清真牛肉館 (打鼓嶺道)

營業中

休息中

咖哩牛腩麵分開上的...*好*…咁樣客人就可以按程度落d咖哩汁了...咖哩好惹味呀...雖然係好辣...不過會想繼續食...係口中留著那滋味...牛腩係大舊肉部分不夠稔...麵就稔左少少...清真小籠包個皮厚了點...原來清真就係用左牛肉做餡...個人覺得...都係豬肉match d...不過都佢做到灌湯的效果...牛肉餅望落好似胡椒餅的朋友…我聽到NEXT TABLE 個叔叔講…咬開左個餅邊…吸左裡面D汁…再食連皮帶肉一口咬…好YUMMY 呀~ 好JUICY…餅裡有D粒粒菜…口感加強…又唔會好滯…加上脆的皮! 好MATCH 呀!雖然都已經TEA TIME…都睇住好多人入黎…後尾先知…原來E間係新店…唔怪得咁易有位子喇~

九龍城勁食第一站。清真牛肉館。因為要留肚，所以好輕手地點了三款食物。必吃當然是牛肉餅。再來就是孜然羊肉，另加蛋炒飯。牛肉餅就不必多說。一向的高水準。孜然羊肉呢? 最大的感覺是羊肉過軟 - 不只是軟，是過軟。有用梳打粉處理過之嫌。肉的質感盡失，肉味亦然。可能我覺得羊就是要有股羶味才好吃。調味方面也不是特別出色，香料味道不太特出。這羊肉不合格。　蛋炒飯下了不少蔥，但蛋不是很嫰，而且油了一點。下次還是主攻牛肉餅好了。

食盡九龍城之1st station夠冷氣不斷添茶水每人最低消費 $20(茶水免費) 叫左牛肉餅($20@2個)+高力豆沙($32@4個)+炸銀絲卷($13)牛肉餅等了15mins好多汁!! 要不斷吸汁唔係會漏但d汁好似太salty ...不過係幾好食既=) 高力豆沙等左15mins唔錯~ 我估佢用蛋黃..所以個波係比較黃不過朋友都係話正woh~炸銀絲卷係炸得好靚 不過冇咩新奇咁姐,都唔差既

想黎呢到試佢既牛肉餅好耐嫁喇. 8點幾去到舊舖, 見到門口有一堆人係到等緊, 所以朋友就帶左我去新店到食, 佢話反正新店坐得舒服d.去到門口, 見到門口都有人係到等緊位, 不過我哋都係等左一陣就已經被安排入座. 除左牛肉餅之外唔知食咩好, 待應就介紹我哋食二人套餐. 因為我 "盡量" 都唔想食牛, 所庂除左牛肉餅之外, 我哋點左芝麻雞同咖哩雞, 仲有個炒菜. 首先黎到既係芝麻雞~~~ 呢個餸涼涼咁, 夏日炎炎食就最好! 不過compare同出面既唔見得有咩特別. 跟住上既係咖哩雞: 咖哩好香, 又唔會太辣. d雞煮到好入味呀, 啖啖雞都有咖哩味. 但係又唔會冧到一夾就散個個恐佈既階段. 雞肉仍然都好有咬好. 同d雞一齊煮既薯仔都好入味呀. 不過d雞就略厭細舊得滯, 好似件件都係得一啖肉咁. 唔夠過癮! 見到呢個咖喱好想點佢d薄餅用黎點汁食. 不過因為覺得太多野所以無點到.最後上既就係主角牛肉餅, 好驚佢有爆汁既情況出現, 所以我都要 "棟企" 個餅一陣間先咬落去. 入面既牛肉好冧好好味呀. 平時我去食漢堡包要求塊牛肉好juicy, 呢到個牛肉直情juicy到震. 肉質偏冧但係又唔會散.

在九龍城的清真牛肉館,一直人流不絕,每晚在這個聖城麥加外面,總是惹來大批來自香港各地的信徒來潮拜.無他的,因為他們的牛肉餅,咖喱羊等菜式做得實在好吃.後來更惹來同類型對手,在隔離開設清真食店,擺明是混水摸魚.大家賣的食物差不多.自然吸引了一班"游離"客人,這些大多是在清真牛肉館門外,等得不耐煩的食客.年來應該執了不少死雞.肥水不流別人田,小店長期不勝負荷,終於在附近的打鼓嶺道,開設面積更大的分店.點大?分兩層,擺兩三圍都得.牛肉餅同咖喱已吃過,反而未吃過其湯麵,見到有羊肉搶麵,便來一碗試試.湯底色水濃,先試一口,得個濃味,怎喝也喝不出一點羊味,羊肉很稔,這種稔是用梳打粉做出來的稔,羊味欠奉.其後的煎牛肉鍋貼,餃皮煎得香,但易破,內裏肉汁滿瀉,而且還是熱燙,味道鮮甜.牛肉一樣帶有濃香的肉味.見到餐牌上,有各式的二人,四人,八人,甚至十二人套餐.無論是兩小無猜,抑或一大班人,各取所需.想一想,如果在清真擺兩圍,又會否有點誇張?

