滄浪亭

營業中

休息中

咁啱入咗去美孚新邨度做嘢，問咗個喺美孚住嘅朋友有咩介紹好餐廳，佢就建議我去滄浪亭，超多街坊幫襯😌。咁我就同朋友就去試吓啦，禮拜六12點去到唔使等位，見到入邊嘅裝修懷舊，充滿歷史嘅痕跡，環境比較迫😗，需要同其他人搭枱坐。預先上網睇定有啲咩吸引，嫩雞煨麵同大排麵就熱門嘅🤭。嫩雞煨麵 3.5/5 $57 超大碗，米線份量都幾多，但係雞柳🐓比較嚡，牛奶雞湯🥫飲得多都會覺得飽飽地。水餃米線 3.5/5 $50 菜肉水餃皮薄肉厚，正常發揮。相反米線幾煙韌，煮得幾好食。雞絲粉皮 2/5 $40 啲粉皮啱啱煮好嗰啲湯水溝稀咗啲麻醬，搞到佢冇乜味😅😅。地點:美孚新邨二期平台，喺地下馬路要搵樓梯上平台，我哋唔識路喺地下兜咗10分鐘😂😂。環境:座位逼夾，衛生情況就一般😅。價錢:性價比低，老實說唔會特登入嚟再食。服務:店員都係一啲伯伯嬸嬸，佢哋已經做咗好耐，係老員工甚至乎係老細，叫佢哋抹枱佢哋都好求其抹。

出差經過美孚，搵下附近有咩好食，上OpenRice搵到呢間上海麵，食評唔錯，決定一試😎咁我無留意食評推介食乜，坐低睇下餐牌，本身對香酥雞麵好有興趣，但近排太熱氣🤣所以試下嫩雞煨麵，睇下有幾嫩😏結果黎到，無諗到都幾大碗下，成碗都係白湯，好特別，立即試下d湯，有啲甜同奶香，味道相當唔錯😎啲麵唔係爽同韌，不過加埋湯又幾滑，雞反而無佢咁滑🤣但整體都係非常好味！我即刻再睇返食評啲推介，原來我錯有錯著食咗好多人推介既嫩雞煨麵🤣麵好滑下😎見個麵咁好食😋即刻追加獅子頭試下，見好多人都叫呢個麵😏結果一試，獅子頭偏咸，但酒香味濃，用黎餸麵或者飯應該好味🤤但嫩雞煨麵偏清，所以獅子頭顯得有啲格格不入，不過整體來講都算唔錯😎整體黎講，值得一試既食店😎

如果買個外賣要企門口等50分鐘，咁點解要買外賣？？再講一次，千祈唔好係呢間鋪買外賣！一句“生意太多，完全冇一句“唔好意思”，如果重去幫襯，儍咗？再講一次，千祈咪係呢度買外賣！

喺美孚返工平時想食餐好嘅真係好難🥲附近冇咩好食，唯獨滄浪亭😂啲人成日都話佢個嫩雞煨麵好正，一定要試！見身邊個個都讚不絕口，但我一路都唔得閒去試，今日得閒即刻約嘛個同事走過去試咗個冬菇嫩雞煨麵/虎皮蛋/燜青菜/豆漿，又真係幾正！🍜碗麵真係好好好好大碗，如果唔肚餓或者小鳥胃建議同朋友share嚟食🥬啲菜同平時食開嘅唔同，個樣有啲似隔夜菜，但係好食！🥚虎皮蛋我估其實即係炸雞蛋，幾得意，值得一試！另外我見水餃🥟都好多人叫但我已經食唔落，大家有興趣都可以試試～

最近天氣開始凍，每日都想食碗熱笠笠嘅湯麵，是日就幫襯了1間上海菜小店。午餐～～糖醋排骨 $52蔥油肉絲拌麵 $60嫩雞煨麵 $57豆沙春卷 $22雞絲粉皮 $40糖醋排骨好好味，嫩雞煨麵湯底清甜，整體不錯

