深鱻鍋

營業中

休息中

以前已經有來這裡食，不過到達後才知道原來已經轉手，但食物質素仍然保持水準。所有海鮮都清洗得十分乾淨，龍蝦十分新鮮，貝殼類的內臟都清理得七七八八。食完海鮮後火鍋粥底有枝竹及瑤柱碎，最後更有雪條提供收尾。食完十分滿足，有聚會會再安排到這裡。

住深井朋友推介，位置喺村屋嗰堆，燒鵝店後面，都要訂台，因為鋪頭不是太大，唔訂台真係未必有位，及要預訂海鮮，我哋訂咗$388+10%個餐，另外再問有冇其他嘢可以加，有兩個朋友遲到，唯有叫杯啤酒同其他朋友吹下水，老闆好好，冇吹我地，正常會黑面，因為蒸氣鍋要食好耐，可能會阻佢收工，但佢話冇所謂慢慢，之後朋友到咗，即刻開火，攞左一堆海鮮出嚟，洗得勁乾淨、北寄貝花甲帶子鮑魚蠔蟹蝦聖子，樣樣都白雪雪，又勁新鮮，帶子勁大隻，蠔冇渣勁肥，雖然啲蟹有啲細隻，但係好新鮮同好實肉，跟住心諗我哋明明訂咗龍蝦，點解冇攞出嚟，原來老闆話早攞出嚟，龍蝦放得耐會黑，食果陣先劏出嚟，好細心，又會蒸每一樣海鮮都告知幾多分鐘先最好食，食咗勁多海鮮，不過我哋都想食下啲肉，就叫左果到出名雞，雞肉好滑又夠味好正，牛肉雖然係普通肉，不過老闆話時間控制得好，用蒸方法，牛肉味會更加重，最後當然是蒸氣鍋重頭戲個粥底，其實都飽到上腦，不過都要食，勁正，好重海鮮味又鮮又甜。最後埋單因為額外加咗其他嘢同飲啤酒，所以每人大概$500左右。值得推介，下次都會同家人及朋友去食。

最近發現在深井村內街有蒸氣海鮮，決定支持小店一試究竟。是次5人用餐，預訂了鮮魚及龍蝦套餐，共有12款海鮮，以及蔬菜拼盤和包含整餐精華的海鮮粥。當老闆將海鮮擺上枱之後，給人第一感覺便是好乾淨，無論海鮮的表面或是內臟都處理得十分乾淨👍這是第一次食蒸氣海鮮店舖如此用心去處理食材。海鮮都很新鮮，最令人印象深刻的是青龍蝦，泰國九節蝦以及脆鱔。青龍蝦每邊都有濃厚的蝦膏，蝦肉爽口彈牙；九節蝦爽脆鮮甜；脆鱔肉質厚實，魚油濃郁。最後的珍珠米海鮮粥吸收完全部海鮮精華，配上油炸鬼及醃菜，真是一絕！

好食嘅程度係值得寫一篇食評佢話俾人知好正終於知道點解咁多街坊介紹，想食一定要book位冇得Walk in海鮮係老闆親自揀全部都好新鮮，亦都洗得好乾淨,食之前會同你介紹一下食材，講解吓蒸嘅時候有啲咩要留意，貝類有驚喜, 好鮮甜，蠔及鱔都好肥美，原來蠔就咁蒸都可以好好食，連蔬菜都好高質，最後食既粥唔係一般出去食蒸海鮮，將啲米加落煲底既水度, 係一早煲好粥放煲底, 等海鮮嘅精華滴落去,自家製辣菜脯一個人可以K.O.晒一碟。一定會再幫襯。

見OpenRice咁多好評所以揀左呢間食晚餐晚餐需要提早預約 。老闆會喺早一兩日問食邊個餐 。因為所有食材都係要預份量餐廳係預店，所以得20個位左右 。叫左一個每人$268嘅餐，有枱上咁多野食所有食材都好新鮮 。老闆仲會過黎介紹每一個食材 。其實老闆黎之前，睇到啲食材，都好好奇點解洗得咁乾淨，尤其鮑魚同蟶子，睇到個殼同內臟果啲都洗得好乾淨 。到食喇，真係好鮮甜，海鮮好新鮮，而且真係一啲沙都無 。個鱔仲好有彈性，超好食 。食到咁高質素嘅野，已經好難有，仲要只係兩百幾蚊… 真係好好好值老闆對食物嘅執著，完全可以由佢對食材嘅執著，同埋同客人嘅談吐睇得出 。好值得支持嘅小店

