湊湊火鍋‧茶憩 (家樂坊)

營業中

休息中

湊湊火鍋原來係香港已經不經不覺開咗八間分店🙈 佢哋嘅餐牌改名都好得意，並唔係好似一般火鍋店或者餐廳一字排列將食材配料列哂出嚟，而係將食物跟種類合埋一齊，相當有心機🖊️首先講「揚之物」就即係揚物亦係炸物嘅意思。我哋點咗一份香酥排骨 - 就係炸嘅豬扒切成粒粒🐽 食到好酥脆有豬肉香味；一份黑虎虎蝦卷 - 見到餐牌有寫建議將佢落鍋涮煮，吸滿湯汁會更對味食到蝦膠嘅味道都幾鮮🦐；酥炸魚片 - 用嘅係黃魚嘅魚片，薄脆薄脆🐟。跟住都叫咗毛肚、美國特選級牛小排、包心貢丸，好飽足🥰

珍珠奶茶好大杯 聽聞係想主要俾啲叫咗麻辣火鍋湯底但覺得太辣嘅人解解辣🙈雖然我哋呢次唔係嗌其中一個招牌台式麻辣湯底但都好想飲佢哋嘅珍珠奶茶🤣 無衝突㗎嘛😗珍珠佔整杯珍珠奶茶嘅大約五分一 睇落未必好澎拜但因為個杯確實好高🤣珍珠係細細粒嗰種 好煙煙韌韌好嚼勁🧋奶茶底就飲得出茶味比奶味香濃突出野食叫咗竹笙、炸雞塊、包心豬骨湯貢丸、美國特選級牛肩胛同埋最緊要湯底：椰子雞鍋&酸菜白肉鍋🥬好欣賞佢地嘅湯底味道濃郁惹味得嚟又唔會令你覺得好死鹹要不斷飲水嗰種好辛苦👍🏻

我自己平時食打邊爐或者湯麵都好鐘意落包心丸類，因為表層會有湯底嘅味道而咬開粒丸之後又會有包心餡料嘅味道😝 講到包心丸類我嘅首選一定係包心芋泥貢丸 但因為呢度無所以就叫咗個同屬包心丸類嘅豬骨濃汁貢丸🍡 結構就係貢丸包著濃縮嘅豬骨濃汁湯底 一份四粒每粒都圓碌碌大大粒咁貢丸係一如既往煙煙韌韌嘅口感 入面豬骨味道的確好濃郁但又唔會話濃到好似一舊膏咁奇奇怪怪🤣另外都叫咗一碟美國牛肉 沙巴魚同蝦夷扇貝 牛肉好鮮甜 海鮮就好新鮮好好味🐮🐟

話說閉關喺屋企辦公咁耐今日終於同男朋友出嚟是我哋最最最最鐘意嘅台式火鍋🍲因為都幾肚餓所以就叫得豐富啲要咗個雙人套餐$698👩‍❤️‍💋‍👨首先鴛鴦鍋湯底可以係八款裡面揀兩款 我哋就叫咗一辣一唔辣：台式麻辣鍋+紅顏花膠雞鍋🥣肉類係伊比利亞黑豬肉同烏雞卷二選一 加美國特選級牛小排 我哋就叫咗伊比利亞黑豬肉🐔伊比利亞黑豬肉比平時食開嘅更有彈性同埋豬肉香味但又唔會過份油膩🐽推薦係企鵝丸同芝士魚腐二選一 因為我對造型食物唔太感興趣所以叫咗芝士魚腐🧀魚腐彈牙夾雜著香濃嘅芝士 芝士控必點✨海鮮叫咗鮑魚2隻蔬菜叫咗爽脆之選萵筍主食叫咗吸湯嘅冬粉🍜兩個人食完都真係超級飽🤣🤰

飲品餐牌都分咗幾類唔同嘅名主題，有回清甜 訪清香 嘗酸甜 求鮮爽。我今次無叫平時經常飲嘅珍珠奶茶或者奶類，反而就叫左一杯求鮮爽入面嘅冰荔枝綠茶QQ🧊係綠茶基底加咗啲荔枝糖漿(?)同埋蒟蒻粒粒由細到大都好鐘意啲嘢飲入面加蒟蒻粒粒 感覺更解暑 而且一粒粒好有口感 好似有得飲又有得食咁😍😍青蟹x1美國特選級牛小排x1墨魚仔x1椰子雞鍋&酸菜白肉鍋x1無骨雞腿肉x1食物方面無論係任食嘅冷盤前菜 單點海鮮單點肉類 至到湯底水果都好好味好高質 我同朋友仔都食得好開心超滿足🥳