呢日難得嚟到美孚，要把握機會試試美孚嘅名物滄浪亭，係紅磡同美孚都有分店。位置唔太容易搵🤣要出地鐵站上樓梯去到美孚新村嘅平台先會搵到呢間咁街坊格局、位置較小嘅小店。呢度主打各款上海湯麵、拌麵、小食，最出名係雞煨麵，幾款枱枱都會叫，會聞到好香嘅奶味。不過呢日太熱就無試到，估唔到拌麵都唔錯的👍🏻蔥油開洋拌麵一上枱就聞到超級香🥰🥰就連搭枱嘅食客都問我點解碗麵咁香😂😂無他，主要係靠滿滿嘅蔥油同蝦米提味。香口嘅🦐蝦米加上炸到好透嘅蔥段同蔥油，令每條麵條都掛滿惹味醬汁。食到碗底剩返唔少油，會有少許油膩，麵條份量超多，但可以煮得再爽口一啲，但整體嚟講都係一個值得食嘅蔥油拌麵😛雞絲粉皮啖啖嘅麻香撈埋軟腍雞絲同晶瑩通透粉皮，夏天消暑都唔錯😗略嫌未瀝乾水，啲水會溝淡咗醬汁。人均消費：$60推介指數（10分為滿分）：7.5分

呢間小店喺美孚黎講幾出名平時夜晚都好多人排隊因為舖頭比較細 都有幫襯有幾次我哋冇等到 叫左個外賣 外賣，就算行咗15分鐘返到屋企 到攤凍咗少少 但係食嘅時候多味道不錯 都好出色 覺得個準係幾好推薦蔥油開洋拌麵 $60幾出色 🙌🏻會明白點解對面都有間上海嘢 大家都係上海野 但係水準就差天共地 😂😂 對面嗰間真係麻麻哋 但係就得佢一間要排隊 都證明到真係唔錯👍🏻😁😁😁😁支持小店，要繼續努力 💪🏻👍🏻👍🏻👍🏻

居住在美孚的朋友介紹去到這間上海式麵店“滄浪亭”光顧。早兩個星期前也來過，只可惜1230到達，全店四張枱已經爆滿，加上門外有超過十人在排隊等位，只有放棄，轉到隔鄰的餃子店糊口！今天2023/09/13，故意早一點約1130到達，也有兩枱客了！看完菜單，發覺是沒有套餐或者客飯（甚至飯都沒有供應）之類；最後選了一份大排麵（一般上海店叫排骨麵，即係炸豬扒）及一杯豆漿，共57+10=67。先來了一杯從大瓶中倒出來的豆漿，都有豆味及不太甜，合口味！接住是一碗淨幼麵，碗內有幾粒青葱，而大大塊已切開的炸豬扒，另外碟上，賣相一流，黃金色的脆皮，但是絕對是外脆內軟！絕對是水準之作！

見過好多人介紹既嫩雞煨麵終於嚟試🤩星期三7:30pm嚟到都有人等位雖然入面鋪位好細，但人流都好快不過我地5個人坐一枱就好逼ಥ_ಥ同埋好多野食都賣哂🥲又無糖醋排骨、豆漿、雲吞水餃、雞絲粉皮、春卷🥹🥹🥹唯有下次再試嫩雞煨麵 $57一嚟到已經聞到一陣陣奶香，個湯底奶白色麵既上面鋪滿左雞粒同埋小棠菜(˶‾᷄ ⁻̫ ‾᷅˵)麵煮到好淋而且份量好多第一次食到咁重奶味既嫩雞煨麵，好特別👍🏽不過食到最後可能有少少膩大排 $40係一大塊炸豬扒，唔係好厚炸粉個種食落好香口(⁎⁍̴̛ᴗ⁍̴̛⁎) 而且都厚身！好味！✨香酥雞 $40炸到非常香口，食落係無骨😆中意食炸野既朋友可以叫依款蜜汁烤夫 $38唔係周圍都有，好好食👍🏽👍🏽份量好足，重有雲耳同埋菇全部都好入味，不過食到最後就有少少油ಠ_ಠ燻魚 $50雖然係比較薄，但都有3大舊不過食落就比較乾身，同埋個醬汁酸酸地本身以為會係甜既所以唔係幾岩口味ಥ_ಥ醉貴妃 $30係兩隻醉雞翼，隻雞翼好大隻，但味道一般😞

今日去咗美孚好出名嘅滄浪亭食晚餐，店舖晚市時間6:30pm開始，我同friends大概6:15pm已經到，去到已經見到有人排隊，我地等緊嘅時候，越來越多人排隊，呢間餐廳真係好受歡迎。一到6:30pm，店員開始安排入座，店鋪好細，只有4張圓枱，最多可以容納廿幾人。我地點咗2碗麵，一碗嫩鸡煨麵同一碗糖醋排骨麵。份量好大碗，建議叫少麵。嫩鸡煨麵 $57湯底濃郁，雞肉多，個麵好食。糖醋排骨麵 $67糖醋排骨好好味，排骨唔會太韌，汁好入味。呢個麵已經叫咗少麵，但份量都好多。整體黎講，呢間上海麵味道好好食，一定要試。

