滄浪亭

營業中

休息中

今日去咗美孚好出名嘅滄浪亭食晚餐，店舖晚市時間6:30pm開始，我同friends大概6:15pm已經到，去到已經見到有人排隊，我地等緊嘅時候，越來越多人排隊，呢間餐廳真係好受歡迎。一到6:30pm，店員開始安排入座，店鋪好細，只有4張圓枱，最多可以容納廿幾人。我地點咗2碗麵，一碗嫩鸡煨麵同一碗糖醋排骨麵。份量好大碗，建議叫少麵。嫩鸡煨麵 $57湯底濃郁，雞肉多，個麵好食。糖醋排骨麵 $67糖醋排骨好好味，排骨唔會太韌，汁好入味。呢個麵已經叫咗少麵，但份量都好多。整體黎講，呢間上海麵味道好好食，一定要試。

作為黃埔居民，我通常都會推介朋友去食滄浪亭🫶🏻。除咗嫩雞煨麵之外，仲有即炸超juicy嘅香酥雞/大排麵、餛飩/水餃麵、上海年糕、小食等等😀嫩雞煨麵 $55第一啖記得飲湯先🤤！奶白色嘅湯充滿住濃厚嘅奶香同埋雞湯味，嗰鮮甜味令人一飲再飲😋嗰上海麵夠滑，配上小棠菜同埋雞肉，岩曬中意食清淡啲嘅朋友👍🏻不過如果雞肉可以再嫩啲就更perfect了！性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️⭐️⭐️建議：香酥雞/大排麵都好食，可一試！

感覺老闆是鐵漢柔情feel😅當繁忙時段，多人在餐廳外等位就粗聲佬氣咁督察著一切運作，當客人進入餐廳後，就竭盡所能為你安排一個好位置去安頓客人在朋友推薦下，第一次專程來幫襯的我，起初都感覺老闆有些趕客，門外又冇指示向那個方向排隊，見室內明明有空位，又要客人在外呆等，但原來老闆為了公平，按先後次序入坐，就算有吉位都讓它留空。而過了繁忙時段，老闆也不會趨客人埋單。老店人情味就在此尋敬請留意＊營業時間＊1130-15301830-2100店子面積不大，五枱大约可容纳二十多人。若繁忙時段客人就在門外有椅子方向排隊保留傳統的老店文化，先奉上一杯熱茶豆辦醬勁咸，微辣--雞絲煨麵--$57秘制濃郁奶白雞湯底，有忌廉湯和奶的順滑口感，味道非常獨特而好味，中量鮮嫩雞粒，大量小堂菜切碎混和香滑的麵條，整體配合得恰到好處

📍美孚大賣嫩雞煨麵 x 虎皮蛋突然一星期encore兩次～食上海野有時會諗去呢間黎親都食同款不思考（固執牛上線🐮）👉🏻嫩雞煨麵 $57奶白湯底夠creamy湯底以雞湯/金華火腿/奶熬製而成上枱充滿奶香/雞湯鹹香🤤但飲落又唔肉有味精口渴感飲落又唔會感覺膩煨麵質地腍身 極吸奶湯香！菜粒/雞粒份量充足🤝感覺是營養均衡餐👉🏻炸虎皮蛋 $6感覺是炸了的滷水蛋炸皮沾左醬油惹味🤎📌 嫩雞煨麵現場食質素最好要外賣大建議分湯！舖頭收工前部分款有機會賣哂下晝去 都聽到熟客入黎問：「仲有冇麵啊？」野食性價比高！但店主是很有性格的和態度的舖頭喺美孚平台～認住易啲搵（尾圖➡️）

見到網上有咁多好評，特登黎美孚試下。係平日既12點左右黎到，叫左個嫩雞煨麵，碗麵上到黎個湯底白雪雪咁真係好吸引，頭幾啖食落去都覺得好正，但食多幾啖，發現個湯底好奶好甜，開始有一種「膩」既感覺，撇除雞肉陣雪味，個湯底既味道開始令我覺得頂唔順。碗麵黎左都無5分鐘，我問樓面個哥哥仔，可唔可以加個糖醋排骨，諗住食下甜甜酸酸既野會開胃啲，個哥哥仔返問我「外賣定堂食」我同佢講堂食，佢話「而家先加，無呀，賣晒啦！」鋪頭有幾個客人望住佢，樓面個傳菜姐姐都望一望佢。間鋪11點幾開門，12點幾就話賣晒，重要岩岩隔離枱叫糖醋排骨麵都有。唉..個哥哥仔好明顯驚我阻住佢做生意，所以選擇性唔賣比我，只怪我太黑仔，強忍「膩」既感覺食多幾啖就算。😢

