港里冰廳 (恒福商業中心)

營業中

休息中

店里吃饭，吃到巨大虫子🐛🐛🐛，负责人没有任何歉意，态度极差，只说了句说明菜是有机的，不做任何处理，反而觉得顾客无理取闹，用有色眼光看待客人，还说西兰花是配菜，你可以不吃，难道配菜就应该清洗不干净，就应该有一个巨大的虫子吗？孩子吃饭虫子都被吓哭了，负责人还说你们赶紧安抚你们的孩子吧，态度极其恶劣！！！请大家擦亮眼睛👀，到港第一餐，严重影响心情，体验感极差。影响整个旅程心情，大家擦亮眼睛👀吧

之前嚟食過兩次覺得嘢食okay 啦，地方都算乾淨嘅，今日諗住食個快lunch,入嚟見到牆上面個電子餐牌，第一行寫住選用走地雞嘅海南雞配香蔥油飯，問餐廳職員可唔可以「走胸」，佢話冇㗎，不過可以加十蚊𨍭脾，心諗個餐$66再加$10，$76我一定可以食得好啲，所以冇𨍭。湯同奶茶未到，個飯已經嚟咗，相機先食，影完張相拎開碟醬下面全部都係「白曬曬」去咗骨嘅雞胸（失望到唔記得影低😥😥），另一邊有隻斬開嘅雞翼加幾舊帶骨嘅雞胸。😭😭見到啲雞個樣已經冇晒胃口，食落去更加勁後悔，覺得今日嘥咗60幾蚊。今餐嘅感受：從未食過咁難食嘅海南雞飯，只可以用白曬曬、凍冰冰（雖然預咗）、嚡熠熠同淡而無味嚟形容。仲話選用走地雞，連雪雞都不如！😭😭我啃晒啲雞，食咗幾啖飯，飲咗幾啖奶茶，飲埋碗湯，快快走人，應該經過今日之後都唔會夠膽入嚟再試其他嘢食！P.S. 今餐失望到一個點，之後去咗一間餃子店，食咗幾隻鍋貼加埋杯豆漿，先感覺良好番啲啲。😥

好耐冇去茶餐廳食早餐，叫咗份典型嘅港式早餐。有雪菜肉絲米粉+煎雙蛋+迷你菠蘿包🍞雪菜肉絲米粉就正正常常，不過裡面有少少辣椒絲，所以味道比較濃。估佢唔到嘅係有菠蘿包!!! 菠蘿包外層都算脆同香😋

今時今日仲可以咁差嘅服務態度！ 我以為澳牛出咗名㗎啦！估唔到呢間港里茶餐廳一樣！ 我自己身為香港人我都好奇怪，問過夥記攞個餐牌睇佢叫我，自己睇個檯面 最慘佢基本上呢一個四人座位,每一邊呢就係只貼一張 ，細個一半A4 size嘅餐牌!! 再＋上啲字係好細隻 我呢啲有老花嘅點會睇到呀 ！！ 咁咪問個夥記 畀一張早餐餐牌我睇, 兩個都唔肯提供!! 只係繼續叫我睇餐枱 我結果要趷起身行過對面位， 仲要搬開 嗰個枱面嘅 食物餐具先睇到！！ 係咪好精彩呢🤪痴線 ！！打印餐牌成本有幾貴啫? ！當你好貴都係六蚊一張影印。你仲要細個一半A4 size，你一次過打印一張都可以擺放到四個餐牌啦. 你六蚊可以打印到四張餐牌咁都唔肯投資 ， 夥記佢仲要個樣好厭煩 當你問佢攞餐牌 ，香港茶餐廳 多得呢啲咁嘅餐廳服務 想好都難啦！ 唔好怪人北上消費 😩最後試咗去所謂嘅招牌沙爹牛肉 ，非常普通， 唔需要專登走去試 ！奶茶完全唔合格， 求其自己買即沖嘅都好飲過佢另外蛋治又係唔合格, 炒蛋：雞蛋冇味 ,炒得太碎.菠蘿包個皮 用鐵匙羹都敲到kwok kwok聲, 證明好硬，不合水平👎服务差，食物质素不合格，不会再幫襯了。。

