淳味

營業中

休息中

淳味日式料理是一個讓人流連忘返的地方，無論是價錢、環境還是食物質素，都是不錯之選。餐廳內部環境寬敞舒適，低調的燈光營造出溫馨的氛圍，非常適合與親友聚餐。在食物質素方面，淳味的每道菜都保持水準，食材新鮮且優質。吉列炸蝦冷烏冬的賣相精緻，炸蝦外酥內嫩，口感脆口卻不油膩，搭配滑順的冷烏冬，炎夏進食讓人透心涼。牛肉丼飯的牛肉鮮嫩多汁，配以雞蛋的滑嫩，味道互相融合，讓人感受到滿足回味。叉燒石鍋烏冬則是一道讓人驚喜的選擇，圓片的叉燒在熱石鍋中烹煮，保溫程度十足，讓每一口都能體驗到叉燒的香氣和烏冬的彈性。每款套餐還配以梳打汽水，清爽解膩，完美搭配。整體而言我會親自這間日式餐廳。食物品質和環境都是性價比高之選。

呢間野都算我同屋企人既食堂，平日晏晝都係好多人，唔知點解今日冇咩人，當時大約兩成入坐率，出面冇人等緊我屋企人未到，就想入去坐住等，跟住有個後生女侍應話「假期有限時」，咁我就問下屋企人幾時到啦，跟住有個中年女侍應就話「人齊先入得」呢兩個人講野都係冇尾音我上次去尖沙咀同類鋪頭都俾我等（間鋪都係冇咩人）你間鋪都冇咩人，我入黎叫埋屋企人個餐先唔得咩？唔怪得之個個都返大陸消費啦直到我食完先坐多左少少人真係幾好食都假啦 咁既服務態度

有次行過無意間發現咗呢間餐廳，之後都encore咗三四次，每次都係嗌吉列豬排石鍋烏冬，豬排炸得香脆，啱啱好唔會油，肉質幾好唔柴，點上章魚燒個種醬，超好食! 石鍋烏冬係用靚烏冬，偏方形嘅，唔係打邊爐個隻圓圓地嘅烏冬，入面仲有啲其他配料，六十幾蚊仲跟罐嘢飲，真係好抵，抵過旺角個間石X堂好多... 平成$40蚊，而且坐得舒服啲。

今晚約咗位特別嘉賓一齊晚餐選了起工作附近嘅日式小店唔知點解今日全日都覺得好凍想食啲熱野揀咗上級牛肉石鍋蕎麥麵自選湯底揀返松茸香菇湯一黎到卜卜卜卜好暖笠笠原本以為個蕎麥麵會煮到好淋點知碗野咁熱仲keep到彈性牛肉好滑好喜歡有一pat 黑松露起堆牛肉中間好味又唔會太搶味整體又唔會好咸好食仲有coke zero跟餐滿足😌謝謝您#淳味 #香港 #香港美食 #太子 #日式 #日式湯麵 #蕎麥麵 #牛肉 #hk #hkfoodie #princeedward #japanesefood #japanstyle #soba #coke #yummy #lovely #sharing #CHUZZZTASTYJOURNEY #gracechuma #eateateat

今日去咗位於旺角花園街（淳味日韓料理），門面裝修環境，整體都ok嘅， 員工服務都可以，至於食物呢，影相都算有食相，食落去真係不得了呀！！！叉燒石鍋烏冬，哩碗嘢犀利囉，從未食過咁差嘅嘢，叉燒乾到同食柴皮一樣，根本乾到吞唔到，唔知以為我叫錯咗燒到好乾嘅五花腩，食咗一啖就只能食到烏冬，豚肉炒年糕，睇個樣好似好正，食落去係完全無食到味，幸好年糕無過淋，照燒雞扒丼飯，滑蛋同雞扒都好乾，芝士凡立貝，元貝本身無落味，主要味道來自芝士同墊底嘅薯片，還可以勉強接受，胡麻雞肉沙律，雞肉係滑嘅，菜都算新鮮，基本加胡麻醬嘅嘢係無得輸嘅，總括黎講叫咗5款嘢，只有沙律可以，無下次

諗住去花墟買花，順便去花墟附近搵間餐廳食飯，見到呢間餐廳都有人排隊，有相對地唔使排太耐，就覺得應該唔錯，但係。。。飛魚子雜錦壽司丼飯🍣首先佢唔係壽司醋飯，而係暖笠笠嘅飯😂 而且啲飯係好硬😞 三文魚、吞拿魚、八爪魚、甜蝦都唔算新鮮，飛魚子同玉子蛋就OK。由於唔係好啱胃口，所以冇食晒牛扒冷烏冬冷烏冬質素中規中矩，附送嘅鰹魚湯汁亦都正正常常；但牛扒真係好韌好韌，部份韌到連大人都咬唔到😝 總體嚟講呢一餐嘅食物唔算滿意，不過坐得舒服

已經不止第一次幫襯，石鍋烏冬真係好好味，湯底唔會太咸，夠香濃，烏冬好彈牙！消費無加一，良心食店！要撐！！！已經不止第一次幫襯，石鍋烏冬真係好好味，湯底唔會太咸，夠香濃，烏冬好彈牙！環境坐得舒服，冷氣夠凍。職員都算有禮貌，唔知點解之前見到啲食評寫到咁差。消費無加一，今時今日取左茶餐廳同快餐店無加一，呢類餐廳都難搵。良心食店！要撐！！！

