源品車仔麵茶餐廳

營業中

休息中

其實源品的車仔麵我一直都很愛，上星期六又去買外賣，因為平日上班吃不到，所以更珍惜（笑）。我一直想替它抱不平，因為附近另一家車仔麵的常常排長龍，但這家就不會，但其實各有各好的呀，源品我喜歡撈粗面、茶底和烤花生醬多士，真心高質。上次推薦朋友吃，他叫了茶走也是覺得超愛，咖啡也是不錯，我平常是喝奶茶或是檸茶，沒有一次失準是真的。*我沒拍餐牌因為我每次都差不多選一樣的，一麵三餸的車仔麵餐$46包飲品，凍飲也不用加錢！大腸很好吃，洗得乾淨爽爽的。另外齋卜和魚皮餃也是我常點的。其次煎午餐肉也是大推，超厚切！不過那天不想吃肉就沒點。

無錯，又係介紹大坑，又係介車仔麵！其實真係好喜歡大坑呢個區，心癢癢又回頭去，上次買滷水鵝🦆見到對面有間其貌不揚嘅茶記，但人來人往所以想探過究竟。.店舖原來日間係賣🍜車仔麵，夜晚變身成為雞煲火鍋🍲，相當有趣😏.🍜豬皮、蘿蔔、魚蛋腸粉💬其實賣相都不錯，腸粉嫩滑，蘿蔔亦爽甜，但魚蛋🍡可以甭揀🤔.🍜雞翼、東風螺、豬腸撈粗💬眼見人人都叫撈麵，應該無死，麵淥得比較腍，雞翼亦有浸泡過時的感覺，豬腸、東風螺算不錯🤔.🍞奶油多💬反而更有驚喜，$11嘅價錢確實是非常抵，下回輕食可以配杯招牌奶茶☕️就可以了😌

車仔麵大家吃得多，「車仔腸粉」你又有冇試過😄？大坑茶記的車仔麵套餐($46)🍜可以改配腸粉底，包括1麵3餸(加餸每款$9)，奉送冷熱飲品/汽水/豆漿☕️🥛，價錢親民！有咖喱魷魚和少見的東風螺選擇，我當然要吃魚蛋/紅腸/雞翼+蘿蔔啦！多數車仔麵叫紅腸🍖都只是煮熟就放落麵，這裏的不但厚切，再兩面都煎過🔥，特別好味😋！魚蛋彈牙、雞翼炆得夠淋、蘿蔔也很入味，腸粉滑嘟嘟又煙韌，自行混醬再灑芝麻，很有地道風味，超飽肚😍❤️「粒粒花生奶醬多🍞」($13)是必食，厚多士烘得鬆脆，花生醬🥜有粒粒花生份外香口，配練奶無得輸🤩🌟(溫馨提示🌷：店舖開6:00收15:30，要吃趁早啊！)

今日有嘢做去咗大坑🐥朋友介紹我食呢個源品車仔麵有幾搞嘢喎🤣佢有腸粉做底嘅選擇 第一次見到人哋車仔麵係可以揀腸粉底😲😲其他人呢我見到就一係揀腸粉第一係就揀撈麵底 我諗佢呢兩樣野應該係最出名套餐呢非常之抵$46有三個餸仲包埋嘢飲🤭首先講吓個腸粉底線 腸粉都相當之幼滑 佢個花生醬相當之出色 佢係比起普通花生醬呢冇咁杰身嘅 偏甜同腸粉嘅味道好夾👍🏻👍🏻對比之下呢嗰個米粉湯底呢就失色好多啦 但係有樣嘢呢好抵讚嘅佢好足料嗰三個餸呢真係幾多有種食唔晒嘅感覺🙈🙈🙈另外個招牌寫住話咖啡奶茶都好出名一定要試試 咁我就試咗佢個熱奶茶嘅 又真係好香好滑❤️奶味比較重茶味相對較輕 鍾意茶味較濃呢可能就會覺得佢偏淡啦 佢仲有多士嘅選擇 我見到好多人都有嗌多士 下次等我都試吓先😚😚

