温野菜

營業中

休息中

二訪溫野菜唯一一間有做放題既分店.分別試左佢地AUS和牛放題(Set C)同鹿兒島產和牛放題(Set D), 兩款都非常高質,值得推介.湯底湯底7款湯底中最推薦壽喜燒同藥膳湯.不過叫壽喜燒既大家要有心理準備,因為湯底略帶甜味,所以食到後面會有d漏, 如果唔鍾意重口味既人士就要注重喇.另外藥膳湯底非常足料,包括沙參、薑片、紅棗、杞子、京蔥等. 一路打邊爐都會食到淡淡既藥膳味.肉類Set D限定既鹿兒島黑毛和牛肩背肉, 油花十足, 夠滑身嫩口,就算烚耐左都唔會韌.Set C 主打既澳洲M9和牛肩脊肉,雖然油花唔算多,但都夠滑身而且牛味十足. 食落更加無鹿兒島和牛咁漏,可以叫多幾轉😝除左牛肉, 溫野菜既豚肉都非常高質, 當中最推薦餐廳新推出既熊本火之國豚肉眼同豚腩肉（掛住食唔記得影相🙈),豚肉好爽口, 又唔鞋身, 非常推薦.野菜&鍋淆配菜有好幾款都標明係日本產,例如豆苗、生菜同本菇等, 都非常新鮮. 新推出既豆腐麵大家都不妨一試, 麵質有小小似豆乾, 唔易煮淋,口感特別.試過哂兩個set後,個人覺得性價比嚟講Set C會較高, 如果唔係極度追求油花同埋一定要食日本和牛的話,Set C既AUS

————————————————————————温野菜地址：銅鑼灣堅拿道東8號2000年廣場4樓（尖沙咀太古九龍塘也有分店～）價錢偏貴但是超級高質的必試打邊爐店，需要提前book位，一人一鍋，和牛質素超高，色澤鮮明，油脂分布均勻🥩薄切方便涮下涮下，入口即溶真的做到！🟠推薦食物 Recommended 🔹澳洲M9和牛肩脊肉：超級推薦，油脂分布均勻，入口即溶，牛味十足🔸秘傳月見壽喜湯：高質湯底，加上日本雞蛋，牛肉蘸過後順滑很多，入口即溶🟡不推薦食物 Not Recommended 🔹無 No🟠員工 Waiters很友善🟡環境 Environment 清幽雅緻，適合一大班人🟠總評分Overall (9/10）💰$128/person#ezukokofood #ezukokocausewaybay #ezukoko銅鑼灣#ezukokojapan #ezukokocafe #ezukoko日式#foodiehk #foodie #hkfood #美食 #食好西 #隱世美食 #銅鑼灣餐廳 #打邊爐

其實嚟過呢一間溫野菜非常之多次，但係每一次都冇令到我失望，忍唔住要出返一篇食評讚賞下佢。基本上每一次你都係食佢嗰個任食嘅套餐，上次嗌咗有鹿兒島和牛嘅D餐，不過我自己其實都比較鍾意食比較淋身嘅澳洲和牛，所以今次都選擇咗c餐。澳洲和牛當然唔使講，基本上煮幾秒就可以食，一放入口入口即溶而且牛味亦都非常之出，小編建議可以嗌壽喜燒湯底，因為佢會配埋隻蛋黃俾你點，直接點蛋黃可以更加突出到牛嘅鮮味同時亦都唔會比一啲醬汁影響到牛嘅口感。而溫野菜嘅野菜當然質素亦都非常之高，其中最鍾意食嘅有紅心蘿蔔，爽脆得來亦都非常之鮮，非常推介大家嚟食。

今晚和女朋友到銅鑼灣溫野菜慶祝生日，之前已經黎過一次，覺得尼間餐廳打邊爐好高質，所以決定生日黎多一次！提前半個月已經訂左位，所以到餐廳好快就被安排入座！手機落單，然後好快就上菜，湯底係叫左堅魚湯底，成晚都無漏單情況出現！今晚覺得同上次黎食一樣，都係咁好味😋！10分滿分的話，食物質素我會比9分，服務態度我比11分！☺️幾位服務員態度非常友善，有耐性！感謝你地，令我有一個搞笑，難忘既生日😆！下次會再黎幫襯！

