海 三碗麵

營業中

休息中

每次經過尖沙咀韓國街都見到好多人排隊既「海．三碗麵」，趁放假終於的起心肝嚟試一試😋舖面裝修好簡單，成間舖得3張二人枱，只有老闆一人打理，由落單到上菜都要俾D耐性，慢工出細貨。店內全部麵都係用伊麵做底，只有3款湯底選擇，所有湯底都係由老闆每日新鮮熬製10幾個鐘，絕對真材實料，冇加味精👍湯底分別有海蝦濃湯、金華火腿煲雞濃湯同埋1款期間限定，每碗麵都配有煙燻灸燒牛肉，今次試下海蝦濃湯伊麵($90)同埋金華火腿煲雞伊麵($90)🍜海蝦濃湯伊麵 $90湯底既蝦味非常濃郁，完全唔會覺得油膩👍飲得出係真材實料，熬足10幾個鐘，湯底完全吸收哂海蝦既精華😋又冇加味精，食哂成碗都唔會覺得口渴😊牛肉舖上櫻花蝦同埋蔥花，牛肉既份量好足，聞落有少少煙熏味，食落有油脂既香味，肉質都好軟腍，厚薄適中，配合碗麵一齊食，簡直係絕配🤩🌟 Lamlam脷指數 😋😋😋😋😋 (5/5)🍜金華火腿煲雞伊麵 $90一上枱就聞到好香既金華火腿味，第一啖飲個湯非常鮮甜，飲到雞既鮮味，食既時候仲會食到金華火腿絲，真係好足料🤩伊麵麵質彈牙煙韌，好掛湯👍金華火腿煲雞湯雖然冇海蝦濃湯咁重口味，但係金華火腿雞湯配合伊麵一齊食更加夾，鐘意食清淡D

大家想試呢間餐廳要有定心理準備,係考驗你既堅持💪🏻同腳骨力🦵🏻, 小編就等左1個鐘先食到, 鋪頭只有3張枱真係慢工出細🔥🍜 海蝦濃湯Roast Beef 伊麵 $90蝦湯好濃郁仲好有鮮味, 味道比較重🍜 金華火腿雞濃湯Roast Beef 伊麵 $90對比起蝦湯, 雞湯比較清香, 有金華火腿既咸香味, 好好飲🌟 小編揀既都係固定款, 而第三款會不定時更新涼湯底📍 海 三碗麵地址: 尖沙咀金巴利街1D-1L號地舖※※※※※※※※※※※※※※※※※※※※※※※※※※※

每日有三款自家製嘅湯底，海蝦濃湯同金華火腿湯底係固定嘅，麵同餸都係固定左係伊麵同燒牛肉燒牛肉係用火槍輕輕燒一燒表層，燒至半生熟，再用簡單嘅胡椒同鹽去調味，牛肉味幾濃，口感幾嫩伊麵口感煙韌，但係唔算好掛湯，所以建議一啖湯擺幾條麵一齊食🙈不過喺香港以伊麵做麵底嘅餐廳真係比較少，如果係鍾意食伊麵的話值得一試。▪️海蝦濃湯ʀᴏᴀsᴛ ʙᴇᴇғ伊麵 $𝟿𝟶用炒香咗嘅蝦殼蝦頭熬製而成既海蝦濃湯，蝦味好濃郁，好鮮甜，忍唔住飲晒成碗湯▪️金華火腿煲雞濃湯ʀᴏᴀsᴛ ʙᴇᴇғ 伊麵 $𝟿𝟶略嫌雞湯嘅味道有啲蓋過金華火腿嘅味道，但金華火腿味都入味，所以兩個湯底比較我會推介海蝦濃湯😙

店舖門外無營業時間，Google寫兩點，準時去到排第二，但門外仍掛上「稍後片刻」一等就由兩點等到三點，足足成粒鐘，見入面老闆似兩點先開始煮，門口寫人生三碗麵：人面、情面、場面，我就覺得老闆完全無人情面，由啲食客喺外邊等待，唔會出嚟解釋吓要等幾耐，又唔放人入去坐吓，而大多數食客應該就係睇咗食評或者youtuber 推薦先走嚟一嘗味道，結果中晒伏，而我就係越等越唔捨得離開，覺得都等咗咁耐，成件事好6uo！無下次！

