海 三碗麵

營業中

休息中

湯底極足料煲成，伊麵咬口極好，燒牛肉燒得啱啱好😋 本身對湯麵冇太大期待，但呢間真係💯！餐廳得一個老闆由廚房到樓面到收銀自己做哂，舖頭得三張二人枱，都等咗一陣先入得，不過咁好食都抵返哂！🤩餐牌得三款麵，但絕對係貴精不貴多！今次試咗兩款：胡椒豬骨濃湯伊麵，濃湯胡椒味好重，但又唔會太嗆喉，啲味較得啱啱好😋 金華火腿煲雞濃湯伊麵，金華火腿好入味，應該煲咗好耐，中式嘅湯又意外地同伊麵好夾，食完仲飲哂啲湯添😛

如果你鍾意食嘢，應該對呢個碟牛肉唔陌生，就係呢個相傳神級燒牛肉伊麵🤣 無第二樣嘢㗎啦，成間鋪就係賣呢個伊麵，但有三款湯底畀你揀，piggy就揀咗胡椒豬骨，好夠胡椒味但又唔太辣，個燒牛肉呢， 一面微燶一面粉紅色，一食落口piggy忍唔住叫咗出嚟🙈 對面個靚女都忍唔住話係呀好好食㗎🤣🤣🤣 就係咁又多個朋友🤪原來靚女成日嚟食仲推介金華火腿湯底俾piggy，睇嚟都要搵個好日子再嚟😬

呢間伊麵店真係我慕名而來！！因為網上好多人都話要排一個鐘先食到，所以喺佢未開門之前已經要來排定隊先🥲🥲建議大熱天時就唔好搵命博啦，因為見證住前面嘅女仔因為排得太耐而暈倒啊🫠🌟海蝦濃湯燒牛肉伊麵($85)好食就一定好食，因為老闆真係慢工出細貨，我哋喺出面排咗咁耐隊，就睇住佢整咁耐🤣好不容易排到入去，落咗單之後老闆先會燒香啲牛肉👍🏻👍🏻保證夠熱夠惹味！牛肉食落口又香又有油脂味，好好味呀🤩🤩至於湯底，睇呢個顏色都知夠濃😋蝦味當然十足，更唔會飲到味精味👍🏻👍🏻而麵底軟硬適中，用伊麵配合海蝦湯底，真係勁夾呀🤤📍總結：如果唔係太多人排隊真係想食多幾次呀🥺

呢間舖頭位於尖沙咀韓國街入面一間小店。全間店舖只有六個座位，三張二人枱。人手只有一位！老闆同時係廚師，亦都係接待員同清潔員！聽講開幕初期無論你幾時嚟總會見到門外有幾個客人等緊，有時候等候時間更加需要個幾至兩小時！（因為地方同人手真係有限）舖頭只有三碗麵可以選擇！分別最主要係個湯底！牛肉都係一樣！牛肉肉質都算唔錯！幾有牛肉味！老闆係用火槍將牛肉燒熟👍🏻不過我嗰日碟嘅牛肉的確比較生，個底比較生感覺似medium rare，面頭就OK嘅！如果大家唔想食咁生一定要同老闆講聲！講返個湯底先!今次叫左2碗麵💙海鮮濃湯伊麵飲落去嘅感覺就好似有好多隻櫻花蝦一樣，超級濃味！都唔算太口渴、太味！💚胡椒豬骨濃湯伊麵胡椒味有少少強勁，食落去感覺有啲辣兩款湯底比較我會選擇海鮮濃湯多啲👍🏻伊麵方面不算太掛湯，不過喺香港好少識到伊麵湯面，所以感覺都幾特別👍🏻🔵整體來講都覺得唔錯👍🏻不過要有心理準備等候時間會比較長!

見viu套<宵夜宵到過埋夜>介紹覺得好吸引，搵左個星期日去試試。2:00 鐘開門，唸住1:45早d到希望第一批入到，點知前面比我地早排隊既人已經好多，最後要等到第3批先入到，嗰時已經3:15。之前已經知道店主係一個人做曬所有嘢，有心理準備要等，只係黎到先知道店內得3張2人位，所以有d surprise，亦明白點解要等咁耐。我地叫左蝦濃湯燒牛肉伊麵，等左大概3-4個字。燒牛肉真係好好食，本身牛肉質素高，店主再用火槍炙燒，油脂同香味逼曬出黎🤤 伊麵質感正常，無乜特別。但蝦湯底真係有d失望，見comment好多都話好濃好好飲，但嗰日我食既湯底，顏色係好橙色，但味道就唔濃，可能期望太高，有失望到。總結，如果排咁耐隊，但overall 得牛肉比較出色，就未必會有下次喇。

