湊湊火鍋‧茶憩 (圍方)

營業中

休息中

整体来说非常满意。首先，店内的环境非常舒适，装修简约又温馨，给人一种放松的感觉。其次，服务员的态度非常友好，热情地为我们介绍了各种食材和调料，并随时关注我们的需求。这让整个用餐过程更加愉快。火锅的食材质量也很好，新鲜度一流。肉类、海鲜和蔬菜都保持了原汁原味，口感鲜美。特别推荐他们的牛肉片，切得非常薄，煮熟后嫩滑多汁，真是美味至极。火锅底料的味道也非常正宗，有多种口味可选。麻辣底料香味浓郁，辣度适中，非常开胃。清汤底料清淡爽口，非常适合素食者。而且，店家还提供了多种自制的蘸料，让人可以根据个人口味调配。总的来说，这家火锅店给我留下了非常好的印象。美味的食材、舒适的环境和优质的服务，使我和朋友们度过了一个愉快的用餐时光。如果你想要品尝正宗美味的火锅，我强烈推荐这家店。

第一次去圍方既湊湊火鍋，店員服務態度好好，會主動介紹最新產品，上菜速度都好快☺️🤣🤣叫左2人餐，胡椒豬肚雞湯底同埋菇菌湯底，兩個湯底都好足料抵食🤣😋烏龍珍珠奶茶都好飲

湊湊火鍋提供的不僅是一頓美食，更是一次難忘的服務體驗。員工熱情周到，每一位顧客都能感受到賓至如歸的待遇。他們細心的服務，從每一個小細節中都能感受到對顧客的深切關懷。走進湊湊火鍋，你會被那精美絕倫的食材擺盤所吸引。每一道菜都像是一幅用心繪製的畫作，色彩鮮明，搭配和諧，不僅讓人食指大動，更是一種視覺上的享受。食材的擺盤的精美程度令人讚嘆不已，每一道菜都像是一件藝術品，讓人不僅滿足於味蕾，也為視覺帶來享受。湊湊火鍋是同朋友小聚的不二之選。

今晚book了6:30 7位VIP房打邊爐連卡啦OK最低消費$3500只得2.5小時，真心覺得時間不夠以3500元最低消費2.5小時從入房set咪已浪費了最少30分鐘，因房內卡啦OK咪大多時間都失聲，職員重複調較了數次才好些少… 及後斷斷續續一時有聲，一時無聲…湯底到後需時滾熱，食物到齊已經7:30左右，到8:30左右職員已入來催數次9:00交房，入來數次執嘢，真心無言！！！明白到book枱前已講明2.5小時，但有冇諗過現在是消費$3500不是$350，這種服務真的夠時間嗎？如果我們坐在廳位置，2人消費$800限時2.5小時我覺得合理，但一班人最低消費$3500限時2.5小時 ，我真心覺得差，為了接多一枱客而這樣設呢個服務，令口啤差，不會考慮再到食，那不如取消卡啦OK，等食客專心打邊爐才趕得上2.5小時內交枱當包房那會更好。終於明白到香港人轉移北上消費洗費貴，服務俾人差，沒有優勝的原因

本人第二次嚟大圍圍坊嘅湊湊火鍋，諗住今次試吓佢VIP房有卡拉OK設施嘅打邊爐。可惜今次體驗非常之差，除咗食物質素本身唔錯之外，卡拉OK音響一般，咪成日冇聲之餘，已經叫了數次職員去換電，可惜情況一樣啲咪一時有聲一時無聲。搞到我哋好狼狽，仲有啲歌曲又舊，中文歌詞全部係簡體，除咗要兼顧打邊爐點餐外，又要顧及喺兩個半小時內唱K，都差唔多最後嗰半小時不斷催促埋單兼多次提及湊夠數埋單最低消費，但都冇理我們嘅情況就叫我們埋單！說外面有客人已經book咗房。搞到我哋好琴琴青食埋啲嘢，經過今次體驗之後本人決定以後不會幫襯！！

非常有親切感員工非常友善，價錢便宜，食物新鮮，環境非常舒適、湯底非常好味，份量夠，食物多選擇，飲料非常好喝（特別係大紅袍珍珠奶茶），令人回味無窮，非常感謝所有員工耐心服務的

不是第一次到湊湊食火鍋，之前去過幾次旺角分店，服務一流，不用提示服務員都會不停上菜，鴨血豆腐無限供應，沙冰啫喱，自動自覺奉上，感到賓至如歸今次大圍分店點咗個鴛鴦鍋嗌咗牛肉雞肉海鮮蛋餃鹽酥雞烏冬鴛鴦鍋味道份量足料，蕃茄湯底有牛膝起碼三大件，味道濃郁，胡椒豬肚可一飲再飲，但奶味較重。出邊醬料吧，醬料比較多，小食款式唔多，水果只有哈密瓜及蕃茄排隊等位超耐，排到下一張被安排要我們一家三口坐二人卡位，根本坐不下，之後被通知要再等多半小時但我們已是下一張枱，已經等咗超過45分鐘，表示半小時才有人埋單，前台不懂服務，有趕客感覺，不敢恭維沙冰及啫喱，基本上要催促多次先有，比旺角分店服務差一倍價錢貴，無服務，無下次