相約一班好耐冇見嘅朋友嚟食任食黑毛和牛邊爐放題有早割同埋夜晚嘅宵夜時段先會平少少由於我慣咗每晚都係六七點食飯嗰晚就喺度等到好晏先食太餓喇係咁食如果第二日又胃痛又想嘔食粥咁樣度過咗一日黑毛和牛真係好好食嘅抱住食得唔好晒嘅心態食到痴咗線之後超級辛苦可一不可再其實都係超級抵食出面買一盒都唔止咁嘅價錢嘅食得食得三四盒都回曬超級本

朋友成日都話，溫野菜好食，啲肉好食，碟碟質素都Keep到，既然係咁，我就嚟試下啦！對比咗B餐同C餐，見都係多咗2款肉我係會食之外，苦瓜同埋菇類，我都無乜太大興趣，所以就決定揀B餐小牛試刀。咁我乜肉都叫黎試下啦，新瀉雞肉係有驚喜既，估唔到呢個雞肉又爽又好食。牛肉就款款差唔多，我就最鍾意胸腹肉，同埋果然碟碟都keep到質素，仲每碟上面都會有張紙寫住係咩肉，方便知道自己食緊乜。。。因為我哋入座時間較早，職員溫馨問咗句，如果我哋可以早少少離座，就收早割價，咁當然好啦！反正我都食唔足2個鐘就飽😂。

好耐無去食溫野菜食，升級為金會員有八折，於是約客一齊食午餐。午市套餐揀揀最喜愛的Set A丹麥豚梅肉新潟雞爽肉定食$108盛合定食包括：雞肉、豬肉、野菜盛合、昆布湯底、是日鍋肴兩款、蕎麥麵 (可選中華麵、寬條麵、珍珠飯或者烏冬)昆布湯底附送一個白蘿蔔蓉，客人選蕃茄湯底是沒有的。新潟雞爽肉肉質嫩滑滿有雞味，正。丹麥豚梅肉也不錯有肉的鮮香。野菜盛合有雲耳、鮮冬菇、旺菜、豆苗、青江菜，新鮮清甜。是日鍋肴是貢丸和芋絲，貢丸爽彈充滿香菇和肉味。好味。蕎麥麵和柚子蜜屬正常的味道。客人也是選A餐，加錢轉蕃茄湯底配珍珠飯。蕃茄湯底有原個去皮蕃茄，好可愛。客人說每次也是叫這個，因為喜愛在所有食材燙熟後，把珍珠飯放到湯內煮成稀飯，嚐了一口，很鮮，果然不錯。

其實我個人嚟講都幾鐘意温野菜打邊爐，其他分店例如太古城、九龍塘亦有去過，但最鐘意都係銅鑼灣，因為暫時只有銅鑼灣分店有放題餐目。通常有重要聚會我都會揀嚟温野菜打邊爐，佢俾我嘅感覺就係「精緻」，加上一來私人空間大啲，二來有120分鐘食得冇咁趕。店員服務超好，但衛生可以再做好少少，例如坐日式凳個邊成日見到好多一粒粒碎碎同頭髮，出面普通凳就冇呢個問題，所以有得揀我寧願坐出面，反正可以落簾唔怕等位嘅人望住。講開等位又存在一個好無奈嘅問題，由於温野菜太受歡迎每晚都勁多人等位，奈何等候空間位置唔多，容納唔到咁多人，每次一開lift門都見到人山人海，完全出唔到lift。(所以重要日子最好book定位！)講完環境就到食物，今次我地叫Set C，有澳洲M9和牛肩脊肉同美國上級牛肋肉作主打，亦多左苦瓜、芥菜、奶白菜等等嘅新鮮蔬菜，不過個人認為叫Set A或B會更抵食，皆因野菜同鍋肴款式多又新鮮。我通常一開始會叫一個麻香椰菜，爽脆又好味，之後野菜就揀紅心蘿蔔，有微微酸味好開胃，蓮藕同南瓜同樣必點。銅肴方面我極度推薦炸豆腐魚球俾大家，非常鬆軟口感極佳，另外墨魚滑、免治雞肉、蝦丸同年糕福袋我都覺得唔錯。