海 三碗麵 📍尖沙咀金巴利街1D-1L號地舖━━━━━━━━━━━━━━━━━━━━━━━━━━━━比呢間老闆親自煮麵嘅麵店吸引咗好耐 呢度湯底係冇味精 仲用咗出面少見嘅伊麵做麵底😲嗰日平日夜晚六點幾嚟 最後都係七點幾先入座 入座大概再等十幾分鐘就有得食 留意返趕時間就唔好嚟啦 同埋記得帶現金❗━━━━━━━━━━━━━━━━━━━━━━━━━━━━🍜 海蝦濃湯Roast Beef伊麵▶︎ 蝦湯伊麵 灑上櫻花蝦乾同蔥 另外配上炙燒牛肉 ▶︎可以親眼見住老闆煮麵嘅過程👀 首先老闆會現切牛肉 擺落細碟度 跟住撒鹽同油 然後炙燒到變色 加蔥花 再燒多次 再加櫻花蝦乾 跟住就會去煮麵 大概幾十秒就撈出嚟 最後為麵加上濃湯 再略略燒返熱牛肉 ▶︎ 牛肉上檯有好香嘅炙燒味 不過覺得唔夠熱🤔 牛肉係有嚼口嘅 半熟不過有啲地方會有筋所以有啲難咬🫣 第一啖覺得偏鹹 之後就還好👌🏻 有淡淡胡椒味 ▶︎ 伊麵比較軟身 個人比較鐘意有咬口啲嘅麵🤫 不過幾掛汁同入味🤤 麵嘅分量偏少 食完有意猶未盡嘅感覺🤫▶︎ 幾鐘意嗰湯底 蝦味幾出同唔會好鹹 加上櫻花蝦蝦味更濃郁 食完真係唔會口渴🤩 好味指數:●●●●○━━━━━━

我唔知味道如何..淨係知道我1.45pm開始排隊..2.45pm都未開門..一係Openrice老點..一係老闆冇時間觀念..Any肥.. black listed..你全日好空閒嘅可以去試吓自己腳骨力..🤷🏻‍♀️

從網上媒體知道尖沙咀金巴利街開了一間本地麵店，雖然沒有雜誌大肆報道，但口碑出奇地好。據說，開業後一年下來，無論任何時段，想幫襯就一定要排隊，隨時要排一個鐘頭以上！小編不禁聯想起日本當地的人氣小店 ⋯⋯ 到底「海· 三碗麵」是否有其過人之處？又係唔係真係要排隊一粒鐘？今晚終於戚起心肝去一探究竟。小店位於金巴利街街尾，去到已經有六個人在排隊。以為人少少，等一會兒就可以入座；但小店實在太細，容納人數有限，晚上8點左右去到排隊，排到9:10左右才能入內！網上傳言真係冇呃人！拉開趟門先要行上三級樓梯。店內間隔很窄，左半邊是廚房，右半邊的僅餘空間就僻為座位區，勉強放下三張細方枱，同一時間只可以招呼6位客人。仍然不理解點解要排一粒鐘：6個人排隊，店內又剛好可以招呼6位客人；冇理由每個人要食一粒鐘㗎？一如麵店名字，餐牌只有三款麵，全部一律配搭燒牛肉及伊麵，分別只在湯底：海蝦濃湯（$90）、金華火腿煲雞濃湯（$90）及忌廉廣島蠔湯（$110）。前兩者係常駐餐牌，第三款湯底就不定期轉換口味，聽其他客人同老闆對話，原來早兩三個星期還是胡椒豬骨濃湯。小店只由兩個人運作。老闆娘負責落單、收拾枱面及其他瑣碎工作，

平時去尖沙咀都好想試下海三碗麵，但係入面只有6個座位，而且有好多人排隊，所以一直都冇機會食。今次見有時間就去排吓隊，7pm去到嘅時候前面有10個人，排緊嘅時候，一直都冇安排入座，所以好多個人放棄。等咗105分鐘，終於有得食。海蝦濃湯roast beef伊麵 ($90)嚟到嘅時候，蝦香味好濃，賣相好吸引。雖然牛肉不是貴價高質牛，但用火槍燒過牛肉，半生熟，肉質很嫩，味道不錯。湯的蝦味十足，但少了些層次。而伊麵食落較淋，沒有口感，應該煮的時間過長。😼小熊私心評分：78/100整體來說是不錯的，只係伊麵太腍，味道和服務都不錯。但係如果要排隊咁長時間的話，就應該不了。

