添好運點心專門店

營業中

休息中

2019年3月30日，早上10時15分，三個人的早餐。我們總共點了七個點心: 1) 鮮蝦燒賣皇 2)蠔皇鮮竹卷 3)酥皮焗叉燒包 4)煎臘味蘿蔔糕 5)家鄉鹹水角 6)鳳爪排骨飯 7)蜜味叉燒腸 食物質素屬正常，但當在餐廳員工不禮貌看顧的情況下，食物品質在今次消費過程中已經不是一個重點。事發經過: 一名疑似高級店員（並非穿著正常綠色員工制服) 藍色格仔恤衫及下身穿著深色圍裙。-對我們呼喝並強制我們三位，必須坐六人座位。當我們要求轉至四人座位時，該職員用無禮態度拒絕及回應我們: “四人座位唔係比三個人坐”。-與此同時，該職員用枱上的碗 敲擊桌子，撞擊出聲響以示意對我們的不滿。-下單後，該職員更將下單後的收據從遠處拋到我們的枱面上。我們對今次的消費，表示遺憾及非常不滿，一間食物質素一向都不錯的連鎖食府，竟然教育及縱容一個極其沒有禮貌的員工服務大眾。消費中，我們看到有不同國籍的顧客，中國遊客、台灣遊客、日本人以及外國人。相信我們可能只是零星的劣評個案，但假設投訴的是遠到而來的遊客，豈不是影響了香港飲食業的聲譽？

門口個肥阿姐真係好趕客！站在門外等了約20分鐘，突然下大雨，我帶著2個小朋友進入店內避雨。可是，帶位的肥阿姐態度十分不友善說：「唔該你哋班人出去等啦！」之後再向等外賣的客人說：「20分鐘後先好番來，唔好阻擋門口！」肥阿姐再向店員說：「佢哋只是客人，我哋唔需要退讓半分！」我們一家頭也不回就離開，不會有下次！雖然添好運已打響名號，衝出香港，這樣的服務態度只會敗壞香港的名聲。

今日趁禮拜日 屋企人一齊去咗奧海城想飲下茶食個包 所以就揀咗食呢間添好運啦深水埗嗰間就食得多 奧海城都係第一次個裝修真係好唔一樣㗎 好古色古香因為星期日所以出面好多人等 多數都係啲外國遊客我地等左一陣就入左去我地發現鋪頭最入果兩張六人枱係蚊仔嘅重災區可以有幾隻蚊仔圍住枝匙羹架 好恐怖我地自己換左啲餐具就叫野食我哋嗌左好多嘢食 有蝦餃燒賣叉燒包奶皇包馬拉糕仲有蝦腸齋腸蘿蔔糕菜苗餃春卷同埋糯米雞牛肉球 仲叫左個滑雞飯基本上menu啲野都叫左一次咁滯野食黎講又唔算話特別出色 都係普通茶樓嘅味個蘿蔔糕無煎過咁滯 奶皇包入面又1 pat咁一上菜就即刻食 驚又有蚊仔「嬲」住啲野食啲茶無咩味 感覺都係深水埗果邊正宗啲下次都係去返果邊食啦

添好運入咗米之連之後成日都去食，點心好味得嚟價錢親民，一直係我哋一家人嘅摯愛！佢茶位只需$3，比起平時酒樓平好多！仲唔洗加一添！嘢食方面好正，我地每次去都點好多！首先，蝦餃皮薄餡靚，啲蝦好大隻，勁正！脆皮叉燒包係佢嘅主打，一上到嚟熱辣辣好正，個脆皮真係博博趣，略嫌個餡有啲甜。但係整體上來講，真係好好食！仲叫咗個鹹水角，個鹹水角好脆好熱好好食！最後，屋企人話要有啲飯食滿足，所以叫咗個鳳爪排骨飯。平時係出面食嘅排骨會有雪藏味，但呢度完全無！