叫左比較少見嘅青蟹 $ 328，青蟹帶著獨特口感 放入火鍋湯底煮熟拆殼剝開後會見到橙黃色爆滿嘅蟹膏 而且聽講青蟹嘅營養價值豐富 高蛋白同時低脂肪 適合依家一眾追求健康飲食美麗體態嘅都市人😆椰子雞鍋x酸菜白肉鍋 $ 276兩款鍋都係真材實料，椰子雞鍋有大量椰子肉 去咗心嘅玉米 原粒紅棗 加一塊塊雞肉，啲椰子肉超爽脆韌韌地咁又幾清甜🥥雞肉切成塊狀而且每塊都唔小 所以食落好多汁又有口感 都幾鮮甜；酸菜白肉鍋就有好多酸菜 芫荽 原條紅辣椒 加白肉片，齋叫湯底都已經有好多送食😋

🦑墨魚仔兩隻兩隻咁上 雖然係細細隻但係原隻嘅墨魚仔 ，因為係薄脆都算脹卜卜咬落去會韌韌地甘都幾好咬👅 每隻墨魚仔前面有塊靚靚嘅花形狀紅蘿蔔🌹造型感好重！鴛鴦湯底叫左台式麻辣鍋拼養生花膠雞鍋🥣台式麻辣鍋顏色紅通通一睇就知道佢唔野少，飲落都果然好豐富 同四川麻辣鍋相比無咁嗆 味道辣中帶甜 更有層次感🌶️第一啖飲落會首先嚐到香辣味 然後先慢慢回麻嘅感覺 嘴唇就會有少少麻痹，跟住先越食越麻👅 但飲啖水就可以中和到 唔會話持續好耐令你好辛苦或者唔可以繼續食野👍配料方面個毛肚🐮好有驚喜 洗得乾淨之外質地爽脆又吸滿辣辣嘅湯底味道！

1⃣沙巴魚沙巴魚切成小小片再捲成球體將佢放入個圓形竹輪入面 賣相好可愛好精緻，沙巴魚無魚骨魚刺所以可以食得好放心 小朋友老人家都可以安心食👍魚肉外層有嚼勁內層魚肉又好滑捋 口感得意得黎都好好味，配搭今次叫嘅台式麻辣湯底相輔相成 吸左滿滿嘅辣汁更爽。2⃣台式麻辣湯底台式麻辣湯底唔係死辣好粗暴個種 而係你真係飲得出食得出用咗唔少辣椒去褒嘅味道🌶️個人超級鐘意呢個麻辣湯底 但因為平時食開大辣關係所以會希望佢可以更辣感就會更惹味啦！但呢個程度就屬於比較容易接受 比較老少咸宜嘅味道👌

放心放心 我講嘅企鵝並唔係真嘅企鵝肉 當然唔係食企鵝咁得人驚啦！講嘅係呢間餐廳好有特色嘅企鵝造型墨魚漿丸子🐧 係名副其實嘅相機食先！好多時候啲造型食物落鍋煮完就已經面目全非 可以係顏色甩左或者形狀變左，但呢款企鵝墨魚丸都保持得好好 依然係完好無缺嘅，味道同一般墨魚丸差唔多都係彈牙彈牙！另外叫咗個美國特選級牛板腱🐮肉質口感有咬口但唔會太難咬🥢有肉味 隨便涮一涮已經好好食！下次有機會一定要帶屋企人過嚟 餐廳嘅性價比好高😍

點了鹵三牛拌麵和酸菜魚麵各一個，另外一杯原祖經典珍珠奶茶。不好吃，太沒味道，小吃鴨血及豆腐味道亦一般。沒下次了。這樣的質素，絕對影響到我對這店的火鍋，而且台灣店長對於我誤拿火煱才有的水果，態度傲慢又沒禮貌，對這店極度失望😞。

諗住抗疫終於鬆綁到去19號 可以堂食到12點所以 去食返餐好😆😆😆🤣一來到門口 已經覺得好靚心情即刻大喜悅今次叫左個2人套餐 ＄698簡單直接 唔洗點諗之後再額外叫多2枝飲品 大大杯 好飲水蜜桃綠茶 ＄32鴛鴦大紅袍冰沙 ＄38唔會太甜 茶味夠出左邊係 蕃茄湯底 右邊係養生花膠湯底各有特色 但蕃茄湯底就真係酸左dd牛同豬肉都新鮮ge主打的無限添加鴨血都好味 豆腐少少spicy好野味………… 咁一定要叫多幾round 食返夠本最後職員好貼心送埋甜品 同小飲品（似益力多味）比你解下油膩感 好正係到服務又幾好 加一都抵比下次會再來架開心打下邊爐之選

