深仔記茶餐廳

營業中

休息中

星期五20：45入去食飯，員工提咗十萬次九點三要交枱，ok食完走。想嗌小菜又話師父收咗工，食食下飯一大陣煙味係門口攻埋黎，望一望原來全部員工企正門口食煙。趕住收工唔好做生意囉！倒米伙記。😡

前排上網見到呢間幾多人推介，終於黎試下啦兩個人叫左兩個午餐加個茶餐試下佢🤗芝士控嘅我當然選擇芝士嘅野食啦🍽1️⃣招牌炒蛋及芝士汁撈公仔麵配雞扒 招牌炒蛋係滑嘅，芝士汁嘅味道唔算好濃而且公仔麵煮得太耐太淋啦2️⃣招牌炒蛋（轉芝士炒蛋 ＋＄5）及瑞士汁撈公仔麵配瑞士汁雞脾芝士炒蛋落足芝士，食落好好味呀至於瑞士汁雞脾都，雞脾肉質嫩滑，瑞士汁甜度適中唔會話好甜3️⃣招牌炒蛋芝士菠蘿包加鮮牛油菠蘿油就食得多，咁多餡嘅都係第一次好大嘅菠蘿包，一啖咬落去食晒咁多種餡料，估唔到佢地係咁夾嫁，真係好好味！而佢嘅菠蘿包仲有陣陣檸檬味添😂最後埋單每人＄80，午餐黎講都OK，下次可以再黎試埋其他招牌款式

早前見到網上推介, 有個前華星師傅坐陣哩間舖頭, 專登搭的士嚟一試佢個早餐, 入店時間11:24, 幸好趕到, 當時叫了一名職員(紮馬尾頭)點早餐, 她冷淡回答了一句"截咗單", 就立即走開, 我立即話餐牌寫11:30喎, 她理都唔理繼續行, 我再舉起手示意職員, 都係冇人理, 於是我走到近收銀處, 同上述職員了解, 再次冷淡的回應了一句"11:25截單". 真係垃圾到不得了, 咁你間鋪頭就唔好寫早餐到11:30啦, 加上請咗d咁嘅員工...真係祝生意興隆喇！唔需要試, 永不再來......食翻版不如食返正版啦！😡😡😡😡😡😡

論地理位置，港式粉麵食店「深仔記茶餐廳」其實不算非常就腳，食客難以從「尖沙咀」港鐵站出口走出來，只走幾步就能夠直接徒步到達「深仔記茶餐廳」。雖然「深仔記」的而且確是位於遊客熱點旺區「尖沙咀」裡面，但是「深仔記」店舖舖位實際上所處的街道「亞士厘道」，其實屬於「尖沙咀」的內街。所以食客需要從「尖沙咀」港鐵站出口沿着「海防道」一路向前走，再轉左入內街裡面，才發現到頗為隱蔽的「亞士厘道」，跟港式茶餐廳食店「深仔記茶餐廳」。不過，不幸中之大幸的是「深仔記茶餐廳」實際樓面環境面積頗大，場內也不算嘈吵，沒有明顯的電視機新聞報導聲浪滋潤光顧「深仔記茶餐廳」的食客用餐。至於「深仔記茶餐廳」樓面實際上的檯櫈座位實際數目，其實算是頗多，除非繁忙時間光顧，否則食客不用擔心找不到檯櫈，也不用擔心遇上「搭檯」的情況發生。至於食品方面，「深仔記茶餐廳」其實屬於以潮州粉麵店作為基礎，然後在潮州粉麵店的食品餐牌裡面，再加入港式茶餐廳食品飲品，令「深仔記茶餐廳」變成潮州粉麵加港式茶餐廳食店。所以食客像我一樣，想在光顧「深仔記茶餐廳」裡面，一次過享用到潮式「牛腩飯」食品，配港式茶餐廳炸「雞髀」、炸「雞翼」小食食品和咖喱飯食

