源峰

營業中

休息中

石門帝逸酒店staycation既第一晚package$2688包套房連日式omakase晚餐而呢間日本餐廳源峰係酒店頂樓28樓同泳池同一層今晚餐飯聲稱係omakase睇圖就覺得係類似割烹呢類型既料理omakase呢個名而家係香港好似已經變左係高級日本料理既代名詞咁源峰裝修就有d酒吧夜場feel以酒店既日本餐廳黎講呢間源峰係開揚既全落地玻璃之前去過九香間灘萬係完全無景觀可言半島間今佐都係一樣咁除左窗口位仲有我地坐既bar檯位擺盤一般只有張檯墊唔似得之前食灘萬咁會有個盤放係檯面另有紙袋口罩套staycation package有寫會送既清酒唔知平時就咁食有無跟另外係研究完先知既濕手巾坐bar檯就可以望到師傅手勢不過因為疫情關係中間就隔開左塊板感覺都幾on居今日招呼我地既係俊師傅網上面話呢度師傅班底係黎自割烹櫓杏既bar檯加上開放底廚房仲見到唔少師傅係度準備食物侍應再比左份今晚既餐牌我地睇招呼係幾好不過感覺就唔算好專業廚師發辦既八道菜自從無得去日本之後而家好似越黎越多餐廳打正旗號叫自己做omakase餐餐都過千蚊起跳可能個利潤真係好大我自己就無咁富貴食到咁豪最多食個吞拿魚刺生丼已經好滿足計

1. 由於要使用會員卡8折，已提前聯絡餐廳但遲遲未收到回覆。2. 用膳前一天打來說12點booking要13:15交枱。但事前電話確認時無提及過分11:30及13:30兩個時段。當下問職員omakase係咪只係比客人食一個鐘，然後佢直接建議我可以早過12點黎用膳。再三詢問先收到另一回覆話啱啱嗰位係新職員將用膳area弄錯。其實並沒有分時段，亦唔需要急住交枱。3. 當日11:45出𨋢就聽到一位男經理同接待女職員講：你又錯呀？又睇錯嘢呀？ （不是指責語氣，感覺男經理都好包容，好似唔覺得嗰位女職員需要進步，都係嘻嘻哈哈，完全冇搭入酒店餐廳嘅氛圍）4. 出席後即日於openrice標示我為缺席，再查詢時他堅持自己沒有按錯，是openrice系統問題。但解決問題方法竟然不是讓openrice馬上修正。而是著客人重新提交一個假的訂座然後他們馬上給我按出席，還說這是她個人認為最快最好的方法。總括嚟講，唔係以上係咪同一位女職員啦。如果係佢真係好需要再培訓。食物上，正常水準，但唔會有驚喜亦冇服務可言。（某兩位男女侍應係正常sharp醒有禮貌的，唔明點解level同嗰位女接待爭咁遠）

食廚師發板，好期待廚師今次整乜嘢食😋佢哋每一款放在枱上都令你覺得好有心思，味道就更加唔話得，沙律菜新鮮、蒸蛋好滑、海膽好正配上三文魚子超好味，每款壽司都好食，刺身又新鮮👍佢個湯好濃好好飲，魚塊就外脆內軟，重有甜品🍮⋯⋯一餐完美嘅句號。

初體驗のおまかせ💕2022開年就當然要食好d🤤所以今次我就Book左Alva酒店旗下既源峰食Lunch Omakase啦🥺因為第一次食Omakase都有少緊張呀🤗首先呢，佢呢度環境都比較高級，高處坐望城門河，不過都比較多人唔係黎食omakase，而係食lunch set既😌我就俾人分到吧檯嗰度，因為可以望師傅整嘢（雖然就好似唔係整俾我）💟 Chef’s Special Omakase $650 前菜——櫻花蝦沙律沙律拎黎清下口先既，有少少和風汁係上面，食落就唔算特別，都可能係為之後做鋪墊😛刺身3切——拖羅、油甘魚、牡丹蝦店員都好細心同我地講要點食法，所以第一次食都好User-friendly既。咁我地當然由輕食起，先食蝦，厚身而有嚼勁，咬下咬下d蝦味就慢慢散發出黎，好香但係又好清🤗💕接住就係油甘魚。其實我本身麻麻油甘魚因為少腥，但係食落都完全冇嗰陣腥味，魚香係慢慢滲透落個口，豉油再慢慢提味出黎。而最後就係最邪惡既拖羅😈油香味絕對冇得話，咬落去有入口即化既感覺，同埋一下子味道蓋過曬啱啱清既油甘魚同蝦，食完真心覺得donki既拖羅搞唔掂🤒茶碗蒸——白松露蒸蛋一打開蓋，松露味就擁到鼻入面，但

