深宵食堂

營業中

休息中

同朋友去開旺角行街，平時就食日式火鍋放題多，今日就想食串燒，小食，咁我地去左旺角彌敦道到食，油麻地地鐵出會快d,間日式小店叫深宵食堂，入到裏面會見到好多小模型，有好多動漫裏的卡通人物，動漫迷一定好喜歡，基於明天要上班，我地就沒有飲酒，要了巨提子梳打，同抽子茶，我就推介鹽燒鯖魚，真係好好食，同好大條，另外叫左名古屋雞翼，來到先知道係芝麻雞翼黎，芝麻好香，而且炸過更香口，再要個燒茄子，茄子好淋，同入味，一口和牛粒都好食，有菇做配搭，唔會太單調

晚上想吃夜宵怎麼辦？同朋友來深宵食堂吧❤️呢間深宵食堂就係油麻地港鐵站一出往旺角方向行見到一個好細的門口的Ladder Dundas 3樓就係🤩_餐廳不算很大，一開lift門就已經係餐廳的櫻花裝飾，枱椅係溫馨既木色，感覺好似去左日本既居酒屋咁 感覺好舒適 係同朋友食野傾計既好地方_店員遞上一叠點菜紙，有各款肉類、菜類串燒及小食😋蒜片一口和牛粒$68，牛肉夠淋而且有牛味❤️還有滿滿的鮮菇片😎_蒜燒茄子 $68好香既原條茄子🍆配上滿滿的蒜蓉好香_烤鯖魚次次去居酒屋都特別鐘意食🌚配埋檸檬一齊食好鬼正_呢度有好多飲品選擇❤️有各種酒類和梳打我們便選了一杯柚子茶和巨峰提子梳打不會太甜而且好清新

話說最近十分之想去日本，但係十分之窮， 所以去食堂，補償這種慾望。甲羅燒: 全新食法，以多士配蟹膏，比起普通麵包配蟹膏，係好食好多。 佢會令蟹膏嘅味道嘅層次更加之多，令你一試再試，無法停口。芝士蟹肉大啡菇: 最推薦 ，若閣下喜歡食菇類以及芝士的話，這個菜式十分適合你，菇燒得恰到好處，加上芝士鋪上面兩個味道 十分之match，在你口造口腔內互相撞擊，相互提升食物嘅質素。炸雞: 不會炸得太乾，保持肉質嘅水分，內脆外暖。雞翼及雞軟骨: 雞翼做法十分之特別，將雞翼一分為二，方便食客進食之餘，亦都令到雞翼炸得均勻，有助鎖住肉汁不會流失。蒜片一口和牛粒: 十分之推薦一定要食，和牛加上特製汁，令你一試難忘。大阪燒: 醬汁恰到好處不會過多過少，進食後讓你好似身處日本關東一樣，吸引度十足。牛舌: 牛味十足，值得一試。鰻魚石鍋飯: 真係原條鰻魚!!!鰻魚控見到的話，一定難以抗拒。炸雞皮: 十分之推薦，食咗之後亦都不會有罪疚感，因為佢將所有肥膏清走曬，淨番啲皮， 所以愛好雞皮的你一定要試。

男朋友心血來潮想食串燒、炸物做宵夜去咗「深宵食堂」旺角分店醫肚環境都唔錯🌃有啲假天後櫻花做裝飾🌸🌸🌸嘢食選擇都多飲品嘅選擇都多地點都好就腳同方便🦑螢光魷魚 $48平時通常食魷魚好少餐廳有螢光魷魚食所以叫咗一碟，啲螢光魷魚都幾新鮮🍆蒜燒茄子 $68好惹味 茄子都好大份❤️食完有啲唔夠喉🍄芝士蟹肉大啡菇 $48蟹肉🦀、芝士同菇🍄的味道好平均幾好味☺️食住串燒、 炸物 等配啤酒🍻簡直一流的享受😌😌😌😌