搬到大坑最愛的是那幾間又有性格但又有人情味的茶餐廳。吃了好幾間，還是最喜歡源品的味道。早餐都已經有車仔麵可以點了，早餐比平時便宜一點點啦當然，但份量還是一樣的多。*這次外賣我點了豬腸、魚皮餃和齋卜，麵底要選了撈粗麵，另外要小辣。豬腸是自己色的，不像平日所見到的深啡色，吃下去爽滑，而且清潔得很乾淨。齋卜應該就是有味道的麵筋，份量也不少，應該有三個麵筋剪半吧。至於魚皮餃就是正常，中規中距。*粗面也煮得很爽彈，但撈的話我覺得撈烏冬出色一點點，粗麵配湯較好味。點了小辣竟然看到有小辣椒，也太真材實料了吧。另外想提提的是它的凍奶茶，茶底超級超級出色，是濃濃的茶味，暫時是我在大坑喝到最好喝的奶茶，等我再慢慢發掘一下再報告。

港島地區消費係高係人都知架啦😶但消費高至於 食物質素都要高架 🤗就好似呢間 位於大坑其中一條街道 😦唔顯眼既位置 但人流卻閃閃發光 🤤究竟係咩魔力令到呢間咁瘋狂呢😬三個送46$ 送埋嘢飲 算係咁啦 🥴雞翼真係好食 好入味 鹹鹹地 香香地 ☺️咬落多汁 彈牙 肉質OK😋豬腸比較筍色 就咁白chok 冇乜特別😢送杯大和豆漿 都唔差啦 🌼🌼環境還好 服務態度佳 上菜速度快 價錢親民係幾吸引既車仔麵🤪🤪 有機會可以試下撈既車仔麵🙇🏻‍♂️

一間由細食到大既車仔面，咁多年都無變，由以前細細個跟屋企人黎食，食到而家會不停帶唔同既朋友黎食。最中意呢度既撈面，d餸同汁都好好食，d餸煮得好入味，我自己每次必叫咖喱魷魚同東風螺，呢度既雞翼尖、豬紅同蘿白都好好食。每次帶朋友或者男朋友去食，佢地都會覺得我叫兩個麵餅好痴線。今次帶朋友黎都唔例外。咁多年，可能食得太多次，連老闆都認得我，每次一坐低，老闆都會講：兩個麵，多色，今次食咩餸？以前一家四個人黎食，仲會叫埋奶醬多，呢度係用厚多士，同埋d奶醬會多到滿瀉~

上個星期天 ，和友人到大坑尋找腸粉車仔麵；因為時間尚早，不用排隊，很快便入座；拿了餐牌突然很想吃魷魚，於是選擇了咖喱魷魚、牛腩、麵筋及腸粉，製作需時，也等了一會店員把食物端上檯面。賣相其實一般，不過眼見色香俱全，首先即起筷食魷魚，嗯，要一讚個咖哩魷魚🦑好爽又夠辣，而腸粉咬落去有質感，唔會好似坊間的薄如紙張，好食好食。另外更點了可樂，嘩，係巨型可樂，於炎炎夏日下，凍可樂簡直沙漠之綠州，正呀，就這樣過了一個滿足的中午。

今天放假同老公去維園影花，到了下午醫肚時間，一於入0penrice search有什麼好吃，原本都諗住吃車仔麵，找了一間在京街的，但去到已關門，再睇番資料，原來今天星期一休息，唯有看看附近有什麼吃，行多幾間舖位，見有間叫「源品車仔麵茶餐廳」咦...都是車仔麵，不如試下這間吧...坐低我們叫了3餸一湯麵，下午茶時間承為$42.00/碗，我老公叫了牛腩，白蘿蔔，冇辣味魚旦及粗麵，先講講佢個碗，牛腩好淋，不過份量好少，白蘿蔔好甜，而魚旦好淋唔彈牙，質感及味道似食緊蟹柳，粗麵我沒有試吃，而我個碗叫咗豬皮，豬紅，菜及幼麵，豬皮一般，豬紅濃味，幼麵色水很淺，煮出來太淋了，不好吃，飲品我倆都叫咗奶茶，因歺牌上標榜大佬拿手...一飲奶茶夠滑，但茶味淡咗d，暫時過關la，見到很多人點多士吃，老公提意不如試下，叫咗個花生醬多士$12.00，端來是粗粒花生醬的....咬落，多士是厚多，外脆內軟....今次選店也不太全部食品失望

