星期五happy hour完同D姐妹即慶搵飯食，8點去剛剛有位，全場爆滿。 問有冇位嘅時候，有個哥哥態度特別差，語氣唔好，好似我哋欠咗佢咁。心諗真係無下次，幫襯你重要受氣。豉椒蟶子炒米粉，蟶子就少啲，不過配個米粉嘅味道就剛剛好唔會太鹹。豉油皇鵝腸好爽口，頭嗰兩碟都好好味嘅，心諗應該冇揀錯地方。之後重點就嚟啦！！！避風塘瀨尿蝦， 隻蝦又真係好大隻嘅，但係可惜係霉嘅。辣子雞，炸到啲雞好乾又鹹。平時最鍾意食小炒王，一定要試吓，咁咪會嗌一碟，從未試過食兩啖就已經要放棄了。 又鹹，腰果又淋。最後其他朋友都放棄咗個小炒王，叫咗個金銀蛋白菜仔，呢個先叫做正常返啲。食物同服務方面都有待改進。…查看更多