朋友話好耐冇去過居酒屋，所以一齊嚟旺角深宵食堂先來前菜「冰球漬」$38，冰球漬是三文魚額頭的部位，肉質食落冰涼爽口，拌上酸酸甜甜的醬汁，碟底是沙律菜，是一道非常醒胃的前菜牛油燒番薯（$28）每粒都是超甜的，番薯外皮塗上牛油，再在火爐上烤得熟透，番薯肉淋而香甜，再配上帶少許鹹香的牛油，絕對是居酒屋必點的燒物甲羅燒（$78）- 超濃郁的蟹膏蟹子，入口暖暖的，配上烤焗鬆軟的厚切麵包，味道一流絕對值得一試再來的是芝士蟹肉咖啡菇（$48 ）香菇內讓了蟹肉絲，配上熱溶了的芝士，鹹香的芝士溶和了海鮮的鮮甜味，再加上咖啡菇的味道，讓人吃過不停接着來的是我最愛的芝士年糕（ $38 ），軟綿綿Q彈的年糕中間，是又香又煙銀的芝士溶，暖暖的外皮帶點香脆，火喉烤焗得剛剛好，一啖吃下去芝士溶在口腔中，非常好味鹽燒秋葵（ $28）味道清新，配上木魚片，味道不錯蒜片一口和牛粒（ $68 ）愛吃和牛的朋友大讚這道菜，醬汁香濃，和牛肉質鮮嫩，香菇吸收哂和牛醬汁的味道，非常可口日式炒野菜（ $48 ），味道比和牛粒清淡一點，吃完肉後，再吃點菜平衡一下，剛剛好呢～我們最後還點了了貓飯（ $26 ），初時很好奇貓飯到底是什麼，

久仰大名~! 除左銅鑼灣之外，旺角都開咗分店😊 今次第一次黎~💚 豆腐沙律 $58，食落好清新，加埋麻醬好惹味😋💛 煙肉荔枝卷 $38💚 汁燒雞腎 (兩串) $28💛 鹽燒雞軟骨(兩串) $28💚 厚燒牛舌 $38，厚燒係鹽燒，燒得剛好👍🏼💛 大蔥雞肉串 (兩串) $42💚 原條粟一燒 $48💛 吉列廣島蠔 $38💚 炸北海道魷魚絲 $32，一開始以為係魷魚鬚🦑，原來係魷魚絲😂 加左啲辣粉，所以有少少辣💛 黑松露炒烏冬 $58，唔怕淨食串燒唔夠飽，深宵食堂仲有烏冬/飯可以嗌😊💚 巨峰提子梳打 $38

看過很多日劇於日本當地的打工仔好喜歡於下班時間往居酒屋暢飲幾杯，與同事朋友談天才返家，其實在香港工作繁忙，下班時間也都應該要去輕鬆一番，很想找一間靜靜的地方Relax下，與同事朋友吹吹水傾傾八卦，在旺角區找到一間樓上的小店，於是去試一試，因為不太肚餓的關係，只點了數款小食配啤酒。 櫻花蝦沙律 $48大量櫻花蝦配上新鮮沙律菜，沙律汁帶微酸食落好開胃 和風牛肉餅 $32新鮮即炸上枱熱辣辣，碎牛肉和薯蓉口感合襯，炸漿香脆與啤酒是絕配名古屋雞翼 $42必食推介，外脆內軟雞汁豐富，每一啖都好滿足大阪燒 $42蔬菜比例可以加多一點，會令口感更豐富甲羅燒x2 @$78蟹籽甲羅燒配上多士味道夠香濃， 如像日本般加個小火爐和配白飯或飯團更好鹽燒鯖魚 $48很喜歡鯖魚的味道，配以鹽燒夠香，鯖魚皮脆肉嫩鹽燒雞軟骨 $28本身雞軟骨沒什麼味道，鹽味加多一點更好Premium 啤酒 $48第一次飲這品牌的啤酒，味道偏苦，朋友唔飲得苦覺得一般，但我喜歡和朋友把酒對談了一晚，將心裡的話說出來，很是滿足。

最近番工真係好辛苦，差點連好西都唔想食了。今次見到朋友之後就吐出苦水連連，好彩友人都耐心聆聽，加上有各種美食陪伴，心情馬上好番好多😌貓飯見到個名覺得好有趣就叫左黎食，木魚加上醬汁的珍珠飯，配以其他菜式搭食一流甲羅燒其中一道招牌菜，蟹膏蟹肉蟹籽混合多士的一道菜式。蟹膏還有一點溫熱，感覺新鮮味美👍🏻👍🏻芝士大啡菇Juicy 啡菇加上溫暖芝士，仲可以微微做出少許拉絲冰球漬三文魚額頭，凍食前菜，味道酸酸辣辣，幾醒神開胃牛油蕃薯細細粒但口感幾煙韌芝士年糕外脆內軟，做得不錯蒜粒一口和牛粒醬汁有點甜，伴飯好適合秋葵豚肉生薑飯

