港澳義順牛奶公司

營業中

休息中

老字號，經歷過風風雨雨，仍然屹立不倒！無論裝潢，氣氛都是以前風格風情。每次都會食薑汁撞奶，奶白得像冰面，滑溜溜。食時小心熨口，新鮮熱辣，入口隨即薑味散發，然後撞奶會自己自然地溜入口中，好香好滑，果然人氣之選咁多年，沒有被人遺忘。

雙皮奶 通常以為澳門先有，估唔到香港都食到好開心今日行過 無意中發現到呢間港澳 義順牛奶公司超級好生意 人流多到時時滿場好彩我一入去都有位🤗之後啲人先慢慢跟住入嚟 好多大陸遊客幫襯可能係小紅書有介紹🤔我叫咗一碗凍紅豆雙皮奶我唔想齋奶 想甜啲 果然唔錯 拿拿聲好多食哂之後再加一份 奶醬多嘆個豐富下午茶好多奶同醬 好好味 厚多士 但唔係超厚岩岩好 如果你哋未食過 我都建議一試唔太貴 但可以平啲不過香港得一間 所以貴啲都正常嘅😆😂

啲嘢大不如前都已經好差，雙皮奶唔夠凍，態度仲差過乜！$32嘅豬扒包唔脆之餘個豬扒得番個包嘅一半！啲位得番啲做嘢嘅阿姐話哂事，指係去邊就邊！一入嚟要人兩秒order，答佢諗吓佢都狂「啤」住我哋 !走人嘅時候追我以為漏咗嘢。（追出嚟我已經話，我唔要㗎啦）只係一個空樽同一張leaflet都唔肯幫我掉！咁你不如俾埋啲紙巾我掉！咁大過人都未聽過有啲咁嘅規矩，原來執枱只係執碗！香港服務本身好差，估唔到疫情後可以再差啲阿姐咁嘅服務態度，就嚟連呢間都冇得做，搵過份工囉！（不過唔好再害我哋啲食客受氣啦唔該）#因果報應

今天光顧這茶餐廳，給人的感覺大不如前，店員服務態度差劣，有食客再點東西時居然告訴他:要一次過點餐，難道若果我吃不飽就不能再加其他東西，以這樣的經營手法希望好像九龍分店一樣: 遲早執笠; 寄語香港人:光顧前請三思。

最近天氣真係好熱喺條街行半個鐘就開始頂唔順，想搵地方坐今日同朋友喺銅鑼灣行街，經過見到義順都好耐冇食，就入咗去幫襯由細到大義順喺我心目中最出名嘅都係雙皮奶所以都冇乜點考慮，就直接叫咗每人一個雙皮奶然後朋友就叫咗個有紅豆嘅版本坦白講佢奶真係好香，不過覺得佢好似冇以前咁滑，食落去有啲鞋口而且唔係太凍，係有少少失望朋友就話佢嗰個紅豆雙皮奶嘅紅豆夠晒粉配搭雙皮奶好好味，不過我就唔喜歡食紅豆，所以大家都可以試吓

早幾日我去了義順牛奶公司，點了他們的雙皮奶和薑汁燉奶。這兩道甜品都非常好吃！雙皮奶的質地非常滑順，奶味香醇，甜度也剛剛好，而且雙皮很厚實，吃起來特別滿足。如果你喜歡吃奶類甜品，那你一定不能錯過義順牛奶公司的雙皮奶！薑汁燉奶$39，有濃郁的薑味和香濃的奶香，而且口感也非常滑順。尤其是在生理期，吃一碗熱的薑汁燉奶，暖暖的，超級舒服！總之，我對義順牛奶公司的甜品非常滿意，味道好、口感好，而且價格也可接受，大家可以放心去試試看！

