湊湊‧甄選 (AIRSIDE)

營業中

休息中

1年1度朋友飯局，揀咗位於airside的湊湊火鍋。店外裝修華麗，店員有禮。2人餐好抵食，胡椒豬肚湯底相當出色，海鮮新鮮，牛肉好味。叫咗杯珍珠奶茶，意想不到咁好味，食得好開心的一餐。

有養生花膠雞湯底，啱晒我地d女士。好杰身，未開動前可以先試下飲湯底❤️2人餐夠3個人食，服務週到，難得新開唔洗點等位，坐位闊落。個企鵝丸好特別好cute cute, 不妨一試，寫食評重有飲品送添。

新店舖新裝修，地方寬敞，三五知己聚餐一流。與其他分店一樣，食物新鲜，湯底出色，讚! 值得欣賞調味料地方，弧型設計，取醬料方便得多，而且比較多選擇。另外員工服務照顧週到，常常問加不加湯，鴨血及豆腐，不用自己叫。加上近自己，必定常常來。

今日同朋友嚟到新開嘅商場食飯，見人哋推薦呢間位置闊落，環境整潔，坐得好舒服嘢食新鮮大份，都唔錯大推花膠湯底，好濃郁鮮味，入邊仲有好多料嘢飲都推薦，好多台式飲品揀，珍珠煙韌，特別推薦奶蓋好飲！值得一試！

又黎到我最愛嘅湊湊火鍋食飯，weekday黎叫咗個二人餐，可以有雙鍋先$2xx，我就揀咗2個要加$38嘅湯底，胡椒豬肚湯底同埋金湯酸菜魚湯底，勁多料，埋單先$400，抵食之選。服務態度都幾好呀，仲會介紹下，definitely will come back

此午餐非常抵食!!又好味，勁平，$298/2人，响食物方面，牛肉鮮嫩鴨血入味，酸菜魚湯底嘅魚好好食，無魚骨。出面小食魚皮爽滑，滷肉飯好味，西瓜甜美。下次會再嚟食

位於啟德新開的Airside商場的「湊湊‧甄選」，以其高質的台式火鍋風味吸引了不少食客。雙人套餐提供了多樣的選擇，我選了紅顏花膠雞鍋和胡椒豬肚雞鍋，湯底鮮美濃郁。主打的美國牛肩蓋肉肉質鮮嫩，帶有濃郁的牛肉香氣。海鮮拼盤豐富多彩，基圍蝦、鮑魚、帶子和蟶子王等新鮮海味應有盡有。每一口都彷彿置身於海岸邊，令人愉悅。企鵝丸造型獨特，外形像企鵝，味道更是驚艷。搭配豐富的醬料，每一口都充滿滿足感。餐廳環境舒適，適合與朋友聚餐。而且，餐廳贈送的芒果沙冰更是炎炎夏日的最佳解暑良伴。湊湊‧甄選絕對是品味台式火鍋的新潮流。

晚餐同朋友食飯，環境好，可以坐到關門，沒有限時。配料大碟，同其他分店一樣有送茶凍及解辣飲品，性價比高。但湯底內配料比其他分店少，幸好鴨血及豆腐都可以免費添加，總結適合朋友聚餐！

啟德新商場Airside開幕以來都吸引了不少人前往，趁着假期，來這裏逛逛，商場設計新穎，空間感大，高質素的食肆不少，選擇非常多🫶🏻行到去6樓，發現了這間台式火鍋店：湊湊，餐廳裝潢雅致舒適，有格調，每一個座位都非常寬敞，而且不失私隱度，岩曬同朋友傾偈👍🏻餐廳中間位置係自助醬油區，醬油的選擇非常多，：XO醬，香蔥，香菇醬等等，形形色色，種類多元化💗除了醬油，仲有前菜選擇：中華沙律，魚皮，兩款都爽口開胃✨除左前菜，仲有2款生果 & 台灣肉燥飯☺️正！湯底的選擇非常全面，由清湯到濃湯有8個選擇🫶🏻而我哋就揀咗清涼椰子雞鍋✨椰子香甜與鮮嫩雞肉完美融合，讓人感到清爽又開胃👍🏻湯底入面仲有甜粟米，所以我哋其他配菜唔係叫好多，有以下幾樣：精選羔羊肉沒有一絲腥味，肉香濃郁，入口即化✨魔芋條口感彈牙，吸收了火鍋湯底，更加鮮美✨油條炸得酥脆金黃，外酥內軟，非常適合蘸取湯底享用✨冬粉入口滑嫩，充分吸收湯底的味道，係火鍋必備✨店員還問我哋試唔試呢度的鴨血豆腐，俾咗一碟我哋，鴨血非常嫩滑，豆腐則吸收了麻辣湯底，非常滋味，下次要叫麻辣湯底，可以任添鴨血和豆腐☺️湊湊這間台式火鍋店用料新鮮，環境舒適闊落，店員服務非常周到