朋友好想食呢間火鍋店好耐，所以今次就嚟試一試，一開始每位會收19蚊嘅醬料同埋前菜費，可以喺醬料吧自製醬料，另外包咗白飯同埋兩款前菜，分別係涼拌魚皮同埋普通嘅中華沙律，仲有西瓜叫咗個鴛鴦湯底，一邊係雜菌湯底，另一邊係台式麻辣湯底，麻辣湯底嘅鴨血同埋豆腐可以無限添加嘅,抵食，雜菌湯底嘅味道亦都非常之濃，兩款湯底我都好鍾意配料方便覺得蔬菜類唔係太抵食，叫咗一個牛肩肉，一個羊肉，羊肉唔係太推薦，因為偏肥，唔知係咪部位，但係蝦滑就好新鮮而且好多蝦，真材實料，仲有一個企鵝形嘅墨魚丸，只係形狀比較可愛，味道上同普通墨魚丸冇分別

這間火鍋店雖然沒有標榜是親子食店，但個人覺得很適合和幾歲大的小朋友光顧。首先，用餐限時2小時，時間足夠，其次，食物散叫的，也有套餐，適合食量少的小朋友。食物方面有企鵝丸和海鮮lollipop 不但外型討好，味道也不錯。而且有西瓜和蜜瓜任食，都是小朋友喜歡的。特別的是店員不時過來送上細細份的免費食品，例如特式咖啡、沙冰、甜品等，充滿驚喜。整體而言，環境很舒服乾淨，食物質素不錯，店員友善，價格不算很便宜但合理，我們大人和小朋友都很享受這一餐。

好耐未寫過食評，今次忍唔住要講下圍方湊湊鍋的服務很一般，好多野唔會主動比，全部要個客問先會有：1. 6:00前埋單有85折，要問佢先講係set除外2. 食左超過一個鐘無加過鴨血，問先加3. 拎張單黎叫人埋單都唔上埋甜品，都係問先會有，朋友之前試過唔記得問就真係無得食之前食過幾次k11 art mall個間，不論食物/服務我都會比100分，但今次圍方呢間，食物質素可以，但服務唔ok，同k11比較，還差很遠。第1. 點要問下都正常既，但2. & 3. 都要問就唔ok la, 仲要當時係下午，入坐率目測8成半，下次都係去返K11食算。

秋風終於起~ 係最好嘅打邊爐時候喇！首先，講下佢嘅鴛鴦鍋湯底啦！真係好正，兩個人打都可以有兩款湯底～佢哋嘅鴛鴦鍋湯底有好多款可以揀，清、辣、濃、淡、養生都有，可以分開兩邊，唔使怕要就邊個！口痕友又可以一邊食麻辣、一邊食清湯，真係岩曬一眾好奇寶寶！先嚟就係冰鎮鮑魚啦！呢個係個少少貴啲嘅，比想像中少，但都可以一試嘅～鮑魚嘅肉質厚實鮮嫩，但反正我地都係勁肚餓，Ｄ 野食一黎到就即放入鍋，佢冰唔冰鎮都無所謂～但如果有朋友係中意，放係張檯欣賞下個鮑 十幾分鐘之後先食，咁就可能需要冰鎮喇再嚟就係人人都點嘅「企鵝丸」啦！味道係比想像中好，外形都可愛，令人忍唔住想咬之前，望多一眼～真係一款岩曬我 D 充滿少女心嘅朋友仔！最後嘅特選級牛肩胛啦！呢款牛肉真係上乘到冇得彈！每一啖都食到牛肉嘅鮮美！真係令人回味無窮！呢個可以叫三盤！總括黎講，企鵝丸 同 特選級牛肩胛 係我覺得比較值得叫嘅～留意返，最近都多人，最好早多多黎～ 如果唔係有排等

