港滙軒

營業中

休息中

過年前去尖沙咀港匯軒食團年飯😄好耐未試過咁多人同枱食飯😀晚市第一輪已經冇臘味飯同叉燒😓🦐咕嚕蝦球好味😋🐧燒鵝還好，表皮尚脆上湯龍蝦伊麵，麵底比預期少

放假同朋友去尖沙咀行街，行到咁上下就嚟咗呢間港匯軒飲茶，呢到勝在景觀夠開揚，可以睇到維港同埋對面海，景色真係好靚，又夠光猛，餐牌都有好多選擇，而且有啲精美啲嘅特別點心，出面啲酒樓都未見過，金魚餃（3件） - $58呢個金魚餃整得好靚，好精美，粉紅色軟糯嘅外皮，口感有點像蝦餃皮，抹上一層金色，打卡一流，紫醉金迷鳳眼餃（3件） - $58脆卜卜的蟹籽下面是帶子，大粒厚切，而且味道鮮甜，即使不蘸任何汁醬，已經很鮮美，羊肚菌燒賣（3件） - $52羊肚菌燒賣很大粒，而且上面的羊肚菌亦很大塊，菌香濃郁，口感脆嫰，配上彈牙的燒賣，超夾！珍寶原隻蝦球腸粉（4件） - $68首先要讚嘅係，即拉布腸粉真係特別滑溜，另外，原隻蝦球真係好大隻蝦！滑捋捋嘅腸粉，配上爽脆彈牙嘅原隻蝦球，真係冇得輸，個人認為係必點必食！總結：餐廳景色好靚，如果一家人飲茶，或者朋友聚會聊天，都非常適合，餐點頗多選擇，亦有特色點心，味道有水準，餐枱和餐具均乾淨衛生，招呼亦主動殷勤。

閒日11點嚟到呢間嘢，客唔多，靠窗位置仲有好多空枱，我要求坐靠窗位置，但係拒絕我嘅要求，原來開開心心嚟嘆茶嘅心情都無晒😤枱面又無有揀起「留位」嘅牌，直到我飲完茶，那些位置還未坐滿，真心不明白一向以服務優質自居嘅香港服務業居然會退步成咁，長此下去真係會比周邊地區給比下去👎🏻

今日勁開心啊，多得朋友介紹先知isquare有呢間中菜餐，雖然得2個人，但我地二話不說叫左片皮鴨！另外再叫左個黃金魚皮蝦球。呢間中菜好正，有個爉燭熱住壼茶，好體貼，之後會上前菜，前菜是醃蘿蔔，老老實實真係好食，酸酸味味咁超級開胃之後鴨來了。勁大隻又脹卜卜，店員會直接片開，真心好吸引，望住逐塊切出黎，好興奮，d片真心勁脆，好好食，個醬都係靈魂。配菜除左常見既青瓜同蔥之外，竟然有哈蜜瓜條，好神奇。加埋又幾好食，潤餅皮的數目都好多，好夠食。至於個魚皮蝦球都好正，首先勁多魚皮，仲有有大有細，朋友中意細塊，我就中意大塊XD岩岩好，另外有唔少既鹹蛋黃醬，蝦球都唔少，仲要爽口又幾大隻，呢間推介啊！

尖沙咀的港滙軒！食環境也食食物質素。矜貴鮑魚酥，$68，酥脆的外皮加上鮮美的鮑魚，幾時小食也像甜品，yummy!蜜汁叉燒包，$43，包子皮Q彈可口，叉燒的味道也是剛剛好，讓人吃了一口還想再來一口。薑蔥蒸牛柏葉是我一定會點的，$55的價格也是非常實惠，牛肉鮮嫩多汁，薑蔥的香味也很搭配，讓整道菜更上一層樓。流沙奶皇包，$49，外皮軟熟，內裡的流沙奶黄更是鹹甜鹹甜的。芒果拉凍作結尾，$18的價格非常實惠，可以用來結束一頓美好的餐點。特色鮮蝦春卷，$49的價格也是非常划算，鮮蝦的味道十分濃郁，春卷皮也非常酥脆。港滙軒 (尖沙咀)尖沙咀彌敦道63號國際廣場24樓#港滙軒 #尖沙咀美食 #矜貴鮑魚酥 #蜜汁叉燒包 #薑蔥蒸牛柏葉 #流沙奶皇包 #芒果拉凍 #特色鮮蝦春卷 #香港美食 #foodie #instafood #foodporn #yummy #delicious #foodstagram #hkfoodie #hkfoodporn #foodlover #foodphotography #foodgasm #foodblogger #foodpics #foodblog #foodgr