【銅鑼灣•温野菜】————————————————————————‼️推介呢間任食高質火鍋❤️ 已經食過4,5次每一次都揀同一個餐😌😌《鹿兒島產和牛。茶美豚》呢個餐冇很輸留意番‼️ 唔係所有分店任食 同埋book位最安全湯底方面有12個選擇 一半湯底免加錢普遍蜜糖小姐揀鰹魚湯 今次試和牛湯 以日本蔬菜同和牛煮成味道濃 帶岀更多肉味 口感更豐富牛方面 每次一份三塊 次次10份咁叫🤣鹿兒島和牛實無輸 油花靚 入口嫩滑食唔停口。餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰消費 HKD558/人（另加一）✨✨✨✨✨✨✨✨✨✨✨✨✨🏠 温野菜📮 銅鑼灣堅拿道東8號2000年廣場4樓

其實已經食過好多次，唔寫返個post會對唔住溫野菜。有一班好鍾意打邊爐嘅朋友真係好有幸福，而我地最愛嘅頭三一定有溫野菜。雖然唔可以話平，但佢真係值呢個價，我地每次都會叫和牛果個level，佢每一round都會上一樣質素嘅牛，品質有保證。配埋壽喜燒湯底真係perfect match！除左牛，其他菜都好好食，仲有好多出面打邊爐好少有嘅菜，特別推介紅心蘿蔔，好清甜，連我平時唔食蘿蔔都勁鍾意食。平時其他分店都要散嗌，但呢間可以任食其實已經好抵！

天寒地凍又去左打邊爐，雖然早排嘅美國牛肉令我頗失望，不過今次決定升級食澳洲和牛放題，希望唔會失望。澳洲和牛茶美豚放題係第三級，即係中間，星期五早割係$448加一，主打澳洲M9和牛肩脊肉同美國上級牛肋肉。上兩次食過宮崎黑毛和牛肩脊肉，同鹿兒島產和牛放題。先揀湯底。價錢包湯底任選1款$29以下。湯底一共有12款，唔少都要加錢。唔洗加錢嘅湯底有6款。秘傳月見壽喜湯 秘傳月見壽喜湯配鮮雞蛋一隻。今日個湯都係唔多夠味，好彩可以同服務員攞多d壽喜湯膽自己加濃d。完熟番茄湯完熟番茄湯係一隻大大既熟成番茄配香草，番茄真係非常酸，我哋主要用黎煮菜食，味道當然唔及壽喜湯 ，算係可以啦。先黎每人一件胡麻豆腐，同一兜蟹柳梛菜絲沙律。胡麻豆腐同蟹柳梛菜絲沙律質素正常，無特別。一坐低就即刻叫肉類食啦！澳洲M9和牛肩脊肉一盒3大塊，偏大件，食落唔夠嫩又唔夠牛味，真係食過鹿兒島產和牛同宮崎產和牛就返唔到轉頭。美國上級牛肋肉一盒7片，就更韌，不能相比。鹿兒島茶美豚梅肉一盒4塊，仲嫩過牛肉，豬肉味濃，日本出品真係唔同啲。鹿兒島茶美豚肉眼一盒5塊，都唔算太韌，豬味濃。鹿兒島茶美豚腩肉一盒多塊，啖啖肥膏同皮。一如既往，新潟雞

大除夕既午餐，去左温野菜打邊爐。之前黎過兩次都係食晚市放題，今日中午12：25到達，先用App等左位，所以一黎到就有位。午市原來係做套餐，套餐有3款，價錢分別係$98，$128，同$148，另加一，包唔同數量同種類嘅肉類。我地當然揀左$148啦，包3款肉類，不可重複，可以揀美國牛胸腹肉，美國牛肋肉，新潟雞爽肉，鹿兒島茶美豚梅肉，鹿兒島茶美豚腩肉，鹿兒島茶美豚肉眼，丹麥雞，丹麥豚。湯底係北海道昆布湯，可以加錢升級湯底。仲包是日鍋肴2款，溫野菜盛合，蕎麥麵/寛條麵/中華麵/白飯/烏冬，同飲品。可加錢升級肉類，可追加鍋肴，海鮮，同甜品。要用手機落單，個人覺得好浪費時間，最後叫左服務員落單，但係服務員又唔清楚個餐包既野，最後落左餐唔包既野。美國牛胸腹肉美國牛胸腹肉一客4大塊。雖然食放題係食開日本和牛，不過原來美國牛胸腹肉都唔差，可能因爲我肚餓。不過都幾肥，定量就無所謂啦。美國牛肋肉美國牛肋肉就一客多塊，不過就唔夠嫩。新潟雞爽肉新潟雞爽肉一客4件，超爽嫩，雞味好濃。鹿兒島茶美豚梅肉鹿兒島茶美豚梅肉一客4塊，豬肉味濃又算嫩。湯底方面，加左錢升級湯底。黑松露湯 加$20黑松露湯聞落有淡淡黑松露味道，

