港滙軒

營業中

休息中

假日約了友人在尖沙咀飲茶，友人選了這間茶樓，可看到維港景色。這類的茶類多樣，除了基本的普洱、壽眉、香片、鐵觀音，還有荔枝紅茶、人參烏龍、小青桔和碧螺春。茶壼底下有小蠟燭，令茶長期保持温熱。特色鮮蝦春卷(大點)($45)，春卷香脆，內裏填滿爽脆鮮蝦的餡料，蘸點喼汁吃，味道鮮爽中帶着春卷的脆皮。香煎韭菜粿(3件)(中點)($39)，韭菜粿粿皮煙靭，內裏盛滿香口的韭菜，非常飽肚。羊肚菌燒賣(3件)($52)，爽口的羊肚菌放於厚肉燒賣上，一口吃下，同時嚐到羊肚菌獨有的爽口和燒賣不同的爽口感。港匯蝦餃皇(4件)(特點)($51)，蝦餃皇加上茶樓的名字，似乎是茶樓的皇牌點心。一如其名，適量厚度的蝦餃皮包裹着豐富的蝦肉，每口都十分爽口，也能嚐到蝦餃皮細緻的煙靭，是一籠出色的點心。鮮淮山雞扎(2件)(大點)($45)，與一般的腐皮雞扎不同，鮮淮山取替腐皮，口感比腐皮多了一點淮山的脆口和更健康。雞扎厚肉而不油膩，內饀的芋頭條軟稔香郁，是一款份量十足的點心。豚豚脆皮餐包(3件)($48)，像雪山叉燒包的黑色版。灰黑的麵包，頂層灑上白色的粉，賣相惹人注目。咬下香脆的包面，能嚐到香熱惹味的豬肉。賣相、口感和味

同女兒去整頭髮，之後佢帶咗我去尖沙咀國際廣場港滙軒食晚飯，酒樓裝潢高雅，佔地廣大座位寬敞舒適。窗邊坐擁270度维港迷人景致，維港景色盡入眼簾，燦爛的燈光極之美麗。入座後即送上香茶和前菜，香茶用火熱住，保持溫度。咕嚕明蝦球：大大隻的蝦球用脆漿炸過，再以酸甜汁煮成，口感酸甜脆爽。配上新鮮菠蘿，味道更提升。當紅脆皮雞半隻：用上等新鮮雞，燒至外皮金黃色，食落皮薄酥脆而不油膩，雞肉亦好鮮嫩。點些甜醬汁更添滋味！秘製皇子鴿：乳鴿表皮香脆，肉質鮮嫩入味！點些准鹽更添美味！

今晚約咗朋友喺尖沙咀行街 行到19:00左右有啲肚餓 附近係尖沙咀iSquare 而我同朋友都想食中菜 見到iSquare 24樓有間中菜館餐廳名叫做海滙軒 咁就入去試吓啦 入到去侍應帶我哋坐近窗口邊位置 一排窗口位都見到對面維港夜晚景色 美景 坐低我哋叫咗1️⃣龍蝦湯西施泡飯（例）$1982️⃣黑松露海中寶（例）$188先講講個龍蝦湯西施泡飯 佢一攞上枱就係一個煲 隔離係一碗米 ps 好似碎咗嘅米通咁樣 之後一打開蓋將碗米到落去 神奇效果出咗嚟 開頭食嗰時 脆卜卜隔咗一陣就變咗平時食嘅粥咁樣 個湯底龍蝦湯好有新鮮龍蝦味 入邊嘅蝦好大隻咬起上嚟爽脆 同埋有我最鍾意嘅帶子 又係好大隻鮮甜so yummy 😋😋今晚經理仲送咗兩碗糖水俾我哋 係紅豆沙 今晚大滿足😋😋

港滙軒 (尖沙咀)尖沙咀彌敦道63號國際廣場24樓順德煎焗龍躉頭腩 ＄198/例好地道嘅一道特色靚餸，龍躉頭腩煎焗得酥香嫩滑，料頭十足，香溢四散，好食到不得了，食過返尋味，必食，👍👍👍雲腿蝦多士Deep-fried Yunnan Ham & Prawn Toast＄138/6件 6 pieces大大隻嘅開邊蝦🦐，炸得緊熟，多士超脆，蝦肉爽口，鮮甜美味，正😄😄😄八味脆豆腐
Deep-fried Tofu with spiced salt $68擺盤靚，一件件小金磚咁，好吸睛，炸得外脆，內滑香甜，小小辣，帶出八香，令豆腐口感變得非常，贊👍👍👍古法金錢雞(兩件起） $38/件per piece (minimum 2 piecesHoney Roasted Barbeque Pork and Chicken Live名副其實，芳香撲鼻，一件煎香嘅雞肝，夾著一件晶瑩剔透嘅肥豬肉，再夾著一件秘製雞塊，一啖落口，嘩，香，甘甜，爽滑，百味交集，越食越想食，齒頰留香，值得極力推介😋😋😋

