湯。雞

營業中

休息中

砂鍋桃膠椰子雞米線雖然天氣熱辣辣，但仍然好想飲啖湯，於是走去湯。雞食。這次是再次光臨，原因是上次食完覺得好食😋今次再食都還是原有味道。當然價錢略有升幅，但試完就知值得。通常去到都要等位，店舖面積細，大概只有10張檯，幸好都是等2張，如果你非常趕時間就不建議你食，因為砂鍋要即煮的。甜甜的椰子雞湯味，桃膠少了點，雞依舊滑滑的，只是雞凍了少許，大致上都很好的，最重要是不覺得有味精，因為本人對味精較敏感，會食完皮膚敏感，但沒有的👍🏻幾值得推介開飯喇用戶去光顧😂

落大雨諗住叫個外賣拎走點知返到黎啲雞唔熟都算 仲要嚡熠熠個椰子雞湯咸到癲 口水蘿蔔 唔辣既可以做個外賣都求求其其 以後唔會再幫親真係好失望 以前堂食食過一次 感覺係幾好無諗過外賣係咁垃圾

平時嚟親葵廣食嘢一定係掃街，食得多都悶悶地。今次同往日唔同，行到三樓經過間餐廳，門面簡約型格，睇餐牌係食養生砂鍋雞為主，見幾啱食就入去試試佢。星期日中午時間，葵廣例牌人來人往。餐廳亦唔例外，排隊排咗十分鐘左右就有位，都唔算太耐。入到餐廳環境雖小，但枱與枱不算迫狹。- 砂窩姬松茸蟲草花螺頭花菇雞⁸⁰湯料十足，有姬松茸、蟲草花、螺頭、花菇，細食人士只食湯料分分鐘夠飽，非常足料抵食。以湯做招牌嘅，當然第一時間試試個湯底先。湯底濃郁清甜，一飲就知絕無味精成份，感覺就似飲住家湯一樣，熬製時間不會短，夠晒養生。而雞件嫩滑配上淮山麵，麵身不會過腍有咬口。好食到最後連湯都飲埋，大滿足啊！- 麻辣墨魚頭⁴⁸秘製麻辣醬夠惹味，配上爽脆墨魚頭，咬落爽口彈牙，係我覺得必叫嘅一道小食。大推！- 麻辣蓮藕²⁴蓮藕爽脆多汁，配上麻辣醬夠惹味，非常開胃。

當日到葵芳搵野食，搵到呢間主打湯米線既餐廳，晚上大約7:00， 餐廳門外需排隊等候入座。等候大概15分鐘左右便可入座了。餐廳環境不算寬敞，整體環境簡單整潔。當日點了：❣️砂鍋花膠雞湯翅米線這是店內招牌，用砂鍋盛住米線，別有一番風味；湯底鮮甜，不會有雞油浮面；配料豐富，大大塊雞肉，雞肉不鞋口，花膠又大大塊；米線不會煮至過淋，是我很喜歡滑身質感另外，餐廳亦提供自家辣油，帶麻香，可以在吃到一半的時候，試試加添辣油調味，亦有第二種感覺😌💠💠 💠💠 💠💠 💠💠 💠💠 💠💠 💠💠 💠💠 💠💠 💠💠 💠💠總括來說， 這間米線是不錯吃的店鋪，可以一試，湯底清甜，米線又滑～

難得阿媽懶懶地唔想煮飯，帶佢去葵廣食飯。同老人家食飯，最緊要都係有啖湯水飲，而“湯。雞”似乎係一個唔錯嘅選擇👍🏻以晚餐嚟講，算係平靚正！呢間餐廳最大特色，就係賣雞煲翅，價錢就根據口味材料等等而有所唔同，例如雪梨椰子雞，蟲草花螺頭，泡椒花膠酸菜魚，仲有好多好多選擇！但係始終第一次帶阿媽嚟食，我哋就嗌咗個最人氣嘅砂鍋花膠雞湯翅配刀削麵 🐤砂鍋花膠雞湯翅 - 83$ ⭐⭐⭐⭐⭐/⭐x5 推薦指數上菜嘅一刻，砂鍋雞湯仲係滾緊㗎，陣陣嘅雞湯味撲鼻而來，睇到都已經流曬口水！食花膠最怕煮得唔夠淋，但佢哋煮出嚟做倒彈牙同有啲漿口，每件雞都好滑，雞湯底鮮味濃郁，一口麵配一口湯，食到最後都飲曬成碗湯，經過我反轉佢個鍋，加加埋埋佢都有一湯羹碎翅。溏心醉蛋 - 餐加12$ ⭐⭐⭐/⭐x5 推薦指數叫麵食嘅同時，我哋都加咗溏心醉蛋，醉蛋就放咗喺浸滿花雕酒嘅豉油碟上，我略嚴酒精味太濃，但係蛋就做到流心效果，好正呀！而阿媽佢就好欣賞❤️兩個人埋單加埋200蚊都唔使，呢一餐真係經濟實惠，阿媽都讚口不絕👍🏻