朋友介紹，一早約我去食早餐。入到間茶餐廳，裝修、枱枱櫈櫈都係一間普普通通的茶餐廳。全是摺枱摺櫈，但地方都係好衞生。我第一次早餐食車仔撈腸粉，跟茶走。我見到好多食客都叫了這個配搭。所以我都跟住叫，尤魚、魚蛋撈腸粉再加茶走。另外好多人叫了多士，麵包厚厚，焗到黑黑地，我都忍唔住跟住叫多件奶油多⋯腸粉好滑，而且可以自己加麻醬、甜醬、辣醬和芝麻，調教自己愛的味道。而多士又趣又香，茶走就有傳統茶餐廳的味道，又滑又有茶香味。

最近我常常走訪不少車仔麵店舖，希望找到一間比較好吃的，今次找到這間在大坑的「源品」，在門口寫着「50年歷史的車仔麵」，令我抱住一點期望。點了一碗辣魚蛋牛腩豬皮米粉及一杯奶茶，盛惠＄45。魚蛋口感一般（不彈牙），辣的味道不是咖喱，只是用一般辣椒醬調教出來。牛腩正常，豬皮正常，但是有一兩塊有油溢的味道米粉也是正常奶茶算是坊間的水準以上；紅茶夠滑，多奶。整體評語，他的名聲是否只是「歷史悠久」？究竟香港還有沒有好吃的車仔麵？

呢間就係我由細食到大嘅位於車仔腸粉。我最愛的早餐！話你知我嘅心得，點樣先至可以有個豐富同幸福嘅早餐！就係兩個人食一碟 6 個餸 8至10條腸粉/ 撈麵，多芝麻！一兜裡面多姿多彩！我推介：- 淋齋- 蘿蔔- 午餐肉 - 豬皮 - 腸頭- 豬紅- 紅腸- 雞翼咦…多過6個餸添…唔緊要…加錢就得架喇 😝😝😝😝

由於上星期來的時候撞正它的休息日於是被迫食了附近順興茶餐廳的不太好味的車仔麵，今天特別再來源品特意食它的車仔撈麵。結果沒有失望，好味，而且吃到兒時常吃的順興茶檔的味道。我點了美味齋，夠入味，蘿白夠淋夠入味，咖哩魷魚爽，而且個汁同兒時吃的一模一樣，用來撈麵更是一流 （順興茶餐廳的汁會過甜）。當然食完還是會有口乾的感覺。凍檸茶夠茶味，蛋牛治正！

回來吃，不解釋……！一份一麵三餸的車仔麵套餐，$45包凍飲，在大坑的價錢，我想是算ok吧！大哥的凍奶茶，有茶香，甜是甜了一些些，都算ok!喜歡吃他們的車仔餸配腸粉，腸粉滑滑的吸了醬汁好味道，可是現在他們把腸粉剪成短短的一口狀，口感盡失，份量只有二十餘粒！車仔餸點了牛腩、肥腸及冬菇，肥腸入盡滷味卻不油膩，冬菇細細粒但厚肉，滑身質地也吸了不少滷味，唯獨牛腩只給了三丁粒，量少之餘也煮得未鬆化現在的食物份量與價錢，好像不成正比吧！

要係銅鑼灣搵食真係唔容易，除左邊皮位既小店，隊長都好鍾意行落大坑搵食，而源品車仔麵係隊長至愛，因為呢到有東風螺、腸粉揀！隊長其實都好鍾意食車仔麵，平平地，又可以貪心地揀幾款餸，源品雖然貴少少（$45/餐），選擇未必好多，但最勁係有東風螺食，仲要係咖哩東風螺，少少辣，好惹味，而家無乜邊到有呢款餸揀，唔想食湯麵，撈麵也可，連撈腸粉都有！撈腸粉仲有齊甜醬、麻醬、芝麻任加，醬王至愛！不過，如果想食就要早食，因為無晚市的，要食到腸粉更加要趁lunch hour食，3、4點去就會賣晒！