海蝦濃湯roast beef伊麵湯底見到微橙色，先試一口湯，感受到大量海蝦頭連蝦膏長時間熬製湯底。 下一步將麵面的蔥花及櫻花蝦壓底沉入湯底撈勻，再試多一口湯連同少許櫻花蝦及蔥花。感受櫻花蝦將濃湯進一步提鮮，蔥花將油膩感以青草香消除。燒牛肉用火鎗只燒單面至半熟，向碗的一面完全生，表面鋪上蔥花及櫻花蝦。 可先襯熱先試一塊， 油脂感豐富，蔥花在此套餐解油去腥特別有作用。 要將蝦湯再進一步提鮮， 建議襯熱將成碗牛肉連蔥，櫻花蝦倒到蝦湯中。 之後再試第三口又再次升級的濃上濃，油上油的蝦湯。正式開食， 將伊麵慢慢夾到匙羹上，配以湯，蔥花，櫻花蝦，燒牛肉入口。 牛肉的油脂感及嫩滑口感配以海洋感十足的蝦湯，想不到廚師選用伊麵這種油炸蛋麵是為了用輕微的蛋味去進一步提鮮，再加上櫻花蝦加持下，這一口麵鮮味特濃特鮮但是特油！ 蔥花在此刻有關鍵性作用就是袪油除腥！ 凡是海鮮製作湯麵都要襯熱食，另外炙熱牛肉都係要在場現燒現食先有意思。 排隊現場食先可以體現到廚師的特有心思。 特別製作濃湯麵，香港地買少見少。評語：一路食一路感受到廚師的鋪排。 首先，不宜走蔥。 我猜測廚師是想獨孤一味將海鮮感最大化，然後用蔥花收皮

放工排咗一轉枱（6個位）嘅隊（約半個鐘）就食到啦！一坐低，好nice嘅老板就幫我哋落單，3張枱都一早諗好咗要咩，咁啱3張枱一齊都係一蝦一雞嘅組合😎😎😎。我揀咗蝦湯，男朋友揀咗金華火腿雞，個蝦湯好似落咗海量嘅蝦殼同頭去煲，好味到癲！而個金華火腿雞，我起碼偷咗5次嚟飲。每個麵都係配咗1份伊麵同一份牛肉，但如果有得揀，我可以俾哂啲牛同伊麵男朋友食，但我要哂兩碗湯！問咗老闆，開下午兩點，close at 10pm, 仲可以叫外賣！下次再嚟就大鑊，兩個湯都咁好味，要邊碗好？

海 三碗麵🇭🇰"人生三碗麵 人面•情面•場面"6人座位小店由店主一手打理🥹只賣3款濃湯麵🍜可見店主對食材同烹調嘅心思同專業🤍大家絕對要比多啲耐性🫶🏻每碗麵都係心機之作🥰﹎﹎﹎﹎﹎﹎﹎﹎﹎﹎﹎﹎﹎﹎﹎/海蝦濃湯𝑅𝑜𝑎𝑠𝑡 𝐵𝑒𝑒𝑓伊麵 $85/ (4.85/5)海蝦濃湯係店主炒香蝦殻蝦頭每日親自熬製🦐一飲就feel到鮮味爆發🌊足料海蝦鮮甜又有膏同海水味餘韻🍤重口味嘅多肉妹偏愛呢款🥰望落深橙色🧡店主做到濃郁而唔會太杰身 所以唔小心飲晒成碗都唔膩😋無味精唔會覺得口渴💦伊麵口感彈牙煙韌 比一般酒樓伊麵粗身少少 但係唔太掛湯🙈推介食法係一羹湯擺幾條麵成啖食☺️/金華火腿煲雞濃湯𝑅𝑜𝑎𝑠𝑡 𝐵𝑒𝑒𝑓伊麵 $85/ (4.4/5)比較清但係豐富層次感嘅湯底😍首先係金華火腿嘅鹹香 再慢慢飄出鮮甜嘅雞味同有雞嘅膠質🐣覺得如果有啲火腿條點綴吓會仲惹味🐖-𝑅𝑜𝑎𝑠𝑡 𝐵𝑒𝑒𝑓 (4.9/5)即切即用火槍炙燒嘅牛肋肉🥩油脂感豐富 牛味濃郁🐄薄切肉質好軟稔 煙燻同微焦嘅邊邊好香🔥簡單用鹽🧂同黑胡椒調味帶出牛味 夾埋蝦油 櫻花蝦🌸同葱味道昇華🤩﹎﹎﹎﹎﹎﹎﹎﹎﹎﹎﹎﹎﹎﹎﹎﹎