今日同老公去左圍方行街係一間新開既商場但原來有同事介紹佢要食湊湊話好好食喎 所以結果我地都去左🤭我一望個餐牌又係比佢個午市套餐吸引左 $298兩個人前菜好食配料花款多係魯肉飯火鍋方面加左$38 花膠雞湯但真心 花膠雞湯其實吾吸引因為個花膠雞湯好結身而職員亦都好遲先同我地講個湯底要不停攪但係個湯已經痴哂底同濃左而且舊花膠煲到最後都吾淋有d似美食節五十蚊買個d佛跳牆花膠雖然個湯入面真係有兩粒鮑魚但吾係特別吸引所以吾建議叫！！！！！👺👺👺👺👺但值得一讚係吾洗加錢既台式麻辣鍋入面有鴨血 仲有好多紅棗同豆腐 湯底夠香 牛肉係依個湯底下熟得快過花膠湯配菜都夠多 多到食吾哂成個套餐仲包兩碟70g肉 (有牛豬選擇）我地就叫左美國特選級牛板腱同埋牛肩胛肉質軟身 配埋自選配料醬合乎個人口味佢仲有桃啫喱送入面真係有果肉再加埋杯細細杯 水蜜桃菠蘿沙冰埋單找數$370/2抵食過晚市好多覺得賺左🌺🌺🌺🌺🤭

每次經過圍方都見到入面裝修好靚好特別，裡面偏藍偏暗充滿神秘感，而且有煙霧效果好似去左仙境咁，今日放假同朋友就去試下，十分期待我地都係walk-in等左半鐘度就可以入座了，裡面果然裝修特別，不過地下有痴笠笠既感覺，唔太舒服茶錢需另計，包出面食物吧既醬料同肉燥飯，茶香甜，用黎解膩唔錯醬料吧有唔少選擇自己配搭，但衛生情況一般清涼椰子雞湯底椰子味淡，欠鮮甜味，有點失望海鮮棒棒糖造型有趣打卡一流伊比利亞黑豬肉，脂肪同肉比例唔錯，推介烏雞肉卷口感特別，食落有層次，如果食厭左豬肉牛肉片，絕對值得一試竹蟶鮮甜味唔算好突出最後仲免費贈送 波蘿沙冰 同 蜜桃大紅袍茶凍 作結尾

湊湊開左咁多分店但從未食過，圍方開幕咁就腳，一於過黎試吓星期五晚好多人，book唔到位唯有現場walk in，不過真係等左好耐！門口位都算貼心，佢地都知d客要等好耐，準備定一大盤紫薯波波同茶俾客人頂住肚先等左1.5小時😓到我地入位時已經冇晒人等位！等左咁耐終於坐低叫嘢食，我哋3個人，二人餐睇落都幾抵，叫左二人餐再叫左d唔同配料，豬肉、羊肉、響鈴、豆腐⋯首先上檯係鴛鴦湯底，台式麻辣+椰子雞湯，湯底味道不錯，套餐配料陸續上檯，牛肩胛同牛小扒、企鵝丸、基圍蝦、皇帝菜同粉絲。牛肉質素都唔錯，雖然底部都有墊d菜，但份量都唔少！基圍蝦上檯時蝦身仲係透明，而且仲好生猛郁緊都想讚下竹籤係剛剛好插係蝦肉同殼之間，令到煮熟後好容易就剝到殼企鵝丸係湊湊火鍋signature ，真係幾有心思，造型可愛之餘，底部特登界左一刀，可以排排企係鴛鴦鍋中間食得又玩得，完全係打卡able其他配料都不錯，原來鴨血同豆腐係可以無限添加，二人餐本身都好多野食，我地額外叫既野食都食唔晒，未食晒既配料店家仲會提供打包盒同袋，並且唔需要收費整體黎講呢個質素都算幾抵食，難怪每間分店都咁爆滿

星期日夜晚排隊都好多人，等到9點後先入到去食。咁啱佢做緊優惠，9點後單點餐牌8折。食物：8/10嗌左麻辣湯底，一啲肉盤，海鮮，蝦滑，菜啊。麻辣湯底幾香，唔太辣，適合啲唔太食得辣嘅人2個牛肉盤份量都唔多，但肉質唔錯。蝦滑啲蝦好足料，食落去啖啖蝦肉。啲蜆餐廳幫你開左款，但開完之後放落去打邊爐，係會跌哂出嚟，唔會痴住個殼。蜆肉好細，唔太抵食其他野食就正常水平出面自助吧有少少前菜同生果果日嘅哈密瓜好甜好好食，西瓜就一麻麻地冇咩味道服務： 3/10 上菜速度有少少慢，有啲餸要成半個幾鐘，要催佢先上到。甚至有個沙冰係我哋已經食完所有野都上唔到，途中有叫過幾次侍應，問幾時會有。但佢都係不停地話等陣有等陣有，不過我哋完全feel唔到佢有幫我哋催過。最後等到頂唔順，就走左。走果陣望到水吧啲人根本唔係整緊沙冰，而裝沙冰個機入面都冇哂野，佢哋仲係度清洗緊，好明顯就冇諗過要出沙冰比我哋。當日隔離枱都不斷催沙冰，而係我哋走嘅時候，隔離都係未有。環境：7/10呢間新開嘅環境都幾靚，等候期間有茶水可以飲用，亦有好少小食。但我哋坐係個位置設計到非常隱蔽，而侍應又唔常行過嚟，令我哋每次嗌人都好困難。Overall :