忙左成個上午，旺角買完野，要搵好西醫醫肚 搜尋到呢間都幾親民 但評語一般，唔理lu，最重要舒適座位，實在好倦。而呢間餐廳主打烏冬 一入座比杯水 座位都寬落，唔會迫～ shopping 完大包小包～ 朋友最後刺身丼，自己就想食烏冬～ 包一罐汽水飲品。食完唔會好口乾 但再濃味少少就超正！食完個餐都好飽，下次至試到小食～ 服務員有禮 主動問要唔要加水～整體不錯，下次黎晚餐，原來全日都免加一

.平日晚市食客不太多｜不到半滿座位.日式餐廳🍴氣氛同佈置相當到位兩人簡單點餐 不到$75平均一人.1️⃣ 鰻魚丼飯 $822️⃣ 叉燒石鍋鳥冬 黑蒜豬骨湯底.石鍋飯成日見 石鍋烏冬第一次見燒肉算很多 湯底有誠意.鰻魚一大片 滑蛋也蓋滿碗.CP值算唔錯👍🏻

香港人最愛食日式料理無論係拉麵🍜壽司🍣魚生，烏冬便當🍱等等，都大受歡迎今次晚餐我一個人食，選擇咗《飛魚籽雜錦壽司丼飯》附送味噌湯及汽水。滿滿一大層雜錦魚生，三文魚吞拿魚墨魚玉子，壽司飯嘅水份蒸煮恰當，口感唔會太腍個人鍾意食炸物，脆卜卜口感，所以額外加咗一個炸餃子🥟淳味地址: 太子花園街217號地舖#旺角美食 #太子餐廳 #壽司 #刺身 #丼飯#手打烏冬 #日式便當 #香港餐廳

入座唔夠三個字野都未食完就不停執嘢趕你走就係因為外面有人等緊位餐廳內環境尚算可以服務一般你食未完一樣野佢就不停問你係咪食完收唔收得好似不停想趕你走咁食物味道一般偏下圖片同食物有出入

呢間唔起眼既日本餐廳，行過佢絶對吸引唔到你行入去😂祇要你入去幫襯過一次，你會想返來再食😋咩原因吸引到我？首先當然係價錢啦！五，六十蚊既價錢，包埋飲品，我可以接收，仲要無加一服務費👍其次份量係夠飽既(男士都應該夠)😂所有食物即叫即煮，上枱熱辣辣。推介滑蛋🥚叉燒飯👍😋叉燒厚切，入曬味，雞蛋濃香，滑捋捋，唔會過熟，時間控制得啱啱好👍最後味道食材普通入得口，唔難食，咁既價錢可以接受，會再幫襯。

辛苦左一星期，週五晚餐當然選擇外食，👉餐廳裝修很日式，很雅緻👉和風章魚小丸子即叫即製熱辣辣，其實小丸子看似製作簡單，但卻要用上不少耐性及心機。這間餐廳的章魚小丸子外皮燒得香脆金黃，內裡的粉漿除了有軟熟的口感外，還有半流心的效果，一咬下去，滾燙的粉漿即湧出來；餡料的靈魂 — 章魚粒彈牙富鮮味；外面淋的醬汁也要夠香甜，令味道更有層次，而不會過膩。💡女生吃幾十元的晚餐真的吃好飽，經濟又實惠💡晚餐都沒有加一

我都好少可喺OpenRice寫衰一間餐廳，不過今次呢間真係不吐不快入座後叫咗呢個飛魚籽雜錦壽司丼飯，注意店員完全冇提及過無吞拿魚。叫餐飲時，五款特別嘅罐裝飲品，有三款都無，都唔緊要，我叫另外兩款。上菜嘅時候，出到嚟無吞拿魚，已經O咗嘴。我問店員，點解無吞拿魚嘅，明明Menu有。佢話，乜落單嘅時候同事冇同你講咩？我話無，咁你哋冇吞拿魚唔係應該用其他嘢取代嘅咩？佢話，已經比多咗三文魚我。有無比多到，大家就自己睇圖定斷啦，我就一啲都唔覺得多咗，淨係覺得個飯好頹，同埋最值錢嘅吞拿魚無左。其次，食食吓先發現，Menu係甜蝦，但上菜變咗熟蝦。仲要隻蝦酸酸地，一食落去就知好唔新鮮，八爪魚都有雪味。呢個價錢，麵豉湯開粉就預左。不過至少開勻啲粉吖？碗底啲粉一舊舊，鹹到飛起。呢餐真係衰過我喺超級市場求其買個魚生飯。唔明點解餐廳入面仲會滿座，餐廳外面仲有幾枱客排隊。希望大家唔好中伏。

諗緊食咩果陣，經過呢間日本餐廳，睇完餐牌好似幾吸引，所以最後入咗嚟試😎夜晚好多人幫襯👍🏻我哋叫咗一份360滑蛋叉燒丼飯同吉列黑豚豬扒石鍋手打烏冬☺️360滑蛋叉燒丼飯味道一般，唔可以話唔好食又唔可以話難食😅吉列黑豚豬扒石鍋手打烏冬既烏冬比我想像中一般，不過吉列黑豚豬扒整得好食😋石鍋可以保溫，令到湯底可以好熱👍🏻整體野食一般，服務態度就好好👍🏻