渝痴漁醉

營業中

休息中

中午在銅鑼灣做完野，順便同同事吃份下午茶，再返公司開會，金百利商場門口有傳單派，下午茶$30幾，經濟抵食，有多款選擇，就上八樓渝痴漁醉。下午茶餐有飯，有米線，小寬麵或薯粉選擇，麵食還可選一份小食配搭，我們也點咗叉燒鮮雞湯米線，小食則要墨魚餅和蔬菜炸蝦餅。叉燒鮮雞湯米線湯底清淡，叉燒三片，切雞有四嚿，質素不過不失，墨魚餅和蔬菜炸蝦餅，墨魚餅彈牙好食，蔬菜炸蝦餅則較油膩，點泰式醬食比較好，但没有用調味碟分開泰式醬，感覺馬虎咗🤔

今日試呢間，叫左個午市餐秘制蔥油雞飯$36 +$2 熱奶茶秘制原來係普通薑蔥，旁邊伴碟既菜凍既我無食，得4件雞，都係凍既，仲要3件無咩肉加1件雞翼尖我諗平平地想食白飯食飽佢可以考慮呢間！下次有機會我會再試吓呢間既麵，都係食唔飽既話我諗唔會再去！

三年前住銅鑼灣嘅時候都上黎幫襯過，但係嗰時嘅感覺都係普普通通今次上黎感覺煥然一新，職員同經理服務態度都好好，主動推介餐牌建議我哋食又會根據我的宗教信仰唔食乜嘢而推介其他另外叫餐有湯贈送，呢個不得不讚，足料得來又唔會鹹，新鮮冇味精。依家天氣咁凍最啱飲碗熱湯，飲完之後感覺全身都暖返曬四川菜都算正宗，而且唔貴，2點後叫下午茶$29，跟埋野飲。另外再叫多左兩個午餐，加多兩份小食，人均消費都係$60唔洗唔食得辣可以叫bb 辣，可以入口，又開胃而且份量好足👍🏻👍🏻👍🏻整體感覺好好同之前比較完全唔同，值得再食

收工之後想去食烤魚，上網搵到呢間如癡如醉個地點幾就腳所以book 咗兩位。咁一坐低口淡淡，我哋就叫咗個蒜泥白肉。呢個白肉出乎意料好食😋蒜多得嚟唔會好衝鼻好辣，做開胃菜一流！跟住我哋就叫咗一條清江魚味道就揀咗渝翁招牌豆花烤魚呢條烤魚就令人大失所望食落有一浸好似洗潔精嘅怪味我哋以為係因為未煲得入味點知煲耐咗啲湯又咸又酸又辣，非常難食結果我哋嗌左兩個白飯。。。條魚就冇食曬值得一提嘅係，佢哋飲品嘅收費非常誇張一罐出邊330ml 嘅啤酒佢哋呢度賣30幾蚊非常唔合理🙄

和朋友去銅鑼灣辦事，中午就在銅鑼灣食午餐，傻更更入左來食這間餐廳我們叫左一鍋酸菜烤魚和豬肚雞煲好多配菜，不用再加先煲一下，等食呀烤魚口感脆，厚肉，酸辣味十足朋友食到出魚帶腥，又太辣本人覺得魚不烤過會吃出魚的鮮香，我感覺烤魚不滑，可能疫情，魚烤過方便雪藏雞煲煮一煮：豬肚原度足但太老，雞差不多骨多肉少湯汁還可以帶有少少酒香兩人限聚令食太多啦⋯⋯叫白飯15元朋友過越食越辣，辣到要吃冰餐廳不容易，午市只做5檯客人午餐好便宜可以試吓

前日去完街想食酸辣野，上網搵見到百幾個，諗住試下實無死就book枱~估唔到疫情咁嚴重上到去竟然唔洗探熱，廚房d人無一個戴口罩！冷氣機又滴水！醬料又無用蓋蓋好！好唔衛生！點左個酸菜烤魚放題，128蚊1個人，烤魚就腥既，其他食物就要自己出去拎，出面得d普通丸，好唔新鮮既肉，爛菜，飲品任拎(可樂除外)，野食質素好差！唔值128！返到去仲要痾左2次~員工態度其實無問題，都有禮貌，只係員工好忙，做唔切咁。今次我得到既教訓係唔可以跟openrice食評食嘢，一定會中伏!

鍾意川菜嘅可以黎呢度一試 已經黎過幾次 今次點左川菜入面好出名嘅酸菜魚鍋 條魚好入味 又可以另點菜放入個鍋到似打邊爐甘 下次黎一定仲會點！食完仲可以問佢會送碗桂花冰粉 食完咸食後有碗甜甜嘅冰粉真係好滿足👍🏻

入左座前等咗半個幾鐘、然後落咗單又等咗半個幾個仲未上菜、催單後原來無落到單！職員仲問我地係邊個落嘅單、我反問佢我點知佢係邊個....癡線、入左座前等咗半個幾鐘、然後落咗單又等咗半個幾個仲未上菜、催單後原來無落到單！職員仲問我地係邊個落嘅單、我反問佢我點知佢係邊個....癡線入左座前等咗半個幾鐘、然後落咗單又等咗半個幾個仲未上菜、催單後原來無落到單！職員仲問我地係邊個落嘅單、我反問佢我點知佢係邊個.