今日約了老公放工時間到iSQUARE買東西，之後便上了24樓的中菜酒樓晚膳。今天酒樓間了不同的地方作多個宴會廰，員工帶領我們到了靠近玻璃幕牆的一邊入座。點過菜後，我們一邊嘆著人蔘烏龍茶和開胃爽口的前菜，一邊欣賞維港美景，感覺心曠神怡。～鮮菠蘿咕嚕蝦球這度菜擺碟用心、顏色配搭吸引，令人垂涎欲滴。八隻爽滑大蝦用上了脆口的薄薄粉䊢包裹著，掛上了酸甜醒胃汁醬，味道和層次感都十分討好，如果有小朋友的話，相信對鮮甜惹味的菠蘿片更不會放過。～甘香金錢雞（2件）真意想不到能吃到這幾乎已失傳的傳統粵式燒味，心感滿足。甘香雞肝、爽口肥肉和脆口瘦肉串在一起，形狀似金錢，怪不得便得其名。這古法菜製法繁複，看似油膩，但入口卻香酥蜜味，令人忘記了膽固醇，食過翻尋味。～客家煎釀豆腐簡單的材料和調味，軟嫩豆腐配上香煎肉碎，再伴上青菜，便會成一度家常便飯少不了的健康菜式。這頓晚餐雖然簡單，但卻在平凡中見好味，加上在美景的紛圍下，更讓人胃口大開！

港滙軒金魚餃金魚餃造型維肖維妙，粉白色魚身掃上金色更似魚鱗。波菜同蝦肉注滿肥嘟嘟嘅金魚餃，十分可愛。沙茶醬安格斯炒牛河沙茶醬安格斯炒牛河大大碟，份量十足。安格斯牛肉肥厚，牛肉香味濃郁。河粉條條分明，平均沾滿沙茶醬。加上粒粒菠蘿，帶出酸甜香味。脆皮皇子乳鴿乳鴿非常肥美，每一口都爆出豐富肉汁。乳鴿皮烤得十分香脆。加上滷水汁調味，令人回味無窮。宮廷桂花糕宮廷桂花糕玫瑰花造型精緻可愛，口感清淡幽香，滋陰養顏。

來過吃晚飯看夜景，今日中午飲茶看日景，雖然今日天陰但也看到迷濛維港景色，有景為伴吃得開心。茶的選擇有八款，我們選了小青桔和鐵觀音，兩款都好喝。這裡的點心多以三件為主，我們三人飲茶剛好一人一件。紫醉金迷鳳眼餃，紫色餃皮包著結實的蝦肉，餃上有一片帶子，再鋪上一些蟹籽，餃型如鳳眼。餃皮不韌，蝦肉爽口，帶子嫩滑，味道均衡口感好。蜜汁叉燒包，醬汁豐富，叉燒量多，包皮軟熟。蠔皇鮮竹卷，鮮竹把材料包得扎實，加上吸收了蠔汁的精華，每條鮮竹卷都分外濕潤好吃。香煎臘味蘿蔔糕，蘿蔔糕切成長條型，入口更方便。每片糕兩面都煎至微微焦香，吃時帶有脆香口感，軟硬適中，又不太鹹。點心好吃，甜品更是美味。宮庭桂花糕，每件糕都是厚厚重重的，糕內充滿大量桂花，軟軟滑滑，吃完真是齒頰留有桂花香。生磨蛋白杏仁茶，杏仁味濃厚，入口綿密，蛋白量多，甜度適中。沙茶醬安格斯炒牛河，安格斯牛肉質感嫩滑，肉味濃。河粉掛上沙茶醬同吃，滑捋捋，醬汁不過份黏稠，恰到好處。分量也足夠我們三人吃。