佢個嫩雞煨麵係好。但係個出菜好有問題！已經唔係一次！我已經三次叫外賣（只會叫嫩雞煨麵，其他一般），兩次三個，一次兩個，結果等咗45-50分鐘！重要望住其他人遲過我嚟（堂食完嫩雞煨麵，或外賣幾樣野嘅），早過我走。我相信佢係一個一個煮，幾個爐煮唔同嘅，然後每次出一個嫩雞煨麵，就唯有先凑齊其他單出菜/外賣。所以，我三個嫩雞煨麵就永遠等待！不過公平d，唔係每一次係咁，大约四次就一次。死未？又要過幾個星期條氣順番先再幫襯。

之前試過紅磡店，今次就嚟到美孚店試下。一樣係店舖唔大，有4、5張枱。今次除咗叫必試嘅嫩雞煨麵之外，仲叫咗糖醋排骨、大排麵。嫩雞煨麵個湯好creamy，好多菜粒，麵好嫩滑，雞粒嘅雪味無紅磡店重，好食！大排麵即係豬扒麵，豬扒幾酥脆，值稍為有啲乾。糖醋排骨份量好多，個汁幾好味，排骨酥脆，如果多啲肉汁就更好！水餃有8隻，好大隻，皮有啲厚但煙韌，唔錯。

第一次識"滄浪亭" 這個名是在上海旅遊時. 它是一間上海小吃店, 吃後有不錯印象. 之後親戚介紹在美孚這間同名小店, 主打上海麵食, 之前好似由幾位說上海話既姨姨主理, 但我去時唔見. 這間店一直以來都是區內排隊店, 由於有中場休息及店舖面積細的關係, 所以要去吃就要排隊等. 但它的食物有水準, 所以唯有在好想好想吃佢啲麵時才來排隊. 而且好多時都要在店內爭挣, 因太多嘢想吃， 想吃大排麵, 菜肉水餃麵, 嫩雞煨麵, 但又想食葱油拌麵, 而佢既烤夫又是必食之選, 再加上時常都點燻魚同醉雞, 但不可能一次食哂。今次我一個人來, 不能叫哂所有至愛. 最終揀了嫩雞煨麵, 葱油拌麵, 烤夫同醉雞, 再加豆漿. 先講嫩雞煨麵，佢嘅湯底十分濃郁, 充滿奶香, 飲落好順滑, 啲雞肉就十分嫩. 葱油拌麵則十分正宗, 雖只得葱段同干麵, 但麵條混入香濃葱油, 口感一絶, 不是行貨. 我對 "滄浪亭"真的是又愛又恨, 還好在紅磡開了間同名店, 雖有午場休息, 但總算是多一個選擇.

Score 總分: 70滄浪亭點解叫滄浪亭呢？我就真係冇興趣知，不過可以睇相就知有解釋，原來如此~ “那又如何呢？”其實，我真係冇興趣知，但又反而想知點解咁好生意都唔搬間大d嘅鋪呢？好! 講返重點先，雖然鋪仔細細(美孚+紅磡)，但佢地d麵真心滑+好熱，如果你係愛食麵之人，一定要試下，佢就好比日本嘅拉麵，絕對係中華麵食嘅代表之一，上海麵。對於推薦美食，我會推雞白湯麵+糖醋排骨麵+豬排麵。糖醋排骨和豬排每次去食都做得好有水準，鬆軟可口，外脆內軟，淡得黎又幾好味咁。而雞白湯就與日本果種雞白湯有明顯嘅不同，這種是“清”字，味不濃而清甜。唔講咁多，去到附近就一定點都要試下~

#chowweisik鹹#chowweisik美孚一🐾嫩雞煨麵｜$55每次嚟到會叫呢一款！！湯底奶白色✨😽香濃 好香嘅奶香味 上面鋪滿好多切碎左嘅小棠菜及雞粒份量永遠大大碗記住食麵嗰陣連埋湯底一齊飲！！✨☺️一🐾大排麵｜$55上海麵配上豉油湯底！✨味道剛剛好 鹹淡適中排骨炸得好酥脆肉質都比較瘦身唔會肥膩！份量都好多🤭一 🚏 滄浪亭 (美孚)美孚美孚新邨第二期平台65號舖一差唔多成為咗我嘅comfort food～ 如果經過美孚嘅話推薦可以試吓✨ 不過預咗夜晚食飯時間有機會要排一陣先入到～

滄浪亭係美孚新村入面，隱藏咗一間激懷舊上海菜，小店入面最出名嘅就係雞白濃湯，大部份人第一次去食呢都會食嫩雞煨麵。佢嘅雞湯十分之有層次，飲完一啖會再想飲多一啖，直至到成碗湯飲晒🐤🐤🐤雞肉湯年糕 $60雞湯除咗配煨麵之外，仲可以配年糕，而我自己本身就十分之喜歡食上海年糕啦，所以呢個雞肉湯年糕絕對啱晒我，濃濃嘅雞白湯配上煙韌嘅年糕，再加埋雞肉同埋小棠菜，濃厚得來又唔會太漏！上海雲吞 $24每日新鮮包嘅上海雲吞，配埋落呢個雞湯度亦都係十分之夾，雲吞每日限量供應！香酥雞 $40不得不提嘅就係佢哋嘅香酥雞，並非普通一般嘅炸雞，雞皮炸得十分之脆，而入邊嘅肉亦都係啱啱好熟透唔會Over，鮮嫩多汁，亦都係必食之選