早兩日碌電話嘅時候，喺Facebook見到佢嘅廣告，寫住兩小時任飲任食放題，價錢優惠實際，感覺好抵🤩🤩我哋到達金百利廣場樓下嘅時候，派傳單嘅姐姐仲指明話免收+1服務費到達店舖，店員只系問我哋係咪食放題我地話係之後，就問我地要食雞煲定食烤魚💁🏻‍♀️我哋叫咗辣嘅烤魚有埋腐竹、豆卜、蓮藕同金針菇四種配菜雪櫃有汽水同其他少量配菜自助式條魚一上台感覺賣相幾吸引😍😍唔好睇佢咁多辣椒以為好辣，其實味道比較淡，建議落單嘅時候同店員備注要辣啲魚質OK的，有煎炸過，結實冇魚腥味，但係都係果句，比較淡而無味份量兩個人share啱啱好當我哋食到咁上下嘅時候，想再 refill嘅時候店員告知魚只係食得一次，冇得再嗌，想再嗌就要收返正價一條魚，但配菜就可以無限食😶😶wt?!! 感覺好似俾人呃咗咁到埋單嗰陣見佢有收10%服務費wt?!!感覺再俾呃多次咁😂😂Ps:下次如果我再見到類似呢啲咁樣嘅推廣，我都係問清楚先入去食，免得感覺唔良好🙃

滿懷希望嚟到渝痴漁醉，見到好多食評話佢啲酸菜魚好食，叫咗一個二人餐，因為我哋兩個都好鍾意食酸菜魚。而酸菜魚亦係第一道菜上枱。點知道，酸菜同魚都無酸味。正常酸味應該來自啲酸菜，反而啲湯嘅酸味比較強烈，明顯係後來添加嘅調味。同一個餐仲㨂咗萵笋同蓮藕，相對地不過不失。跟餐送咗兩個白飯，認真一睇，個啲碗上面寫住「傷心酸辣粉」。原來渝痴漁醉同傷心酸辣粉係同一個集團，一個樓上一個樓下。個人覺得可以一試，試過咗再真係唔會再來。

今日下午同朋友喺銅鑼灣行行吓有啲肚餓，去到金百利廣場，望下食啲乜野好，最後選擇左渝痴漁醉望下個menu,真係好平，25蚊一個set lunch,所以決定叫左個梅菜扣肉飯再叫多個酸菜魚試吓佢好唔好食個梅菜扣肉飯賣相幾好，肥瘦均一，又唔會太肥又唔會太瘦，梅菜都做得幾好，甜甜地，唔會太咸，好啱攞嚟送飯但係我最鍾意係呢個酸菜魚，個湯底真係幾好味，辣辣地，最出色係佢啲魚，每一舊都好大舊，仲要好多好重料，好嫩口，每一塊都冇骨，好有心機制作總括嚟講呢一餐午餐又抵又好食

渝痴漁醉 Drunken Fish📍銅鑼灣 Causeway Bay.🌶 渝翁招牌豆花烤清江魚 Rice Fish in Spicy and Pepper Style $328: 清江魚肉質夠滑 唔太多骨 條魚預先煎過魚皮又厚又香 亦可以確保魚肉唔會肯開👍🏻 不過我哋只係叫咗小辣其實都冇乜辣嘅感覺🙈 烤魚面頭鋪滿乾辣椒、豆花 啲湯嘅精華完全吸收哂喺條魚入面 湯底仲有大量芽菜(可惜本人認為湯底有少少油膩😅).🥬 追加配菜 (嫩豆腐 $26; 窩荀 $38; 寬粉$26): 由於仲有好多湯剩 我哋就叫埋一啲配菜 寬粉滑溜彈牙 窩荀煮一煮已經食得😆.🐮 麻辣牛展 Spicy Beef Shank $62: 牛展麻辣味好重 非常刺激 份量都好夠😝.🍄 山椒木耳 Chilled Fungus in Chili Sauce $38

天氣開始寒，想食啲暖胃既野就諗起想食烤魚之前聽朋友介紹過呢間餐廳咁我同朋友兩個人就試下la 我地都唔係好大食既人叫一條烤魚 加3種配菜就岩岩好我地叫左金牌蒜香烤魚是關我唔係太食得辣叫左小辣 味道都算香口的魚身都好滑口感不錯但服務員的禮貌就麻麻有待改善

吃了很多次傷心酸辣粉，今天特地一嘗集團的另成員—渝痴漁醉，在銅鑼灣的分店就在崇光百貨旁邊。主打重慶烤魚，共有8款口味，除了烤魚亦有熱門的麻辣及酸菜口味。採用電子化下單，掃瞄QR Code 就可在網上點菜，還會贈送一款小食。餐牌有烤魚外，亦有雞煲、特色川菜、家常小炒、風味涼菜、主食等。李家沱酸菜魚，配料有酸菜、辣椒及新鮮食用菊花，魚片的份量很多，另加錢加了寬粉十分飽肚。湯底微辣鮮味，很是開胃。整體味道不錯，但吃完後有點口乾。

Had a party of 8 persons and really enjoyed all the food we ordered. We ordered the preserved vegetable fish (酸菜魚 ) which was plentiful, the chicken hotpot and their signature grilled fish . We tried various side dishes with the shredded potato being a favourite and ordered it twice.The grilled fish was tender and was still tasty even as it was cooked as the hotpot base.Service was efficient and would definitely consider going again.