之前已經有興趣想試，可惜個人少過海甘岩有fd 約mk 食飯，一睇openrice, 原來係mk 已經開左有分店閒日七點上到去，都有唔少人，過多半個鐘已經full 左，好多人上黎walkin 都無位，失望而回， 所以想食依間，閒日夜晚都最好bk 定位啦豆腐沙律份量估唔到甘大份，豆腐夠滑，溝埋麻醬，好開胃燒菠蘿係必點，燒完真係好甜雞翼夠脆口，肉又軟，好易離骨雞脾菇夠juicy, 唔錯蔬菜餅熱辣辣上，夠脆芋心丸入面係芋蓉好滑，芋頭味夠，好味第一次食雞泡魚干，估唔到口感係甘，唔似魷魚甘韌，連埋汁甜甜地，會食上癮一口牛食落去估唔到個汁係甜，好似甜炒牛肉甘，又幾夾店內佈置好日本居酒屋風，同fd 聚會特別有feel, 但位唔算多，所以都係要bk 位呀

最近香港人心情真係麻麻，難得約朋友出嚟可以傾吓計放鬆心情，飲杯啤酒食串串燒，感覺異常溫暖！深宵食堂電影同電視劇你一定聽過睇過，無論係日本版同埋大陸版⋯⋯ 都係美食同埋感動嘅台詞！入佢鋪頭就覺得充滿日本嘅感覺，無論係裝飾同埋牆身嘅海報都係日本居酒屋嘅感覺。一坐低見到餐牌，真係好多選擇！相比起其他居酒屋，價錢亦都唔貴。我哋兩個人，以下嘅嘢食到我哋捧住個肚走。豚肉生姜燒丼$48 ：重口味嘅人一定鍾意，略嫌多汁。芝士蟹肉大啡菇$48：大啡菇一早已經切開俾你，上面超多蟹肉！大葱雞肉串兩串$42：呢個好食，但係如果再加多少少海鹽調味會更加出色。厚燒牛舌一串$38：個人喜好10分喜歡！每次去居酒屋必點的菜色。大阪燒$42：唔算太大碟，但係上面嘅木魚好多！亦都好足料🥰和風牛肉餅$32：每次食落去都會諗起喺日本七仔食嘅牛肉可樂餅🥰🥰 名古屋雞翼$42，有三隻咁多！送啤酒一流！最後埋單三百幾蚊！係抵食嘅！見到隔離枱有深宵玉子燒，好吸引，但係我哋兩個太飽啦已經食唔落！下次黎再食啦🤣

同家人係旺角閑逛一陣後，大家都想食串燒，上網見到深宵食堂都多好評，所以決定黎試下。呢道環境好有日本居酒屋feel，仲貼滿宮崎駿既動畫海報，對住龍猫海報食飯😆正另一邊就擺放左好多 figure，老公同細佬睇到好興奮😛燒茄子食串燒燒茄子當然係必點既食物，茄子份量多，燒得唔會乾身，火喉岩岩好，所以茄子食落好juicy，配上孜然粉，微微辣，味道不錯。鹽燒雞翼外皮炸得好香脆，入面熱辣辣，肉質夠滑夠哂juicy ，必點👍🏻甲羅燒蟹蓋放滿香甜既蟹膏同脆卜卜既蟹籽，配上脆多士，唔會太咸又唔會遮蓋蟹既鮮甜，每人2塊都唔夠喉呀🤣大板燒食大阪燒醬汁同沙律醬份量最緊要多，店鋪當然亦好大方，大阪燒煎得微微帶脆，好有日本食既味道！日式炒面 其實味道同大阪燒好相似 ，因為都係加入左大量大阪燒醬汁同沙律醬， 又係好日式既味道，岩哂我地。牛舌，都幾厚片，燒得唔錯，食落都夠爽彈唔會un 蒜片一口和牛粒呢個又係必點，和切粒上，牛肉質嫩，加上用左蒜片炒，燕香味濃外仲帶出和牛既香。👍🏻👍🏻雞軟骨 燒雞軟骨又係一必食之選，香脆又有嚼勁，正

朋友久久不見，終於有晚約出來吃飯。朋友介紹這間深宵食堂，聽得多，還是第一次吃。旺角分店是新開的分店。芝士翠玉瓜 - 配搭新鮮，只要翠玉瓜甜，好難不好吃。雞軟骨 - 一般。燒蠔 - 有4隻。一般。炸雞 - 麻麻。兩個人吃，真的是too much。日式蟹子沙律 - 幾好，朋友叫了兩碟。蝦乾 - 忘記這隻叫什麼蝦，細細隻蝦乾，香口又脆！朋友自創以蝦加上蟹子沙律撈在一齊吃，又幾match。燒雞翼 - 一般。厚燒牛舌 - 差，不夠爽口，吃下去有筋，好失望！本來是最愛的日式燒物。芝士大蘑菇 - 差！大蘑菇不新鮮，有一陣怪味。巨峰提子梳打 - 初初味太淡，告訴老板後，加多些料，味道才ok。燒羊架 - 麻麻，羊羶味過重。我是吃到少少羶味的，如果處理得好的羊架，是可以好好吃的，可惜它不是。燒菠蘿 - 甜，不過有渣。燒蕃薯班 - ok，不過兩人吃4粒太漏。鮟康（魚康 - 字體打不出來）魚乾 - 這個好味！好特別，老板介紹的，第一次吃，如果來到，必要一試！試過就算，不會特別過來，因為算不上很好味，日式燒烤選擇多的是。

