港嘢家

話説今日天氣開始轉涼，想食煲仔飯，結果上網搵咗呢一間，但係非常失望撞正食晚飯時間，要等位係在所難免，不過侍應叫我哋由一間舖，去第二間舖度等，之後再返去原先間舖，已經令到個客燥燥地入到去，照樣order ，首先啲位好窄，侍應放低餐具非常用力，令客人覺得好唔舒服跟住order完，等咗30分鐘，都未有煲仔飯，之後侍應張枱話我哋落嘅煲仔飯冇臘味，叫我哋轉食物，但係我哋轉完之後，隔籬枱遲過我哋order嘅都嚟咗，我哋張單都仲未有，結果嬲嬲地就叫佢取消張單真係無下次，咁樣嘅服務態度，好難有人再幫襯…查看更多

天氣轉涼又係食煲仔飯嘅時候啦 最近旺角人氣煲仔飯專門店 新出龍鳳煲仔飯 即刻沖過去試吓最吸引係佢哋有⭐️盤龍活鱔臘味煲仔飯$168/1人份 $238/2人份勁足料表面放滿咗臘腸臘肉趁住熱辣辣加少少醬油今次叫左2人份 都幾大煲😍仲要真係放咗成條新鮮厚肉肥仔鱔肉去煲👍🏻最重要係飯粒吸哂臘味香味👍🏻旁邊仲有飯焦 都唔會太燶 岩岩好除此之外仲有新出⭐️御鳳原隻乳鴿臘味煲仔飯$128/1人份 $188/2人份👍🏻乳鴿肉質都保持到幾嫩滑‼️你哋又試過未呢？.#hkfunfoodrecord窮遊香港#hkfunfoodrecord_旺角.#港嘢家 (旺角) @gong.yega地址：旺角廣華街10號地舖旺角登打士街87號地舖新蒲崗景福街83-97號景福街昌泰大廈地舖聽講遲啲港島都有分店.#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必食 #佐敦必食 #佐敦美食 #尖沙咀必食 #尖沙咀美食 #香港美食 #尖沙咀 #佐敦 #煲仔飯 #茶餐廳 #臘腸 #臘肉 #乳鴿 #煲仔飯專門店 #新蒲崗美食 #新蒲崗…查看更多

其實咩先至係香港特色食物呢？ 適應力、融合、取長捨短等等全部都係？呢度個餐牌睇落相當豐富。 全日早餐、常餐、肉餅、口水鷄、焗飯、煲仔，中西日五湖四海都有，望落去都係吸引既。 可能咁係就係香港精神？煎肉餅幾厚，表面煎到好香。 肉質保持到彈性，咬落好有質感。 加上瑤柱、櫻花蝦，十分惹味。 再加埋流心煎蛋，成件事好豐富。 而飯亦都基本上粒粒分明。 跟餐既翠玉瓜同雲耳，就中和返油膩感。 另外，仲有一杯野，一飲之下竟然係湯。 仲有多少火喉煲過既湯，而唔係隨手一勺既例水，算係少少驚喜。牛骨源湯沙爹牛柳湯麵，湯底真係有少少骨膠感覺。 沙爹牛柳份量足，而且仲係大大片厚切。 黑松露炒蛋亦都幾滑。質素大致上滿意，有機會要試埋焗飯同煲仔。…查看更多

✨Blingbling 美食推介📍旺角港嘢家🌟廣華街懷舊港式餐廳💠💠💠💠💠💠💠💠琴日黎開旺角睇野就試下呢間以80年代為主題既港式餐廳！食物都係一般茶餐廳有既食物，不過特別d同擺得靚d~ 價錢還可以！🌟足五兩香煎肉餅煎蛋飯 *XO瑤柱櫻花蝦肉餅* $58肉餅好厚身，啖啖肉，正！而且煎得外皮有d脆，配埋蛋黃一齊食就岩曬！不過肉餅上XO醬比較少，肉餅入面都唔覺得有櫻花蝦🌟鹽焗手撕鷄炒滑蛋飯 $58蛋炒得滑！有小小蛋汁係入面~ 手撕鷄都算滑，唔鞋，調味都唔會太鹹！唔錯🌟每個餐都會跟一小份蔬菜同一小碗湯🌟飲品+$8 特飲另加錢🌟項目評分環境氣氛 💎💎💎💎/5服務質素 🌸🌸🌸🌸/5食物質素 😋😋😋😋/5性價比 💰💰💰💰/5港嘢家📍旺角廣華街10號地舖…查看更多

如果大家係米紙廣告，諗住去試就可能要三思啦。星期三隔離傳承休息，諗住入去試吓。樓面都有唔少員工，但係要等嘅時間都比較長，可能最近佢哋因為米紙嘅廣告之後比較多人，可能廣告效應人手不足其實各方面都好差，咁唔會有人安排餐牌，要問餐牌大概等做10分鐘要嗌到第三個員工先至有餐牌，點餐嘅情況亦都係一樣。咁可能30分鐘嘅用餐時間有20分鐘都係等。費事等餐等得咁。就唔嗌佢哋個招牌煎肉餅嗌咗個麻辣手撕雞蘭王蛋飯。可能走蛋嘅關係賣相都比較差好似隔離食剩嘅飯一樣可以睇吓相，味道都比較差，只不過係白烚雞撈咗啲麻辣油。呢個凍飲一定要叫多杯冰，因為因為凍飲其實都係非常熱，令到冰溶剩一粒。可能廣告效應人手不足其實各方面都好差。…查看更多