深鴻私房菜

深鴻私房餐廳絕對是我近期最驚喜的發現！菜品精緻又地道，招牌紅燒肉入口即化，海鮮新鮮度滿分，連配菜都充滿匠心。服務貼心周到，環境優雅私密，適合家庭聚餐或商務宴請。性價比超高，每一分錢都花得值！從食材到擺盤都能感受到老闆的用心，已經推薦給身邊朋友，下次一定會再來！…查看更多

七人共聚，點了一隻燒，套餐三寶：薑蔥生蠔窩，咕嚕肉，上湯菜苗。再加小炒，椒鹽九肚魚，還有香菇炆豆腐，可惜西瓜盅售完，但餸菜份量很足夠，大家食得飽飽，餸菜炒得夠火喉，真的沒來錯，下次會再約朋友，及介紹朋友來光顧👍👍👍👍👍…查看更多

屋企人話有好食中菜，隻燒鵝好食，小菜夠鑊氣。真係咁正！好就試下睇下有幾好食。我哋一到就問我，要唔要冬瓜盅，得返3個。講緊係全場得一枱食緊，一枱剛坐低(即係我嗰枱)。又咁好食？見到個湯勁清，真係好甜，冬瓜盅最適會夏天，超清甜，飲咗暑熱都清晒。金沙美國炸桶蠔，咸蛋黃超香口，蠔又夠鮮甜。荔枝柴燒鵝，未食已聞到荔枝柴香味，皮脆肉嫩，有啖啖煙燻味。豉汁蒸鱔彈牙又滑， 仲有個蟹肉粉絲煲，啲粉絲吸曬蟹嘅味。值得再嚟。…查看更多

今晚8人晚餐，叫了8款小菜，燒鵝皮脆肉嫩，小炒王鑊氣夠，避風塘炒蟹味道一流，冬瓜盅足夠八人份量，海鮮新鮮，擺放一流，每款都咁出色，服務態度又良好，下次一定會再黎。…查看更多

未講到其他餸就急不及待要稱讚荔枝柴燻燒鵝，第一啖咬落去香燻無比香，肉嫩細滑齒頰留香，色香味俱全，第一眼望落去都覺得係一種藝術，喺我留言嘅期間啲兄弟已經食曬隻鵝😆😂，真係要試一試…查看更多

天寒地凍 同屋企人去開旺角搵到呢間 …好多人排隊等位 最好下次打尼訂定枱枱同枱之間比較迫 環境就比較嘈 大排檔感覺但食物味道不錯 上菜夠快我地叫左 瑤柱扒豆苗 好多瑤柱 豆苗夠嫩 夠大碟 唔油脆皮鮮果咕嚕肉 食到新鮮菠蘿但小外脆內軟 啖啖肉嘅感覺唔會太肥 荔枝柴燻燒鵝 ～好野味 肉嫩 趁熱食 咬落去好juicy 蟹籽蝦乾椰絲粉絲 粉絲好爽彈牙 足料豉油王大海蝦 蝦細隻左小小 呢個菜麻麻地 鼓汁蒸鱔 好食 新鮮鱔 整體尼講都不錯 服務態度友善 係人手方面唔夠 食物都不錯 4個人食 最後 埋單$1400價錢合理。人均$350…查看更多

第三次到來食飯，頭兩次體驗都不錯，於是今次四人聚會再來幫襯。可是今次服務令人十分失望，未落單之前就對你上賓般不斷推銷和種套餐，當你點了菜而不是套餐，態度就變得平淡。這個都可以算數，但每食完一道菜就趕收工收碟，令人十分反感。如果全場滿客而又有客在排隊等位，我都可以理解，可是沒有這情況出現都這樣做就令我不滿，見碟餸少啲就想來收碟，有時要叫停才不收碟。最後甜品都未食完就收晒所有碗碟就過了火位。服務雖然極差，但食物是有水準的，至於下次會否再幫襯就要多多考慮。…查看更多

記住唔好相信店名,根本做唔到私房菜諗,連一般大排檔都不如,諗住同事一齊聚會,睇下有冇好嘢食,點知感覺一般,先說服務,因為唔係太多人,所以服務都還可以,但室內有人食煙,😡😤,硬件上還可以,首先佢哋有做特價,煙燻乳鴿口感比較韌,一般唔夠惹味,魷魚鬚炸出嚟好多油,應該冇炸第二次迫出油,條沙巴龍班蒸到熟過個頭,肉唔滑嘅,其餘的餸菜都係一般,價錢一般,真係唔怪得香港咁多食肆執笠,冇心做生意,希望如果想繼續落去希望改善廚藝......不會再嚟,openrice至少要寫200字先可以評分…查看更多