之前食過一次添好運之後,朋友又突然再說上次食得太少份量,決定成班朋友再食多一次.今次點了叉燒酥,說是最好食的皇牌點心.一食之下,真的很酥脆,而且叉燒和酥皮相當配搭.香脆柔軟又易入口.相當惹味。蝦餃,大大粒,仲要好大隻的蝦餃.可說是我的最愛點心。煎蘿蔔糕,略為煎得有點焦,食下去有點失色.燒賣,都是大粒又飽滿,咬下去不但爽口,而且用料十足,很有傳統的味道。今次品嚐了好幾款的點心,雖然是大眾化的點心,但食下去卻令我有一番懷念的味道,真希望下次光顧依然保持此水準。

据说这是香港最实惠的米其林餐厅，和妈妈在香港的这几天吃的都不太习惯，就特意找过来吃添好运，5个人点了5个点心，味道还都挺不错的！糯米鸡 和大陆的糯米鸡差不多 感觉里面除了鸡肉还有猪肉？不错～虾饺 下次想试试烧卖，感觉都还不错酥皮叉烧包 这个应该是每桌必点的点心吧，甜甜的，如果不喜欢甜味的人可能不习惯，我这种爱甜的人觉得太好吃了！家乡咸水角 好吃！里面大概是咸肉馅？豉汁蒸排骨 也是非常不错的一道！

今日假期專登同屋企人搭車去到奧海城食添好運。去之前見到咁多人話帶位員工態度惡劣，我哋都有少少擔心。但係，個人認為啲員工嘅服務雖然唔算特別好，不過都冇大家講得咁惡劣。最重要嘅係，我哋嗌嘅點心都非常唔錯，值得假日一家大細嚟食。首先，大家如果嚟食，一定要試吓佢嘅招牌，酥皮焗叉燒包。佢個皮非常鬆脆，餡料好足，外脆內熱。仲有佢嘅鮮蝦腸粉又薄又滑，蝦嘅份量都足夠。佢嘅蘿蔔糕唔似得大部份酒樓咁剩係得粉，每一啖都可以食到大塊嘅蘿蔔。燒賣嘅餡都非常有誠意，食得出啲豬肉餡打到起晒膠。仲有其他嘢食，例如蝦餃、菜苗餃、牛肉球、賽螃蟹春卷等等都好好食。不過佢個糯米雞啲糯米雖然唔錯，但係唔知點解有豬肉係入邊，同埋只有一舊細嘅冬菇，略嫌唔係咁足料。最後就係佢淨係提供一種茶，如果可以多啲茶葉俾人揀就好啦。整體來講，我覺得添好運係一間值得再食嘅酒樓。建議大家可以趁平日少啲人嘅時候去試下！

未試過等位已經等到想走!門口有位阿姐, 態度極之惡劣。行近少少睇佢張紙仲有幾多個number 先有位 -> 阿姐:"你唔好阻住我啦"俾張點心紙無板墊住, 借佢門口張檯側邊墊住畫點心紙 -> 阿姐:"你唔好阻住我啦! 企開d 呀, 你宜家阻住我呀!"叫到個number 有客人出黎想入座 -> 阿姐:"你地人齊未呀三位?" 客:"齊架啦, 仲有一個泊緊車黎緊" 阿姐:"唔得架喎! 你唔齊人唔俾你入呀! 爭一個都唔得呀!"大陸遊客想睇下仲有幾耐先有位 -> 阿姐: (指住側邊幾個人) 佢地都未有位啦, 幾時到你呀!你見唔見到我好忙呀!"基本上每幾分鐘就聽到佢呼喝一次! 仲要廣東話唔正架!!!最後我同同行既人等左25分鐘, 都決定走人! 未試過咁嬲等到想走人!

