清玉

營業中

休息中

見呢間奶茶舖最多人幫襯，價錢又唔貴就嚟試吓百香蘆薈綠茶 ($26)叫咗走甜 但係都係好甜😵‍💫 一飲就知係唔係新鮮嘅假果汁 綠茶味唔突出 蘆薈用粗飲管都吸唔到😕 飲完之後仲變得更加口渴😓 如果唔介意甜嘅話可能覺得OK但係我就唔會再幫襯—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: no💳 𝗉𝗋𝗂𝖼𝖾 $25-40 𝗉𝗉 🌟 𝗈𝗏𝖾𝗋𝖺𝗅𝗅 4/10📍 清玉 旺角彌敦道688號旺角中心第一座2樓SA29A號舖

琴日去買野飲，點解佢塊面可以咁黑，又無禮貌，建議佢帶口罩！以后唔會再去，飲品麻麻地，沒什麼特別，普普通通，珍珠細細，沒有下次，沒有下次，沒有下次，沒有下次，沒有下次！

次次嚟清玉都飲鐵觀音冬瓜茶🤔今次試吓新嘢先👇🏻試咗個寒天烏龍青茶(少甜少冰)🧋估唔到都幾好飲！飲落去烏龍茶味好出會回甘但唔會覺得苦🤤個人真係好鍾意清玉個配料寒天😆因為佢個寒天軟硬度啱啱好食落有煙煙韌韌嘅感覺💛重點係就算加咗寒天都唔會令到個杯茶過甜過漏🤤真心覺得清玉係台式飲品之中係高質嗰堆香港價錢唔貴味道又高質🤤真係feel到佢用嘅茶唔係平價茶葉又唔會比好多冰溝淡咗杯茶嘅味道😆除咗鐵觀音冬瓜茶之外呢杯都值得推介！價錢仲平啲添😆

平時不嬲係旺角都會買呢間飲 未試過遇到咁樣態度嘅店員 本身見到有個女店員企係個落單位 就行埋過去講唔該諗住落單 點知個女店員完全冇理過我 轉左去後面 ok咁我以為佢聽唔到 因為佢好似整緊啲杯啦 咁我等佢轉返過黎 我又大聲講左一次要咩 佢都係冇理到我 我依家先好肯定佢係特登 首先 我第一次叫佢嗰陣佢已經係見到有人企係到 我同朋友2個人企係到 其實本來就冇理由見唔到 同埋我已經叫左2次 咁可以知佢一定係特登啦 其次 如果你係忙緊有嘢做緊 其實可以講聲話要等一陣 咁就冇問題 但係我唔明點解連講聲都唔講 就咁聽到都唔理 扮聽唔到 因為我叫第二次 入面有第二個店員都望左過黎 之後個女店員都係冇理我哋 第二次叫左佢都係冇理我哋 我就已經嬲到走左 我真係唔明點解要咁樣做 如果係咁樣態度 不如唔好返飲食業 搞臭曬呢間鋪啦見食評入面都有第二個人投訴 應該係同一個女店員 希望搞返掂你哋嘅員工質素先啦 咁樣真係唔會再想去呢間買嘢飲 😅😅😅

清玉如其名好多清爽類既果茶揀，啱晒熱辣辣既夏天飲。自己多數叫檸檬類既飲品，開胃消滯又好清新，今日再試埋百香果，發覺都幾正喎。揀咗百香果蘆薈紅茶，加埋我情有獨鐘既愛玉，無糖少冰，百香果本身既甜味好足，飲落有少量味道自然既果肉，蘆薈就幾甜應該浸咗重量糖水，愛玉就依然係我最愛，滑嘟嘟又冇負擔感，正！見樓上有啲人話態度差，今日去到遇到嘅男同女店員們反而幾親切喎好多時啲茶飲店都係請兼職居多又未必個個做得長，都明白培訓係難啲，所以有時遇到態度差嘅都唔會太上心，都係買杯野啫哈哈香港人寬容啲💛

今日買杯野飲 order完果一秒俾錢 問你果位大眼靚靚女女既女店員 我：「咦..係咪可以少甜架？」佢：「係下次早啲講！」（無尾音、西哂面、串到行既態度）我：「…哦… 咁半甜少冰丫」佢：「無得少冰！」（無尾音、西哂面、串完你好威咁走左去）嬲到我想唔要杯野 可惜嘅係我岩岩俾左錢反應唔切我真係唔知點解做客做到我咁可憐！我都好有禮貌好斯文果啲女仔，而家幫襯飲杯野係咪要受佢氣呀！🔥真係越諗越火滾 😤嬲到我半夜訓緊都諗番你女店員果個不可一世既態度同樣！請唔到人我明，但人都係要train，杯野就算幾好飲都無用（你已經唔係好飲果隻）我台灣已經幫襯開，香港有我都好開心，但自從呢個女店員，我唔會再幫襯。下咩次早啲講姐？我而家order緊咪講緊囉 點解又串到行又黑哂面姐？ 我去過台灣幫襯 未見過有人可以咁無禮貌

#frostie旺角之旅  ✅ #清玉 📍美食探險👉 @frostiewithfood - 🔥清玉奶蓋巧克力奶茶🔥   🍫《 #奶蓋巧克力奶茶》$29  今次到訪旺角分店，店鋪地方細細，但位處鬧市區，所以都幾多人買！第一次飲清玉嘅奶蓋，感覺幾有驚喜⭐️香濃芝士奶蓋配搭皇家巧克力奶茶，鹹甜交融嘅味道引人入勝，15分鐘內已經成功KO呢杯飲品!巧克力入口順滑，不太甜，至於奶蓋都比得非常充足，差唔多飲到最後都仲可以飲到奶蓋的鹹香滋味~ - 分數： 4.2/5 - 🏠 清玉  - #foodie #foodiehk #hkfoodie #foodphotography #food  #foodiegram #foodblogger #foodpics #foodlover #食評 #drinks #香港美食 #香港零食 #hongkongfood #hongkongfoodie #清玉 #旺角美食 #台式飲品 #奶蓋 #旺角 #mongkokfood #奶蓋巧克力奶茶