第一次食Omakase, 有朋友介紹帝逸酒店嘅日本餐廳，趁同朋友慶祝生日就係網上訂位，試一試食物質素。餐廳係頂樓，一排落地大玻璃，環境相當開揚，被安排坐係卡位，相對幽靜適合傾計。我同朋友兩個人，都係叫左價值650嘅特選壽司廚師發辦。上菜時店員都會耐心講解食物嘅配搭同食用次序。櫻花蝦沙律味道不過不失3款刺身分別為油甘魚、拖羅、牡丹蝦，食材新鮮，牡丹蝦鮮甜十足，但肉質偏軟。拖羅軟滑，但油香味不足，油甘魚魚味相對較濃。白松露蒸蛋改左做黑松露蒸蛋，蛋質軟滑，出汁鮮味，除左入面有一粒白果同一粒小柱貝，朋友不太喜歡白果的苦味，我嗰粒又唔太食到苦味。燒魚係兩件鰻魚，配上山椒粉漬物同糖漬楊梅。鰻魚燒得唔錯，不過兩件分量偏多，加上漬物同楊梅都無法解膩。面楊梅味道不討人喜歡，用處僅為清新口腔。緊接燒魚嘅係天婦羅。呢個編排，令人感覺相當有負擔，畢竟鰻魚唔係一般嘅油膩😅天婦羅有沙錐魚、萵筍、茄子、蕃薯，配上鹽同天婦羅汁。就咁望上去外層偏油唔夠乾身，食落油膩感不重，而且鬆脆。其中沙錐魚做得比較好，魚肉夠厚身外層鬆脆，內層多汁。萵筍就相對清新多汁。跟住就到7貫壽司，其中一款會用杯上。整體上非常新鮮，我個人比較喜歡

家中有緊急工程，所以租Alva 住幾晚，諗住近近地試酒店日本餐廳，本來冇期望，不過原來好驚喜！先生叫咗海膽Omakasa , 我叫左個和牛壽喜燒Omakasa.海膽份量絕對足料，龍蝦海膽燒，蝦膏混淡淡海膽鮮味十足！四式海膽壽司更是成個餐主角，不同產地煮法都有，After taste 滿溢口腔，最尾和牛素麵作結尾令成個餐完美！和牛Sukiyaki Omakasa 都唔錯，炸物，龍蝦燒為前菜，和牛sukiyaki 雖然唔係關西風格，不過材料唔錯。一定要再嚟！

友人推介試下本身諗住定食 但價錢與omakase相差無幾於是就試下酒店的廚師發辨食材不多 但樣樣都算新鮮 岩口味刺身 拖羅 油甘同牡丹蝦 不過刀工好一般.. 厚薄不一咁燒魚係鰻魚 少少失望 因為有d頹但係正常水平的壽司set 都有拖羅油甘 咁岩我兩樣都好鐘意彌補返d平平無其既白身魚同瀨尿蝦🤣其實中間仲有炸物沙律等 個set都重儀式感性價比係有但中午食係限時 同坐卡位 始終唔expect同出面鮨點比咁有feel另外 佢有d位唔比人坐 要消費 $5800+中午4人叫最貴個餐都未必坐到同d侍應講得有d差 明明都只係半包廂 ..我地本身都係坐隔離嘅半包廂想轉所以服務一般般 比較岩輕鬆casual biz lunch/ fam gathering 想要浪漫/ 好有驚喜既omakase 就不了當然lunch都無要求太多 Overall 650+1 都唔算貴因為有好多道菜 而且有拖羅 炸白子 等有會員更加抵 但就不必要遠道而來