復活節假日夜晚約6點幾嚟到尖沙咀區，晚飯唔知想食什麼，就亂行見到深仔記茶餐廳，唔知好無食，不想再搵食肆，見裡面有好多卡位，勝在唔駛等，就直入去食飯餐牌食物種類太多了，看了10分鐘，因唔想中伏，最後點了個招牌雲吞麵$38和焗咖哩署仔豬扒飯$58，另加杯凍檸茶，要加收$6, 可接受到，不算貴，落單到8分鐘, 先送嚟碗雲吞麵，湯底ok唔會味精太重，麵底爽口，雲吞餡內蝦和豬肉各一半比例，恰到好處，但就較為細粒咗，男士門食完可能未必夠飽反而等了約15分鐘，再嚟個焗咖哩署仔豬扒飯，就值得一讚再讚，個飯送嚟時未放到上枱，已聞到好香咖哩味，看見咖哩汁顏色好黃，點知食落口又不會太辣，好香口，正正對於我怕辣的人，豬扒整得軟硬適中，不鞋,入口嫰，而整個飯和豬扒份量都算多，值得一食，正所謂色香味都有齊但可能因疫情關系，餐廳樓面只1-2個，舉手幾次落單，都無樓面見到，需要有耐性等等雲吞麵焗咖啡署仔豬扒飯

40頭有得食炸大脾，薯條，唔係hea人炸脾多汁，唔係生炸，但係我鐘意的薄薄地脆口粉漿，配粗薯西多，蛋香唔夠，不過內餡有花生醬救返下午茶，hea下蛇下之選唯一係，凍檸檬茶，茶底唔夠濃

深仔記一直尖沙咀打工仔lunch嘅熱點，一到lunchtime呢度仲要排隊🧐但好在裏面座位多，唔洗等好耐就可以入到去，環境裝修新穎，用藍色做主題，茶餐廳較少見1️⃣菜遠斑腩炒河（$58）正常嘅味道😂，炒河幾好食，斑腩都有稍為炸過但個㳄有啲太多，偏咸2️⃣豬扒炒烏冬（$58）呢個偏咸，較油膩且豉油落得太多，烏冬有啲酸味，估計係批發嘅烏冬味道，希望唔喺過期變質... 🥲但豬扒調味幾好食，入味而且易咬，肉質嫩🤤 大致上，食物質素ok,冇咩太大特點，但等待上菜時間有啲耐🥲我地同隔離位一齊落單，人地到齊，我地仲未有，而且待應見到隔離枱啲飯都到齊仲將本身係我地枱嘅飯就咁擺係隔離枱，落單有啲混亂😕上菜時間長絕對喺打工仔餐廳嘅一大缺點

有日放假行尖沙咀！諗住嘆番個瑞士雞脾飯@~點知去到收銀處落單嗰陣時~果個收銀姐姐話瑞士雞脾賣哂^_^咁我唯有再睇餐牌到最後叫咗個黑椒雜扒飯+凍奶茶...落完單前後應該唔會一分鐘就攞得！出餐真係好快雞中翼,腸仔,牛扒同豬扒~再加睇落去好濃烈嘅黑椒汁~牛扒掩到淋有苦味：豬扒太硬腸仔同雞翼一般！而份量都不細！雜菜有椰材,紅蔔白不過煮得太淋飯底夠軟熱,而且好多！D黑椒汁幾辣！真的挺辣，要小心小心！咁大碟飯食完都好飽肚！9至於杯凍奶茶，茶味就淡咗少少！服務方面主要係態度問題伙記係度吹水,唔認真得嚟！仲聽到水吧同樓面.講粗口~叫幾次埋單,走果陣多謝都無~應該唔會再嚟！！

四十幾蚊個茶餐唔算平！不過在尖沙咀嚟講都可接受！而且份量都算多叫咗個下午茶餐星州炒米，但好奇怪，面頭無問題，但翻㡳果啲！偏濕！似燘米多啲無嘜鑊氣！並且無嘜味笫一次食星州炒米要落辣椒油其實下午茶嚟講佢算足料！可惜！不過要讚吓佢嘅辣椒油！幾香而且檸茶夠濃

晏就口痕就去左深仔記食個tea叫左個瑞士脾公仔面瑞士脾都算幾入味幾滑 可以再食公仔面係雞湯底 正正常常啦阿華田.. 有味！😂 因為實在太多餐廳都瘋狂溝水 依杯都算係ok