天氣轉冷，打邊爐就最好。掙扎左好耐，最後都係決定返黎温野菜。上次食宮崎黑毛和牛肩脊肉放題，今次揀左平少少既鹿兒島產和牛，茶美豚放題， 星期一至四正價$558另加一。價錢包湯底任選1款$29以下。湯底一共有12款，唔少都要加錢。鰹魚湯鰹魚湯係以江户時代傳統製法(手火山式)煙燻鰹魚。味道都唔錯，不過冇乜特別。藥膳湯 加$10藥膳湯有百合，南北杏，沙參，玉竹，京蔥，蒜頭，薑片，白芝麻粒等。服務員拎左個九宮格，上面有九種藥材，問我哋有冇咩藥材唔食，仲可以加多啲想要嘅藥材如杞子。不過之後再想加料就要俾錢。服務員將一個迷你藥材包放入湯。個湯味道幾好，不過個人覺得藥材味唔夠。特別嘅地方係個湯加左豆豉。上次食秘傳月見壽喜鍋就越食越口渴，今次就完全唔覺。先黎每人一件胡麻豆腐，同一兜蟹柳梛菜絲沙律。胡麻豆腐質素正常，蟹柳梛菜絲沙律我地直接話唔要。先黎3盒肉類。鹿兒島黑毛和牛肩脊肉一盒3塊，油花都靚，不過明顯見到肥膏，切得唔會太薄。食落勁嫩口，而且牛味都唔錯，我地食到停唔到口。質素比美上次食貴d嘅宮崎黑毛和牛肩脊肉。不過鹿兒島黑毛和牛肩脊肉後期嘅牛就較多肥膏。鹿兒島茶美豚肉眼就較韌，豬味都可以，不過我地已經

食物質數幾好，和牛入口鬆軟好吃，蔬菜類選擇多，細細碟，可以試多種，120分鐘剛剛好，放題只有飲品沒有甜品，用手機點菜，快捷方便，上菜速度超快，服務員也很好，一位六百幾蚊連加一可以任吃日本和牛，推介！

今日黎到同事口中食過最高級既打邊爐—溫菜野，裝潢都幾日式，木系風。由於一行十人，所以等位等左勁耐，等左成1.5小時先入到去，當下已經餓到暈。一入到去有得坐低，就即叫野食，佢地有好多款肉類揀，平至200幾，貴至800幾一位都有，睇你地想食咩肉同咩類型既牛啦。我地今次叫左季節限定既「宮崎牛」，價位都叫高，盛惠728$一位，但放心，呢個價錢係「任食」架！！！所以我地瘋狂咁叫「宮崎牛」（全名：宮崎黑毛和牛牛肩口）黎食！我地分開左兩枱黎坐，我地果圍既湯底就叫左昆布、蟲草、檀本&壽喜燒。個人覺得宮崎牛配壽喜燒湯底最夾，稍為將Ｄ和牛焯熟左，就即刻擺入口食，真係好嫩滑好香好易入口！一口氣食左10幾20塊！！！！不過完食宮崎牛，再試食其他款既牛，例如美國安格斯、鹿兒島牛呢。。就真係好明顯食得出個分別，唔係話唔好食，只能說更好食既係宮崎牛囉。我地仲有叫左其他既食材黎食，但就唔係話特別出色，基本野啦，所以我諗黎大家要黎食呢間野都係食肉肉為主啦！