尖沙咀逛逛shopping大半天，晚上約咗老公於Isquare食餐中菜，上到24樓《港滙軒》高層有靚環境，夜晚仲可以睇到維港景。鹵水掌翼~前菜價錢，主菜份量，仲要係高水準潮州鹵水掌翼，真心好味好好吃，老公話下次唔揸車要再嚟飲住酒食。順德炆焗龍躉頭腩~就係聽見鄰桌上菜時，熱鍋子的滋滋聲響，香噴噴，另人垂涎欲滴，果然，頭腩件沾上薄薄炸漿，走油，薑蔥炆焗，識食魚來自順德的爸爸教落，頭腩有骨地方先係魚最好味嘅地方，真係好正！鳳梨咕嚕肉~即叫即炸，酥脆可口，喜歡咕嚕肉嘅朋友 推介要點，一咬即開，肉質唔錯，師傅採用新鮮菠蘿，清甜爽脆，巧手製作，值得一讚。

今晚同家人食飯，當然要揀間環境唔錯又坐得舒服的餐廳，選擇中菜就最合適，呢間港滙軒交通方便，一出地鐵站就到！我地坐在落地玻璃窗旁邊，能夠飽覽維港海景。一坐底職員已經擺低前菜醬汁醃蘿蔔，蘿蔔爽口，醋汁令我們更開胃。簡單叫了幾個健康小菜，首先上菜的是三蝦乾撈粉絲煲，材料豐富有大大隻的蝦乾，椰菜和粉絲。廚師炒得好有鑊氣，粉絲唔會癲埋一舊每條分明，煲已預先預熱，溫度保持熱辣辣。豉汁帶子蒸豆腐，每磚豆腐面也鋪了帶子，豆腐滑溜，配上帶子味道不錯。清炒豆苗，份量多，清湯煮豆苗，簡單好味。

港滙軒在尖沙咀國際廣場24樓，窗邊位置可以望到海景，景色極之開揚，餐枱與餐枱之間都比較有空間感，唔會坐到太逼，感覺系舒服嘅。點心味道有驚喜！新鮮熱辣，現叫現蒸。尤其係黑松露竹笙上素餃，每一粒表頭有一塊竹笙好鮮甜，皮滑餡飽滿，而且個味道真係好香濃，仲有啲黑松露嘅香味同埋啲竹笙嘅清香，真係好出色。蔥油糯米卷啲糯米好煙韌，但又唔會太硬，而且啲蔥油嘅味道好香，整體嚟講味道好協調。豚豚脆皮餐包好出色。餐包皮鬆脆，但又唔會太硬，而且啲叉燒好惹味，仲有啲醬汁嘅味道，真係好正！鮮蝦腐皮巻都好香脆，啲蝦好新鮮，而且配埋啲咭汁真係好好味。香茜牛肉腸粉，個腸粉皮好滑嫩，但唔會太薄，而且啲牛肉好嫩，啲香茜嘅味道又好香濃，真係好好味。

呢間真係食環境，但可惜中午真係反效果：太陽下想落窗簾，叫左2、3個無回應，算吧！朱古力都曬到溶！！炸皮又太油！腸粉皮又厚、大小不一！炒尖椒又成碟油！尖沙咀區食物、服務，似大角咀！失望😞

餐廳位於ISQUARE 24樓，近窗邊位置更加飽覽維港既景色，坐海景位置比例多人有機會比較嘈，如果想靜靜地享受食物就建議要求坐番中庭或較入既位置。蝦籽海蜇($88)涼拌海蜇上灑上蝦籽，海蜇調味帶小小辣，食落爽脆開胃，加上蝦籽後雖然口感上食唔出大分別，但可令菜式多左種海鮮咸香既感覺。原盅花膠燉螺頭湯($88)湯頭顏色較清，面頭無咩油，飲落尚算清甜，眼見都落左唔小料去燉，鐘意飲湯既朋友可以試下。黑松露滑蛋蝦球($148)蝦球份量好多，一碟有成十隻，每隻蝦肉質爽彈，食落鮮甜無雪味，而且每隻蝦都挑哂蝦腸乾乾淨淨可以放心食。黑松露整體比較淡，滑蛋就正常發揮，抵讚既就係唔會炒到好油，而且調味適中，送飯一流既小菜。龍蝦湯西施泡飯($198)餐廳用砂窩上菜保持到溫度，湯飯份量好多，兩個人每人分到兩碗有多。除左份量大，用料都好足，帶子同大蝦份量都好多，帶子勁大粒而且味道鮮甜，蝦球同炒蛋水準一樣爽彈鮮甜。龍蝦味相對淡D但整體調味好好唔會過咸同時食到海鮮既鮮味，食完成個人暖笠笠，好食飽肚之選。除左小菜水準唔錯外，餐廳亦有提供一D比較特別既茶葉，包人參烏龍，當日就試左人參烏龍，飲落回甘味強，後勁帶小小鳥龍既清