作為黃埔居民，我通常都會推介朋友去食滄浪亭🫶🏻。除咗嫩雞煨麵之外，仲有即炸超juicy嘅香酥雞/大排麵、餛飩/水餃麵、上海年糕、小食等等😀嫩雞煨麵 $55第一啖記得飲湯先🤤！奶白色嘅湯充滿住濃厚嘅奶香同埋雞湯味，嗰鮮甜味令人一飲再飲😋嗰上海麵夠滑，配上小棠菜同埋雞肉，岩曬中意食清淡啲嘅朋友👍🏻不過如果雞肉可以再嫩啲就更perfect了！性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️⭐️⭐️建議：香酥雞/大排麵都好食，可一試！

感覺老闆是鐵漢柔情feel😅當繁忙時段，多人在餐廳外等位就粗聲佬氣咁督察著一切運作，當客人進入餐廳後，就竭盡所能為你安排一個好位置去安頓客人在朋友推薦下，第一次專程來幫襯的我，起初都感覺老闆有些趕客，門外又冇指示向那個方向排隊，見室內明明有空位，又要客人在外呆等，但原來老闆為了公平，按先後次序入坐，就算有吉位都讓它留空。而過了繁忙時段，老闆也不會趨客人埋單。老店人情味就在此尋敬請留意＊營業時間＊1130-15301830-2100店子面積不大，五枱大约可容纳二十多人。若繁忙時段客人就在門外有椅子方向排隊保留傳統的老店文化，先奉上一杯熱茶豆辦醬勁咸，微辣--雞絲煨麵--$57秘制濃郁奶白雞湯底，有忌廉湯和奶的順滑口感，味道非常獨特而好味，中量鮮嫩雞粒，大量小堂菜切碎混和香滑的麵條，整體配合得恰到好處

📍美孚大賣嫩雞煨麵 x 虎皮蛋突然一星期encore兩次～食上海野有時會諗去呢間黎親都食同款不思考（固執牛上線🐮）👉🏻嫩雞煨麵 $57奶白湯底夠creamy湯底以雞湯/金華火腿/奶熬製而成上枱充滿奶香/雞湯鹹香🤤但飲落又唔肉有味精口渴感飲落又唔會感覺膩煨麵質地腍身 極吸奶湯香！菜粒/雞粒份量充足🤝感覺是營養均衡餐👉🏻炸虎皮蛋 $6感覺是炸了的滷水蛋炸皮沾左醬油惹味🤎📌 嫩雞煨麵現場食質素最好要外賣大建議分湯！舖頭收工前部分款有機會賣哂下晝去 都聽到熟客入黎問：「仲有冇麵啊？」野食性價比高！但店主是很有性格的和態度的舖頭喺美孚平台～認住易啲搵（尾圖➡️）

見到網上有咁多好評，特登黎美孚試下。係平日既12點左右黎到，叫左個嫩雞煨麵，碗麵上到黎個湯底白雪雪咁真係好吸引，頭幾啖食落去都覺得好正，但食多幾啖，發現個湯底好奶好甜，開始有一種「膩」既感覺，撇除雞肉陣雪味，個湯底既味道開始令我覺得頂唔順。碗麵黎左都無5分鐘，我問樓面個哥哥仔，可唔可以加個糖醋排骨，諗住食下甜甜酸酸既野會開胃啲，個哥哥仔返問我「外賣定堂食」我同佢講堂食，佢話「而家先加，無呀，賣晒啦！」鋪頭有幾個客人望住佢，樓面個傳菜姐姐都望一望佢。間鋪11點幾開門，12點幾就話賣晒，重要岩岩隔離枱叫糖醋排骨麵都有。唉..個哥哥仔好明顯驚我阻住佢做生意，所以選擇性唔賣比我，只怪我太黑仔，強忍「膩」既感覺食多幾啖就算。😢

佢個嫩雞煨麵係好。但係個出菜好有問題！已經唔係一次！我已經三次叫外賣（只會叫嫩雞煨麵，其他一般），兩次三個，一次兩個，結果等咗45-50分鐘！重要望住其他人遲過我嚟（堂食完嫩雞煨麵，或外賣幾樣野嘅），早過我走。我相信佢係一個一個煮，幾個爐煮唔同嘅，然後每次出一個嫩雞煨麵，就唯有先凑齊其他單出菜/外賣。所以，我三個嫩雞煨麵就永遠等待！不過公平d，唔係每一次係咁，大约四次就一次。死未？又要過幾個星期條氣順番先再幫襯。