性價比高👍🏻👍🏻值得再幫襯😋😋深井街坊介紹真係好正，之前一直想試，但都未有時間，今次就試吓二百幾蚊那個餐，食材夠新鮮，份量又足夠，條魚新鮮又大條又有不同海鮮😍食材因應情況而有所不同的老闆 又細心會講解D海鮮每樣蒸幾耐👍🏻之後又會幫你蒸，食到最後D粥嘅精華所在又好味，D粥裏仲加入瑤柱去煲，就更加美味😁食唔晒老闆仲好好人幫忙打包攞走，真係服務周到🥰食完飯仲有一個即食小湯送，真係十分之正，而且不限時間，同朋友可以慢慢傾、慢慢食😁見到隔離枱食那椰子雞火鍋好似好正，下次再幫襯試下先😁

第一次幫襯,感到老闆對食材執著及誠意,海鮮是經過老闆親自認真挑選,再經過老闆細心清洗乾淨,不同海鮮用不同時間去蒸,時間剛剛好熟,完全食到每種海鮮嘅鮮味！已經第一時間推薦比朋友！

我哋嗌咗個蒸龍蝦套餐，一位三百幾蚊，真係超值！啲海鮮非常新鮮，而且全部洗得乾乾淨淨。老闆好有誠意，仲親自過嚟介紹每款海鮮點樣蒸同埋點樣食先至最正。三百幾蚊就食到咁多海鮮，啖啖鮮甜肉質，真係好抵！食完海鮮之後仲有海鮮粥，老闆話海鮮粥準備了好耐，真係好有海鮮味，非常好食。食到超飽，最後連個粥都要打包返屋企。上星期我哋先喺九龍試過另一間蒸海鮮，價錢要七百幾，但食完之後，我哋都一致覺得深鱻鍋啲海鮮又新鮮又好食，海鮮仲多好多，絕對值得推介！

之前喺呢間舖頭是海鮮蒸鍋，非常好食知道推出椰子雞鍋立即book位試喺香港及大陸其他地方都試過椰子雞鍋，都唔夠呢度好食湯底只有椰青水及幾樣經老細精心計算後加嘅材料，越煲越清甜，一啲也不油膩雞很嫩滑，在椰青水的襯托下，更有鮮味時菜及烏冬，是老闆特別配搭，是兩大亮點特別推薦另加花甲！老闆一直幫忙添加椰青水，淨係呢一點已經贏咗其他地方價錢合理，服務亦一流呀，無論海鮮鍋椰子雞鍋，看得出老闆非常用心研究菜式，絕對有很多個下一次！

情人節想食好味野，第一件事就係諗起食海鮮。想試下新店又唔想同人迫&好趕，然後嚮Openrice搵倒離屋企唔遠嘅深鱻鍋。由於打唔倒電話，所以whatsapp去訂位。隔咗一陣就覆番，然後問定我地要邊個餐。臨去之前亦有提示，唔係AI message 黎，好貼心。去到見倒啲海鮮好新鮮，啲蝦仲細心到剪晒鬚同腳。我地好有衣食所有海鮮食晒！（因為好鮮甜😍）老細亦好細心逐樣野介紹同點蒸法。好surprise 佢個粥底係用日本米整所以好綿。個自家醃制菜脯，好野味（esp. 我平時唔係好好菜脯都忍唔住係咁食😋）由於實在太飽，所以打包番屋企第二日食唔好嘥！多謝老細俾多盒仔菜脯我地（原本仲諗住問有無得買嘅🤣）情人節仲有心型雪糕雪條&sorbet送。無人趕可以慢慢食，地方亦好乾淨舒服。食飽飽好滿足😍😍😍老細話佢地舊年6月開嘅，希望佢地keep住呢個質素同誠意，下次再黎幫襯😍