成個menu只係有3️⃣款湯底，1️⃣種麵，每碗麵跟一碟roast beef，不過重質不重量。餐廳亦都係只有3️⃣張枱，6️⃣張櫈，1️⃣個員工，就係老闆自己，所有嘢都係老闆主理，所以等候需時，不過值得。湯底-海蝦濃湯🦐-金華火腿煲雞濃湯🐥-胡椒豬骨濃湯🐷海蝦濃湯最impressive，湯底橙紅色🧡，視覺上已經好吸引，味道濃郁，係蝦嘅鮮味🤩，湯上面仲放咗啲櫻花蝦🦐。食完碗麵會飲埋佢啲湯😵。胡椒豬骨濃湯鹹香，好重胡椒味，飲落辣辣地🌶。伊麵偏林，索晒啲湯汁好入味😋。Roast beef🐮用咗pepper醃製，廚師手切，然後用火槍燒🔥。上枱嘅時候牛肉係帶少少粉紅，口感軟腍多肉汁🤤，牛肉上面鋪咗櫻花蝦同少少蔥，令到味覺口感上更加有層次。

《海 三碗麵》一間站於尖沙咀一人餐廳嘅小店，餐牌只有3個選擇🤣店鋪真係一啲都吾起眼行過都睇吾到而且得3張枱6個位☹️💖但食過絕對系令您會翻轉頭再食嘅餐廳😍---🦐海蝦濃湯Roast Beef伊麵($85)⚠️重口味人士注意⚠️呢個湯絕對要試⚠️個湯蝦味好香濃好鮮甜😍另外仲加左櫻花蝦令蝦味濃上加濃👏個人認為伊麵比較淋身🙌但都無影響到整體🥰好好食 🐖金華火腿煲雞濃湯Roast Beef伊麵 ($85)呢個湯飮落較舒服，首先佢好濃郁雞味個湯，但飮落好清一啲油都無😭💖 🥩Roast Beef每份湯面都配一份燒牛肉!!!!老闆切片後加上少少調味再用火槍燒，最後架上蔥花同櫻花蝦🥺💖勁有驚喜個牛！食落好滑好淋，重點系一啲筋都無😭😭未去到入口即溶但係肉質極鮮嫩💕 店舖真係太細得3張枱，所以去之前都預要排隊🙏加上得老闆一個人做曬所以工作而且老闆好有禮貌🥺♥️feel到每個湯佢都用心去煲出嚟 respect 🥹會再翻嚟食---(5🧸為滿分)賣相：🧸🧸🧸🧸味道：🧸🧸🧸🧸環境：🧸🧸🧸價錢：🧸🧸🧸服務：🧸🧸🧸---海 三碗麵 地址: 尖沙咀金巴利街1D-1L號地舖

伊面第一可能會想起感激我遇見這首歌，也會想起都市傳說的蟹肉或蝦球伊麵，d人話去飲時入席前點返個蝦球伊麵或者蟹肉伊麵，人情就可以返本！有上面的想法就知我甚麽年代的香港人了！這店子就有齊這八九十年代的風格，上世紀d人先有食伊面的習慣，佢有八九十年代的去食餐飯一定要等位的習慣，加上伊面比人有一種高級食材的想法，八九十年代想法，如果沒有排隊的餐廳就不要去吃了。其次是沒有人會提供服務（例如斟茶遞水),由於店舖內只有老闆一人，服務是下單，準備食物，收錢，有冇客人要回水呢(只是開玩笑）？店名叫三碗麵，但約三個人去就…所以最好約二個人去，全店只人得六個位，所以唔好約多過六個人。強烈要求老闆快d開大舖，請多幾個伙記，由於伊面在湯底下會出油，令到食到最後時個湯好油，加設冷伊面麵食法或者沾麵這種食法，或食到最後可以比一碗白飯做一個米炊的食法，就可飲灑這個湯底，不會浪費煲湯的心血。牛肉正湯正麵是少數餐廳做。老闆等你開大舖！等待真係太久