買外賣要排入座隊已經奇怪，喺收銀處遇著一個不知所謂嘅師奶勁惡頂！友人不是香港人，收銀師奶聽唔掂英文，我哋已經傾好要嘜先行入去落單，先叫1 份炸雞翼，1 份炸豬扒同8 碗薑汁燉奶，再叫朱古力燉奶佢話冇，轉叫咖啡燉奶又冇，收銀師奶發脾氣跟手極無品推menu 趕人出去再諗食嘜，友人想繼續落單佢竟然搶menu 話唔幫我哋落單，我問佢點解落緊單要趕人出去？ 佢話我鬧佢，不斷指住我又拍膠板話我鬧佢，我問佢我鬧佢嘜佢講唔出相反不斷鬧我痴線，話可以睇番CCTV， 我叫佢開嚟睇下我鬧咗佢嘜佢又唔敢再一直鬧我痴線！ 又話唔想睬你，廢事睬你...不嬲都知呢間餐廳態度差但無唸過差成咁！唔明點解一間咁出名嘅老字號竟然會有一個EQ 咁低嘅小學雞師奶做收銀，咁樣對待遊客簡直影衰香港旅遊業！

呢間係咁啱經過亦都見到有得食雙皮燉奶，點知真係好失望😞，因為之前都食過澳洲牛奶公司嘅燉奶，係非常好食而且好甜，但係呢間佢嘅味道好淡，而且同豆腐花冇分別好水💦

好耐冇食過，今日咁啱經過見冇乜人就幫襯吓，叫咗個牛肉通心粉$41，牛肉量多，通粉煮得剛好，不太淋又不太硬，不過湯都幾淡冇乜味，幾一般。侍應態度仲一般，好大力放低碗嘢，湯都差啲瀉出嚟😅

之前已經光顧了幾次，疫症之後在一次光顧，發現餐廳店員的態度非常惡劣，不單止對顧客黑面，而且根本不理顧客的感受。公眾假期的傍晚時分，餐廳其實仍然有不少空位，但是仍然要求顧客坐在卡位的一邊，不理會我們攜帶了的行李，亦不理會顧客的身形，無視我們的感受。即使我們跟店員說，如果稍後有其他顧客，我們可以讓出卡位，但收銀的大媽對我們黑面，說必須坐在卡位的一邊，這安排非常之不合理，亦無視的感受。這服務態度在香港怎能繼續生存？怪不得我看見其他顧客的評論，知道他們的分店已經減至一間，他們惡劣的服務態度必然是理由之一。先不論食品的味道，性價並不高，再加上這樣的服務態度，不推薦，亦不會再光顧這餐廳。

馳名雙皮奶$38雙皮奶好滑，入口即溶嘅感覺，不過奶味好淡，其實都冇咩特別，而且價錢偏貴，未必再食。澳門豬扒包$33包皮幾鬆軟，薄薄一塊豬扒，都算唔錯，比雙皮奶更加驚喜。

又貴又難食 不知所謂 極級失望 $39竟然係咁嘅質素 成碗水完全食唔到 已經係最後一間舖 都整到咁超級差差差 同以前爭好遠 稀到食唔落買咗兩碗都係咁差 仲話自己老字號 絕對冇下次呀 呃錢

山長水遠入銅鑼灣試呢間令人失望一入座就催我地落單有個朋友遲咗兩三分鐘到，店員就好唔耐煩咁本來我唔諗住嗌野食，但入到黎先知每人都要嗌野如果唔係就收返15蚊一位個店員勁唔耐煩咁催於是我就求其嗌咗冰凍香蕉鮮奶因為佢係咁催我，我係冇睇清楚其實係飲品黎嘅，咁都算啦黎到發現就只係香蕉味嘅奶，好普通，收$38收咁貴咁我點解唔去手搖店買杯特別啲嘅野飲？朋友嗌咗什果冰，$32黎到發現就係最cheap嗰隻罐頭雜果而出名嘅雙皮奶就普普通通，冇乜特別，都唔值呢個價錢總括而言，第一係店員態度差好似趕客咁、第二係野食唔值呢個價錢真係以後唔會再幫襯

義順牛奶公司今日同朋友去銅鑼灣買野Dinner既時候唔太餓所以就去食義順叫左個公仔麵同豬扒包正正常常 但個包有D dry 最後仲叫左一人一個登奶食甜度岩岩好 唔會太漏!!服務態度都係咁唔太好咁

之前去開佐敦嗰間食，去到而家得返銅鑼灣呢一間，總係會掛住佢嘅味道。今次叫咗雙皮奶，喺出面真係食唔到佢呢種味道，嗰塊雙皮超級好味，配埋佢嘅燉鮮奶一齊食真係好正，燉鮮奶嘅奶味好濃郁，同埋真係好滑。