有效率有禮貌茶餐廳今日去完裕華買野，行去尖沙咀搵午餐，行到去一系排隊，一系裝修好舊，終於行返轉頭中途見到哩間，因為之前行過見到麵包同裡面裝修都OK。12點半左右去到仲有卡位，2個人坐4個人卡位都無話你，OK喔。坐睇叫左兩個午餐，覺得服務態度吾錯—叫海南雞本來要求走胸，伙計大哥話要加$10轉肶，跟著加一句其實廚房可能吾叫都比你，最後又真系比左肶。—真系1分鐘都無就上菜，真系有效率，—上到來啊姐仲好風趣咁話啊媽靚湯，又話咁快系出量咖嗎，哈哈。—在午餐途中亦見幾個伙計對其他客人態度非常友善海南雞飯餐($66)3分— 是雞肶，太開心啦！—睇到雞肶連最低果塊都見到有透明的雞油，好難得。— 雞皮可以話有彈力，可惜雞肉比較熟，好在吾鞋，都算有雞味，所以如果系雞胸就吾知道會點啦！— 油飯聞到好香，食落比較其他餐飲重姜和香料味，幾特別，唯一吾好系太硬，食完都有頂胃感覺。土魷魚蒸肉餅($55)4分—土魷估計吾系一起蒸而似系炸過最後放系肉餅面，所以幾香，幾有心思—肉餅都系正常肥肉比較多，吾死實，都算有肉味。—哩個餐又系差在個白飯，比較硬。例湯(5分)— 比足料，好甜，成碗青紅蘿蔔，仲有雞腳同豬骨，奶茶(4分

至愛的沙爹牛肉麵和港式奶茶 這裏都好美味 簡直是絕配👍奶茶的味道是正宗的港式奶茶, 非常好飲！星期日到佐敦必去的地方, 但是有時很多人,有種擠迫的感覺. 還有每人必須嗌一個餐 不能白坐😂

行過見到香港懷舊餅店先有既朱古力曲奇，食落口感不如預期，較為淋身，缺乏鬆脆的質感。朱古力味道濃郁，但整體口感欠佳。外觀金黃光滑，但無法掩蓋口感上的不足。如果真係想食，建議搵過其他。

係附近上完堂就到附近食個Lunch，諗住方便搭巴士是但食就入左而間茶餐廳點食《中伏🤢難食到一個點》。lunch時間揀咗個菠蘿雞扒焗飯跟湯及熱飲☕️，諗住食焗一定唔會難食🤔點知中伏難食到🤮焗飯個炒底太差看似好好食，食落一啖啖好似薯蓉質地既飯勁嘔心🤮炒蛋飯都做唔好點樣做焗飯？竟然可以中間濕到一嚿嚿成坺嘢😵‍💫諗住食雞扒算啦，點知啲雞扒勁鹹一啲都唔好食。菠蘿成個飯應該得三至四粒$62食過咁嘅飯坐得辛苦又要搭枱寧願食連鎖大x樂好過。

奇怪假期都可以直入，但趕時間就揀咗最緊要就腳的「港里冰廳」常餐$53吾使二分鍾已經全部送到，絕對是極速。但整體賣相真麻麻沙嗲牛肉米碗超大，沙嗲牛肉大塊，沙嗲汁比例少，牛肉入味但好多渣。不過想吃公仔麵所以改咗米粉，平時好少食米粉覺得佢都幾爽口，比公仔麪容易消化。炒蛋，丹麥多士一睇就知炒蛋是預早炒好，連最基本的溫度也欠奉，最攪笑系冇拿拿加左樱花蝦同埋兩粒好假嘅迷你帶子系炒蛋面，味道就正正常常；丹麥多士預咗多油，但估唔到會多到bid 曬出嚟，頂唔順用紙巾索，足足用左4 張紙巾先攪得掂，入口仍然系油，都係凍嘅。熱鴛鴦，夠熱，茶味比較重，有啲鞋口。一間水準勁走下坡的茶餐廳、肯定是我最後一次幫襯。

諗住試吓海南雞飯，+10轉雞髀，20分鐘都未整好，等到整出嚟，真係嚇死，咁大個人食海南雞都未試過變咗蒸雞，雞脾縮曬，肉全熟，仲混雜兩三舊雞胸，完全唔係嗰回事，真係唔會再幫襯