上次團年飯在旺角深鴻燻鵝館食，已經覺得不錯，而這裏有一張能坐16人枱，又在房間裏，正好乎合我需要，所以二話不說在這處訂枱，與負責人鄭小姐聯絡，她非常友善，為人爽快，為我們寫了菜單，價錢合理。今次是我第二在旺角深鴻燻鵝館食晚飯，餸菜不錯，- 燒鵝很美味有獨特煙燻茘枝味，很惹味。- 燉湯足料很入味，並沒有味精。👍🏻- 星班魚蒸得剛剛好，魚肉很嫩滑。- 西蘭花帶子很好味，西蘭花炒得清爽。- 鮑魚冬菇生菜，鮑魚冬菇炆得恰到好處，彈牙不靱。- 其他菜式亦無失準。整體而言，食物有水準及有質素，份量又足夠，人人食過飽，枱很大16人坐亦很闊落及舒服，今次安排在這度食，真係無訂錯，很滿意。…查看更多

朋友推介，位置方便在旺角，所以訂了枱與家人一起食團年飯，叫了一個6人餐，個個食個包。上菜快，所以可以一氣呵成，食完整頓飯。食物品質不錯，酒家座無虛席很熱鬧，很有氣氛。下次可以再來。…查看更多

訂了六人枱與家人食團年飯，但只能給我們一張四人枱，因為接近新年的關係，即使係訂咗枱都唔能夠比一張大小小嘅枱，我哋叫咗一個套餐再另外加3碟餸，事前已經知道枱面唔可以放晒所有食物，所以要求侍應所有菜不能一次過上，前後總共跟他們說了三次，但他們都說不能夠控制，最後他們要將三碟菜放在枱邊的兩個茶機上，兩個老人家要好急趕趁熱食，我只要求碟蒸魚可否遲一下再上菜，侍應回來的答覆是：bad News，魚已經正在蒸。當時係晚上六點其實酒樓未坐滿，只係得我哋同另外一張枱，後來要求老闆娘處理，老闆娘才將其中兩碟菜拿回廚房。呢啲係一般酒樓基本可以做嘅安排，佢哋完全無能為力。本來團年飯應該開開心心，最後老人家食到一肚氣離開。非常氣憤及失望的一餐飯。…查看更多

好友外國回港相約聚餐，開心💖大發現這間優質美味深鴻私房菜😋用心制作中菜款式多種類，個人感覺特別出色菜式有荔枝柴燒鵝、荔枝柴燒乳鴿、蜜桃咕嚕肉、蜜汁脆皮鱔、避風塘茄子、椒鹽魷魚鬚、豉椒炒蟶子及帶子配米粉餅、薑蔥焗蠔、清蒸東星斑 及魚湯浸菜款款都好美味。現場食店環境簡潔有乾淨，服務員態度親切有禮，與朋友們開心共渡一個豐富晚上，朋友們都讚不絕口 👍推介比出街食飯及約會聚餐的朋友去試下！記得要電話訂枱，座位有限！…查看更多

真係一家令人賓至如歸的私房店。每位職員都細心有禮。知你來慶生仲即送壽桃。我係再次到來，第一次食完已對荔枝柴燒鵝念念不忘，今次再食亦水準依然，义燒，避風塘茄子一絕。無限時，食飽傾夠盡慶而歸。…查看更多

親友飯聚，上網搵地方，見價錢合理，食評又幾好，記決定一試。10人訂房，一圍（12人份量）$5000＋碟碟份量都好多，味道又唔錯，房內有大電視卡拉OK，好正。乳豬全體上枱仲有微暖，肉嫩皮脆唔肥，好食。上湯龍蝦煎米粉底龍蝦份量唔少，米粉煎得甘脆，點埋個上湯汁食，唔錯。炸蟹鉗略微蟹鉗打得太硬身，炸左出黎一陣已經覺得好實，唔好食扣分。荔枝柴薰燒鵝好香煙薰味，鵝肉都燒得幾好，唔會好乾，個豉油比較重味，幾好。蒸魚，鮑魚，海皇翅，飯麵等等，全部都正常水準，樓面又定時定候入嚟招呼下，換下碟，好過去酒樓食，價錢係貴少少，但就食得舒服好多。由於人少同埋多老人家，飯麵燒鵝加兩樣菜都有打包拎走。1樓係房，2樓應該係大廳，星期日晚都爆，可以坐到11點半左右。…查看更多

跟外國回來的朋友行旺角，找地道香港燒味午餐。行到煙廠街與花園街交界，看到樓上小店的燒鵝廣告就跑上去睇吓，竟然有驚喜。燒鵝用荔枝柴燻過，有一陣獨特的香味。點心也很好味，雞札足料大大舊，XO醬蘿蔔糕大大碟，最正係燒乳鴿，又香又脆皮，食過番尋味！忍唔住中秋佳節再去晚飯，同家人分享美食，雖然店小但出品都是用靚料，花膠湯勝瓜好味又夠厚，蒸杉班成斤半才佰多元，椰子雞湯足料又好飲。美中不足係無糖水送，或者真的是太忙了吧⋯^_^…查看更多