雖然平日晚餐時間黎，排曬長龍，不過等左15分鐘就入得，好有效率！一邊排可以睇下門口透明玻璃雪櫃放好嘅冷盤，諗定食咩或者睇住餐單，可以先叫再等入坐，咁就一坐底就有得食😋 二話不說，即刻叫左主打嘅砂窩主菜，今次試砂鍋姬松茸蟲草花螺頭花菇雞淮山麵($80)及砂鍋桃膠雪梨椰子雞刀削麵($73),再加多碟烚菜芯($22)。砂鍋姬松茸蟲草花螺頭花菇雞淮山麵($80)-湯料好足，鋪到成個面都係，真材實料！姬松茸、蟲草花、紅棗份量多，湯味濃，好似飲緊住家湯，冬天飲一流。淮山麵都吸曬湯味，配搭唔錯。雞都偏滑，性價比高😋。價錢：❤️❤️❤️🤍🤍味道：❤️❤️❤️❤️🤍推介：❤️❤️❤️❤️🤍砂鍋桃膠雪梨椰子雞刀削麵($73)-桃膠、惻絲椰子乾鋪滿面，湯味較清甜，雞份量正常同都偏滑，唔會煮過龍或老雞質地，一啖麵一啖桃膠一啖雞，好滋味。好適合冬天再黎食！性價比高。😋😋價錢：❤️❤️❤️🤍🤍味道：❤️❤️❤️❤️🤍推介：❤️❤️❤️❤️🤍菜芯就正常普通，少油，食到菜芯嘅甜味，健康人士都值得叫一碟呢。整體，食完真係好補呢！

今次做嘢做到一半朋友話肚餓，因為未到晚飯時間，所以估計唔會太多人，所以落去攞嘢嘅時候順便去食埋嘢，所以要諗去邊度食，佢就帶咗我去葵涌廣場，上到3樓行入少少響出邊就見到好多人買小食，但係呢間舖頭入邊唔算多人，不過我朋友話俾我聽平時都好多人排隊。我哋分別叫咗砂鍋姬松茸蟲草花螺頭花菇刀削麵，同埋砂鍋桃膠雪梨椰子刀削麵，當然兩個面都係跟埋雞啦。嚟到嘅時候我試咗一啖椰子嗰個湯，比較清淡少少，但係椰子味好重好香，而我自己嗰個姬松茸蟲草花螺頭花菇，味道會偏濃少少，但係一邊食麵一邊好覺得係飲緊煲湯嘅感覺，味道都係好好味嘅。分量都幾足夠，可以同一時間飲湯兼食埋雞麵，而且啲雞都幾滑幾香，絕對下次可以再嚟試埋其他嘅湯底或者味道。

鍾意飲湯，又少煲湯、因為懶怕煩，愛錫自己也要好好照料自己，工作太忙不是藉口，因為有人煮湯俾你。葵廣的#湯。雞，飲碗住家湯滋補美味，有雞湯，亦有藥膳湯和桃膠雪梨椰子湯，選擇非常豐富，最人氣的當然是招牌砂鍋粉麵。花膠有三大顆，魚翅也有一匙，鍋裡4-5有件雞件，雞胸、雞腿部位都有，肉質雖不至超嫩滑，但也十分美味。雞湯是無可挑剔，沒有口渴的感覺，真是不加味精，刀削麵煮得軟淋，正合我口味！藉得推介俾親朋好友，齊齊分享。

去葵廣唔係得小食，仲有砂窩雞可以食▪️砂窩水煮雞 (芽菜、雲耳)呢間都食過幾次，試過好多唔同款，今次就特別啲，叫咗碗辣嘅。水煮湯底都真係幾辣，蓋過咗雞嘅鮮味。雞肉好多件，仲有雞翼，都幾嫩滑，刀削麵正常。下次再食會叫返唔辣嗰啲😂湯。雞 (葵芳)葵芳葵富路7-11號葵涌廣場3樓302A號舖

係附近返工諗住叫外賣就打電話，然後個姐姐態度超差，嘢都未講完就cut咗線，之後去到攞明明個醉雞淮山麵，餐牌寫住$67蚊，正常外賣加1,2蚊 我明 合理！ 但係呢，佢收我$3蚊，我問點解佢話不嬲係咁樣收費，話係常識，因為俾咗三個盒一個盒裝醉雞一個盒裝湯閂一個盒裝面，咁就收咗我3蚊，仲要個姐姐超惡，仲要鬧翻我轉頭，嬲到我要特登打呢個食評，好出色咁你唔問我分唔分湯？咁如果我揀唔分湯係咪收小個盒啊？ 呀大姐態度差亂收錢都算啦，呢間x店，仲要勁難食，個湯超鹹，啲面超林好似漿糊咁