大約下午3:30 ，見到餐廳門口E- display有午餐，覺得選擇頗多，於是進入門口收銀問我多少人我說一位，他說要搭枱，我說沒有問題，剛好跟着門口開門位置有張二人吉枱，叫我坐在那張二人枱，坐下來後沒有人招呼你，門口位置偏熱，隔離又坐在一個有體汗臭味的大叔，想搵侍應落單，舉了幾次手也沒有人回應，有一個類似見到你，但是也沒有即時回應，心想最後一次機會不回應便走，既然餐廳咁缺乏人手為何不採用而家最興嘅QR code落單呢？因為我食嗰個係常餐都要成50幾蚊一客，價錢略貴，其實而家食個茶餐Over $50都唔係問題，但係你唔好一副愛做不做的樣子係咪嫌棄我一個人幫襯呢？我食呢個下午茶茶餐一啲都唔享受，貼錢買難受，以後唔會再幫襯⋯

餐廳餐牌上說明早餐是牛油餐包，但是沒有附上牛油！當我問侍應的時候，侍應說牛油已在餐包內！ Amazing！以此邏輯，餐牌應該更改為麵粉牛油雞蛋糖餐包！再問其他侍應，他們異口同聲說沒有牛油比的！完全違反商品說明條例！比張枱我哋，完全沒有抹枱😰

呢日夜晚又嚟佐敦搵食，呢間茶記開正響彌敦道，出面就係巴士站搭車方便，就嚟試試。叫咗兩款小菜：1.     西芹雲耳雞球：雞球都幾滑同入味，成碟份量足夠2.     滑蛋蝦仁：呢個實在唔多掂，有幾隻蝦咬落有少少霉之餘，成碟餸係無味的😕，蛋又完全無蛋香😓，食食下要自己落鹽，只係叫做份量算多其中一個加$15轉套餐，跟例湯、白飯同上湯娃娃菜，例湯都係一般茶記味精湯，娃娃菜正常發揮但偏少呢度的小菜價錢偏貴，單叫一個小炒最平都70幾蚊，要加$15先轉餐，即最平都要$90，呢個價錢附近大把更好的選擇。所以一次就夠了！

早前四處周圍走走趴趴，誤打誤撞食到一餐不錯的下午茶。茶餐廳前枱有自家焗麵包、蛋撻等外賣，有幾位女士在排隊買包，典型港式風格：入內，見收銀的事頭婆幾好傾，她說這分店開了大概一年多。硬件屬一般清潔光良的茶餐廳格局，軟件食物與茶記大同小異，吸引我眼球的是其中它的常餐 D「即滾枸杞豬膶湯麵」$55先上有「櫻花蝦帶子炒蛋配多士」蛋炒得幾嫩滑，吃到少許奶香，也是炒蛋嫩滑的要素之一：櫻花蝦和帶子比較似是「聖誕」裝飾多於實際功能，沒有令味道有很大分別，眼感及心理上就感覺高貴了：脆丹麥多士是店自家製，已蠻重牛油香，不用自己再塗牛油，有些少似平面版「奶油豬」：主角出場，我也好耐無飲過枸杞滾豬膶湯了：今次用它來做湯底配丁麵，印象中除了蕃茄湯底，較少見用家庭式滾湯代替茶記速食湯底：豬潤剛熟，爽滑，完全無異味，不錯：夾埋枸杞加薑片一起吃，確有在家飲「滾湯」的感覺，清甜且味精感不重。因為是即滾，要等一會，飲完成身暖笠笠！麵是真 • 丁麵，爽口正常：加杯熱奶茶，用上黑白淡奶，甚香滑：可能我細食啦，食完成個餐都幾飽，$55 吃一頓有心思的常餐，抵食。

去開呢頭返工，初嚟報到就俾啲同事帶咗去食豬潤麵。我對豬潤嘅印象就係一啲只會喺粥上面出現嘅嘢。估唔到調返轉擺喺麵上面係另外一種享受。.雖然得個幾塊，但係對於驚膽固醇超標嘅我，四塊豬潤絕對係足夠，想食多幾塊但係都唔敢。豬潤咬落去啱啱好，唔會太傻太鞋，亦都唔會太生。.炒蛋多士喺呢個餐配送嘅，比出面茶餐廳好食，仲有麵包糠底唔使加錢！！（呢個先係重點）。寫食評之前我都已經食過幾次你個套餐，次次水準都一模一樣唔會太飄忽。值得去