呢間去邊幾次已經無去，太清啖了，清淡到無味🙄海哲頭冷盆已經唔夠爽口及唔夠味🤔鮮茄湯勝瓜除左輕輕鮮茄味、鹽都無放？糯米卷又係淡口，蝦餃正常D，蒸得唔錯，有少量蝦汁，淮山扎又係無味！炒腸粉應該濃味少少？都係無味，排骨又係無味，肉質可以接受，春卷裏面料都係淡！叉燒包好少少有返D味覺返黎，但係包皮唔夠鬆，羅白糕一樣🈚️味！干燒伊面一樣無味，到底今日我自己去左邊度食野，唔知以為在醫院病房，清淡的午餐！

內地來往香港回復正常通關, 內地同事到香港工幹, 放工帶咗佢去尖沙咀iSquare樓上一間新開中菜酒樓食晚飯。酒樓環境開揚, 特別係窗邊位, 可以邊用餐, 邊欣賞維港海景。入座先送上熱茶、小食, 熱茶有小火興住keep warm, 小食就係醃酸蘿蔔配豆瓣醬, 爽脆酸尾尾好開胃。食物方面, 除咗多款海鮮同埋逐位計嘅套餐外, 另一menu需向侍應索取, 食物款式再多一d選擇。 【當紅脆皮雞(半隻)】HK$168脆皮雞炸得金黃有光澤, 半隻雞size都幾大份, 雞皮香脆, 肉質好嫩滑, keep到鮮嫩肉汁, 值得推介!【龍蝦湯西施泡飯】HK$198金黃色龍蝦湯鮮甜味十足, 配有帶子同埋蝦球各三件, 帶子為8成熟, 帶少少滑嘅刺身口感, 蝦球仲爽口鮮甜, 本身湯底中有少少飯、絲瓜, 盡吸湯汁更加入味, 另上一碗仔脆米, 加入湯中即時入口, 脆卜卜令口感有層次, 正!

今晚約了從外地回港的朋友到尖沙咀的i-square 24樓的「港滙軒」晚膳，重溫久違了的維港夜景。餐廳位處高層，居高臨下，在寬廣的落地大玻璃窗前，尖沙咀和中環的熣燦夜色，一覽無遺。偶爾有張燈結彩的畫舫在海中穿梳，更為這美景平添不少色彩。餐廳為讓客人能夠清楚欣賞到漂亮的夜景，還刻意把燈光調成淡淡的藍色。茶壺用慢火暖著，保持溫度，非常貼心。打開餐牌，晚市小菜的選擇也不少，而且豐儉由人。“咕嚕明蝦球”，脆脆的外皮，包著鮮甜爽口的大蝦，配上酸甜的醬汁，好味到不能停口。伴碟的菠蘿也經過火烤，味道更濃郁。“欖菜肉鬆四季豆”，炒得香噴噴，微辣惹味，四季豆特別翠嫩可口，爽脆無渣，送飯一流。“滷水掌翼”，滷水入味，口感不錯。最後是附送的紅豆沙糖水，紅豆份量多，有質素。「港滙軒」地點方便，環境優雅，餸菜高質，真是用餐的好地方。

呢間去過3幾次，除左景之外，食物平平無奇，普通到唔普通之下，可以接近難食😓但係中午太陽曬呢，就要注意⚠️問幾個人都唔可以安排落窗簾，無為另員工難做，為獨煎蘿蔔糕底部釀蝦膠👍真係要加油💪

放假陪媽咪嚟到尖沙咀港滙軒飲茶🫖喜歡這裏點心精美，在這裏飲茶可以180度望到維港景色🥰餐牌上有很多精緻點心，每一壺茶都有個火爐熱住，可以確保茶的溫度👍啤梨鹹水角啤梨像真度很高好精緻，即刻打卡影相📸️外皮炸得好香脆，每一啖都充滿豬肉粒碎，口感及味道一流😋養顏棗皇糕熱辣辣每一件都晶凝通透，入口好清香嘅紅棗味道，煙煙韌韌好好食。醬皇蒸鳳爪鳳爪一籠大約有四至五隻，好淋好入味，一隻接一隻食唔停口。蛋黃千層糕軟綿綿嘅千層糕，每一層都加入咗鹹鹹香香嘅蛋黃，味道不錯😋蟹籽燒賣皇粒粒都脹卜卜，豬肉同蝦肉嘅比例都啱啱好，爽口咬落又多肉汁，美味👍煎韭菜餅鍾意食韭菜既我呢個韭菜餅好香口，外皮好煙韌每一啖都充滿韭菜香味。