港味

營業中

休息中

夏日炎炎🌞一碟麻辣啲口水雞真係人間極品，冰涼嘅口感加上少少刺激嘅辣度，令人洗曬口水，愈食愈滋味！脆乳豬都勁好味，脆卜卜！❤️好送飯再推介埋大家一定要飲椰子竹絲雞湯，好足料，平過自己買料煲，偶然都需要滋補吓嘅❤️☺️☺️

每次一家人食飯第一時間就係諗起佢因為選擇多賣相又吸引 而且又近加上小弟係點心狂熱成日食都唔厭黎港味食野嘅人實在太多啦等位都要一段時間但因為等得耐都好多人選擇唔等所以啲等位飛 都飛得好快一黎就叫媽媽最鍾意食嘅冷盤登登登登 就係佢啦可惜份量較小 得幾隻因為我都勁鍾意食㗎口感好爽口 酸酸地好開胃蝦腸係小弟至愛呀粉皮煙韌蝦爽口大大粒唔似其他好細粒 有時係溶爛嘅蝦佢每粒都大大粒㗎照燒茄子都冇得頂非常香口黑金色嘅流沙包賣相已經sure win 蝦餃又係超級靚不過今次個皮好厚 失左水準

加拿大朋友回港黎左上水搵我～就同埋屋企人一齊去飲個茶食個包！！！今次叫左啲平時自己都吾會叫既野食～炸芋頭波波，呢個冇叫過黎食，係朋友想食所以叫左，點知又幾okaywor ～～～～係好似台灣果啲甘既～當然就冇甘脆口啦～鮑魚燒賣，乳鴿，豆豉排骨仲有啲吾記得左了！！！我最中意港味就係佢既茶！有玄米茶～～～～～我見其他地方飲茶都冇得飲呢個茶～同埋佢係用茶包既～自己一個人飲自己想飲既茶～吾洗同屋企人一樣飲一款茶 ～～～我覺得甘樣都幾好～

而家d中式酒家好似係開始轉型。由以前大酒樓既形式，大圓桌的格局，兩三個人去食成日都要同人地搭桌子，真係麻麻地，令人卻步改為而家好似荼餐廳既setting，多數都係4人桌。我覺得都幾好呀，可以年青化一點。好多新一代都鐘意食點心，但係又會抗拒去大酒樓。你有幾何會見到一班後生仔全部約埋一齊去飲茶架。呢d點心店就可以滿足到呢d需求啦～因為今次係去食晚飯，所以就無點點心啦。食左個飯，點左兩個菜，外食既話都係多菜少肉為原則。okay 唔會太咸，但係都係油左少少～

平時好少會同屋企人出街食， 每次夜晚落街食飯嘅時候我父母都會鍾意黎港味食 ，近日我屋企人生日，於是我哋就嚟到呢度慶祝。呢間餐廳味道中規中矩， 價錢都合理 ， 最重要嘅係環境乾淨企理，坐喺度成班人聚會都幾舒服下。面上呢兩個送餐時都係新鮮滾熱辣，當佢搬到上枱面嘅時候亦有'池池'聲，聽到流晒口水。不論係西蘭花炒龍躉球定係咕嚕肉， 還是四季豆，佢地嘅味道都唔錯，價錢公道， 食到唔停口，不消一會兒我哋屋企已經清光曬所有嘅餸。而至於燒鵝就有啲可惜， 太多脂肪， 同埋燒得稍微有少少燶，不過味道都ok.

四個人 冇煮飯 有老有幼 咁食飯類型都有限制見呢間都幾老少咸宜呢個係冷盤 叫四喜烤麩叫既原因係因為見識少冇聽過( ´▽｀)有冬菇 雲耳 蘿蔔 同幾好食似麵筋既物體正正常常 個味都ok既 係少少甜同dd酸之後叫左個套餐係馬友同餃子雞翼條馬友係一條魚開半 食完一半就唔洗反唔係曬左好耐好鹹既鹹魚 可能只係醃左幾個鐘或者一兩日都幾好食既 葱蒜個量都適中 個鹹度係好易入口而餃子雞翼呢 係雞翼去骨塞餃子餡對於老人家同小朋友黎講都係新奇既個皮都煎得香 一大啖咬落去都有少少肉汁流出黎好彩唔係爆熱既湯汁 大細都岩食 冇意外發生味道都係ok既之後就係叫左例牌燒鵝好肥既鵝 上枱唔夠三十秒大家就起筷啦不過已經唔係好熱 雖然未至於啲油結埋一舊舊但食多過一舊已經感覺太油膩所以燒鵝都係唔洗喺呢道嗌叫左個涼瓜湯夠味 溫度易入口 冇乜特別 但都幾好味最後係泡飯 佢除左有飯係浸住 仲有啲脆米跟埋口感係幾得意既成個泡飯我覺得配烏冬會夾啲不過係fusion野咪當試下新野基本上小朋友同老人家對間餐廳都滿意既

今日一家四口黎到港味食飯，以前通常會係港味斬料外帶。今次堂食有另一番體驗，因為我地早到，7點晚市都仲有好多空位，每碟菜份量細細份，如果大家庭一定唔多夠食，而且坐位係好似菜記咁，無圓桌，如果多人應該好難傾到計。由於份量好細碟，我地都叫多左餸，菜苗唔錯，而其他肉類都keep到水準，建議食燒鵝或豬腩仔，豬腩仔個皮係勁脆，好香口，而燒鵝又唔會太肥，好味！不過仲叫左其他菜式，就麻麻地，唔太特別，不過不失啦。

