添記法式三文治

營業中

休息中

吃了這店多年由半份法式三文治由$18吃到現在$35水準從無降低過。物價按年通漲你說他貴嗎？但那些連鎖店放在凍櫃內的冷冷三文治也要此數。喜歡這𥚃永遠是即點即做！用十分鐘換來一件外皮焗至香脆，一口咬下麵包屑四濺的享受是覺得十分伐算的一件事！豐富的餡料有豬手、肝醬、嚼肉還有大量醃漬過完全沒有生澀味的蘿蔔絲，喜歡辣的再加上刺激十足指天椒粒（仲可以揀大小辣）。年少時可吃下全份當午餐，或正餐前吃半份當頭盤熱身，現在.....半份已KO!當戲院小吃部一隻微波翻叮乜料都無的熱狗也是這價錢的話....你會㨂邊樣？

添 記 法 包 🍞🍞小法包$35 🍞大法包$68 🍞蒜蓉包$8懷舊味重流金歲月，開業多年現在才第一次吃老闆的拿手好戲小法包。簡單的裝潢主力做外賣，店內都可以坐著吃的，只是位置不多。小法包即叫即製，所以請耐心等候🌝法包夾著咸豬手、五香腩肉、法式嚼肉、越南札肉，餡料份量夠多！味道剛剛好不過火，餡料夾在小法包中夠紮實，吃的時候不會容易溜出來。法包外層金黃香脆，內裡鬆脆，確是不錯👍法包分為小法包和大法包，小法包一人享用就差不多了，看到大法包真的很大大概可以2-3人分享了

這天恰好要開車回公司而時間上又有點鬆動, 便想來一下這家已吃過幾次但仍然不斷翻食的小店. 昨天晚上TVB的區區開伙剛剛又介紹這家名氣本已頗大的法式三文治小店, 本來不想於這個時間過來, 但不太餓只想吃個輕食的狀態下, 我還是來試一試, 果然的, 電視媒體的力量是龐大的. 店內已看到有數人在排隊. 因為這裡店子較細, 一般的客人都會外賣或是當場快快吃掉, 之前未見過如此景觀. 排了10分鐘跟老闆要個少少辣的小法包, 由於店子內人多, 便拿回車旁邊站著吃. 法包還是一貫的烘的脆身, 配上內裡的蘿蔔絲, 扎肉, 腩肉, 醬汁. 調味上味道依舊好吃. 整個法包吃起來外脆內軟. 看到老闆即使人流突然增多, 做事還是有條不絮. 吃完後才想起, 應該加點一份蒜蓉包嚐嚐. 只好等人流散去後, 下次再來光顧. 翻食指數: 75分.  人情味小店, 味道不錯, 只是交通不方便略減分數. (此指數平衡店舖交通, 味道, 環境, 價格... 等等, 個人作出的評價.)

I can't judge the Banh Mi's authencity, as I have not been to Vietnam yet. The bread is crusty/ powdery (specially made for sandwich) with spices (not spicy) always make me cough from my first bite. There are 2 deli meat used in the sandwich which is made by the owner himself whilst the Vietnamese sausage was brought from outside. The sandwich is reheated in oven before the fillings are put it.The sandwich is very flavourful, with the fresh crusty bread. Some of the meat is slightly fatty to add

Bahn mi is something very simple, but yet hard to taste good.And I can say this is possibly the best bahn mi you can get in town.It's tasting same as the one I had in Hanoi  The sandwich itself it's fluffy with cripsy skin, the veggie inside is so fresh and tasting very good with the sauce.

行過見倒個招牌好有舊日嘅風味於是就走左入去喇入到去見倒除左熟食仲有啲雜貨今次叫左蒜蓉包最容易整嘅野往往都係最難整嘅個包最特別嘅就係連啲蒜蓉醬都係佢地自己整嘅！個包咬落由外到內都係脆嘅，個皮唔會硬個蒜蓉真係好香，一拎出黎就聞倒唔會好似平時食完覺得口渴果啲咁值得一試

突然想食法包，就諗起添記，食佢雖然要行得遠D，但用心小店一定支持再支持麵包即叫即整，所以好脆， 秘製蘿蔔 酸酸地好開胃， 腩肉扎肉都好夠味， 加埋又係食過越南食既法包，下次食埋蒜蓉包先

香港好食既法式越南包唔多，呢間真係好好食。雖然好似比好多年前少咗料 價錢又跟通張加咗 但味道依舊好好食。通常我都會買 1 個 大既 2 個人食，再加一個 garlic bread !! 超滿足

店名:添記法式三文治地址：佐敦渡船角文苑街30號文耀樓地下A號舖好味指數：8.6/10價錢：$31小法包法包內包含了四款肉，分別是札肉，咸豬手，五香腩肉和嚼肉。嚼肉是雞潤和豬肉碎製成。另外還有秘製紅蘿蔔絲，醬料是牛油和沙律醬。法包即叫即焗，大約製作五分鐘，店員還細心問要不要幫我們切開兩份。雖只是一間小店，卻令客人感到十分滿足和快樂。法包外皮鬆脆，內裡鬆軟，配合的餡料非常夾，紅蘿蔔絲味道也挺特別，包上還灑了一層薄薄的胡椒粉，增添風味，令人一試難忘。 