歡迎追蹤我的IG @esther.daily_ / @esther.dino了解更多喔！成日出街嘅時候都經過呢問火鍋店！早幾日8點幾心血來潮想食火鍋就入左去啦~簡單資料：八點幾去嘅時候唔使等位（可能因為己經好夜)• ，入咗嘅時候有講食90分鐘。有二人同四人套餐。套餐入邊包咗醬料費用，單點的話應該要額外收取醬料費用。裝修：環境整體都好舒服，剛好我哋坐咗喺逃生出口隔籬嗰個位置，雖然間唔中會望到啲污糟碗碟架車喺我哋附近，不過有個鐵網隱隱約約還好。火鍋店來講，裝修同設計都算有心機有 language。食物：蟹粉黃魚＋胡椒豬肚鴛鴦湯底。前者基本上就係黃魚湯底再比額外比一碟兩份嘅蟹粉配料。湯底係好味嘅，但係鍾意食牛肉嘅朋友可能會覺得同胡椒豬肚夾啲～我哋再單點左兩個和牛，牛肉味道正常。有一啲有和牛嘅放題店（三百幾至六百幾一個人頭）嗰一啲牛靚啲。最驚喜嘅係墨魚漿企鵝丸！本來以為係硬骨骨唔好食！ 點知佢非常軟滑！ 好好味！ 絕對係大推！

食物ok, 員工對餐廳運作唔了解，冇比我用OpenRice pay 優惠。醬料好味，但有啲冇提供。最推介台式麻辣火鍋同蟹味黃魚鍋，每次必食。黑毛豬係肉類之中cp 值最高。

自從禁晚市之後都少左出去打邊爐，難得媽咪放假就帶佢食餐好😆😆今次去左家樂坊個間湊湊火鍋‧茶憩🍲地方大之餘又坐得好寬敞舒適，外面仲有個任食自助吧包括有唔同既醬料、餐前小食同水果，可以係打邊爐前醫一醫個肚☺️☺️☺️佢地有好幾款湯底可以選擇，我見蟹粉黃魚湯係季節限定就試下佢🤩真心十級推薦蟹粉黃魚湯👍🏻👍🏻魚味濃之餘，入面有兩大舊魚肉，仲要係煎香過，仲有4碟蟹粉，見到都流哂水🤤🤤店員溫提示可以先將蟹粉放係碗度再加湯感受下，嘩飲落極濃郁又鮮甜，真係必試🤗🤗🤗企鵝丸企鵝🐧外型好誘人又得意，忍唔住叫黎打卡，估唔到原來係墨魚漿製，食落彈牙得黎又鮮甜🥰而且墨魚味好濃郁，好食到想encore多次😚😚牛肩胛肉眼牛肉都幾大塊，油脂分佈好平均，食落牛味濃之餘，肉質嫩滑又多汁💦加拿大松坂肉以玫瑰花為造型好吸睛🤩但食落就麻麻地，肉質比較韌，而且送到黎個陣又未解凍，想一片片食都唔得😔風味鴨腸平時食鵝腸既我想試一試鴨腸係點，食落係爽口🙂但冇鵝腸肥美，始於都係麻麻地🤨🤨飛魚籽墨魚滑墨魚滑入面佈滿飛魚籽，彈牙得黎勁有口感😋😋墨魚既鮮甜配上飛魚籽簡值一流👍🏻最後仲有甜品，梅子茶凍，綠茶既清香配上酸酸甜甜梅子可以解解膩😚

早前行開黎旺角家樂坊呢邊見到呢間火鍋店幾吸引，今次同友人都想打邊爐就嚟試吓，大家記得要預約如果Walk in應該有排等，平日都多人排隊，食物方面叫左日本鹿兒島和牛肩胛，賣相吸引，擺設放置幼小樹枝，好岩打卡拍照，和牛肩胛肉質擁有均勻雪花，入口即溶，牛好鮮味濃郁，另外叫咗企鵝造型嘅墨魚滑，食落幾彈牙，墨魚味幾重，我推介佢既炸荔枝蝦球味道很特別，配上脆脆的表皮蝦滑好彈牙整體食物質素都幾高，會再encore