走去食lunchset，座位舒服人又少，地方乾淨企理。二人套餐大概$298、鴛鴦湯底揀香菇同埋蕃茄牛尾湯。驚喜位就係有自助台式肉燥飯，但係飯只係蒸到剛剛好，相信長者嚟食應該會覺得啲米偏硬。醬汁豉油、醋、麻油、辣椒、芫荽、蔥、蒜蓉有齊，另外有沙茶醬、香姑醬、XO醬同埋北方人最喜歡食嘅麻醬。另外驚喜嘅係啲牛肉同豬肉並無因為係套餐而俾啲好求其嘅質素，淥熟後再食嘅口感都係滑嘅同埋有肉味。餐廳接近後半部會拎一杯雜果賓治味道嘅沙冰，我哋以為個杯已經係甜品，仲覺得佢趕客先咁做，原來佢哋再拎出大紅袍柑仔果凍，先至知道沙冰係攞嚟清味蕾。埋單$369，算係咁啦。

之前食過一次，味道還OK。諗住今次帶老人家一齊去。訂咗位6:00，因為老人家行得慢。所以6:14先到，點知佢同我講個位已經俾咗人。投訴之後同我講比下一張枱我哋，但係最快都要7點後。叫個老人家企喺度等最少45分鐘？有冇搞錯？唔極度不滿！！我質問話佢點解唔留張枱耐啲，冇餐廳訂咗位只留位10分鐘。又唔打個電話嚟問要唔要喺留位。佢話send咗message俾我哋confirm。但係邊有人會成日check message？不知所謂！！

當我踏進這家火鍋店時，我立刻被它的熱鬧氛圍和誘人的香氣所吸引。這裡提供了一個令人驚艷的火鍋體驗。首先，他們的食材選擇非常豐富，新鮮的海鮮、嫩滑的肉類和各種新鮮蔬菜擺放在各個區域，給人一種眼花繚亂的感覺。湯底的味道更是令人讚嘆，他們提供多種口味選擇，從清爽的酸菜湯到麻辣的川味湯，每一口都讓人回味無窮。除了食材和湯底，這家店的服務也非常出色。服務人員總是熱情友好，迅速為我們提供所需，而且對於火鍋的烹飪技巧也非常熟練，確保每一道菜的烹調都達到最佳狀態。此外，環境舒適整潔，桌椅與空間布置得宜，讓人感到舒適和放鬆。整個用餐過程中，我感到自在且愉悅。總而言之，這家火鍋店給我留下了深刻的印象。他們提供了多樣化的食材選擇、美味的湯底、周到的服務和舒適的環境。如果你是火鍋愛好者，這絕對是一個值得一試的好地方。我期待著再次光臨，品味那美味的火鍋風味。

地方幾就腳，餐廳內格局唔錯。火鍋食物種類不算多，但頗具特色。價格不平，因而食物選擇也較一般火鍋較“特別”，略加心思。是否值得就因人而異，各下自行審視。侍應服務態度還好。新店開張期因吸引好評等有不少優惠，如打卡好評送精緻食品，算有心思。火鍋配料中，肉類，如牛羊等，味道不錯，價格亦因而不平。初次光顧可以一試。反而一些前菜類的食物，如炸魚皮，鴨血等，則出奇地出色，而且價錢相對地合理。入座後，餐廳有送芒果沙冰，不過不失。

我和阿女最喜歡吃火锅，剛巧啟德开了一间为人熟悉的湊湊锅分店，而且新店開業，分別在不同日子打折優惠，我們一家一行六人全家出動，叫到滿臺都是餸菜。服務好，食物品質優，如果長期有折扣就好了。

曾多次光顧湊湊其他分店，如旺角家樂坊、K11，惟獨是次用餐體驗特別失望。平心而論湯底及食物沒有問題，新鮮而且夠濃味，但18:30 晚市 walk in Qr code等位時，系統寫入座後兩小時， 但入座後又變限時一個半小時，十分趕客（之前在其他分店都是兩小時，打邊爐個半小時可以想像好急），其中一杯飲品要催幾次差不多入座後45分鐘後才上到，而且店內人手明顯不夠，侍應非常忙，要叫幾次先找到人幫忙催單及湯底加水，二人埋單接近$1000但又食得好趕好忙，想不到再光顧同一分店的理由。環境：沒有其他分店如家樂城及K 11 musea 寬敞。結論：不會有下次。