今晚和W食dinner, 大家都想食日式串燒，之前食過銅鑼灣的深宵食堂，頗為滿意，知道它在旺角啱啱開左分店，一定要去試下la!裝修以木為主調，飾以色彩繽紛的日式燈籠，座位舒適，氣氛很好，我和W都好開心！蟹籽沙律$58~先來一客蟹籽沙律，以青瓜絲，沙律菜加大量蟹籽，份量頗多，令人胃口大開！汁燒白鱔$72~ 外皮燒得香脆，肉質厚實肥潤，嫩滑多汁，好好味呀！芝士蟹肉玉子燒$78~厚厚的玉子燒裏滿是芝士和蟹肉，入口軟滑，芝士味濃郁，蟹肉鮮甜，非常美味！蒜燒茄子$68~茄子燒至軟糯，上面堆滿了味道濃郁的蒜蓉和香草，非常惹味！厚燒牛舌$38~燒得好香好爽口，牛味濃郁，表面灑上pepper, 令牛舌有些微辣，正！鹽燒五花腩$58~肥肉和瘦肉相間， 瘦肉不柴，肥肉不腻，嫩滑多汁，十分美味！大蔥雞肉串$42~本身不喜歡吃大蔥，但燒熟後很甜很多汁，一D都唔嗆唔辣，和爽滑的雞肉很配合汁燒雞髀菇$28~雞脾菇爽脆可口，加上木魚絲更加滋味！

啱啱喺旺角做完facial之後諗住約老公去旺角食飯諗住試下新開嘅深宵食堂由油麻地a出口行過去只需要兩分鐘 係樓上舖3樓一出𨋢已經見到成間餐廳地方唔算大但環境好乾淨好有日本居酒屋 feel天花板佈置咗好多櫻花我仲以為自己去咗日本餐廳首先叫左一人一杯啤酒點咗嘢食大約7-8分鐘啲串燒 開始陸續咁送上枱效率非常快 而且仲係熱辣辣我覺得最正係吉列廣島蠔一碟有四件 正常size外脆內暖 正呀之後炸魷魚絲呢個真係要趁熱食 咬落去好有口感而且十分惹味另外係牛舌 一碟有四塊遠遠已經聞到佢哋香味我唔到咬落去係咁juicy最後係荔枝配煙肉捲原來荔枝嘅甜味可以配到煙肉總括嚟講 呢間餐廳係有水準而且好有效率

同好友好耐無坐底好好傾下計，行街經過見到深宵食堂招牌，食串燒可以坐底慢慢食傾下計，一於上Ladder Dundas 3樓試試呢間深宵食堂～店舖採用日式風情設計風格，滿佈櫻花裝飾，天花仲有好多迷你日式雨傘，岩哂女士們～牆身仲貼有日本漫畫海報，播放著日本懷舊歌，仿如置身日本居酒屋般，食飯傾計同樣岩～點餐紙有頗多選擇，包括各種前菜、燒物、炸物、主食等。鰻魚石鍋飯 HK$98鰻魚肉質肥美夠哂厚肉，充滿油脂，口感一流！醬汁甜度剛好，食到底仲有飯焦，好高質，令人回味無窮！煙肉荔枝卷 HK$38清甜荔枝味非常突出，有效中和煙肉的油膩感。鹽燒鯖魚 HK$48外酥內軟，非常鮮美！甲羅燒 HK$78蟹蓋內放滿蟹膏及蟹籽，賣相一流～味道鮮濃，口感順滑，配以烤多士非常搭配！厚燒牛舌 HK$38厚切牛舌口感十足，爽脆多汁。鹽燒雞翼 HK$28燒至金黃香脆的雞翼內裡肉質嫩滑，保持肉汁。焗蠔 HK$48焗蠔肉質肥美，口感滑溜，充滿芝士香。鹽燒秋葵 HK$28秋葵營養豐富，輕烤後仍能保持軟嫩口感。芝士蟹肉大啡菇 HK$48大啡菇肥大肉厚，菇味非常香濃，蟹肉鮮甜，配以溶化的芝士，口感軟嫩。串燒少不了一杯PREMIUM