好味實惠嘅家常菜～成日都同屋企人嚟幫襯港味，因為就腳同埋價錢都算係公道，未到手因為就腳同埋價錢都算係公道，環境坐得舒服，味道同水準就一時時，不過都有中上的水平。其中一個菜式係魚香茄子煲，我最鍾意嘅就係呢個送，但係我覺得呢度煮得麻麻地，因為魚香味欠奉，醬汁裏面嘅肉碎都唔夠多，所以硬係覺得爭咁D野網紅沙皮狗，見個樣幾得意，所以就叫左，味道係阿華田啫喱黎，幾好咬口，有趣！

與家人第一次到這餐廳吃晚餐，入內的第一印象認為這間餐廳那麼摩登。一行七人待應安排了一張長桌，店內桌子基本上都是方形或長方形，面積夠大但坐位不舒適，老人家坐得很辛苦。雖說這間是餐廳，但其實是飲茶的地方，但又算不上是茶樓。沒有傳統的茶杯茶壺，只有玻璃杯及即沖茶包。食物方面，每碟菜式都很精緻，份量很少。以七人家庭到來十分不合適，大家都只鹿品嚐一口就停口了，最難忙的是那碟蛙蛙菜，沒有跟少只有跟少，我相信份量只夠一至二人吃。總恬而然，只推薦二至三人到這間餐廳，不建議帶老人家到這間餐廳，會有點失望。

上水商場不多，但上水人真係好鍾意飲茶，所以傳統茶樓都有好幾間。時尚的佈置，除咗小菜和燒味，估唔到仲有點心食。今日下午茶就來到現代茶樓嘆一盅兩件。茶位劃一$6一位，現代茶樓用的是茶包和玻璃杯。茶類方面，除咗傳統的鐵觀音、普， 仲有玄米茶，三角茶包好出味。黑金流沙包（一籠三件）黑色蒸包上畫上金色線條，造型超級型格。撕開入面係香濃的奶皇流沙。叉燒米線燒味係港味的熱賣食品，可以堂食或外賣。傍晚時間都幾多人嚟斬料返屋企加餸。今日的叉燒偏瘦，我最愛。加埋碗米線好飽肚。養顏紅棗糕煙煙韌韌的紅棗糕。味道不會過甜，略帶紅棗味。馬拉糕鬆軟香甜，噤落去即係彈返上嚟。鮮蝦菜苗餃皮薄，薄到一夾就爛咗，啲饀跌晒出嚟。

年初二下午莉莉子同一大班親戚去左新界區拜年，開年飯當然要去飲杯茶食個飽啦話算莉莉子表哥介紹我地去左附近新開既港味餐廳，裝修主色係Tiffany blue 粉藍色系真係女仔摰愛，而有別於傳統既十二大大枱，港味酒家主要提供4-5人枱，岩哂細細地既家庭野食方面選擇唔算多，特別要講講個某幾款特色港味點心，好似係炸紫薯粒粒，煙煙韌韌，甜甜地；柚子蝦餃圖片同實品真係爭好遠，而且味道只係普通蝦餃味🤦🏻‍♂️最後係炸松葉蟹柳春卷，只能說食品矜貴，但實際咪就相對普通

上次同朋友黎港味，覺得抵食。同老婆行開附近，決定再幫食。 今次叫左d香脆菜式，包括超脆麵，真係超脆，香口，不過就真是十分熱氣，愛清淡的朋友未必岩。另外點左個避風塘式炒軟殼蟹，送飯一流。最後叫左個西蘭花炒龍躉，魚塊彈牙，我最愛

Happy Holiday,又係無飯煮婦日，晚餐老公帶我來港味食晚餐！第一次來港味食野，環境佈局了聖誕裝飾，好有聖誕節氣氛🎄兩個人叫了三款小菜😋😋第一款西蘭花炒龍躉球，哩個小菜超好美味，龍躉球淡淡肉，另外叫左鴻圖超脆麵，擺相十分精緻吸引，食落口脆脆的，十分可口！最後叫左避風塘炒軟殻蟹，這小菜十分野味，避風塘辣辣地，軟殻蟹炸得很脆可口。

朋友遠渡回來，送佢機前找算同佢食個便飯。於是去左港味。之前無試過，見價錢都幾經濟，就決定一試。大家唔係好肚，就打算叫三味菜就夠。叫左個大漠飛鷹，其實是芝麻雞翼，四十幾有六隻，好入味，超值再叫左個秋葵乾燒蝦球，秋葵感覺清爽，蝦彈牙但不油，唔錯。朵辣蒸龍躉頭腩，魚有少少辣但幾鮮味。埋單都是二百幾，性價比不錯。

來食過兩三次，主要系午餐同下午茶。等候時間15-35分鐘左右唔算好耐。茶水呀姐都算中規中矩。 D野食還味道可以主力推薦燒臘食品。點心類就好一般，蝦餃燒賣平日點心味道好一般。個叻叻豬流沙包就好鬼得意(但唔平囖)。飲米茶系店裡福利特色一定要叫，座位空間一般卡座較為舒適。裝修比較適合明亮簡潔。價格唔算好平民但都可以接受範圍內。晚飯就可能比較多人，就好難拿位。如果想食精品港式點心就唔係太推薦啦，如果想食港式燒臘碟頭飯就幾好會推薦朋友食。