韓國街嘅一間好細嘅小店，唔留神，隨時行過都冇發現到。留意呢間店舖其實下午2點先開，但係未夠1:30 ，就有人開始排隊。經過嘅人都會好好奇咁樣問吓究竟係邊間店舖排咁長龍！細細嘅店舖只有三張兩人枱，全店只有一個人負責煮，加洗碗，加收錢，加樓面，所以絕對要係放鬆嘅心情去食，唔會好似出邊快餐咁樣嘅速度。雖然係等咗好耐，但係由喺出邊排隊開始，直至坐喺入邊，最後到自己親口品嚐得到，就會知道個湯底係幾咁有心機同真材實料！我地叫左海蝦濃湯同金華火腿煲雞濃湯伊麵，每份都配一碟灸燒牛肉。湯底濃郁又冇味精又唔油膩，絕對慢工出細貨！個人比較喜歡海蝦湯底，因為未試過咁清又香同濃嘅湯底，而金華火腿就有d似屋企落重料嘅老火湯。由於牛肉係等麵煮好時火炙，所以到上枱已有d凍咗，不過依然美味。有牛肉味，面頭熟背地生，係我鍾意嘅口感同未到，加上有多蔥同櫻花蝦，包住一口食落去好正！雖然menu有漢堡，但未必食到，要睇老闆心情，真係要睇彩數！

又來了！🤤今次帶家母嚟食，佢食蝦湯，我食胡椒豬骨．海蝦湯今次嗒真啲雖然唔係濃厚湯底（正常湯水稀稠度）但蝦味十足 仲食到些許的蝦膏香家母表示好味到想飲晒成碗湯真係冇味精 所以食完都唔會話好頸渴．我叫左胡椒豬骨湯胡椒味先「味」奪人 好香好濃但最近咁熱就有少少少刺激得濟同埋極度怕辣嘅人都唔推薦食胡椒豬骨個人為食tips:可以將牛肉碟上夾剩嘅櫻花蝦同蔥粒倒入胡椒豬骨湯，櫻花蝦同蔥粒佔咗些許牛肉嘅油，加入湯好似增添左胡椒豬骨湯嘅層次，個人覺得為胡椒豬骨湯再生色不少～．今次再試真啲嗰roasted beef🤤🤤🤤好好味呀呀呀（薛家燕 - 食神）今次鹹度適中；唔會過韌；唔會臊家母讚爆🤣👍🏽👍🏽．同埋唔係坐喺門口，冷氣冇吹到咁正碗麵食到最後都仲keep住熱同埋今次識食 食左啲牛肉先 盡量係碗麵食到一半之前食完啲牛冇吹到凍哂嘅牛肉真係好好味夾埋啲櫻花蝦同蔥粒一齊食 將成個牛味昇華．家母表示「$90蚊有碟牛 牛份量又唔少 牛同麵都咁好味」．只要你捱得住排隊嗰關，咁依間海三碗麵CP值係幾高(˶‾᷄ ⁻̫ ‾᷅˵)

呢間嘢喺婚紗街 超級少位置好似得三張枱？上菜超慢， 如果趕時間嘅就真係唔好去食.但係你見到老闆好專心咁整緊碗麵嘅時候其實好吸引好似做緊一樣藝術品出嚟俾你去食咁樣呢度有三款湯底一款係濃蝦一款係雞湯 老闆 有問我想唔想再濃啲，最後佢幫我整咗個超級濃縮版. 每一啖都係蝦米伊麵吸收晒啲湯最後話連湯都飲晒. 燒牛肉都very OK好上枱之前會再放一隻. 牛肉好嫩冇咋. 略嫌黑椒味重咗少少. 老闆都好Nice, 好照顧客人嘅意見最衰嘅就係食吾到佢個和牛漢堡

烤炙牛肉 海蝦濃湯伊麵 Grilled Roast Beef with Prawn Bisque E Fu noodles 🍜🐮🦐 ~ HKD $90. A small, independent noodles shop with only 1 guy running it. With 3 recipes only, actually there was an elusive 4th recipe a Roasted Beef Burger 🍔 #海牛寶 but owner said he is too busy to make it these days, especially when he needs to cook up & replenish 3 very distinct flavor pots of soups from ground up everyday❣【海 三碗麵, TST, Hong Kong 🇭🇰】🌊🌊 Everyone is different, but surprisingly I am highly hooked with their noodles