葵涌廣場頂樓多嘢食就係人都知，不過能夠喺呢個廝殺戰場上佔一席位嘅，肯定質素都唔差👍🏻今次要介紹嘅係主打滋陰養身香濃砂鍋雞湯嘅 湯。雞砂鍋雲吞雞($75)：砂鍋熱辣辣，出哂煙咁，陣陣香濃雞湯味，攻入我個鼻🥹我哋揀咗淮山麵，貪佢夠掛湯。份量好足，而且啲雞一啲都唔老，好鬼滑溜😌 啲雲吞爽口彈牙，雲吞皮都尚算薄砂鍋花膠雞湯翅($83)：都係揀咗淮山麵🤫 橫掂雞湯咁補身，冇理由唔養埋個顏🤣 所以我哋揀咗花膠，貪佢對皮膚好🧏🏻‍♀️ 花膠好厚，好入味，湯底同砂鍋雲吞雞一樣，好濃郁好正。魚翅份量唔算太多，不過重點係個湯底，所以我哋冇所謂胡麻醬秋葵($32)：新鮮即叫即做，正正常常，冇乜特別醉豬肚($52)：呢個真係真心推介🤩佢哋用嘅紹興酒，調味得好好，好出色👍🏻唔會話淨係得紹興酒嗰種香及辛辣，佢仲帶少少甜。而個豬肚夠爽口🐷，份量又多，最難得同時好入味，以呢個價錢我哋覺得超值，如果餐廳能夠推出醉冷麵，我諗我哋會揀佢🤣因為真係好好食🤤呢間餐廳行過如果冇留意，真係會走寶㗎，舖頭細細，入面原來有得坐，大家行開葵廣，又唔想食太多唔健康嘅食物，可以選擇佢哋喔～

呢間食店位於人流好旺既葵涌廣告場，每次經過都坐滿食客，難得今次唔使排隊緊係即刻衝入去，呢間食店主打砂鍋雞麵，所有麵都係用砂鍋上，非常熱辣辣，枱枱都見到人叫呢個招牌🤤砂鍋姖松茸蟲草花螺頭花菇雞配刀削麵🐔朋友叫左呢個麵，湯底超級濃郁，好重松茸味，花菇同姖松茸巨量，食極都仲有，雞都好滑，刀削麵咬口唔會過硬，整體唔錯砂鍋花膠雞湯翅配米線🐔一上枱好驚喜，竟然有隻大雞脾，一如概往的好滑，花膠大大塊有2-3塊，湯底有金華火腿好濃好濃，雖然食完好飽都飲晒成碗湯，正

去葵涌廣場覓食，見到這間新開的湯雞好多人排隊。看看餐牌，覺得好似幾養生，所以就即管試下。☁️砂鍋花膠雞湯翅米線 $83感覺份量偏細，雞肉有四舊，花膠有兩大件。米線份量少，女仔而言都可以輕鬆食完，還有點意猶未盡，覺得未夠飽。但係花膠的確好滑，湯底都好飲的。☁️砂鍋姬松茸蟲草花螺頭花菇米線$80感覺好養生，姬松茸蟲草花味重，湯底比較甜好飲。都有幾舊雞肉，唔會鞋口，好食過花膠雞湯翅米線。(⁎⁍̴̛ᴗ⁍̴̛⁎)

經過Pro無數次，以為店舖很小，或者只做外賣，今天被朋友拉着入去，原來地方小小，着座位卻不少，坐得舒服。menu 非常簡單，清晰，我們叫了藥膳醉雞刀削麵，醉三寶粉絲，同埋雞絲粉皮當作小食。簡單來說，湯底濃郁，好味道停不了，酒味濃郁，醉三寶有雞翼，牛脷，豬肚，全部都非常出色，並且分量頗足夠，兩位女士都食唔晒。如果在繁忙的生活中想停一停，補一補，推介！另外店舖雖小，燈光位可以係打卡位，就算坐唔到入去，經過叫外賣也不錯！

<#🐳肥肥食記🐳>👧🏻 葵芳｜滋補型雞砂鍋 $80養身/中餐/雞/湯水📍地址：#湯。雞 (葵芳)葵芳葵富路7-11號葵涌廣場3樓302A號舖🍲砂鍋桃膠雪梨椰子雞成個超級滋補型 女士飲一流 入邊的不會飲到一口油的感覺超級清 叫咗個粉絲配 一口粉絲一口雞真係好鬼正🏠環境地方雖細 但企理同乾淨🤵🏻服務本身坐細枱 當時想換 何奈當時有人要求咗先 但阿哥起好 記得我們想坐得空闊些 結果一有位 記得給我們換 超級貼心🌟總結推介指數：⭐️⭐️⭐️⭐️⭐️環境指數：⭐️⭐️⭐️⭐️服務指數：⭐️⭐️⭐️⭐️⭐️