深深甜品

營業中

休息中

延續香港地特色餐廳系列而家啲天氣真係難攪，過埋中秋都咁熱，行街行都標哂汗，就近呢間深深啱哂心水，裝修都比較懷舊，入面牆身仲有啲九龍皇帝字裝飾，九龍皇帝真心經典，不過我諗會逐漸被人遺忘，00後可能見都未見過真跡，少啲共鳴要清熱，當然揀凍綠豆，古人智慧，清熱解毒，入面嘅海帶更加偏寒涼，寒底嘅我，唔食得太多，適可而止，呢碗綠豆夠冰凍，煲到爆哂花，唔會水還水渣還渣，帶臭草香，海帶爽口，高質，但係真係唔敢食太多除左清熱，仲見到有清心丸，呢味野真係懷舊到不得了，細細個喺酒樓飲茶推車仔食過，我知九龍城有得食，但係比較少去果頭，其他區好似冇乜見過，店員推介我配搭馬蹄爽，聽到個爽字就唔洗諗，即叫，爽一爽。清心丸透明，好似粒骰仔，超級彈牙，帶微甜，同埋馬蹄一齊食，好有口感層次，清唔清心我唔知，食完真係清涼左，因為冷氣夠涼咋

傳統港式糖水鋪 買少見少 味道出色抵食腐竹馬蹄露清心丸再加一球雪糕清心丸 份量勁多又大粒 有椰果的爽彈 又有芋圓的煙韌於一身 口感係非常獨特美味滋潤糖水之選! 超清涼又鮮甜  清爽馬蹄同腐竹碎絲 入口糖水唔會太過甜 成碗食曬都唔覺膩 價錢又平又好食平均消費$40評分8/10Shop C, G/F, 46 Kweilin Street, Sham Shui Po

深深甜品食完飯之後經過深水埗，俾佢門口吸引咗，食返碗糖水先🙌🏻如果鍾意食中式傳統糖水嘅話，可以入去試試，都幾多選擇叄元豆花~$37入邊有豆腐花，地瓜圓，芋圓，黑糖珍珠，紫薯西米，咦又幾好食喎，地瓜圓，芋圓，煙煙韌韌，真係好好食，都唔太甜🤘🏻😊腐竹馬蹄清心丸熱~$31朋友想食清心丸，入邊有馬蹄，腐竹同清心丸，非常滋潤嘅，馬蹄係好爽嘅，而佢嗰種甜係清甜並唔係好甜嗰種甜，明唔明😂，簡單來講就係好食😋深深甜品 🏠：深水埗桂林街46號恆安樓地下C舖

建議：早食早享受😂 晚市陸陸續續好多人去開深水步食飯，路經過幾次深深甜品 都係好多人排隊。所以今次特登食左糖水先🤣 佢既店面同滔滔甜品都好似，一開始直頭以為係同一間⁉️ 但係上網睇過又搵唔到相關資訊🧐 (請指教)今次試左：▫️叁元豆花 (HK$37)坐底之後，都爭扎左一陣😆 到底食芋圓豆花系列好呀？定係紫薯雪糕系列好🤭 最後都係揀左豆花系列，因為配料有得揀愛玉👍 除左愛玉，豆花系列仲有3️⃣款配料揀：香草雪糕、芒果同紅豆。雖然碗糖水睇落好似細細碗，不過入面都好足料，有齊豆腐花、紫薯西米、芋圓+地瓜圓 同黑糖珍珠。最估唔到紫薯西米，真係食到紫薯味，但口感就偏淋😂 而芋圓份量都算幾多。下次會再黎試下其他系列，食緊既時候都見到好多外賣。所以晚市後排哂隊，又真係好正常😌

今年天氣熱到人痴線，尤其係去市區行個圈，冇冷氣地方真係留多幾分鐘都出哂汗好辛苦，雖然一街都台式飲品店，但好多都外賣形式冇地方坐呢個疫情下，又好難一邊行一邊飲。所以呢日見到有新式傳統糖水舖，地點又就腳，就不妨一試入去坐下店內佈置裝飾都好經典茶記港式風，但係店面非常光潔整齊坐低同朋友叫左海底椰木瓜燉雪耳同埋一個檸檬愛玉加隨機配料個木瓜雪耳食得出係用心機燉足時間之後先雪凍，食落肚又舒服又爽，仲要冇罪惡感朋友的檸檬愛玉一啜係SIR入喉嚨仲要配埋生果又抵食又鮮。見有人推介清心丸同馬蹄爽搵日經過就試埋先！