尖沙咀名氣食店，店內只有六人座位，之前經過想試好多次，每次都有幾個人排緊隊，所以未食過。今次平日晚上難得係尖沙咀嗰頭，即刻行過去碰吓運氣。等咗兩三個字就有位可以入座。老闆推介今期忌廉廣島蠔湯，話做三個禮拜，即刻試吓，另一碗就叫咗海蝦濃湯。老闆即叫即煮，牛肉已經烤熟咗外面，即時切薄片，再用火槍燒至三至五成熟，好軟滑，配埋個湯底同伊麵，好美味。海蝦濃湯比較濃郁，十分鮮味。忌廉蠔湯亦值得一試，廣島蠔同個忌廉湯底好襯。兩款湯我哋都差唔多飲晒，十分滿足。最重要係返到屋企都無覺得口渴。讚！

餐廳門口無標明自己幾點開門，但Openrice寫14:00，而餐廳又只有3張枱，就早左少少 約13:58到餐廳門口，已經有5個人等緊等到14:15 餐廳都未有想開門既意思，直到15:04餐廳先開燈，放客人入去所以餐廳既開門時間係不定的😂😂😂等左足足兩小時，15:54終於入去坐底一入到去既時候，就見到個筷子🥢幾精美，等左10分鐘左右就上麵了-海蝦濃湯Roast Beef伊麵 $90鮮甜既湯底，伊麵就唔算好吸湯，但都好夾對於水上人黎講，以前都食開新鮮海鮮既話，係好懷念既味道(˶‾᷄ ⁻̫ ‾᷅˵)-金華火腿煲雞濃湯Roast Beef伊麵 $90金華火腿鹹香既口味，好有層次(●°u°●)​ 」配合用火槍炙燒既牛肋肉 個湯會更加濃味每碗麵都會配有一份用火槍炙燒既牛肋肉，口感好嫩滑，牛味都好濃，但唔食🐮人仕可以skip了整體都唔錯，但如果唔鐘意排隊既話，就可以等3點後先黎食，相對就唔駛排咁耐因為上麵都算快，同埋客人大家互相幫助 都唔會食太耐😂

這家麵店應該也算是網紅店吧，看到網上有很多人推薦，這家店只有做三種款式的麵，基本上除了湯底，炙燒牛肉和麵底都是一樣的我放假去了兩次都發現是關門的，可是我就是不信邪，第三次去終於發現老闆有開門了！當時下午1點多發現老闆在店舖裏準備，上網看到應該是2點開門，那就先逛逛再回去，到了2點發現已經有人開始在排隊！當下我真的恨自己為什麼要走去逛街，因為店舖裏面只有三張二人桌子我剛巧是下一輪，最終等了兩小時才可以入座😭老闆很斯文有禮貌，一入座他就馬上跟我們說抱歉要我們等了這麼久，我立馬覺得也沒所謂了😂但等了這麼久我要把三碗麵都吃一遍！分別有海蝦濃湯Roast Beef伊麵，胡椒豬骨濃湯Roast Beef伊麵，金華火腿煲雞濃湯Roast Beef伊麵，售價都是$90💰蝦湯比我想像中淡一點點，但無味精喝光也不會覺得膩，感覺用料很足胡椒豬骨就比較簡單，就是有很濃厚的胡椒味和豬骨湯味金華火腿煲雞濃湯聽說是比較清淡的，可是我嚐起來就覺得其實並不淡，而且也不會死咸，完全喝到金華火腿和雞湯的鮮味，有驚喜！而炙燒牛肉老闆會只燒表面，然後底層是半生熟，簡單的黑胡椒和鹽去調味，帶出牛肉的味道，肉質軟稔很好吃！這家店我