今日有啲想食蝦仁炒蛋飯，所以去咗尖沙咀間旺記。佢哋嘅滑蛋飯係我暫時喺香港食過最好食嘅。點知，要我等位，我太肚餓所以去咗隔離嗰間深仔記，結果唔好食，呢一間又係啲好多款式嘅茶餐廳，所以啲食物都唔會太精，我叫咗個滑蛋蝦仁飯，佢標榜係牛奶公司炒蛋，但係佢啲蛋完全冇味，無蛋味，佢啲蝦係最平嘅雪藏蝦，佢個飯係靠加啲蔥同豉油吊下味，個飯底仲要濕濕地。唯一賣點係個飯大過旺記小小，半價都唔會再食，下次都係隔離等多一陣完。

本身出尖沙咀係想食另一間茶餐廳既 不過果間冇開 係附近周圍行見到佢個menu幾吸引就入左去喇朋友叫左個常餐 我就叫左個炒蛋及芝士汁配公仔麵 個芝士汁同想像中有d唔同 似白汁多d 不過味道唔錯的 雞扒都幾大塊同埋啖啖肉 炒蛋個生熟度做得幾好 夠滑 同埋仲有少少流汁 而咖啡奶茶果d就不過不失啦 一般茶餐廳水準

tst返工既你每日返工最少都$50，深仔記都係依個價但係選擇都多，成日諗唔到食乜就去依度食。不過lunch時間好多人，都要等5-10分鐘先有位入。每日有不同lunch set，$60有找，有野飲都掋食㗎其實，又大碟喎，食到飽一飽。只要講出你想食嘅應該都可以滿足到你。今日就食左個芝士雞扒撈麵$54，芝士味略為淡，同「新記」冇得比，不過都滿足既，但係食食下好「濟」。雞批好煎過好香口。個炒蛋冇味。之後食咗個乾炒牛河$58，個師傅炒野好似睇心情，有時好夠味好有鑊氣，有時d河粉色都冇。今次食好食要俾你哋望吓都幾多牛肉㗎～加$3有得飲凍嘢飲，杯凍檸茶茶味好淡，但係咁鬼熱既天氣勝在夠涷。每啖都飲得好爽。 熱阿華田間間飲都係好淡 ，因為通常會加好多水，但係佢竟然夠味。岀奇地要好評下佢餐廳入面位置其實都好多，長期都爆滿要等位，可能啲人都覺得抵食同埋好食，尖沙咀食lunch呢間真係好好嘅選擇。兩個人食$115，尖沙咀來講合理價錢，會成日食。

放假行開尖沙咀，諗起深仔記，走嚟食吓佢個滑蛋叉燒飯，賣相好靚，一上枱已經心心眼！佢地嘅叉燒切得好豪邁，大大塊咁，食得滿足！滑蛋剛剛好鋪滿成隻碟，啖啖飯都食到有蛋，比較特別係滑蛋仲加咗蔥花，多咗蔥香，炒蛋變得更滋味更有層次，不得不提仲有個甜豉油，撈埋滑蛋一齊食，不知不覺會清晒成碟飯！餐廳大部份位置都係卡位，坐得舒服，老實講在尖咀搵間好坐而且唔迫嘅茶記真係唔易，加上侍應都好友善，佢地生意咁好都係有原因嘅！

平常都好鍾意食薯條，但係要搵一間好食嘅薯條真係好難，同事熱烈推介呢一間深仔記炸薯條。反正做嘢做得晏，都要買啲嘢食，就買咗一盒外賣炸薯條，雖然係外賣，但係佢係個盒邊開咗個個俾佢唞氣返到打開之後，食緊嘅時候發現薯條仲好香脆，薯條外皮有用粉包住先去炸，所以特別脆，薯條比較粗身炸完出嚟心軟軟綿綿，有薯蓉感覺，好好食。比我預期嘅好好多，係我會比好高分嘅薯條🍟總括而言，炸薯條性價比好高，比平時快餐店好好多，佢仲係即叫即做，我覺得好有驚喜