今日去旺中行街，又未試過飲清玉於是就買左杯茉莉珍珠奶綠返屋企飲，個茉莉奶綠不過不失嗌咗少甜都有少少偏甜，但係個珍珠我食落去好硬，唔算好煙韌，而且係味覺上唔知係咪自己錯覺，食落口好似有陣膠味，唔會再去試

本身想幫襯佢格離果間嫁😂點知話無奶茶，所以就買左清玉叫左一杯仙草鮮奶茶$30🧋佢既奶茶茶味較小，反而比較多奶味我個人係接受到奶味，如果平時唔太鍾意奶味嘅人應該會一般值得一讚既係佢既仙草勁足料平時飲到一半已經冇晒，今次飲到最後都仲有

一直都覺得清玉好似係台式飲品之中較為正宗啲嘅鋪頭，今日係旺中行街，又忍唔住買番杯先。不過真係要等好耐，因為成間鋪得一個男仔，不過佢態度好好，落單會同你講得佢一個人，所以要等耐啲。。。益力多綠茶真係會落一樽益力多嘅，呢款我朋友次次都飲，有淡淡嘅綠茶味中和左益力多嘅甜味。。奶蓋烏龍茶加珍珠我覺得今次啲珍珠硬左小小，唔夠q彈。不過奶蓋味好重好creamy。但店員俾我之前幫我搖均左杯飲品，忘記左叫佢唔好搖，因為我覺得先飲一啖清茶再攪拌，好似好飲啲😂😂

因為唔想飲奶茶檸茶嗰啲茶仔野所以食完lunch就上嚟商場買杯台灣野飲下呢間我覺得最好飲係檸檬愛玉愛玉份量都唔算少檸檬酸酸甜甜 正好解解午餐嘅滯如果可以快啲再去到台灣就好😢

中午係個度買，得一個人落單同沖野飲，完全忙唔切，明明唔多人買，但等杯野飲等咗15分鐘，覺得呢個可以改善下。野飲味道都ok嘅，而且價錢都唔係好貴，物有所值，如果可以多啲員工就好了。

其實我本來是想光顧位於「太子」「彌敦道」旁邊的台式手調飲品店「清玉」，可惜「太子」「彌敦道」分店「清玉」一直未有開門營業。於是我被迫暫時放棄光顧「太子」「彌敦道」分店「清玉」，改為光顧「清玉」位於「旺角中心」一期二樓樓上的分店，「旺角中心」環境相對「太子」「彌敦道」分店而言，人流相對會比較多比較嘈雜。「清玉」沒有製作類似「水蜜桃紅茶」的手調台灣紅茶飲品，反而有加入乳酸飲品「益力多」的手調紅茶或者綠茶飲品，我就選擇了購買「益力多綠茶」飲品。由於「清玉」的手調「益力多綠茶」飲品，除了有分「熱飲」跟「凍飲」兩個不同溫度版本之外，還包括有不含任何茶葉成份，純粹讓酸味乳酸飲品跟酸味檸檬汁合體而成的飲品「檸檬益力多」。其實我以前也曾經在其他地方，購買和試飲過類似酸味檸檬汁，混合酸味乳酸飲品而成的檸檬益力多飲品。不過我以前享用檸檬益力多飲品，只是午餐裡面的套餐飲品，情況跟現在純粹享用飲品有點不同。而且我今次是以「外賣自取」的方式，購買旺角分店「清玉」製造的冰凍「檸檬益力多」飲品，「清玉」製造出來的「檸檬益力多」，飲品實際份量比我以前喝過的「凍檸多」更加大。而且我之前剛剛還在太子食完晚飯，急需享用一些

//#黃店地圖系列間野叫：清玉邊度黎：旺角彌敦道688號旺角中心一期2樓SA29A (自行openrice其他分店)🌝：參與罷市 部份分店有代「和你寫」收信和收益捐星火 (黃分店詳情請看食評後資料)▪奶蓋青茶 $227分清玉新出嘅奶蓋系列 有紅茶同青茶 奶蓋偏濃奶味 芝士鹹味較弱 值得一讚係青茶(其實即係綠茶) 入口甘香 無苦澀味 禾同口水佬都鍾意撈勻黎飲 不過我就偏好鹹味重奶味薄嘅奶蓋啦 順帶一提 出示學生證會有額外9折喔～

清玉 （旺角）-呢排戴口罩出街，成日都覺得帶住個口罩會搞到個人好頸渴，咁啱覺得好口渴嘅時候就經過清玉，諗住入去飲番一向飲開嘅益力多系列，點知售罄🥺 所以今次就試吓其他嘢～-🔍 蜂蜜綠茶 $20本來係諗住解渴所以叫杯清清地嘅蜂蜜綠茶，已經叫咗少甜，點知都係太甜！😟 想解渴但解唔到，淨係覺得飲到個口好甜嘅感覺😳 睇嚟下次如果想嗌嘅話都要嗌返半糖或者微糖了...-食物質素：4/10（今次呢杯）環境氣氛：/回頭指數：8/10（下次都係繼續飲返益力多系列...）-📍 清玉 (旺角)旺角彌敦道688號旺角中心一期2樓SA29A