今日我同honey都放假, 不過就成日落雨無停過! 我地決定同媽咪去一齊去咗清真新店食午餐, 試下水準係咪同舊店一樣~ 先講下個地方啦, 新店感覺無舊店咁擠迫,坐得比較舒適~牛肉餅 - 雖然係好食不過對我嚟講就始終咸咗D, 但係新店就無咁咸啦, 啱我口味~ 咖哩羊腩飯 - honey 咇叫架, 水準依然, 羊腩炆得夠淋又入味~芹王麵, 第一次食, 覺得ok喎, 好多牛肉碎, 湯底唔錯~麻油雞, 好一般,無雞味又夠滑~總括嚟講keep到水準

叫了外賣, 拎到番屋企仲係熱既, 即刻食啦嘩..一咬..d汁多到...wowow...勁重牛肉味, Very Juicy呀...真係正到......未試過咁好食既牛肉餅..拎了一張菜單回來, 才知它是分店...呵呵..因為總店太多人了...下次可以再來食

九人聚餐我在香港的第一次创举港大RA Meggie住在九龍城 爽爽爽爽可爱的两个同学 玲玲和小石子充满书卷气的投行工作者 Harry东北大汉 王晓明带着经济学课本来吃饭 佳佳煮紅豆沙一級棒 聿聿貪吃 許 可愛嘟嘟以此志纪念————————————————果壳苏三饕餮走四方 餐厅名称 清真牛肉馆 餐厅地址 九龙城九龍城打鼓嶺道33-35號地下 交通 乐富地铁站打车过来不跳字，走过来大概半个小时呢。 餐厅电话 2382 1882 营业时间 11:00-22:45 就餐时间 2008 年 11 月 23 日 19 时第几次用餐 第 1 次 可否刷卡、八達通 现金 共几人用餐 9人 总花费 507元 如何知道该餐厅 看蔡澜的节目知道他家的牛肉饼很出名 用餐目的 晚餐 菜名 清真牛肉饼 咖喱牛腩和咖喱羊肉 琥珀鸡球 虾球 卤水三拼 酸辣汤 凉粉 价格 点了一个四人套餐，外加一个汤若干牛肉饼和米饭 评价 来自吃面食的北方人，这个牛肉饼没有什么特别之处，我不觉得好吃，没有小时候吃的猪肉大葱火烧好。 咖喱制作精良，肉真多，用料实在，当天吃完之后，我打包回来还做了一碗咖喱饭。 琥珀鸡球是甜口的菜，味道不

有Ｄ野，一定要熱辣辣先好食既．．．．．打包就不如唔好食清真牛肉館既牛肉餅就係其中一個例子一向唔鍾意孤伶伶一個人坐係餐廳食飯既我．．．．今日係ＣＡＬＬ唔到人陪我食既情況下都要一個人食啦，　為左牛肉餅．．．．值得既好多野都好想食．．．可惜一個人又可以食到幾多呢？最後食左一件牛肉餅（＄10）　＋　一碗雞煨麵（＄３３）牛肉餅不嬲都要等，今次就ＬＥＥ頭叫，　果頭就黎，　個心好驚．．．唔通係預先整好？？　我用手摸一摸　　仲係熱既，一咬落去，無煙出，雖然唔係新鮮滾熱辣，不過都好即刻可以食。。個餅皮有油，不過可以接受，而且好「翠」，一如以往有牛肉汁流出黎，因為唔係新鮮滾熱辣　Ｄ汁無辣到個咀．．．真係同飲牛肉汁無分別，足足有２個湯匙既牛肉汁．．．　一咬Ｄ餡料，有牛肉味，仲好juciy．．．．食完牛肉餅，個雞煨麵就黎．．．時間啱啱好個麵Ｄ料唔夠，唔喜歡佢有Ｄ中國磨菇係入面，Ｘ翠拉麵小館好食過佢，只可以話個麵ＯＫ合格

