湯戶方

營業中

休息中

今日想買啲嘢做完嘢返屋企食舒服啲 而且喺出面覺得好熱 馬鐵經過就買咗呢間之前食過點樣都係椰皇燕窩燉蛋白最好味 今次encore都唔錯😋不過拎到返去唔知點解都唔夠熱 可能會即刻食如圖所見都幾多燕窩，不過唔知係咪真係真嘅燕窩🤣🤣 $49嘅話真係好抵，而且呢個畫嘅程度一流奶味又唔會太甜💖今次橫掂唔知食咩好就嗌個豬腳薑 之前食都覺得唔錯嘅鴻福堂 跟住呢個嘅調味好正，就覺得甜咗少少我就覺得佢個調味可以話係Perfect好重薑味 本身以為拎外賣嗰時嗰啲薑味喺糖水嗰度傳出嚟 冇諗過原來豬腳薑 超正可惜嘅係入面嘅肉其實真係唔多，好多都係多骨同埋少少皮 會好多肉 不過佢嘅質素真係唔錯有兩粒滷水雞髀菜飯轉米粉底 米粉係唔會太煙靭 我自己麻麻哋 滷水蛋嘅蛋好硬，豆乾更加硬，雞髀都係硬柴🤣🤣其實記得之前嗌都係呢個感覺，不過呢個最抵食$38 服務質素依然親切，都係個女職員 佢做咗好耐應該👩‍💼等嘅時間雖然佢話10分鐘，但係我發覺永遠都唔會係10分鐘，應該起碼要20分鐘🤣🤣

平日返工好忙都冇時間會煲湯飲。見到屋企附近的湯戶方有賣燉湯當然要試試。今次買了2份套餐同甜品回家吃。第一份是鮑魚花膠螺肉燉湯+梅菜蒸肉餅飯+菜+蛋白杏仁茶鮑魚花膠螺肉燉湯真的很大碗,而且入面既材料超豐富,有鮑魚、花膠、螺肉、乾瑤柱等等,飲完仲要食晒D材料先滿足, 真材實料。而梅菜蒸肉餅飯仲要用了菜飯底,特別健康,而梅菜蒸肉餅又不會太咸,岩晒我食。食完正餐當然要食埋甜品先夠喉,今次的蛋白杏仁茶,入口好滑身,好香的杏仁味,好正!第二份是石斛花旗參麥冬燉雞+金針雲耳蒸雞飯+菜+鮮奶紅棗燉桃膠石斛花旗參麥冬燉雞入面既材料都係一樣好多,見到入面都有好多舊雞同豬肉,飲入口石斛花旗參味都好濃,飲完一碗仲想再飲。而金針雲耳蒸雞飯味道亦很不錯, D雞蒸完仲好嫩滑同多汁,配飯食一流。最後, 鮮奶紅棗燉桃膠真的是女士養顏首選,入口滋潤配上桃膠真的口感一流。湯戶方馬鞍山西沙路599號銀湖天峰M12C號舖

最近好似食厭咗糖水，之前好鍾意食嘅木瓜燉鮮奶雪耳都幾鍾意，但係最近食覺得瞓完酸酸地唔係咁鍾意甜哈哈！覺得嗰啲牛奶落得太多唐太甜了 不過服務質素依然咁好我諗呢度嘅糖水應該都係嗰個招牌鮮奶燉椰皇最好味😋、

一直購買開蒸飯同涼茶，都覺味道不錯和健康。上星期循去買嘢食，店員阿姨同我講舖頭雪櫃壞咗，好熱情咁同我講話 涼茶仍然有貨，我就循例買了蒸飯同涼茶回家。 但一飲涼茶就發現有酸宿味同平時飲嘅唔同，我一開始仲以為係自己嘅問題 可能咁啱今日嘅有啲酸，但飲咗四分一真係頂唔順驚肚屙所以抌咗😅😅😢😢。最近再去買嘢食同店員講返呢個情況，收銀店員都好有禮貌幫我反映返呢個情況，但係今次個阿姨就轉曬樣 都幾惡咁叫我下次有問題再攞落嚟換😅希望下次你地有出現壞雪櫃的情況，就唔好再賣啲有問題嘅嘢飲比客人🙏🏻🙏🏻