都有一陣子沒有跟母親大人吃中菜了，亦是時候逗她開心，所以今次特意選了她早前看中了的「港滙軒」吃晚飯。這裏的環境相當好，地方大之餘，還可以看到維港美景，同時又舒服，不過更重要的是母親大人表示非常滿意！東瀛原隻鮑魚鮑魚上有少許芝麻和木魚作點綴，口感軟腍中帶少少彈牙，配上惹味又甜甜的燒汁後，出奇地配搭得宜又美味！鮮蟹肉燴生翅上到枱的時候熱騰騰得不斷在噴煙，整個燴生翅濃而不鹹，一梳梳的翅爽口又彈牙，配上鮮甜的蟹肉在一起，每吃一口都令人感到幸福滿足！玻璃珍寶蝦球伴翡翠玻璃蝦球絕對考師傅刀功，要去除蝦球外面的蝦衣才可以做到蝦球白雪雪的樣子，真的想不到這裏竟然可以吃到這種功夫菜。蝦衣去得相當好，蝦球望上去都特別漂亮，加上蝦球是珍寶size，大大隻之餘，蝦球上面又加了少許金箔作點綴，所以非常吸睛！吃上去還非常爽彈又鮮甜，配上翡翠苗的爽脆清甜，兩者好配搭得宜又可口！蛋白蒸海斑件海斑件鮮甜中又帶點爽彈，配上蛋香味濃的蛋白後更為美味，不過如果蛋白再滑多一點則更為理想！原隻紅燒乳鴿乳鴿是即叫即走油才上枱，務求做到熱騰騰和最佳狀態才給予客人食用，這麼細心實在值得稱讚！乳鴿上到枱時熱騰騰得不斷噴煙，吃上去非常香口

今次一反傳統同班朋友唔食pizza、西餐，一齊去中菜都幾有趣。因為個樣太細個，侍應一度覺得有啲疑惑，都幾搞笑。💡片皮鴨深海大龍躉宴 $1,688 (6位用)1️⃣京式片皮鴨 (一隻) 燒好之後，侍應會拎全隻鴨俾我哋睇，就返入去切片。上枱個陣，有一個蒸籠熱住個皮，一碟配料，只有甜醬、京蔥同青瓜。仲有一碟片皮鴨，一直以為仲會上多一碟，點知就成隻片皮鴨就係得眼前咁多，講真幾失望......我本身係諗可能套餐仲有其他菜式，所以片皮鴨份量先唔算太多，點知睇返menu明明就有寫住(一隻)，後來先知原來其他部份拎咗去做鴨肉生菜包。感覺有少少失望，明明隻鴨燒得唔錯，變做肉碎炒有啲可惜，同埋本身好期待有成隻鴨可以包住食，結果每人食得幾塊，當然都明要留肚食其他菜式啦。講返多少少味道先，鴨肉燒得好香，唔會太油，搭住醬同配料食好好味。2️⃣金沙大蝦球以蛋黃金沙炒，真係好邪惡的說，蝦球質素都唔錯，咬落好彈牙。重口味嘅關係，本身都預一人一隻，所以剛剛好。3️⃣黑松露碧綠炒帶子花枝 & 4️⃣金鑽海皇羹黑松露味唔算好出，不過帶子花枝夠彈牙，都幾好食。本身唔鍾意羹，所以我就冇特別食。5️⃣紅棗雲耳蒸龍躉斑頭腩紅棗味唔係好明顯，龍躉腩真係

今天晚上約了老公撐檯腳，我們心有靈犀想吃中菜，最後選了位於尖沙咀國際廣場、可飽覽維港景色的港滙軒，來一個有情調的中餐體驗。餐廳設計時尚有氣派，環境舒適寧靜，寬敞開揚，客人可細看維港的美。菜式選擇亦多，價錢合理。職員服務親切殷勤，效率迅速。鮮菠蘿咕嚕肉 $148質素很高的咕嚕肉！外皮酥脆可口，豬肉新鮮，肉質鮮嫩彈牙，醬汁的黏度及酸甜度控制得剛剛好，酸酸甜甜很開胃，菠蘿亦新鮮清甜。港滙燒鵝皇 $198燒鵝也很好吃，外皮香脆，肉質嫩滑且肉汁豐富，散發著陣陣鵝的油酥香味，點上甜甜的梅子醬，鮮味加倍。話梅鮮准山 $68准山新鮮爽口，酸酸甜甜的話梅汁讓人食慾大增，同時可以一解燒鵝的膩。餐廳會贈送飯後甜品，但我們都吃得很飽，所以放棄了。看看身邊的客人，每個人吃得很開心。

