渝林庭重慶小麵館

營業中

休息中

第一次寫食評，酸菜魚麵，生魚算滑，湯底睇落好清，食落就好濃味,水煮牛肉麵個湯底一般，唔惹味，口水雞都青瓜正常，整間野食物味道其實唔差，價錢合理，但真係好多味精，食完好口渴，飲左幾支水都搞唔掂，幾好食都無用，無下次

見有辣嘢食又新開嘅小店，當然要嚟試下啦，叫了一碗酸菜魚麵，份量都幾大碗，而魚有幾舊，舊舊都好大，食落好滑唔老，味道唔錯，麵就口感一般冇特別。再上麻辣豬耳，份量唔算多，麻辣油味道幾香但食了後就好口渴，當然有味精啦仲好多，之後仲口渴咗幾個鐘，麻辣豬耳有點失望 ^ ^ 😀

去開食小確幸🤭同一條街經過呢間重慶麵館🌶見到有人排隊👀應該都唔錯價錢又唔貴🤑一於入去試試等左10分鐘左右🙌🏻有位啦！點左最愛嘅酸菜魚湯麵🍜一向中意酸嘅我😙呢碗麵好合我口味🤤多多酸😝小小辣魚塊嫩滑到不得了👍🏻但有小量魚骨🐟食嘅時候要小心⚠️麵條完全吸收晒湯汁嘅精華😋好入味配菜有木耳、豆芽😚仲有大量酸菜係湯底配番支黑豆豆漿🥛唔太甜😉又抵飲$8大滿足😌平時食完呢類型嘅食物，一定口渴🙃不過食完成日都唔覺口渴👍🏻

食完B仔涼粉飽飽地(見另文)，又遇著阿囡瞓咗，兩公婆又可以食辣了！附近真係好多好野食，雖然店面小，裝修環境不錯，又食辣又份量不多，麻辣米線好選擇。店內只有4張枱，幸好早到6pm有位坐, 見到其他食客的湯麪碗好巨型，似乎碗碗都咁大，實好飽。個碗都好有特色，非常中國風。四川野，口水雞，水煮魚，水煮牛, 仲有老公叫我食肥腸麵，成碗都係冇其他唔夠開心，都係口水雞，酸菜魚都基本。麵條有很多種類，點了火煱粉(很粗的紅薯粉)，土豆粉(似幼直的紅薯粉)，都和中式湯麵很搭配。最喜歡紅薯粉那種煙韌感，粗粉應更有咬口，土豆粉就滑些易咬開。本來對口水雞都有點猶豫，因為最近買了口水雞的麻辣醬，覺得在家都做到的，出街食應選特色食物，但這道口水雞好味，有大量炒香花生，而蒜蓉花生醬好靚，令人食指大動，而且有麻辣味，食完會有少少麻痺咀，就是花椒得有的味道，有花生的口水雞醬，味道更豐富，在家唔會咁有心機炸花生。另一碗酸菜魚湯麵，很大片的滑魚，有少少骨，是大骨，小心些不會吞下，也有很多酸菜，和土豆粉很夾，因為太大碗，食時都會慢慢欣賞到碗邊的中國面譜，面對大大的木枱，大大的中國風麵，感覺就在北京麵店吃麵不過當然背後是無線新聞

呢間小店雖然唔喺旺區，店面又細，但夜晚見佢都有不少人喺門口等位，一向鍾情酸菜魚同水煮食物嘅我，當然要去幫襯下，小店開張無耐已經去試，店內員工好好人，又親切又有禮貌。酸菜魚麵（$48）魚片份量多，好滑，但有幼骨，平時食好多其他餐廳酸菜魚的魚肉都較硬都鞋口，呢間肉質好食！仲有好多芽菜，麵幼細但煙韌，份量較少，女生食剛好，男生食一定唔夠飽，湯底濃，可揀辣度，我覺得酸菜魚有少少辣先好食，所以揀左小辣，幾有喺大陸食嘅感覺！

剛剛同屋企人食完尖沙咀間滿江x，同佢講話幾好食，咁我地都係元朗住，佢同我講話游泳池附近都有間食川菜都幾好味呀！不過店面就唔係好大，咁我今日放工就一個人，一於去試下啦！去到之後，一個人就即刻有得坐啦，咁當時八點幾，都唔係好多人，一於望下個餐牌先。款式黎講都有口多款，有水煮牛肉，水煮魚，口水雞，擔擔麵等，都係川菜中夠為大眾化嘅口味，咁我由於唔係好想食辣，咁我就選擇左個唔辣嘅蘿蔔鴨肉麵啦，之後加多3蚊要包維仔檸檬茶啦。咁等個麵果陣，見到佢地d餐具都好有心思，係以川劇變臉為主題，好特別。咁個麵黎啦，賣相非常好，餐具都係有川劇變臉呀！好靚!咁我就試下啖湯先，啖湯真係好有鴨味，好清甜，再加埋d香茜就真係一絕呀！而佢材料都非常足料，鴨肉都起碼有5舊，而蘿蔔都有3-4舊，食麵啦，麵質都非常好，煮嘅時間剛剛好，唔太林，好有口感，成碗麵再加上清甜嘅鴨湯非常正，而d鴨肉非常好，唔硬，成碗麵我好快就食晒啦，下次會再黎呀！支持小店!

這間店位於馬田路那邊，左右都有幾間不同食店，而此店其實上兩手都係幾個月就玩完。但呢間雖然都只係開左幾個月，不過見人流唔錯，就決定入去同老婆試試。呢間野，唔食辣又點試得真，就叫左一個豬手麵，辣度不錯食落夠醒神。豬手燜得好㝝，值得一讚。麵夠爽滑不㝝，幼身入口不俗。紅燒腩肉麵肉有點實，但味道不錯，湯底幾好，不太濃，麵同豬手麵底一樣，評價相同。這個麻辣豬耳，夠晒爽，彈牙，食到索索聲。好味推介涼伴青瓜也不錯，天口熱係要食呢類冷盤至開胃店面不大，大男人可能較迫，招呼唔錯。而家呢個天口，先食個冷盤開胃，再食個麻辣出身汗係一個唔錯選擇

第一次去，喜歡小店的味道，麵質有彈性，能和湯融入，酸菜魚湯底香濃不膩，魚勝在少骨滑溜😋一定會再去水煮牛肉都好味，嗜辣岩哂，價錢48元一碗實在底食之選，介紹比大家

是日午餐想試新野，之前見開了一段時間，所以搵女同事陪我試~~~怕辣的我叫咗豬腸碗豆麵（$42）唔辣走青，味道不錯~~~女同事的炸醬麵（$38），大家覺得這麼簡單的麵呢個價略貴了點~~~如果呢個價錢有包飲品會比較合理，但唔會成日去食，始終大把地方抵食D，反而個魚片麵可以考慮去試才再來~~~