一直覺得廚師發辦高不可攀，價錢不便宜，不一定好吃，自己也未必懂得欣賞，但是因為要感謝朋友請我看拉闊音樂會，睇中一個包廚師發辦的staycation, 就有機會體驗一下了之前看源峰的照片都是日光照，很明亮，但今次食晚餐，窗外景色就無法欣賞了！沒想到食散餐的客人很多呢！一家大小，情侶，朋友相聚都有，我們被安排坐到吧枱上，面對著廚師，因為隔著膠板，他每介紹一道菜是什麼其實我都聽不到，我就禮貌點個頭當聽到，上菜前職員和廚師分別都問了我們有什麼不喜歡吃（明顯沒溝通過），然後就上菜了，清酒說是自己釀造，一小杯，很珍惜地喝最好笑是我把那碟濕毛巾當成前菜，正式上菜有前菜，炸物，刺身，燒烤，壽司，後菜，麵豉湯和甜品，前菜一般，刺身鮮甜，炸物有兩件和牛，好吃，燒物我原本以為有燒鰻魚但是來了帶子，這個燒得有點過了，壽司每件都不錯，最好玩也是最好吃的是廚師叫我們放入口時反轉把魚放脷底食的左口魚，其實很難反啦廚師哥哥！但這個魚有很香的油脂入口溶化，廚師見我和朋友嘗試反轉的攪笑樣子都笑出來然後說其實不容易反啊！（我覺得這招是整我們的啦）但我反而喜歡這輕鬆的感覺，沒想到麵豉湯居然是在後面，ok的，後菜不是我喜歡的水

之前食過源峰期間限定嘅和牛盛宴，對超大塊嘅火炙和牛肉眼海膽壽司念念不忘！ 今次又兩姊妹黎豪食 一試海膽饗宴，二人套餐有齊前菜、刺身、燒物、壽司、揚物、麵、甜品。四人饗宴仲會送上自家品牌清酒。餐廳由日本廚師主理，坐擁著城門河和沙田石門靚景，更設有間隔嘅房間，好有自己嘅私人空間，係同朋友靜靜地傾下計嘅好地方。二人鮮味海膽共聚晚宴 $33801️⃣鮮腐皮溫泉蛋海膽海膽甘香鮮甜，鮮腐皮軟滑帶豆香，更有鹹香黑魚子作點綴。溫泉蛋煮得岩岩好，蛋白軟嫩蛋黃濃稠。篤爆蛋黃撈均食，滑溜不失鹹香鮮味。2️⃣中吞拿魚腩 油甘魚 海膽刺身 縞鰺薄切四款刺身都富油脂鮮味。我就最鍾意鮮甜creamy嘅海膽，食落完全唔腥。吞拿魚厚切無筋，軟嫩帶油脂香，未到入口即融 但幾乎無須咀嚼。3️⃣伊勢龍蝦海膽燒龍蝦塗上秘製醬汁再烤至焦香，仲要拆埋肉，啱晒我呢啲懶人。食落啖啖肉超爽！龍蝦肉彈牙，火炙後嘅海膽更軟滑，龍蝦同海膽鮮味更濃更突出。估唔到原來成個龍蝦殼都舖滿海膽！份量十足！最後食埋粒香甜栗子，可以沖淡番油膩感。4️⃣秋野菜天婦羅野菜天婦羅有幾款唔同嘅菇、無花果、銀杏。天婦羅炸皮薄脆，食落一啲都唔油膩。菇爽口，銀杏煙韌香甜。最特別莫過於無

🥢本日壽司12貫🌟（$600）🥗櫻花蝦沙律🥚白松露蒸蛋🍣壽司11貫🥩和牛壽司🍙卷壽司🍲味噌湯🍮甜品//沙律櫻花蝦好多鹹香再配沙律好清爽開胃//茶碗蒸的白松露好香、蒸蛋好滑//壽司11貫包含：生蝦、帶子、三道魚刺身壽司和兩道灸燒壽司、大拖羅、星鰻、三文魚子壽司、海膽壽司職員有介紹進食次序和各種魚食材但金魚腦唔記得了🙊卷壽司係三件香蔥吞拿魚壽司每一道都好新鮮好好食配埋比較溫和唔澀口的壽司醋飯唔需要點豉油放入口完全滿滿的鮮甜味上面搭配的點綴都很配很加分特別是搭了柚子的最印象深刻//和牛壽司係一大片壽喜燒和牛上面放左海膽和炸蒜入口即溶的和牛和油香味配鮮味海膽同惹味炸蒜成件事真係好完美一啖放入口好幸福好滿足//味噌湯正常唔會太鹹甜品又一好鍾意 係焙茶奶凍焙茶味好濃 甜度剛好 好味😋//好食到 受稱讚話我book得好😎返到屋企又被家人指定下個月要再encore午市係抵食啲嘅亦都有好多選擇有唔同丼、燒物、鍋物set