下午茶時段來到清真牛肉館的新館, 比起舊鋪大d同闊落d, 起碼唔會感覺太迫首先叫一左一碟咖哩牛腩飯($35), 佢地已經自動自覺咁將d牛腩同飯分開上, 食落去都偏辣, 有濃香的咖哩味, 味道都幾好, 配飯食最好, 但感覺好似d茶餐廳或連鎖快餐店的港式咖哩, , 又唔係非常特別, 而且d牛腩都幾肥, 同埋幾多薯仔之後叫左咖哩角($25), 一碟有5隻, 新鮮整出來都幾好食, 其實個咖哩肉碎的味道底同d咖哩牛腩d汁十分相近, 估計都係用同一個咖哩膽, 不過新鮮炸又點會唔好食呀??!!萬眾期待的牛肉餅($20, 2隻)等左15分鐘左右終於送到, 千祈唔好即刻食, 因為好熱架, 等左一陣終於忍唔著要咬下去, 果然有好多牛肉汁流出來, 皮煎得香脆, 不過塊餅底比較厚, d牛肉碎質感實篤篤的, 扣左d分數, 而且個餅個size好似細過以前好多咁...整體而言, 食物水準不錯, 但又唔係好味到非食不可的地步, 可能因為慕名而來的人實在太多, 質素始終可能有所影響!!

在中午時, 當我們去到舊舖時已有很多人排隊, 有位亞姐職員和我們說, 去新舖嗎? 不需等位.新舖相隔舊舖兩三條街口, 新舖很大, 有兩層, 比較寬敞.我們兩個女仔點了一客兩個牛肉餅 $20 : 無得頂,好好味....... 100分....另點了咖喱牛腩 $55 : 不算很辣, 很香咖喱味, 但牛腩不夠諗, 想不到招牌菜之一都唔得, 有點失望......

黎到新舖都係要排隊,野食就快d,水準都Keep得倒牛肉餅個皮煎得皮薄香脆同多汁咖喱牛腩ok,軟硬適中一個人食唔倒太多好多時都係打電話叫訂外賣唔洗等

本來想去舊館，但去到，出面六七人排隊，由於呢晚只係「考察」性質，所以，去新館試試三男一女，叫左個六人餐，全部清晒，唔係份量太少，而係我地大食其他菜式，唔會太差亦唔會有太大驚喜，牛肉餅既水準已經彌補到一切臨走前，師傅整比隔離台熟客既拔絲香蕉，賣相同味道同樣吸引，希望佢遲d真正推出餐牌。

冇幾耐之前食完清真... 但與親戚們又再去食，皆因大家都被牛肉餅和咖喱吸引着。新店今日早開舖 (初四)，所以就到訪新店了。門面當然比舊舖好，起碼叫做坐得舒服。當然，同餐廳果 D 舖面都仲係有段距離啦﹗不過唔緊要，最重要都係食食食... 牛肉餅: 今次既牛肉餅... 皮太簿，散左，面頭果件漏晒汁，搞到下面果 D 皮都腍晒。D 皮唔夠脆唔夠硬，冇左果種滿足感。咖喱薯仔: 比起牛肉餅，佢 D 咖喱水準好穩定。講真，咖喱可以話係「控制範圍」之內，而 D 牛肉餅又真係好高難度，所以明白到佢有時會失手。佢 D 咖喱香、濃、微辣。本來是喜歡吃椰汁味重的咖喱，而呢度既咖喱係冇乜椰味... 但因為佢真係好味，所以唔會介意囉。至於薯仔，可能係因為我地太早去啦，佢炆得唔夠腍，唔夠入味。話就話佢 D 咖喱好味，但後來先知佢要成 $40... 以一堆咖喱汁同十多舊薯仔來說，貴左 D 囉。蔥油餅: 香脆可口，唔油膩，香氣撲鼻，值得推介。叫開咖喱記得叫埋佢，用黎送咖喱汁一流。$20 有九件，幾抵。山東燒雞: 正宗既山東燒雞應該係皺皮的。首先要炸左隻雞，然後要攤凍佢.. 到食果時再蒸一蒸 (只是整返暖佢而已)。但佢

唔好以為我同bb作戰完小曼谷就收手, 行行下誤打誤撞黎到呢個清真牛肉館aiii呢度有齊晒我地想食o既野呀, 早知黎呢度啦!!我唔知呢個係唔係正牌la, 因為間間都話自己正架嘛...我地外賣左2個牛肉餅, 等左唔係好耐咋, 出面仲有櫈坐添~等等下隔離有2個人打交...呢度或者雜左d...好彩bb o係旁邊咋~~之後等唔切o係巴士站食個熱辣辣o既牛肉餅...wooo 勁正! d 汁流入個口到勁好味! 熱熱的汁 凍凍的天氣...^^暖晒我鍾意個皮呀,,,好簿但好煙un!!!!!!!>v<bb留左一個比我屋企人試添呀超好*