最出名一定係❇️嫩雞煨麵🌀大大碗，好抵食。湯底奶白色，香濃又治癒，重奶味帶點菜味，味道唔會過鹹，應該冇味精，飲落去好舒服，所以飲左好多😋而且材料充足，好多菜同雞肉，雞肉好嫩滑，麵身煙韌彈牙，感覺好健康😄❇️雲吞拼餃子🥟🌀雲吞係小棠菜+豬肉餡，餃子係津白+豬肉餡，味道較淡，可能唔係我鐘意既味道，覺得唔好食👎❇️蜜汁烤夫🌀第一次食烤夫😅烤夫煙煙韌韌，當中材料有雲耳、金針菜，有軟有硬，口感層次豐富，味道甜甜地，但愈食覺得愈甜，如果可以減甜就更好。

之前係美孚做嘢一排，所以就試過呢間小店，小店位於美孚嘅平台，鋪頭好細，黎食預左要等，因為佢無論外賣定堂食都好多人。同埋鋪頭裡面唔係好多員工，態度因為好多人所以就無咁好，不過我都會因為野食質素黎食😂我地叫左1️⃣嫩雞煨麵💰55呢個煨麵超級多人叫，麵底係上海幼麵，充滿麵粉香味。湯係奶白色嘅雞湯，充滿濃郁嘅奶香味同埋忌廉味，香氣十足。雞絲份量好多，而且食落都好嫩滑，加埋湯裡面有大量切碎左嘅小棠菜，就算食到最後一啖，都仲係食到雞絲同菜，一個人食一碗感覺有啲膩，我覺得可以兩個人分享一碗，又可以試多啲唔同野😌2️⃣單點香酥雞扒💰37雞扒炸得非常好👍，非常香脆，外層好乾身，食落裡面仲係好juicy ,果然即叫即炸係好好食，調味都好，唔會好咸🤤🤤3️⃣單點糖醋排骨💰50呢個必叫，真係超級好食🤤，排骨炸到好香脆，裡面仲係好juicy ，充滿肉汁，肉又彈牙，真係好好食，加埋惹味糖醋汁，食完翻唔到轉頭👍🤤🫣消費價錢：2人💰142，平均💰71結論：（5個⭐️為滿分）味道：⭐️⭐️⭐️⭐️⭐️性價比：⭐️⭐️⭐️⭐️⭐️回頭指數：⭐️⭐️⭐️⭐️⭐️

之前經過美孚平台，見到呢間鋪好多人等位，今日有時間，於是就想試吓，真係一試難忘！我排隊等入坐我預咗，坐低後我同隔離位一齊落單叫食物，我隔離果個已經食飽走埋我叫嘅嫩雞鍡麵仲未到，於是我追職員，點知企櫃檯阿姐話，叫野食都要排隊，我啱啱先收到你張單，我話我同隔離枱果食客一齊落單架？佢話你哋分開落單？我話當然喇我都唔識佢，我只係話我同隔離枱同時落單，隔離枱已經食完埋單走啦，跟住再過5分鐘先黎我碗嫩雞鍡麵，我就趕住走喇，所以我無要到，留返佢碗麵比有緣人，總括，去滄浪亭食要忍得同等得！

聽聞美孚內一間具歷史價值又叫人期待的美食店吃過它的人都讚不絕口 欣賞那懷舊且不簡單的味道店舖座立於美孚新村的平台一小角落舖面小小 座位也只有約數個入座人流卻源源不斷 店外也不時有街坊站等外賣點餐時只需向旁邊水吧位的夥記喊叫菜式枱面的醬油茶具甚有八、九十年代的懷舊餐館風味看著餐牌上形形色色的上海湯麵配搭都心動了最後我仨人還是滿心期待的點下招牌的嫩雞煨麵香氣撲面的奶白色雞湯 帶點稠杰的掛汁效果味道一如色澤般濃郁奶香 細味下滲帶雞肉甜味上海幼麵條軟身但不會一夾即斷 加上海量切碎的小棠菜和嫩滑雞粒 份量非一般的多 食到最後麵條也能夾帶菜肉一起吃整碗嫩雞煨麵的確實而不華 卻深得我心幸運地能遇上並好好收藏 留待擇日再戰另一款的糖醋排骨麵𓏭𖤥 滄浪亭美孚美孚新邨第二期平台65號舖༶ 嫩雞煨麵 ₅₅𓏭