適逢公司晚宴，第一次到I square 港滙軒品嚐高質中菜，每道菜精緻美味，配合維港180度美景，確實值得推薦* 冰鎮鮑魚- 6頭鮑魚，肉質彈牙鮮味，賣相靚，睇得出廚師用心製作。* 脆皮乳豬- 乳豬皮脆肉嫩，最值得一讚就係配合乳豬個包，超好味😋好夾。* XO 醬炒帶子蚌片- 帶子好大粒，配合XO醬鮮味倍增。* 蟲草花膠螺頭燉湯 - 燉湯鮮味清甜，花膠足料，即時潤一潤😋* 茶果子百花球- 外層炸得好脆口，配合埋沙律，即刻減去油膩感。

朋友升職一定要食好同食豪！揀左有海景的中餐廳，食物同view 到冇得輸！龍蝦煲仔翅位上宴，有9碟菜，highlight 幾碟姐同朋友都十分歡喜的菜式金榜醬龍蝦伴黃金饅頭-龍蝦超級大隻，肉質爽口彈牙，非常新鮮-金榜醬有啲海鮮味似係用龍蝦汁烹調的，饅頭沾上龍蝦汁十分鮮甜，有少少飲西式lobster bisque 沾意大利麵包的style -龍蝦頭的膏亦係重點，多膏，龍蝦味濃郁高湯煲仔翅-真材實料，啖啖都係翅，一絲絲的好滿足-高湯亦好出色，唔會有味精味，亦不會過鹹三星拱照-即係燒味三拼，最欣賞叉燒，肥瘦適中-十分厚切，完全唔乾唔鞋口，咬落仲好juicy

朋友請飲茶约在尖沙咀國際廣場24樓「港匯軒」、第一次來這間酒樓地點非常方便易找港鐵樓上。  來到朋友已在落地玻璃窗旁座位等候了。眼前景觀令人眼前一亮！ 一片無遮擋的維港景色 盡收眼簾!  不忘讚一聲朋友找得如此好地方。除了景美也嚐到茶的香氣，茶壺下更設有燭燈暖着茶水相當的 窩心。細看菜牌點心，小菜款式精緻價格也合理。點了些點心和泡飯，我們在美景下邊茗茶邊閒談品嚐美食真是 一樂也!荔茸蜂巢芋角 外層鬆脆荔茸绵滑香口。原粒瑤柱鱼翅灌湯餃賣相矜貴!湯底鲜甜餃皮簿而滑足料!珍寶原隻蝦球腸粉粉皮Q彈而滑口，蝦球大大隻爽口非常!潮州蠔仔泡飯（窩)湯底鲜甜、蠔肉新鲜爽口，用料有質素只是稍嫌飯量少了點，很享受當下的美食美景，真是個茗茶消閑好地方！

成日都想飲茶 但又驚去茶樓同人逼～終於俾我搵到𝕚𝕊𝕢𝕦𝕒𝕣𝕖呢間中菜館 座望海景 環境夠大 可以𝒸𝒽𝒾𝓁𝓁住咁靜靜地飲茶除咗傳統點心 仲有啲比較有特色 賣相好精緻 味道都唔錯ヽ(✿ﾟ▽ﾟ)ノ仲有幾款一般茶樓較少見嘅茶葉 例如荔枝紅茶、人蔘烏龍、碧螺春🫖仲會用蠟燭仔一路暖住壺茶 非常貼心～.♥ 紫醉金迷鳳眼餃係豪華版蝦餃✨面頭加上帶子蟹籽 更添鮮味 入面嘅蝦肉亦好結實彈牙 唔會一咬就散哂.♥ 啤梨鹹水角賣相好吸晴～外層帶點煙韌 入面就塞滿肉碎芹菜等等 餡料好滿 自己食一舊都唔覺好熱氣或者油膩 呢舊有驚喜啊.♥ 豚豚脆皮餐包其實係雪山竹炭叉燒包(oﾟvﾟ)頂層真係好脆 甜甜地 麵包本身都幾鬆軟 但係叉燒餡就唔夠多～.♥ 蠔皇鮮竹卷呢個好抵食 因為好足料 超級脹卜卜(‘∀`)ゞ調味又剛好 有蠔油香 唔會太重口味.♥ 紅粉春風腸粉又一道吸晴點心🧆紅米腸粉皮包住炸春卷 外面軟軟的 入面就超級脆 腸粉迷不能錯過