是日偷得浮生半日閒，因工作需要到訪渡船角，穿過完工無期嘅地盤，橫走陋巷，盡眼所見都係等開晚巿宵夜嘅火鍋店、重慶燒烤，因同僚的一句「我細細個呢間野已經喺度喇！」（估計佢都近四張），本人就不得不衝入添記，一嗅老店獨有的古樸味道。一進門，只見店員專心咁不停為法包夾入餡料，好似無視本人，以及時間的存在。。。旁邊仲有小貨架，售買各種越南米粉及香料，應該是掛..好烏龍、好白痴、又發雞盲嘅本人，竟然想以15蚊買一個細法式三文治，完因職業關係我只係掛住scan咸豐年嘅報導，而忽視左黃底紅字，雞那咁大隻字嘅價目表，「小姐...我哋10年前就賣15蚊」，真係好魚...唔緊要，因為慣了。很任性吧，呢個年代都仲要憑卡換包！？我明嘅，呢度所有包都要再烘焗十分鐘，先至會脆卜卜，我拎住張等。。。終於等到呢個年代久遠，象征住越法兩地文化交匯而成嘅結晶品：越南法式三文治！法包摸上手係熱辣辣，内裡夾住豬腩片、扎肉、酸醃蘿白絲，一咬落去好脆，大家都知法包一淋就好鬼韌嘛，而豬腩片簡單調味，清清地，食到有魚露青檸嘅味道，同埋鍾意扎肉係切到長條狀，唔怕跌嚟跌去，最鍾意就係上邊嘅酸蘿白，夠清新開胃，33蚊都好抵食，食一個已經好飽。

每次有朋友到香港我都會帶佢地周圍食香港地道好野，而添記總係我個 list 上面出現。添記已經屹立左唔知幾多個年頭，鋪頭細細貼滿唔同媒體既訪問。睇下 2005 年既報導，當時一個細法包只係賣 $15, 而家則賣 $33, 可見香港物價升左幾多。鋪內設有雜貨架賣各式醬料同食品，主要為涼果，如檸汁薑、九製芒果、話梅等等。添記越式法包之所以禁吸引我，除左價錢相宜之外，係因為麵包同餡料都絕對唔馬虎。係香港食過唔少法包，好多標榜話自己有幾脆，但事實係又硬又乾又唔好味，界到個口傷晒唔知為乜，而添記選用既法包，烘完之後屬鬆脆，唔硬又易咬，麵包唔特別香，不過做越式法包又唔怕佢唔香，因為餡料味重，有麵包中和都唔錯。落單之後老闆馬上烘法包，等幾分鐘就熟練地將餡料填入，有扎肉、嚼肉、腩肉、豬手肉、醃蘿蔔絲、青瓜等。下午茶的話，兩人分一個細法包就剛剛好。味道好正又複雜，有微辛引出食欲，幾種肉味加埋好香，酸酸甜甜既蔬菜中和肉既油膩，脆脆法包加埋繽紛既餡料，真係色香味俱全。食到最後先記得影相，真係唔好意思，今次唔係相機食先。

同貧友o係中環食食食完就去左科學館玩下順便落下隔之後就黎到今日第7站添記雖然住左o係附近好多年但一直好少過黎哩頭搵食因為真係幾唔就腳約貧友食飯更加唔會揀哩頭適逢好次搞哩個食食食活動先有機會黎哩度試下店面其實好細就似似地港式快餐店冇坐位, 得1,2張枱一係外賣, 一係企o係度食法包有分大同細因為我地有5個人就要左個大, 切開5份每人都仲有幾大舊法包烘到脆脆地, 仲係微暖入面都有好多料醃過的蘿蔔, 青瓜, 洋蔥, 扎肉材料都好新鮮, 酸酸地好好食

8吋的小法包 $33因為地理位置問題一直沒有來試, 今晚因為到附近吃大阪燒, 意外地發現這店就在附近，好開心終於能夠試一試! 因為已經吃過晚飯，因此小法包剛好滿足兩個人的胃口。點了小法包後老闆便放小法包入焗爐中烤熱，之後再加入法式嚼肉、越南扎肉、五香腩肉及鹹豬手肉到法包內，最後加上酸甜的紅蘿蔔絲點綴一下，還未吃已經感受到這是用心之作。一口咬下時，烤焗過的法包非常酥脆，包碎散滿一地，各種肉類混合在一起後非常惹味:鹹豬手肉的咸香與腩肉的油香和口感最為突出，真的值得到此一遊!

最近先知道有呢間小店嘅存在，今日離到佐敦渡船街呢邊，終於有機會食下！其實我本身都無食過呢種法式三文治，聽話係法國統治越南時,越南人發明的呢間舖頭好細，得2個位，做外賣為主。食個陣係傍晚時間，條街無咩人，但呢度都有幾個客响我之前落咗單等緊，由於得老闆一個人一腳踢，所以大家有心理準備要等一段時間，因為即叫即做。我點咗普通份量，由於無食晏，所以覺得唔太飽。味道方面，各種材料都很夾，酸酸甜甜的蘿蔔絲，咸咸地嘅扎肉，熱辣辣脆到爆嘅法包，最後加灑上香辣嘅胡椒粉，幾種味道加埋一齊很美味。

去渡船街見親尼間小店沒有刻意尋找關於它的歷史或食評,但今次要吃法式三文治~~三文治拿上手仍是暖暖的，咬下法包香、鬆、脆！餡料豐富，有四種做法的豬肉，各有特色~法包...比以前更乾...其實本來就算是偏乾但這次真的乾到會食到口角破損港好吃的小店愈來愈少, 希望不會又一間在我的名單上消失~~~~~~