心血來潮試吓呢度嘅糖水Again 之前食嗰個椰皇燉蛋白好好味又唔貴 而且比出面糖水舖嘅食落去感覺真材實料啲 今次好似冇咁話實咗少少 不過都好香濃，而且燕窩份量都唔少㗎 好過富輝嗰間大糖好多不過之前食過好味嘅木瓜燉鮮奶，今次就好奇怪酸酸地 食食吓發現佢應該壞咗，其實一開始食已經覺得好爛，賣相唔靚 同店員傾偈反映返，老闆話補做返個俾我下次去買嘢可以拎，好有誠意 不枉我哋街坊支持喺店員極力推薦之下喺完全冇諗過試冬瓜盅嘅情況下買咗一個，發現超正好鮮甜！因為買飯又買糖水再加湯會有各$10減， 兩個就有$20滷水雞髀飯就普普通通，滷水好好味有藥材味，但係材料就普通雪貨雞髀🍗好瘦好硬 唔知係咪醃得太耐，但係雞髀又唔算太入味滷水蛋好味講返個冬瓜盅超重手勁大個 入面好多冬瓜粒同埋有啲瘦肉粒，蝦米，應該有好多瑤柱，但係我食唔到但係個湯嘅味超鮮甜 問咗佢話冇落堂㗎好正價錢白飯分開再加$3有粒蛋 如果滷水蛋就要加$6整體而言好滿意會繼續支持

夜晚想食d 健康野，成日行過烏溪沙地鐵站站附近個巴士總站都會見到呢間舖，結果尋晚就第一次試左喺果度買外賣～我叫左個蟲草花蒸雞飯（揀左菜飯），送左個油菜。食落感覺好真材實料同埋健康，唔會覺得有好重調味，不過係無咩汁撈飯，同埋覺得菜飯d 菜可以多d。d 雞都正正常常不過嫌唔夠多肉至於佢送果個生菜，食完都唔覺係油菜好似就咁煮熟咁，無咩油，亦無蠔油。呢樣好定唔好就視乎你想幾健康總括黎講如果你想食健康d 就可以試下，唔好expect佢係超好味果d（因為健康就好難話好好味）。至於d 湯，我未試，可能下次試下

唔知呢間係咪淨係主打老火湯同埋糖水，今次試咗好多其他嘢都覺得好差，甚至下次唔係幾想再買，因為覺得俾咗嘅錢好多，得到嘅嘢好少而且某啲食物譬如生菜魚肉非常圖文不符！請起得幾粒仔鯪魚肉同生菜但係幅圖係好多嘅，好似人哋已經食剩嘅份量，數埋都唔知有冇五條仔😭😭😭😭😭滷水飯就OK，千祈唔好嗌小食，都係唔抵食跟飯會抵好多！碗仔翅華明粥料都係麻麻地足料 途中所見到嘅就係全部材料我已經將佢撈起不過我想講兩個甜品都好好味！木瓜燉鮮奶雪耳好好味，有驚喜，椰皇就因為食過，所以覺得OK啦

之前試過迷你冬瓜盅，裡面好多料，湯底非常清甜，重點係外賣都包裝得好好，完全唔怕會倒瀉，睇得出店主嗰份貼心既心思；今日再試咗天麻川芎燉魚頭，飲得出每口都真材實料，湯頭不單沒有強烈藥材味，內有魚頭，不過完全無魚腥味，店主加咗瘦肉，增甜而不膩。加$10就有白飯/菜飯及清菜，份量十足，超值之選。

在deliver🦘發現這間店，試過兩次都好滿意。足料好味，特別推介椰皇燉湯，清甜不油。另外叫咗湯底椰雪梨燉蘋果，冬天飲好滋潤。最欣賞係，外賣送到上樓，仍然熱辣辣，仲包得好好，一滴不漏。雖然$70+一個湯，真係唔平，但唔使做，安坐家中有湯飲，間中都ok嘅～