深水埗食過幾次覺得唔錯，就來呢度食下順便行街。點知一到勁多人勁混亂都未拎飛，之後個員工一岀來就喝d人企埋一邊，未拎就企呢度。其實如果貼幾張紙有中日英寫明邊度拎飛邊度等就方便晒啦。依家員工又比人迫到火爆，d人就唔知點做無啦啦比人喝狗咁喝。入到去點點心，好小選擇。點番個幾樣啦，食物都keep到但已無乜特別。以前有的賽旁蟹春卷已無變番好普通個蝦肉春卷。之後想叫員工比杯水，講左三次先有反應。之後仲要反問「一個茶一個又水」勁唔願意，最後呢個員工都無拎到水比我。我叫左另一個拎。d員工之間大大聲講是非又用粗口。我覺得老闆可以對他們都好刻薄先咁差態度。下次唔會再來啦！假期食餐好都要受你氣！

The chubby waitress has the worst attitude ive ever seen among all my dining experience . Very good food that i have to say, but sadly we will never visit again and will not recommend to friends anymore. Her mean attitude really make us forget how good the food are. Glad we still have many good dimsum places.

去到餐廳攞位，本身排第二，企左1分鐘唔夠就俾個侍應趕左出門等。由於我地之前未攞飛(佢冇派)，加上突然有好多人嚟，於是個侍應就叫所有人排隊再攞過飛。咁我地就同佢講，我地之前同另一個伙記攞左位，排第二，但個侍應就不斷叫我地排隊。終於等到我地，我地3個人都到齊，但個侍應就聲大夾惡咁問係邊三個，又話我地攞左兩張餐單，混淆佢。(但明明佢d餐單同筆係放喺度任人用) 最後我地太嬲，冇食到走左。即使佢地攞左米之蓮，係出名，但都唔應該咁對D客人。俾錢你賺仲要受你氣，以後都唔會再嚟！

完全冇服務可言, 服務員/收銀櫃檯態度又差, 街邊點心鋪買個叉燒包都會多謝你, 這裏真係唔會, 只想你快啲食完快啲走, 地方淺窄, 枱又細, 叫多幾樣嘢已經擺唔落, 左塞右塞, 啲嘢有幾好味都冇用..............................完

之前食過北角嗰間，味道ok，今日就諗住去呢間分店食多次，去到門口見到有人等緊位，但係門口攞飛嗰個位冇職員喺度，就走入舖頭，同個收銀姐姐講兩位，佢即刻俾張枱我，我以為出面啲人係等緊三人或以上嘅枱，所以就坐低咗，點知就有個女侍應以命令嘅口吻叫我出返去，話要等位，我同佢講係個收銀姐姐叫我坐，佢就話個收銀咩都唔知，我問佢點解唔企返喺門口嗰個攞飛位幫人寫飛，佢就好惡咁同我講：「你見唔到我好忙㗎！」，我就同佢講：「你咁忙咁我唔阻你啦！」跟住揼低張飛就走咗。 有啲咁趕客嘅員工，啲嘢幾好食都冇用！

去奧運城探下多啦A夢 之後就食飯啦！奧海城其實都好多野食 但同朋友最都係決定食點心！添好運既入口唔係商場入面 我地都係問concierge 先知 係要穿過個出口先到🙈一去到就即刻有位 但啲位都算逼款式大部分都係最經典個啲雪山叉燒包係必嗌！外皮依然好脆！呢四樣都冇咩特別...本身想要多個糯米雞 但好不幸賣囇(明明一去重見到幾枱食緊😿) 所以轉食牛肉球 但都係冇咩特別 唔算好味🧐總括而言 如果下次再想食叉燒包可能會淨係外賣🙈

呢到既食物品質唔錯，價錢合理，但服務態度真係要改善下。我早前同朋友2個人揀左呢到食晚餐，當時我拎住好多野，所以揀左張4人枱坐。當時客量唔多，空枱好多，亦有好多只坐緊2個人既4人枱。當有新客黎，帶位姐姐偏偏要求新客坐我地張枱。態度都幾差咁要求我拎走啲野比個客坐。我當時只有無奈地接受。唔計服務態度既話，呢到既食物都值得一試既～我最鍾意佢既酥皮焗叉燒包，酥皮又脆又香口，配上熱辣辣既叉燒餡真係幾正嫁👍🏻