😋味道：9/10 🏡環境：7/10💰性價比：7/10 👍🏻推薦度：8.5/10.🐼呢間小店只係一人工作 由落單、煮麵、上菜、去到埋單都係老闆一腳踢 所以長期大排長龍 真心respect🥲終於搵日去試下 得3張枱6個位 真係排咗9個字🥹不過結論係的確好好味好值得一試😙如果唔使排隊/排少陣就好正😭小店只售三碗麵 全部都係以一碟火炙牛肉做餸 麵底係伊麵 不過唔同湯底🤤雖然只係三碗麵 但牛肉同湯都好驚艷 好想回訪😢而且老闆都好nice好有熱誠 臨走仲有問啲麵好唔好食😆值得支持的誠意小店👍🏻建議大家唔係peak hour嘅時候去試🥲.🐮Roasted beef火炙牛肉 (10/10)✨首先要講下呢個餸 真係好好味🥹即場見到老闆用火槍燒 大概燒到5成熟用咗櫻花蝦同葱粒調味 加上火槍燒 上枱真係好香🤤油脂分布均勻入口好軟稔 牛肉香味滿滿散發出嚟🥰🦐海蝦濃湯伊麵 $90 (9/10)非常香濃嘅蝦湯😋用炒香咗嘅蝦殼蝦熬製但又唔會好鹹好油嘅感覺😙再加上櫻花蝦同蔥粒 簡單但已經好濃好香伊麵掛湯有彈性 再硬身啲就更好🍖金華火腿煲雞濃湯伊麵 $90 (8/10)如果唔鍾意重口味嘅 呢個湯就啱晒相比蝦湯較清 但有

一開始聽到三碗麵 以為講緊好味到要食三碗先滿足ฅ^•ﻌ•^ฅ˚ ༘♡其實 原來所指嘅係「人生三碗麵」即人、情、場餐廳由老闆一人主理 座位只有三張二人枱客人首先在外排隊 然後見到有枱就自行進內餐牌主打三碗湯麵 貴精不貴多分別係海蝦濃湯、胡椒豬骨濃湯、金華火腿雞湯客人落單後 即叫即做 係透明的玻璃目睹整個製作過程那份細膩和對品質的要求 可感受到老闆的用心和誠意❤️🔖 海蝦濃湯 ʀᴏᴀsᴛ ʙᴇᴇғ 伊麵十分濃郁的湯底 果然充斥著蝦的鮮甜和精華再佈滿一堆櫻花蝦增添口感 不愧為必試熱賣款式初頭擔心無飲品 會唔會食一半到好口渴呢 點知 完全但無呢種感覺喎證明真材實料 無落味精 good good🥰!炙燒牛肋肉 用火燒炙至半生熟脆透 肉質軟腍加埋蔥和櫻蔥蝦一齊食 層次感豐富 幾特別

$90碗，只有三款麵選擇，非常美味，牛肉新鮮，無渣，湯底味濃，無味精，麵份量足，男士也夠飽，是良心食肆，提供的都是優質食材，老闆好有heart，慢工出细貨，感覺是一位紳士，動作優雅（？），一人包辦：掃安心出行，落單，煮，收碗，抹枱，洗碗等，提醒去潮拜需有耐性，排隊要30min才能入座，只有3枱共6座位。。。老闆会待6位客人［都］吃完，才開始料理下一輪6位客人的食物！今次剛巧有兩對情侶買了4碗外賣，我由排隊至食物上枱，大約等了1個小時，那買外賣的情侶也等了45min，還在門外二人吵咀。會再去惠顧，但必慎選人流較少的時間！

Bookmarked 左呢間小店好耐，之前點幾行經但未開門😭，今日一個人做完facial 5點左右就去碰碰運氣啦😺排左半個鐘就入到，覺得算幾好彩喇🤭呢度只由一個人打點成間舖，店舖只有6個座位，環境衛生🫰🏻由烹調，上菜，收銀到清潔都係老闆自己一腳踢，好佩服佢😳餐廳只提供3個湯底既伊麵，分別係海蝦濃湯，金華火腿煲雞濃湯同胡椒豬骨濃湯，全部均配Roast Beef 同伊麵🍜另外仲有個海牛堡🍔，不過聽聞唔係成日有，睇老闆心情😝食客係可以一直欣賞到老闆烹調過程👨🏻‍🍳，我坐係最近老闆煮麵既位置，睇到老闆的一絲不茍同誠意，令我讚嘆🥹老闆會係食客食緊野時開始準備下一round 食客既牛肉份量，見佢好用心咁慢慢切😉到食客入座及點餐後，佢就開始用火槍🔥燒牛肉，然後灑上櫻花蝦，再燒一下最後再灑上蔥花，又再燒湯底絕對唔馬虎，老闆會先將湯渣撈起放在隔到渣既勺上，然後再用湯勺將湯倒在湯渣上，讓湯透過隔渣既勺流到碗上😱再係湯麵灑上櫻花蝦同蔥花後再燒一下過程真係見老闆好用心，所以大約20分鐘左右先有得食，如果趕時間千祈唔好黎😆老闆上麵時會同食客講唔好意思，應該係覺得令食客久等❤️不過其實係我地自願黎食既😂另外，佢連對