深深甜品

營業中

休息中

食完飯，幾個女人一定要食下糖水嘅係附近見到呢間深深甜品裝修幾特別以昔日港式為主題都有幾多選擇我叫左烤紫薯雪糕系列配仙草蜜豆黑鑽水晶同芋圓芋圓都幾好食煙煙韌韌個隻但就唔夠凍紫薯雪糕好出色勁濃味食完好飽CP值高

冇諗過深秋都咁熱，要食返d凍甜品🍮，參觀完美荷樓，行返深水埗站途中入去米芝連甜品深深補充下體力。都9成滿座，menu都多選擇，要叫人落單，陳皮妹見到雪糕🍦就話要揀叁元豆花$39，有豆花底，加芋圓、紫薯西米同珍珠，仲可以😌四揀一，揀咗香草🌿雪糕🍦。另一個甜品🍮叫咗凍木瓜雪耳燉桃膠$34，凍既燉品皓新鮮。等咗5分鐘就有嘢食，叁元豆花皓足料，可惜唔夠凍，皓彩有雪糕🍦降下溫，第一☝️次食紫薯西米，幾吸睛，豆花喺底，夠滑。燉品舊木瓜皓大舊，雪耳爽口，桃膠有咬口。臨走都係坐滿。收現金💰、八達通或支付寶

晚飯後在深水埗這區有很多甜品店的選擇，今天選的是深深甜品。甜點的種類很多，而且都是時下流行的糖水和配料，推薦新奇好吃的玄米茶雪糕！仙草紫草園配玄米茶雪糕，配料有：黑糖水晶、蜜紅豆、芋圓和仙草凍，原本配的紫薯雪糕，可以改要玄米或者雲呢拿味，我選了玄米的，Creamy而且香濃的玄米茶香，推薦。黑糖薑茶配包心芋圓(熱)，黑糖薑茶底很夠薑！薑味濃，配上用糖煮開的紅豆。芋圓的皮有一點彈性，裡面的內餡用的芋泥甜度適中，一碗吃下來不會過膩，很滿意～

紅假前夕約朋友去深水埗食飯，食完大定都想食甜品，轉角見到呢間有少少人排隊，望一望個餐牌，見到好多野選，價錢又好OK，於是即刻拍板入去。我地要左有相片show出黎嘅豆花紫花園仲有熱芝麻糊。豆花紫花園$40都真係好大碗，兩個人食可以開心share！舊雪糕真係好重紫薯味，啲芋圓好大粒好有咬口同勁飽！第一次食黑糖水晶，好清新的味道，唔會話死甜！熱芝麻糊$24話就話石磨，應該唔係店內石磨掛！味道無特別，夠大碗。呢個店都幾受年青人歡迎，雖然冇乜服務，但裝飾同碗碟幾有特色，一定會再介紹朋友黎。

在深水埗有多間甜品店, 今次試下哩間 食物 : 仙草紫草園黑糖水晶蜜紅豆冰烤紫薯雪糕 $40 ~ 個名好長, 最緊要係大大碗又足料, 價錢又平, 整體好好味, 芋圓煙韌, 紫薯雪糕香濃好味, 下次會再嚟試其他 環境 : 裝修普普通通 服務 : 職員有禮貌 價錢 : HK$40 (無加一服務費)

深深甜品深水埗桂林街46號恆安樓地下C號舖Score 分數：A/75講真，食過幾次唔同嘅糖水，我又唔覺得佢地真係咁好好好好好特別好食。雖然都真係好食，但未致於 好好好食囉。推薦返佢地嘅 “龍珠”，真心唔錯，特別係佢地嘅綠茶啫喱。佢個味好有 “清新”感，少少少苦苦地，但又同d糖水夾到，真係值回票價。而我就鐘意傳統糖水嘅，所以都試過不少傳統野，例如紅豆綠豆芝麻等。講真，唔太甜，適合大人細路無糖尿病的人食，幾好。又講下哲學，甜唔甜，就係睇同邊個去食姐。如果有朝一日去食糖水，真係食到唔甜甚至苦酸，咁應該就真係變壞左。😂

同朋友喺深水埗食完飯後，有啲意猶未盡想食個糖水😆其實深水埗嘅甜品店選擇都幾多，今次就揀咗連續兩年入選米芝蓮推薦街頭小食嘅深深甜品😋比佢嘅紫薯同埋芋圓吸引咗😍😍🍠冰烤紫薯雪糕系列-仙草紫草園 ($39) 一見到幅圖已經好想食🤤紫薯雪糕入面食到一粒粒嘅紫薯肉，好出色😍😍😍仲有我最愛嘅芋圓，煙靭有咬口😋下層係仙草配黑糖水晶、蜜紅豆🤤成個甜品都好出色，但糖水可能落得有啲多🤔對我來講有啲太甜🫣所以最後淨係揀哂啲料嚟食就算😂😂🍨叁元豆花 ($38）叁元係豆腐花配芋圓、地瓜圓、黑糖珍珠、紫薯西米同香草雪糕🤗好多配料😮豆腐花好好好滑，芋圓同地瓜圓都好煙靭好食😋黑糖珍珠同埋香草雪糕就正常發揮，而紫薯西米唔太食到有紫薯味😂😂