CP值：3/5 💛💛💛 價錢：- 叄元豆花：$37 尼碗甜品一次過可以滿足晒你6個願望😍入面有豆腐花、芋圓、地瓜圓、黑糖珍珠、紫薯西米，仲可以加一款自選配料，我就揀左愛玉，因為香港唔係好多地方有得食愛玉☺️其實$37係好抵，食完真係好飽🤰🏻但係講真每一樣配料唔係特別好食芋圓同地瓜圓係完全冇味😅紫薯西米都冇乜紫薯味，但係比一般西米彈牙嘅😉而個糖水底唔會太甜如果想平平地食晒咁多仲甜品配料，可以一試👌🏻但如果想食好食嘅芋圓，咁就算啦🤣

深水埗呢兩年黎除左越開越多cafe🥜之外，呢個地區本身都有唔少糖水（甜品）舖🍧駐足，而本人每次去親深水埗都總有鋪癮想食返碗甜野🤣仲記得早係五、六年前係香港食到芋圓既糖水（甜品）舖無乜幾間，當時本人係 #康瑞甜品 既忠實粉絲，可惜近年佢既質素大不如前就好少再幫襯☹️ 到訪當日臨時係街上搜尋附近糖水（甜品）舖📱，見到呢間甜品店💛既冰烤紫薯雪糕系列幾吸引就去食👀.甜品店店內仿照港式大排檔格局，令人恍如置身係8、90年代中，充滿懷舊既味道雖然小店有供應近年大熱既芋圓同仙草，不過佢地賣既主要都係傳統中式/港式糖水，如果要窩夫🧇、心太軟🍫同班戟🥞等西式甜品，呢度就食唔到啦～🙈.係介紹食物之前，都想同大家分享返本人當日既體驗😩本來去糖水（甜品）舖食甜品都係求快樂，唔會要求要d乜野服務，然而店內有位男店員🧑🏻‍🦱既服務態度連最基本既都做唔到，真係令人不敢恭維🙄話說當日呢位男店員埋黎落單後返去收銀處寫單✍️，之後就將張單係旁邊飛落黎我地檯，令我地有種被掟單既感覺，感覺唔係太好😓坦白講，黃店並非等於有免死金牌，如果係唔好食、服務態度差👎🏻既，就算幾黃💛都唔會留得住同路人😠*******************

参元豆花(加香草雪糕37個豆腐花係充滿黑糖珍珠味🧋芋圓口感煙韌 雪糕揀咗香草味 呢個組合係唔錯既選擇🥸冰茶龍珠37有口感既"龍珠"味道偏淡 適合唔太鍾意過甜既客人 菠蘿冰轍薄 口感一般 "龍珠"反而有驚喜！口感特別 有'趙’口😛雜崩冷檸檬愛玉33有檸檬味嘅啫喱 紅豆 軟糖 最尾食咗粒熊仔軟糖 果然係雜崩冷檸檬愛玉😂夏天食涼涼地幾好既 消暑解涼~整體：🌟🌟🌟🌟性價比:🌟🌟🌟食物：🌟🌟🌟🌟環境：🌟🌟🌟🌟

第一次來深水埗店 店下午先開門有傳統糖水亦有雪糕芋圓甜品最喜歡的係有清心丸！價錢中等啦 但勝在夠大碗份量足腐竹馬蹄清心丸 $31夏日滋潤糖水之選! 超清涼又鮮甜又有清爽馬蹄同腐竹仲有我最最最愛的清心丸 份量勁多又大粒佢質感絕對係無敵 集椰果的爽彈同芋圓的煙韌於一身味道又清 唔重麵粉所以食完冇食芋圓咁濟 我No.1甜品配料!紫米露配清心丸 $31紫米露加入椰漿搞混 味道香濃但唔過甜有勁多紫米西米好豐富 當然亦都有清心丸啦

