湯泰 (紫荊樓)

屋企附近有幾間泰國嘢都係由泰國人開，雖然無打卡裝修同好靚嘅擺盤，但食物質素都好好，而且相當抵食🤑 當中其中一個就係 #湯泰，原本仲諗住母親節訂佢咃嘅外賣，點知老闆同我哋講佢哋唔做啦，超級可惜😭 禁晚市呢段期間真係好多餐廳結業，大家都唔容易！💰船麵 $45良心價錢現高質食物，而且仲送熱飲🫶🏻 船麵勁足料，仲配埋糖、辣椒粉、魚露畀你自行選擇加唔加，好似去咗泰國食咁！不過個人覺得唔加都夠哂味，每次都會飲埋佢啲湯，濃濃嘅藥材香料味，好好食🤪 💫呢度運檸茶都係用泰國茶底，仲要唔洗加錢，真係有泰國嘅味道，無咗真係好傷心🥲 📍湯泰 ( 暫停營業 )…查看更多

呢排想食泰式船面， 見到附近湯泰有，系元朗家計會對面，小店唔顯眼。 lunch time黎食， 雜錦船面$45, 午餐menu凍飲+$2. 湯底好濃味， 好地道， 仲有調味料 (糖，辣椒粉，魚露) ~ 我覺得唔加調味料都夠好味啦。 surprisingly多料~ 有5-6 牛丸豬肉丸，豬肉，牛肉， 又有紮肉， 豬潤。呢個價位，真系抵食！ 我地仲叫左海南雞飯，d 雞肉幾滑 $48.個汁都好惹味。都唔錯， 好多人點。 仲有泰國人黎食野。 會再黎架！…查看更多

未到lunch time 人唔係好多 午餐價錢親民👍🏻👍🏻餐廳入面有USB差電位提供 好貼心🤗阿姨仲好熱心推介👏👏泰式海南雞飯（$48）一上菜 就覺得賣相好吸引😍有好多件海南雞 青瓜更切成❤️形 好有心思滑捋捋既海南雞有少少肥 肉質軟熟 好好味😋 油飯軟硬適中👍泰式菠蘿海鮮炒飯（$58）菠蘿 雜錦海鮮 三色蔬菜粒 同埋蛋炒飯 顏色豐富 🥰加上脆卜卜既腰果同肉鬆 每一啖都材料十足💪炒飯炒得乾身 粒粒分明 比油飯更好食😋…查看更多

唔知食咩好，見呢間最平，就試吓啦朋友想食口水雞我上次食過佢嘅海南雞，麻麻哋但又唔知食咩好，決定一齊俾多次機會佢，試吓佢嘅口水雞點知都係好鞋口🥲🥲🥲至於啲醬，正常，冇特別香，但唔會難食但啲雞真係好麻麻地好鞋口同埋好難咬嘅口感唔建議另叫咗個鹹魚雞粒炒飯，第一啖就食正粒鹹魚，超鹹呀，不過又真係冇計人哋都叫到明鹹魚雞粒炒飯😂不過喺第二度識到嘅鹹魚雞粒炒飯又真係冇咁鹹啲雞粒都比較細粒成兜飯好油🥲🥲🥲講真一句唔係太好食凍奶茶好甜 可能泰式係咁啦⋯⋯…查看更多

以我所知，呢間餐廳嘅廚房團隊係由泰國人組成🇹🇭。所以味道方面，比起其他泰國餐廳來得更加地道。鍾意食泰國菜嘅我，經常到此午膳。午餐菜牌選擇頗多，值得講嘅有太多，所以今次就先揀兩樣同大家分享。🤓1️⃣泰式香葉肉碎飯- 由蝦醬、辣椒粒同香葉炒成嘅肉碎，香口惹味🥰- 覺得唔夠辣，可以加埋佢嘅辣椒粉同埋辣椒魚露，令味道昇華🔥- 肉碎炒得夠乾身，唔會太油膩- 加埋隻太陽蛋，令賣相更好🍳- 如太陽蛋可以新鮮煎起而不是預先製作，味道會更佳😇2️⃣泰式蔥油雞飯- 蔥油分開附上，可按個人口味點嚟食- 雞肉參照海南雞做法，並不是白灼🤩- 多肉，並沒有揸流攤🤗午餐$48一份，附送熱飲。其實呢間餐廳搬新舖之前，午餐係附送特色飲品，例如三色冰、椰汁冰、特色奶茶等。依家就要加錢先可以品嚐得到，令到我嘅光顧意欲大減。雖然係咁，佢餸菜嘅味道夠正宗，絕對可以媲美其他較高級、人均消費過百嘅泰國餐廳，吸引我經常光顧。🤫…查看更多