呢間甜品都幫襯咗6、7年，佢地嘅招牌三元豆花加雪糕係幾好食嘅，由$30頭食到而家嘅$39，而鋪頭都轉個幾次人手，不過一直都幾好禮貌，但今日下晝入到佢，見到個奇貌不揚嘅女仔，招呼冇打唔緊要，到我地講聲“唔該”時，佢一直低頭整緊野講“要咩啊，講啦”，全程都黑哂面，唔知佢因咩事咁樣，亦唔知佢係太子女定係打工嘅，只係知咁嘅態度，唔怪得越嚟越多香港人北上食野啦！

好耐無來深水埗食飯我地早食完飯，就揾個地方食下甜品，行下行下就見到呢間甜品店同對面既糖水佬之後發現呢間多好評，所以入左去我叫左個阿華田仙草有仙草，珍珠，雪糕同阿華田粉，份量多，珍珠好多，qq 的食完好滿足朋友叫杏仁茶加湯丸她話幾好食，但杏仁茶唔夠熱，加9蚊有兩粒芝士湯丸，朋友話湯丸好食環境不錯，坐得都舒服，我地坐係度講左好耐，職員都唔會趕我地走所以我埋單時，就見到有人係出面等。性價比高，下次有機會再試。

好多時香港人食完正餐都會想黎個糖水作結岩岩晚餐食左餐比較油膩諗住食d 永涼野爽一爽深水埗糖水好多時都係果幾間松記 綠林 等等呢間深深就造型裝修幾特別 門口係綠色鐵皮好似舊時d 鋪面咁之前都黎食過好鐘意食佢果紫薯咪雪糕食落唔算好甜， 好有紫薯香氣你等佢溶少少之後溝埋本身果底既糖水會更正更透心涼呢間甜品鋪都有其他選擇， 以中式為主我都食過佢其他包括豆腐花 紅豆沙 綠豆沙果d食落都唔算好甜呢代人食糖水要好食之餘更加講究健康

糖水店設計主打係我喜歡嘅本地懷舊風腐竹馬蹄清心丸 (熱) $32腐竹一絲絲，馬蹄爽口，清心丸大粒煙韌有咬口，食到腐竹香同清甜椰汁西米配包心芋圓 (凍) $33西米正常發揮；包心芋圓先係主角，唔係得隻色，真係食到芋泥＆地瓜嘅味道補血紅豆紫米露 (熱) $26微甜，足料夠杰身，紅豆綿紫米糯

🥰復古裝修嘅糖水店 舊香港味道叫咗碗❄️仙草西米露 仙草係一整舊大大舊 可以自己選擇分幾細 或者成舊咬🤣 西米煲到好淋 保留少少煙靭感 糖水唔太甜（啱小編口味）啱晒鍾意健康嘅朋友 但有口痕想飲糖水🤣豆花紫花園有豆腐花 紫薯 芋丸 西米 仙草 仲有啲透明愛玉🤣 簡單來講 完全滿足乜都想試嘅客人 同樣糖水唔會太甜 豆腐花都會中和左各樣甜味 同埋食完飯唔夠飽 叫呢碗👍👍特別鍾意呢一間環境比較寬闊 星期四晚去每張枱都有人 但係老闆冇趕客 可以飯後同朋友吹吓水

之前嘅紫草園嘅紫薯雪糕好濃味又有紫薯肉依家得返舊又冇味又冇肉嘅雪糕好失望…依家嘅雪糕同雀巢嘅香芋冇分別完全食唔出紫薯味建議食同區第二間都唔好食呢間加上芋圓都冇之前咁好食

️今晚同朋友係深水埗食飯，食完飯想搵糖水食繼續傾計💬次次都食康瑞，今次就揀間2023米芝蓮街頭小吃推介試試佢💛✨🍠 冰烤紫薯雪糕系列 仙草紫草園 黑糖水晶 蜜紅豆 ($40)雪糕加個糖水底都食到烤紫薯味，但偏甜，黑糖水晶份量好多，細細粒好好口感，蜜紅豆正常發揮🍨 叄元豆花 豆腐花 芋圓 地瓜圓 黑糖珍珠 紫薯西米 香草雪糕 ($39)豆腐花好滑口，芋圓同地瓜圓係比較軟身嘅質地，黑糖珍珠🧋同埋香草雪糕就正常發揮，但紫薯西米食唔到紫薯味😂🌟 整體雖無驚喜但唔差，勝在唔算貴，兩碗野夠足料，share一齊食都滿足，滑身嘅豆腐花最有記憶點🤩

-深深甜品 📍深水埗桂林街46號恆安樓地下C號舖*･゜ﾟ･*:.｡..｡.:*･'･*:.｡. .｡.:*･゜ﾟ･*今日帶大家去我食左好多年既甜品店、佢仲入左2023年米豬連推薦餐廳😹雖然好好食、但我見到都驚訝左1下🍨叄元豆花 $38社畜魚差唔多次次黎都係食依款、佢可以簡配雪糕/ 愛玉/芒果/紅豆依碗野真係出奇蛋咁1次過滿足你幾個願望、豆腐花、芋圓、珍珠、西米露🥹$38性價比極高、鍾意食煙韌野既社畜們必點！🍨阿華田仙華珍奶 $35依碗野有啲咩其實寫哂係個名到😹就係雲呢拿雪糕加滿滿der阿華田粉配仙華珍珠底、鍾意食阿華田就叫啦、但貪心魚略嫌唔夠豐富、加啲芋圓/清心丸就100分🔥總分9.01/10🔥拿、成日話我介紹啲野都低分、今次比間甜水界米豬連你地試下啦！Ps 依間啲中式甜品同清心丸都出名嫁、可以帶埋屋企人黎食飯後甜品～