面除左有應該係炸左嘅蔥之外仲有好多蝦米(雖然我唔食蝦米 但佢出黎個味係提升左蔥油嘅香) 個拌麵比煨麵煙韌更多 睇落簡單但有層次個糖醋排骨好似炸大粒肉丸甘一個個波糖醋係我鍾意嘅黑醋底(冇甘酸) 炸排骨好掛汁熱辣辣上台 加埋個汁真心好食 單食都唔會覺得太重味 同埋之後放左一陣佢都冇淋到 我下次都應該會叫🤭老實地我都唔想甘大讚佢 因為每次都已經要排隊 但真係好食嘅小店想多多支持下希望佢可以搬大d個舖 唔洗排甘耐啦😊

和朋友嚟到美孚朋友推介一定要試吓滄浪亭一間食上海菜嘅舖頭鋪頭細細，大概3-4個位超多人排隊啊我哋等咗20分鐘先有得入座嫩🐔煨麵💰50奶白色嘅🐔湯底加上麵，好香奶味麵質係淋身小小再加上菜，濃濃香味必點烤夫麵💰48烤夫超入味，索曬d汁，甜甜地加上乾撈麵真係好夾手拍🥒💰18拍🥒正常發揮可以解膩

實不相瞞NANA係一個不折不扣嘅「麵控🍜」大部份嘅麵食NANA都好喜歡！（尤其是係米線 ）😽呢間滄浪亭嘅面質正正係打中NANA的心💞！（打字中的NANA🥞：好想食🙃）呢間小店位於美孚新邨的平台 鋪面細細但永遠都人來人往！超級多人買外賣✨-香酥雞麵 $50首先講吓佢個面質係比較偏淋偏軟 但絕對唔係一pat pat 加上麵條掛湯既能力十分高 每條都有濃濃的奶香雞湯味 簡單啲來講真係好好味！😻加上枱面上既辣醬（偏鹹）絕對可以令成碗麵昇華！！再講講個香酥雞🐔！平時對煎炸食物冇咩太大興趣的NANA都深深地感愛上佢🤤因為炸得又香又脆 外層炸得好乾身 但內層雞肉好多味 好滑 係會令人食完一舊又一舊！香酥雞外層唔會有好多調味 令人食完覺得超級heavy/好口渴 ✨-整體來講係會令我不斷到訪的小店💯價錢相宜 味道出色！份量好足夠 每次食完都會捧住個肚走！🤰🏻佢仲有好多麵食好不錯 下次NANA再分享給大家！

呢間簡直係食堂，耐唔耐就會諗起嫩雞燴面，個面仔非常出色，湯底好好味，勁多菜粒同雞粒，面嘅份量亦好充足，建議細食嘅女仔可以嗌小面！另外必食嘅虎皮蛋同紅燒軟排！ 簡單嘅雞蛋做到外皮脆脆地加埋甜甜地嘅醬汁， 正！ 軟排質地林滑，甜甜地配面食超好味😋今次試埋炸雞扒，熱辣辣嘅炸嘢一定好味，唔算太油但炸粉偏厚

位於美孚嘅滄浪亭係本部 雖然空間冇紅磡分店咁闊落 只供應5枱座位 但充滿小店風情————————————————————————🐕 嫩雞煨麵 ($50)🐕 🐔⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯滄浪亭人氣之選🔥🔥基本上十個有九個都會叫呢個食😂奶白色嘅湯底以雞 金華火腿同奶熬製而成🥛麵雖則偏向淋身 但掛汁一流👍🏻 完美融合吃出濃濃奶香 餘韻係口腔回盪 配上小棠菜碎解膩🥬雞粒幾碎 但雞味濃 又嫩👍🏻好想再食😍————————————————————————🐕 糖醋排骨麵 ($59)🐕 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯超足料！😱排骨多到堆成一座小山🗻肉同骨比例大概7:3 唔使怕舊舊都係骨👍🏻即叫即炸 炸漿夠薄夠酥脆👍🏻鎮江醋落得較重手 食落似鎮江骨多啲😂醬汁用黎送飯應該都幾正😂麵份量都大 ————————————————————————🐕 虎皮蛋🥚 ($6)🐕 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯水煮蛋炸後 放入醬油煮外皮凹凸不平 略帶靭度 質感會似薑醋蛋食落咸甜咸甜😋好似滷水蛋😂————————————————————————

有天途經美孚新邨發現一間毫不起眼的上海麵館「滄浪亭」，紅色招牌平實地綴上幾個金色的字、小小的店只有4-5張桌子，憑外觀和格局能看出它屹立於美孚已有一段長時間🧐.由於店老闆和老闆娘都是上海人，所以店中供應的全是正宗上海菜😲.這次本人就試了紅燒軟排麵，大大塊的紅燒豬軟骨，口感極為軟腍👍🏼就連軟骨部分好像吃啫喱般彈牙😋而上海麵粗幼適中，口感軟綿👍🏼.而虎皮蛋感覺有點像中式版Scotch eggs😆 只是蛋黃不是流心，但重點是其豉油鹹又香👍🏼👍🏼.老實說，這店的食物好吃之餘價錢非常親民🤤另外本人很久沒吃過一道令人回味的上海菜😋曾幾何時到處都有一些老派的上海菜館，但現在真的買少見少了🙁