💜仙草紫草園 $38行過深水埗口痕，想食甜嘢，康瑞又太遠，google map search 見呢間有芋圓，即去。紫薯雪糕極為驚喜，味道濃郁，仲食到粒粒紫薯🍠🍠🍠。黑糖水晶口感特別，有少少脆口，😎😍。芋圓煙韌，如果芋頭味再濃啲就好；紅豆夠軟，唔會過甜～

同朋友食完台灣野，見仲有啲時間想搵個地方坐下，見到呢間好有懷舊特色嘅小店💛印象中之前都有食過呢一間，不過相隔咁耐又出咗啲新嘅product🤤📎豆花紫花園底層有啲豆腐花，略嫌有少少碎🥸另外有芋圓同埋珍珠， 增加咗唔少口感!!!另外個紫薯雪糕好香番薯味🥰唔會太大浸香精味😙唔錯唔錯📎椰汁西米露配包心芋圓椰汁西米露喺中式糖水舖裏面都幾常見，不過大部份都係比較甜🤓呢間都唔例外不過包心芋圓同樣好有咬口，一定會再encore😝

食完晚餐有啲口痕想食下糖水就見到呢間鋪頭。佢算係新開既糖水鋪，好近地鐵站D2出口直行幾分鐘就搵到。呢間鋪頭主打台灣既糖水，芋丸，地瓜丸，黑糖晶球，豆花之類。我地叫左兩碗糖水，其實入面啲餡都大同少異，而且都好大碗夠晒飽，真係要留肚食如果都驚食唔晒。其中一碗揀左玄米茶雪糕，第一次食呢隻味既雪糕，佢又整得幾唔錯，真係有茶味，幾特別。

呢間食過好多次 每次都係食招牌果幾款🤪🤪價錢唔算特別平😌不過味道都ok 裝修風格走懷舊feel😆 位置唔多 而且經常有人龍排緊隊🤪🤪就會轉拎外賣🥡仙草紫草園 有黑糖水晶 紅豆 芋圓 仙草底 轉了玄米茶雪糕 材料好豐富😝😝剛上到來望落有啲dry 因為好似就係以上嘅嘢加埋一齊就出菜 一啲汁都冇🥲成個賣相就差左啲 後尾加返啲奶就似返個糖水😛呢點有啲扣分！芋圓都煙韌有咬口 不過就唔算濃味😌 玄米茶雪糕都好味😋雖然玄米茶唔濃 不過味道係ok嘅😜黑糖水晶就係普通jelly 唔係好食道到黑糖味 仙草份量都足夠多街坊糖水🤪🤪夠多配料滿足到貪心嘅慾望😛

難得有人請我食甜品，仲唔食盡佢💛🤝仙草紫草園($39)俾佢既冰烤紫薯雪糕吸引而叫✨雪糕無得輸好重紫薯味同好滑 入面仲有粒粒紫薯好有咬口🍠🍠其他材料仲有仙草，黑糖水晶同同蜜紅豆🍨全部野加埋個人覺得甜佐啲🙈同無乜水，要靠半溶既雪糕先有啲水撈埋食🧊鮮製椰子糊($23)男朋友鍾意食椰子🥥而呢個甜品確實比較少見一於試下✅只有熱食夠曬養生女士恩物🤝口感唔似杏仁糊咁杰 似芝麻糊既質地 唔算太甜有陣清清既🥥味幾特別💞上面個仙草紫草園仲甜過佢😂推介✨✨為食指數: 3/5性價比指數: 3/5推介指數:3/5

街坊見我早兩日食糖水咁開心,係咁話又想食,但係又怕肥,於是係深深買左糖水過黎鋪頭,一齊開心share!佢問我地要邊隻馬蹄露,我咪話早兩日食左普通既,今日試下有桃膠既囉,佢話好耐好耐冇食過綠豆沙,細個街邊成日街d 走鬼檔,d 師奶得閒整黎賣賺下買餸錢,桃膠腐竹馬蹄露,材料更係有桃膠腐竹同馬蹄露啦,我自己都有盒桃膠,懶得發同揀,要揀左d 雜質好鬼麻煩架,深深d 桃膠揀得好乾淨,浸得夠發,軟綿綿,間中有一兩粒仲有d 咬口,同馬蹄粒既爽口,香草海帶綠豆沙,唔太甜,海帶爽口,甜中帶清香,應該係臭草味,仲有淡淡既陳皮味......