海鮮蒸鍋一向係我既至愛，得悉深井開左一間預約制既蒸氣海鮮鍋，就係新年前同屋企人一齊去試下當提早做節😊店家只提供2款套餐，分別係龍蝦海鮮套餐(HK$388, 主食為每兩位一隻龍蝦)及海鮮套餐(HK$268, 主食為原條鮮魚)，其他配料就2款套餐都係一樣既。我地就叫左2個龍蝦海鮮套餐同1個海鮮套餐，咁就可以乜都試下😋記住預約時就要同店長講定你要咩套餐方便準備店長準備緊食材既時候拎左隻龍蝦出黎比我地打卡，仲好生猛識郁相當新鮮🦞隨後就會拎返去繼續處理，最後做成海鮮拼盤供客人先打卡再慢慢逐樣放入鍋中蒸煮，枱上有memo提示每樣海鮮要煮既耐，仲提供埋計時器，唔使驚會煮過龍👍🏻🦀當日我地食既海鮮有🦐: ▪︎龍蝦：非常鮮味彈牙，肉質厚實仲好多膏，每一口都係不能錯過既美味，可以大啖食龍蝦肉好滿足😍︎▪︎原條鮮魚：店長揀左一條好大條既斑，肉質好滑仲好濃魚油香，實在太大條魚所以食完好飽🤣︎▪白鱔：第一次食到咁大舊白鱔，咩醬料都唔使點已經好好食，白鱔愛好者一定鐘意❤️︎▪鮑魚 ：大隻又彈牙，外面少少煙韌內裡溏心，好味👍🏻︎▪蠔：好少見到咁大隻蠔😍好厚肉又唔會腥，好滿足▪除左以上既海鮮外，仲有大大隻既蝦，多膏鮮甜既蟹，同埋

蒸，簡單的烹調方法保存海鮮原味，品嘗到鮮甜可口，彈、滑，爽 、嫩、不肥不膩！專業、精簡、到位的介紹就好似食緊おまかせ（廚師發板），深入淺出介紹食材，不囉嗦，不冗長，而且相當有趣。老闆對每樣食材有深度的了解，給予食材最適當的處理方法。我哋一行八人份量十足！老闆為我們挑選了3條鮮魚，石班、三刀、金鮋，石斑滑、三刀結實、金鮋介乎兩者之間，牠們肉質各有特色，滿足不同朋友的口味。永不燶粥底，吸收所有海鮮精粹，一口粥水嚐到各種各樣鮮味，妙處是「各種各樣」蠔、蚌、蝦、蟹、魚、鱔、龍蝦的餘韻都能獨當一面在這一口展示出來。

呢間主打粥底蒸海鮮的餐廳，絕對值得專程來一趟。海鮮的新鮮度令人一試難忘，而蒸出的鮮味精華滲入粥底，更加讓人回味無窮。.海鮮部分海鮮選擇相當豐富，我們點了海鮮魚餐，包括當日新鮮的花蟹、魚柳、大蜆、鮑魚和帶子等等。每一種海鮮上枱前，服務員都特別耐心講解蒸煮時間與特色，並提供小計時器方便掌控時間。海鮮蒸完後完全保留鮮甜味道，尤其是帶子嫩滑、蜆肉鮮美，而蟹膏更是肥美豐腴，滿足感十足。.粥底部分粥底是這餐的靈魂所在！當海鮮蒸熟後，蒸出的精華湯汁流入粥底，令整鍋粥香氣四溢，鮮味提升數倍。粥底綿滑，完全吸收了海鮮的鮮甜，連喝兩碗都覺得意猶未盡。.服務與用餐體驗服務員態度非常熱情，不但詳細介紹每種海鮮來源與蒸法，還即時為我們加水、檢查火力，確保整個用餐過程順暢。餐廳環境簡約乾淨，營造出一個舒適的用餐氛圍。.總結：屯門值得一試的蒸海鮮餐廳 🍲這間粥底蒸海鮮店以鮮味取勝，無論是海鮮的品質還是粥底的香濃都令人滿意。雖然位置偏遠，但絕對值得專程來品嘗一場海鮮盛宴。如果你想試試真正的鮮味，呢道一定要試下～

海鮮處理得非常乾淨企理老闆每日去街市根據預約入貨海鮮質素非常新鮮所以要盡早訂位粥底非常出色服務一流完全感受到老闆嘅超用心營運我試過很多蒸海鮮套餐這個價錢食到這樣的質素絕對係one of the best，甚至係the best

屋企人生日想食大閘蟹 知道哩度無論乜野海鮮都可以好抵咁撲到返黎所以我地又去幫襯啦上次去已經好滿意架啦點知今次去食都仍然有驚喜又鮮甜左！個粥又好食左！但價錢都仍然咁抵大癲😍😍一定會有第3、4、5、6次😍