今次嘗試沙田第一所較高級日本食肆一源峰。在門口的左面看到酒店的空中泳池，先被它吸引，門口其實在右邊，門口的裝飾有一點點的冷酷感。不過進去之後就是一所頗為地道的日本食店，聽到日本廚師與其他廚師用日文交談，心中想這是質素的表現，應該不錯吧。坐下之後，都被它的景色吸引住，因為看到沙田河畔的一點景色，拍了幾張照。望了整個餐牌，最後都是叫了$1700一位的廚師發板的套餐吧，應該是最好的。開始是有氣香檳，溫泉蛋加海膽，這種蛋黃及海膽的味道令你對這個套餐很有期待。再來刺身，刺身非常新鮮，整個套餐內都是海膽貫穿住一道一道的菜色，有各式不同的海膽可以嘗試，較為有記憶的是鹽水海膽，其他的都很新鮮，亦有各種不同的口感。但因為是海膽的關係，食得多有點口內感覺有點太多的感覺，但這是個人的問題，不是食物的問題。如果在不同菜式中間有一些清新或者係酸度較高的食物分開一兩道主菜就更上一層一流。龍蝦肉彈牙新鮮，一味不同的海膽拼盤令人想到不同海域去嘗試海膽的感覺。天婦羅炸的菇類都幾飽胃，但是菇味並不太濃味。反而當中的那一粒栗子令人幾回味。另外那個牛腩幼麵條蔥很大條，好像與那個麵條不太配合，牛腩的肥瘦非常均勻，亦都很易咀嚼，

之前兩次打電話訂位，都回說訂枱幾個星期都滿。今次剛好經過，打電話問一下可否 walk-in，竟然話有位⋯ 大喜～散點了幾個菜，和同伴的結論都是「名大於實」。在同一檔次中，大家應該可以好容易食到食材質素和煮功更好的其他日式餐廳。PS: 另有兩個菜都沒有拍照了～

咁生日女人就準備左我好鍾意食既omkase 咁就連埋酒店去book位。 咁就試下源峰咁個人就滿心歡喜去食。 但一入到去呀有少少心知不妙嘅感覺。 因為可能疫情嘅關係啦。 壽司吧檯同壽司師傅嘅距離隔著一塊透明嘅膠板 結果不出自己嘅所料竟然冇咗壽司師傅同人客嘅互動（ 由服務員代 壽司師傅去介紹食物） 。 令到今次嘅體驗呀大大減低 咁不如自己去其他壽司店自己點壽司咁呢一個係前菜。 食落口真係比較普通。刺身三點。 反而係油甘魚好好食🤔依個係北海道黑豚五花腩。需要自己去燒烤。 結果因為油份太多彈到四周都係油 咁另外一個就係炸物天婦羅。 咁和牛天婦羅 食落口就真係特別但 普普通通炸返南瓜個d 就比較好 一次過上曬所有壽司。 完完全全令到omkase 既原意冇左。 同普通出面食壽司一樣下次應該都唔會再嚟一間餐廳了

源峰 日本料理是我覺得沙田區最好的餐廳，首先因為較早之前一面之緣，和朋友來過吃中午，然後有緣再常常來到吃晚餐，他們是沒有指定一定要吃套餐的，所以說，單點你喜愛的菜式就好了。因為來過10幾次，好清楚這裏的服務、菜式，因為沒有套餐制，服務都比較好因為比較flexible, 食物質素說不上最最好，但在沙田區來說可算是高質，師傅可算是有求必應，大拖羅質素高、爐端燒還可以，壽司也好吃有創意，覺得新界區的朋友可以多多來幫襯，不能說意想不到，但絕對是新界區高質範圍。

其實我覺得食omakase貴在係師傳同客人互動，當然食物質素都固然重要。但如果大家著重同師傅互動性咁就要考慮下黎唔黎啦。點解我咁講呢，就係呢度既bar枱全部都用透明膠板擋住，你可以見到師傅處理食材，但同你係零交流，介紹食材都交曬比上菜比你既侍應今次食個$980 Set，包括前菜，刺身三款， 燒物，揚物，壽司六貫，酢物，湯，甜品三文魚籽甘香可口，唔腥刺身正常，吞拿魚油脂豐富，無根燒北海道黑毛豚肉，我就嫌d肉太肥啦炸天婦羅，和牛好味好有牛味同肉汁整體都正正常常咁囉完