已經食過無數次，但係寫食評就係第一次。店細位少，都預左要等架啦，等左大約15分鐘左右。店內大約有十個位左右，有少少逼，所以大家有定心理準備，黎依到食野係真係為左食野，唔係比個位你傾計吹水聚舊😂（好認真咁講）。一行三人，總共嗌左三碗麵。之前食過雞絲粉皮麻麻，所以今次都無叫到。菜肉水餃麵 $46落單嘅時候裏面廚房姐姐行出黎就話「唔得呀！得三隻水餃，夾隻雲吞比你好唔好？」冇所謂啦都係為咗想食碗麵姐😂。咁其實仲好，一次過可以食晒兩款唔同嘅餃。朋友表示水餃好味過雲吞，雖然餡料都係一樣，應該係個餃皮同雲吞樣既分別。感覺上佢比嫩雞煨麵細碗，唔知係咪因為佢係清湯，所以睇得好清楚有幾多麵🤨。蔥油開洋麵 $51蔥油開陽拌麵真係好！好！食！😍😍😍蔥油炸得好香，不過比較鹹。當朋友撈完個面之後食都還可以，但食到底浸住啲醬油既麵，就真係要飲多幾啖水。下次食可能要叫佢蔥油，可能會好啲，對蔥油真係又愛又恨，好油又好肥，好香又好食😢😢。另外，蔥油開洋麵上面嘅蝦米真係好大粒，比起平時出街食既真係大好多，仲要好多蝦米，好似唔洗錢咁樣，佢真係幾揼本😛。嫩雞煨麵 $50我每次黎到都係食嫩雞煨麵，原因好簡單，因為每次都好好食，無

Bookmark已久終於食到，果然沒令我失望。嫩雞煨麵是我最想試的 - 一上枱就見到超大碗奶白色湯麵。湯既奶香味好好，有點像忌廉雞湯般。而且有超多菜還有很多雞，麵的份量也超多，最後湯都差不多被我喝光了。食完真係好滿足。大排是比較乾身但不柴，味都調得不錯。而且都大塊。一間麵店竟然會有落場時間，記得留意開門時間。一定一定會有下次。

窮學生好鍾意食嫩雞煨麵，但唔係間間都整得好食。試過食過有啲係整到好似自己屋企求其煮個麵咁，不如唔好去食。暫時喺香港食過覺得好好食嘅嫩雞煨麵係喺黃埔同美孚都有分店嘅滄浪亭，同埋喺黃埔嘅三毛麵館，不過每次都係買takeaway。今日特登搭去美孚堂食滄浪亭，估唔到兩點半去到都仲係咁多人，等左幾張檯先有得入去食。嫩雞煨麵 $50食開嫩雞煨麵嘅人一定知道呢款嘅麵底會比較軟淋，如果食開彈牙嘅麵就未必會鍾意。個麵好大碗，個碗都好深，一拎上檯我見到都呆左，因為啲料係真係舖滿曬成個碗。見到隔離檯係兩個人share一碗食。首先第一啖就係飲左個湯先。因為比較少煮野食，所以我都唔知嫩雞煨麵其實會唔會落奶。但每一碗好味嘅嫩雞煨麵都一定好有奶味。呢碗都唔例外，奶味好重。雞同菜都比得好多，不過切得好細粒。識我嘅人都知我平時出街食野見到好多菜就會好開心。菜當然好有菜味，雞就相對冇咁有雞味。不過呢碗麵最重要嘅係湯底，所以雞味就相對冇咁重要。最後我竟然一個人食得曬成碗，仲飲曬啲湯，飽到上心口。大排麵 $50呢碗係朋友叫嘅，不過我都食左啲。湯底鹹左少少不過可接受。個麵正常，都係好大碗。豬扒炸得幾香，不過如果肉汁再多啲會好啲

在美孚呢個美食沙漠，好選擇唔多，不過區內有一間隱世上海麵館—「滄浪亭」頗有名氣，咁啱要去美孚做嘢，就嚟探店～餐廳位於美孚新村嘅平台，簡樸嘅裝潢睇得出餐廳有幾地道，偌大嘅紅色招牌平實地綴上幾個金色字，小店只有4 張木枱，不過，食客卻絡繹不絕。打開餐牌，可以見到食物價格幾親民，最平$30就有一碗湯麵，大家耳熟能詳嘅上海菜，糖醋排骨、獅子頭、雞絲粉皮都有。嫩雞煨麵（$50）即叫即整，大熱天時真係會食到成身汗，💦😂食麵之前先呷一口湯，奶白色嘅雞湯鮮香十足，底下麵條全被雞肉粒和小棠菜覆蓋，可見有幾足料！麵條嘅硬度恰度好處，唔會因為煨得太耐而過腍，可能係小妹食過最好食嘅嫩雞煨麵～😋

#滄浪亭 #小店 —————————————————————#糖醋排骨 🍗🍗平時食開既糖醋排骨偏酸，但呢個甜酸之間拎到個平衡👍而個排骨都新鮮炸出嚟，所以食落熱辣辣同埋好脆身，小編覺得好好味🤭🤭🤤好味指數：9.3/10抵食程度：8/10回頭度： 8.7/10——————————————————————📍地點：美孚美孚新邨第二期平台65號舖📞電話：27850212⏰營業時間：星期一至星期日11:30-15:00，18:30-22:00#美食 #foodie#美孚美食 #糖醋排骨 #相機食先 #meifufood #hongkongfood #hongkongfoodie #hongkong #food #foodssss___